ටෝකියෝහිදීය (ඒ.එෆ්.පී)
ජපානයේ ඔසාකා වෙත බලපෑ ප්රබල භූමිකම්පාවකින් කුඩා දැරියක සහ තවත් පුද්ගලයකු ජීවිතක්ෂයට පත්ව ඇතැයි එරට රජය සඳහන් කරයි.
ඔසාකා හි දෙවැනි නගරයට බලපෑ මෙම භූමිකම්පාවේ ප්රබලත්වය රික්ටර් මාපකාංක 5.3 ලෙස සටහන් වී තිබේ.
භූමි කම්පාවෙන් වැඩිහිටි පුද්ගලයකු සහ නව හැවිරිදි දැරියක මියගොස් ඇතැයි ද තවත් පුද්ගලයකු මියගොස් ඇති බවට තොරතුරු ලැබී නමුත් එය තහවුරු කළ නොහැකි යැයි ද ජපාන රජයේ ඉහළ පෙළේ ප්රකාශකයකු වන යොෂ්හිහයිඩි සුගා පැවැසීය.
“දැනට අපට දෙදෙනකු මියගිය බවට තොරතුරු ලැබී තිබෙනවා. ඒ වගේම 20කට ආසන්න පිරිසක් තුවාල ලබා තිබෙනවා. ඒ වගේම තවත් පුද්ගලයකු මියගිය බවට තොරතුරු කිහිපයක් ලැබී තියෙනවා. එහෙත් එම තොරතුරු තහවුරු කරන්න බැහැ” යැයි හෙතෙම වාර්තාකරුවන් හමු වේ කීය.
ජීවිතක්ෂයට පත්ව ඇති දැරිය ඔසාකා නගරයේ සිට උතුරට වන්නට පිහිටි තකත්සුකි නගරයේ පාසලක දැරියකි. භූමිකම්පාව හේතුවෙන් පාසලේ ගොඩනැගිල්ලක් කඩා වැටී ඇති අතර එම සුන්බුන්වල හිරවීමෙන් දැරිය මියගොස් තිබේ.
මියගිය අනෙක් පුද්ගලයා 80 හැවිරිදි පසුවූවකු වන අතර තාප්පයක් ඔහු මතට කඩා වැටීමෙන් හෙතෙම ජීවිතක්ෂයට පත්වී ඇත.
බලපෑ මෙම භූමිකම්පාව ප්රබල භූමිකම්පාවක් ලෙස හැඳින්වුවද සුනාමි අනතුරු ඇඟවීමක් නිකුත් කිරීමක් සිදු නොවූ අතර දැඩි හානි සිදුව නැතැයි ද වාර්තා විය. කෙසේ නමුත් ජපාන වේලාවෙන් උදෑසන, කාර්යබහුල වේලාවක ඇති වූ මෙම භූමිකම්පාව නිසා බොහෝ දෙනා අපහසුතාවට පත්වූහ.
බොහෝ පිරිසකට කිසිදු තැනකට යා ගත නොහැකිව අතරමග හිරවී සිටි බව ද ජපන් පුවත් සේවා වාර්තා කර තිබිණි. භූමිකම්පාව හේතුවෙන් විදුලිබලය ඇණහිට ඇති අතර ඒ හේතුවෙන් දහස් ගණනකට උදෑසන රාජකාරී කටයුතුවලට බාධා එල්ල වී ඇති බව ද වාර්තා විය.
“අපි එක්ව වැඩ කරනවා. මිනිසුන්ගේ ජීවිත බේරාගන්න අපි ප්රමුඛත්වය දෙනවා” යැයි භූමිකම්පාවෙන් පසු ප්රකාශයක් කරමින් ජපාන අගමැති ෂින්සෝ අබේ පැවැසීය.
055
ඊශ්රායලය විසින් ඉරානයට එල්ල කෙරුණු ප්රහාරය සමඟ ඉදිරියටද ගැටුම්කාරී තත්වය තවදුරටත් වර්ධනය වුවහොත් එරට සමග සෘජුව සහ වක්රව ගනුදෙනු කරන ශ්රී ලංකා
ඇතැම් දේශපාලන පක්ෂවල බලපෑම් ඇතුළු විවිධ බලපෑම් හේතුවෙන් උමා ඔය ව්යාපෘතිය ජනතා අයිතියට පත්කිරීම ප්රමාද වීමෙන් මෙරටට වසරකට රුපියල් කෝටි 900 ක පාඩුවක්
රජයේ රෝහල්වල විශේෂඥ වෛද්යවරුන් 350 දෙනකු මෑත භාගයේදී රට හැර ගොස් ඇතැයි සෞඛ්ය අමාත්යාංශයේ විශේෂඥ වෛද්යවරුන් කණ්ඩායමක් කළ අධ්යයනයකදී හෙළිවී ඇත.
මෙරට දේශපාලනයේ පෙරළිකාරීයකු මෙන්ම මානවහිතවාදීයකුගේ යුගය නිමාවට පත් කරමින් හිටපු නියෝජ්ය අමාත්ය පාලිත තෙවරප්පෙරුම මහතා මළහිරුබැස යන් සන්ධ්යාවේ
බස්නාහිර.සබරගමුව,වයඹ,ඌව සහ මධ්යම පළාත්වලත් අනුරාධපුර, වවුනියාව, මන්නාරම, ගාල්ල සහ මාතර දිස්ත්රික්කවලත් පස්වරු 2.00 පමණ පසු වැසි හෝ ගිගුරුම් සහිත වැසි ඇ
අයිස් සහ හෙරොයින් මත්ද්රව්ය තොගයක් සමඟ නාවික හමුදා ලුතිනන් කමාන්ඩර්වරු දෙදෙනෙකු ඇතුළු සිව්දෙනෙකු මුල්ලේරියාව පොලිසිය විසින් අද (19) රාත්රීයේදී අත
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ජපානයට ප්රබල භූමිකම්පාවක්
de silva berlin Monday, 18 June 2018 08:59 AM
න්යෂ්ටික බෝම්බ , භුමි කම්පා , සුනාමි යන මොන විපත ආවත් අළු දුවිලි පිසදමා නැගී සිට නිතරම ඉදිරියට යන , අවංක , හොර බොරු නැති උත්සහවන්ත ජාතියක්