(මනෝප්රිය ගුණසේකර)
මහනුවර පොල්ගොල්ලේදී මගී ප්රවාහන බස් රථයකට බෝම්බයක් තබා එහි ගමන් ගත් මඟීන් තිදෙනෙකු ඝාතනය කර තවත් විශාල පිරිසකට තුවාල සිදුකිරීම සඳහා ආධාර අනුබල දීමේ චෝදනාවන්ට වරද පිළිගත් හිටපු කොටි සාමාජිකයින් සිව්දෙනෙකුට කොළඹ මහාධිකරණ විනිසුරු සම්පත් අබේකෝන් මහතා වසර 10 බැගින් බරපතල වැඩ සහිත සිරදඬුවම් අද (02) නියම කළේය.
විත්තිකරුවන් මෙම සිද්ධියට අදාළව වසර 10කට අධික කාලයක් තිස්සේ රිමානඞ් බාරයේ පසුවන බව කියමින් නීතීඥ ලක්ෂමන් පෙරේරා සහ නීතීඥ අසිත විපුලනායක යන මහත්වරුන් ඉදිරිපත් කළ කරුණු සළකා බැලීමෙන් අනතුරුව විත්තිකරුවන්ට නියම කළ සිරදඬුවම් කාලය වසර 05ක කාලයකින් ගෙවී යන පරිදි ක්රියාත්මක කිරීමට විනිසුරුවරයා නියම කළේය.
චෝදනාවට වරද පිළිගැනීම නිසා මෙලෙස දඬුවම් නියම වුයේ විශ්වනාදන් රමේෂ් කුමාර් හෙවත් ඉබ්බන්, කාලිඅම්මන් මනෝහරන් හෙවත් මනෝ, වේලූ යෝගරාජ් හෙවත් සුදා සහ රාමනාදන් නදුදීපන් හෙවත් දීපන් නමැත්තන්ටය.
2008 ජුනි මස 06 වැනිදා හෝ ඊට ආසන්න දිනයක මහනුවර පොල්ගොල්ලේදී මගී ප්රවාහන බස් රථයකට බෝම්බයක් තබා එහි ගමන් ගත් මඟීන් තිදෙනෙකු ඝාතනය කොට තවත් විශාල පිරිසකට තුවාල සිදුකිරීම සඳහා ආධාර අනුබල දුන් බවට නීතීපතිවරයා මෙම විත්තිකරුවන් සිව් දෙනා ඇතුළු විත්තිකරුවන් හයදෙනෙකුට එරෙහිව නඩු පවරා තිබිණි.
මෙම විත්තිකරුවන් සිව්දෙනා පමණක් අත්අඩංගුවට ගෙන සිටි අතර මුත්තුසාමි රාජ්කුමාර් හෙවත් කන්නා සහ නඩරාජා වසන්ත කුමාර් හෙවත් දයාලන් නමැති විත්තිකරුවන් දෙදෙනා අත්අඩංගුවට ගැනීමට නොහැකි වීම නිසා ඔවුන් දෙදෙනා නොමැතිව මෙම නඩුව කැඳවන ලදී.
මෙම නඩුව කැඳවනු ලැබු අවස්ථාවේදී විත්තිකරුවන් අදාළ චෝදනාවන්ට තමන් වරද පිළගන්නා බව දැනුම් දුන්හ.
ඒ අවස්ථාවේදී විත්තිකරුවන් වෙනුවෙන් පෙනී සිටි නීතීඥ ලක්ෂමන් පෙරේරා සහ නීතීඥ අසිත විපුලනායක යන මහත්වරුන් කරුණු ඉදිරිපත් කරමින් තම සේවාදායකයින් මෙම සිද්ධිය සම්බන්ධයෙන් දැඩි ලෙස පශ්චත්තාප වන බවත් ඔවුන් මෙම සිද්ධියට අදාළව වසර 10ක පමණ කාලයක් රිමාන්ඞ් බාරයේ පසුවන හෙයින් ඔවුන්ට ලිහිල් දඬුවම් නියම කරන්නැයි ඉල්ලා සිටියහ.
