(හර්ෂණ තුෂාර සිල්වා/ ඡායාරූප - ජයමාල් චන්ද්රසිරි)
වෙළෙඳාම හා සංචාරක කර්මාන්තය ඇතුළු ක්ෂේත්ර දියුණු කරමින් නැති වී ගිය සාගර කීර්තිය නැවත ශ්රී ලංකාව වෙත ගෙන ඒම සඳහා දැඩි කැපවීමකින් යුතුව කටයුතු කරන බව ආරක්ෂක රාජ්ය අමාත්ය රුවන් විජයවර්ධන මහතා අද (9) කොළඹ දී පැවැසීය.
ඉන්දීය සාගරය සියලු තර්ජන සහ අභියෝගවලින් නිදහස්ව තබා ගැනීම සඳහා ශ්රී ලංකාව සෑම විටම අනෙකුත් ජාතීන් සමඟ සහයෝගයෙන් කටයුතු කරන බව ද ඒ මහතා එහිදි කීය.
‘උසස් සාගර ආරක්ෂාවක් උදෙසා පුළුල් සාගර දැක්මක්’ යන තේමාව යටතේ කොළඹ ගාලු මුවදොර හෝටලයේ පැවැති ‘8 වැනි ගාලු කථිකාව සහ ජාත්යන්තර සාගර සමුළුවේ’ ආරම්භක සැසියේ ප්රධාන ආරාධිත අමුත්තා ලෙස සහභාගි වෙමින් රාජ්ය අමාත්ය රුවන් විජයවර්ධන මහතා එම කරුණු කීවේය.
ඉන්දීය සාගර කලාපයේ ලොව බලය නිර්මාණය කරන තැනක් බවට පත්වෙමින් තිබෙන බව එම නිසාම අනාගත පරම්පරාවල පැවැත්වීම තහවුරු කිරීම හා සුරක්ෂිත කිරීමේ භාරදූර වගකීමක් අප වෙත පැවැරී ඇතැයි ද කී රාජ්ය අමාත්යවරයා අනාගතයේ කටයුතු තීරණය කිරීමේදීත් වත්මන් කටයුතුවලට බලපෑම් කිරීමේදීත් සාගර විෂය සහ ඒ සම්බන්ධ කටයුතු සැලකිය යුතු සහ වැදගත් සාධකයන් බවට පත්ව තිබෙ බවත් එම නිසා ගාලු කතිකාව වැනි ජාත්යන්තර සාගර සමුළු සාගර ප්රජාවේ සබඳතා වැඩි දියුණු කිරීමට ශක්තිමත් කිරීමට අවස්ථාව සපයන තෝතැන්නක් බවට පත්ව තිබෙන බවත් කියා සිටියේය.
‘‘ඔබ නාවික හුමවාරු කටයුතු දෙස බැලුවොත් ඉන්දීය උප මහද්වීපයේ කටයුතුවලින් සියයට 70කට වඩා වැඩි සංඛ්යාවකට පහසුකම් සපයන්නේ අපි. ඉතා වැදගත් නෞකා මහාමාර්ග ශ්රී ලංකාවට දකුණෙන් පිහිටා තිබෙනවා. එම නෞකා නැගෙනහිර සිට බටහිර බලශක්තිය රැගෙන යනවා. ඉදිරි වසරවලදී අපි වැදගත් පියවර තැබීමට බලාපොරොත්තු වෙනවා.
මේ සියලු කටයුතුවලදී අපි අපේ මිත්රයන්ගේ සහාය, උපකාරය බලාපොරොත්තු වෙනවා. ඉන්දීය සාගරය සියලු තර්ජන සහ අභියෝගවලින් නිදහස් කිරීමට අප සියලු ජාතීන් සමඟ සහයෝගයෙන් කටයුතු කරනවා.
ඉන්දීය සාගර කලාපය 21 වැනි සියවසේ සියල්ල ආකර්ෂණ කරගන්නා කේන්ද්රස්තානය සහ 21 වැනි සියවසේ බලයේ නිර්මාණය කරන ස්ථානය බවට පත්වෙමින් තිබෙන බොහෝ දෙනා විසින් පවසන කරුණක්. ඒ නිසා අනාගත පරම්පරාවල පැවැත්වම තහවුරු කිරීමේ සුවිශේෂී වගකීමක් අප වෙත පැවැරී තිබෙනවා. අපේ සාගර මානව වර්ගයාගේ යහපත සඳහා පමණක් භාවිත කරන බව තහවුරු කිරීම අපේ වගකීම” යැයි ද ආරක්ෂක රාජ්ය අමාත්යවරයා තවදුරටත් කීය.
පාසල් සිසුන්ට පෝෂ්යදායි ආහාර වේලක් ලබා දීමේ වැඩසටහන වෙනුවෙන් ලෝක ආහාර වැඩසටහන මගින් ප්රදානය කළ සබලකරණය කරන ලද සහල් පාසල් වෙත නිකුත් කිරීම වේයන්ගොඩ
ඉරානයට ඊශ්රායල මිසයිල ප්රහාර එල්ල කිරීමත් සමඟ ලෝක වෙළෙඳපොළේ බොරතෙල් සහ රත්තරන් මිල ඉහළ ගොස් ඇතැයි විදේශ මාධ්ය වාර්තා කළේය.
විදුලි සේවකයන් විසිහතරදහසම නඩු දැම්මත් නව විදුලිබල පනත හකුලා නොගන්නා බවත් වැඩි පිරිසක් අධිකරණයට යෑමෙන් වඩාත් හොඳ පනතක් නිර්මාණය කිරීමේ හැකියාව ලැබෙ
දෙවුන්දර මුහුදු තීරයේදී නාවික හමුදාව මගින් අත්අඩංගුවට ගත් රුපියල් කෝටි 380 කට අධික වටිනාකමින් යුත් මත්ද්රව්ය තොගය රජයේ රස පරීක්ෂකවරයා වෙත යොමු කිරී
ගම්පහ දිස්ත්රික්කයේ ප්රදේශ රැසකට ලබන 24 වැනිදා පැය 12 ක කාලයක් ජල සැපයුම අත්හිටුවන බව ජල සම්පාදන හා ජලාපවාහන මණ්ඩලය පවසයි.
ආපදා කළමනාකරණ මධ්යස්ථානය දිවයිනේ වෙරළබඩ ප්රදේශ ආවරණය වන පරිදි දිස්ත්රික්ක දාහතරක කෝටි 13 කට වැඩි වියදමකින් ස්ථාපනය කෙරුණු සුනාමි සහ සුළි සුළං සඳහ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
නැතිවී ගිය සාගර කීර්තිය යළි ගෙනෙන බව රාජ්ය ඇමැති රුවන් කියයි