ඩයනා උදයංගනී
දිවයිනේ දිස්ත්රික්ක රැසකට පසුගිය දිනවල බලපා තිබූ ගං වතුර තත්ත්වය මේ වන විට පහව ගොස් ඇතත් දිස්ත්රික්ක 7ක පවුල් 540කට අයත් 1,853 දෙනෙකු තවමත් අවතැන්ව සිටින බව ආපදා කළමනාකරණ මධ්යස්ථානය පවසයි.
එම පිරිස ආරක්ෂිත ස්ථාන 32ක රඳවනු ලැබ සිටින බව ආපදා කළමනාකරණ මධ්යස්ථානයේ සහකාර අධ්යක්ෂ (මාධ්ය) ප්රදීප් කොඩිප්පිලි මහතා පැවසීය.
ප්රධාන ගංගා සියල්ලෙහි ජල මට්ටම මේ වන විට සාමාන්ය තත්ත්වයට පත්ව ඇතත් පහත්බිම් තවමත් ජලයෙන් යටවී තිබීම, නිවාස විනාශ වී තිබීම, නායයෑම් අනතුරු හේතුවෙන් නිවෙස්වලින් ඉවත් කිරීම, ජලයෙන් යටවී අපිරිසිදු වූ නිවාස පිරිසිදු කිරීම අවසන් නොවීම ආදිය හේතුවෙන් මෙම පිරිස තවමත් අවතැන්ව සිටින බව කොඩිප්පිලි මහතා සඳහන් කළේය.
පසුගිය දිනවල ඇති වූ තද වැසි සහිත කාලගුණ තත්ත්වය හේතුවෙන් දියෙහි ගිලීමෙන්, අකුණු සැර වැදීමෙන් සහ ඉවුරු, ගස් අතු කඩාවැටීම් වලින් මරණ 26ක් ද සිදුවිය.
සිදුවූ විවිධ අනතුරුවලින් 24 දෙනෙකු තුවාල ලැබූ බවද කොඩිප්පිලි මහතා සඳහන් කළේය.
එම ආපදා තත්ත්වය හේතුවෙන් නිවාස 157කට පූර්ණ හානි සිදුව ඇති අතර තවත් නිවාස 6,664 කට අර්ධ හානි සිදුව ඇතැයි ඔහු සඳහන් කළේය.
මේ අතරින් තවමත් වැඩිම පිරිසක් අවතැන්ව සිටින්නේ පුත්තලම දිස්ත්රික්කයේ වන අතර එම දිස්ත්රික්කයේ පවුල් 258කට අයත් 841දෙනෙක් තවමත් අවතැන්ව සිටිති.
ඊට අමතරව නුවරඑළිය දිස්ත්රික්කයේ පවුල් 152කට අයත් 495 දෙනෙක්, කොළඹ දිස්ත්රික්කයේ ද පවුල් 56කට අයත් 212දෙනෙක්, කුරුණෑගල දිස්ත්රික්කයේ පවුල් 26කට අයත් 132දෙනෙක්, ගම්පහ දිස්ත්රික්කයේ පවුල් 21කට අයත් 79දෙනෙක්, කළුතර දිස්ත්රික්කයේ පවුල් 18කට අයත් 49දෙනෙක්, මහනුවර දිස්ත්රික්කයේ පවුල් 9කට අයත් 45 දෙනෙක් ද මෙලෙස අවතැන්ව සිටිති.
මිය ගිය අය වෙනුවෙන් වන්දි ලබාදීමේ මෙන්ම හානි වූ දේපල තක්සේරු කර වන්දි ලබාදීමේ කටයුතු මේ වන විටත් ආරම්භ කර තිබෙන බව ජාතික ආපදා සහන සේවා මධ්යස්ථානය පවසයි.
අවතැන්ව සිටින්නන් සඳහා පිසූ ආහාර පානීය ජලය ලබාදීමට කටයුතු කර ඇති බව ද ප්රදීප් කොඩිප්පිලි මහතා සඳහන් කළේය.
මින්නේරිය විදුලිබල මණ්ඩලය ආසන්නයේ අද රාත්රියේ පුද්ගලයන් තිදෙනකු අතර ඇති වූ ගැටුමක් දුරදිග යාමෙන් තියුණු ආයුධ පහරකින් එක්දරු පියකු ජීවිතක්ෂයට පත්ව
ජනාධිපතිවරණ උණුසුම දිනෙන් දින වැඩිවෙමින් පවතිද්දී එම මැතිවරණය සඳහා ඉදිරිපත්වීමට තීරණය කර ඇති අපේක්ෂකයන් සංඛ්යාවද 7 ක් දක්වා ඉහළ ගොස් ඇත.
දුම්රිය සාමාන්යාධිකාරිවරයාගේ මරණය සම්බන්ධයෙන් සාධාරණ සැකයක් පවතින බැවින් හදිසි මරණ පරීක්ෂණයක් පමණක් පවත්වා අවසන් කිරීම ප්රමාණවත් නැතැයි අනුරා
ජාතික ජන බලවේගය සහ සමගි ජන බලවේගය අතර පැවැත්වීමට නියමිත විවාදය නීති විද්යාලයේ පැවැත්වීමට සිය සංගමය, පක්ෂ දෙකේ නායකයන්ට යෝජනා කර ඇති බව ශ්රී ලංකා නීත
අධ්යාපනය දේශපාලන පාපන්දුවක් බවට පත් කර ගතහොත් අවසානයේ පරාජයට පත් වන්නේ රට බැවින් පෞද්ගලික මත පසෙකලා සියලු දෙනා එක්ව සාකච්ඡා කර රටට ඔබින හොඳම අධ්යාප
උමාඔය භූගත විදුලි බලාගාරයේ විදුලි ජනන යන්ත්ර දෙක එහි ඉදිකිරීම් ක්රියාත්මක වන කාලයේ සේවය කළ සුළු සේවිකාවන් දෙදෙනකුගේ සේවය ඇගයීම වෙනුවෙන් ‘දසුනි’ සහ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ගං වතුර පහව ගියත් 1853 ක් තවමත් අවතැන්