ඉදිරිපත් වු කරුණු සළකා බැලූ විනිසුරුවරයා විත්තිකරුවන්ට වසර 10ක බරපතල වැඩ සහිත සිරදඬුවම් නියම කොට එය වසර 05ක කාලයකින් ගෙවී යන පරිදි ක්රියාත්මක කිරීමට නියම කළේය.
මෙරට මුහුදු තීරයේදී ගිනි ගැනීමට ලක්වූ එම්. වී.එක්ප්රස් පර්ල් නෞකාව සම්බන්ධයෙන් සිදු කරන විමර්ශනය අවසන් කර කඩිනමින් අධිකරණයට කරුණු වාර්තා කරන්නැයි ක
ශ්රී ලංකා නිදහස් පක්ෂයේ විධායක සභාව කැඳවීම පිළිබඳ සිදුකළ ප්රකාශයකින් සිය කීර්ති නාමයට හානියක් සිදුවී යැයි ද ඊට වන්දි ලෙස රුපියල් කෝටි 100 ක මුදලක් ගෙව
ඉඩමක් විකිණීමේදී ඇතිවීයැයි කියන ආරවුලක් දුරදිග යාමෙන් මොරගහහේන වීදියගොඩ මොහොට්ටිගොඩ ප්රදේශයේ කෝටිපති ව්යාපාරික කතකගේ නිවෙසට ඊයේ හොර රහසේ ඇතුළු ව
සිංගප්පූරුවේ ජාතික විශ්ව විද්යාලයේ දකුණු ආසියානු අධ්යයන ආයතනය සමග පවතින සබඳතා අඛණ්ඩව පවත්වාගැනීම සදහා හිටපු හිටපු මහ කොමසාරිස් සහ පාත්ෆයින්ඩර් ප
ශ්රී ලංකා නිදහස් පක්ෂයේ මැයි රැලිය, නිදහස් සේවක සංගමය ඇතුළු වෘත්තීය සමිති සංවිධානත්වයෙන් මැයි 1 වැනිදා ගම්පහ නගර සභා පිටියේදී පැවැත්වීමට කටයුතු යොදා
ශ්රී ලංකා නිදහස් පක්ෂයේ නව වැඩ බලන මහලේකම්වරයා ලෙසහිටපු ජාතික සංවිධායක පාර්ලිමේන්තු මන්ත්රී දුමින්ද දිසානායක මහතා පත්කර ඇත.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පොල්ගොල්ලේදී බස් රියට බෝම්බ තැබු කොටි සිව්දෙනා වසර 10ක් හිරේට
dilan Tuesday, 02 October 2018 11:57 AM
මොන විහිලුවක්ද මේ..!? මිනිස්සු තුන් දෙනෙක් මරලා අවුරුදු පහයිද සිර දඩුවම?!
Indhika Tuesday, 02 October 2018 12:33 PM
අපිත් මිනිස්සු තුන් දෙනෙක් මරලා වරද පිළිගත්තොත් වසර 5ද හිරේ යන්නේ? එක්කෙනෙක් මැරුවොත් අවුරුදු එකහමාරක්. එහෙමද?
hera Tuesday, 02 October 2018 12:35 PM
මේ වගේ නඩු තීන්දු ජාත්යන්තරයට පෙන්වන්න, කොටින්ගේ හැටි තේරුම් ගන්න.
මම Tuesday, 02 October 2018 01:16 PM
මිනීමැරීමට දඩුවම වසර 10ක් ද ? බස් එකක සෙනග මැරීමට තැත් කිරීම ?
wishwa Tuesday, 02 October 2018 03:56 PM
තුන් දෙනෙක් මරපු විශාල සංඛ්යාවකට තුවාල සිදු කරපු බස් රථයකට අලාබහානි කරපු කොටින්ට අවුරුදු 10 ක් සිර දඬුවම්. රටට හානි කරපු කොටි යුද්ධයේදී මරපු වීර රණ විරුවන්ට මරණ දඬුවම්? මේවා පුදුම නීති. අහන්නත් කණගාටුයි.
athura Wednesday, 03 October 2018 03:56 AM
දැන් අර කොටියට නිදහස දුන්නා කියලා අදහස් දාපු කට්ටිය මේ වගේ එකකට කිසිම ප්රතිචාරයක් නැහැ නේ.