කතරගම නගර සංවර්ධනයට රුපියල් ලක්ෂ 5000 ක් වැය කරන බව මහානගර හා බස්නාහිර සංවර්ධන අමාත්ය පාඨලී චම්පික රණවක මහතා පැවසීය.
ඓතිහාසික සෙල්ලකතරගමට දිවයිනේ නන් දෙසින් පැමිණෙන බැතිමතුන්ගේ පහසුව වෙනුවෙන් ඉදිකෙරෙන විවේකී උද්යානයේ අවසන් අදියරේ වැඩකටයුතු නිරීක්ෂණය කිරීමේ චාරිකාවකට එක්වෙමින් අමාත්යවරයා මේ බව සඳහන් කළේය.
ඒ අනුව කතරගම නගර සංවර්ධනය යටතේ නාගරික සංවර්ධන අධිකාරිය මගින් රුපියල් මිලියන 50 ක වියදමින් මෙම විවේකී උද්යානය ඉදිකරනු ලබයි.
වැඩිදුර අදහස් දැක්වු අමාත්යවරයා මෙසේද පැවසීය
‘කතරගම හා ඒ අවට ප්රදේශයට ඉතිහාසයේ පෙර නොවූ විරූ පරිදි විශාල සංවර්ධනයකට අපි ගෙනවිත් තිබෙනවා. විශේෂයෙන්ම මේ තැන තැන තිබූ කඩසාප්පු එක ප්රධාන මධ්යස්ථානයකට අරගෙන කඩ 300 කට අධික ප්රමාණයක් ඉදිකරන්න අද නාගරික සංවර්ධන අධිකාරිය ක්රියාකරගෙන යනවා.
ඒ වගේම අපි ඉදිරි කාලයේදී කතරගම - සෙල්ලකතරගම යන ස්ථාන දෙකේම භූ දර්ශනය විධිමත් කරලා සංවර්ධනය ඉදිරියට ගෙන යමින් සිටිනවා. වැඩහිටිකන්ද ප්රදේශයත්, වැව ප්රදේශයත් භූ දර්ශන කටයුතු කරන්න අප බලාපොරොත්තු වෙනවා. ඒ අනුව ලබන වසර වන විට කතරගම ප්රදේශයේ වසර ගණනක් තිබූ ගැටළු විසඳෙනවා.
ඒ අතරේ විවිධ ගැටළු, දේශපාලනමය වශයෙන් කඩ අහිමිවෙච්ච අය, නැතිනම් වෙනත් ආකාරයට ප්රශ්න මතුවෙලා තිබෙන අයගේ ප්රශ්න කිසිම දේශපාලන භේදයකින් තොරව විසඳන්න අපි කටයුතු කරනවා. අපිට කිසිම පක්ෂ බේදයක්, ජාති, ආගම්, කුල භේද නැහැ.
විශේෂයෙන්ම මේ වෙළඳාම් කරන්නේ විශාල ධනයක් හිමි අය නෙමෙයි. මේ ප්රදේශ ඉතාමත්ම අවවරප්රසාදිත ප්රදේශ. එහ ජනතාවට මෙහෙවර කිරීම සඳහා කිසිම දේශපාලන බේදයකින් තොරව, අයුක්තියට යම් පිරිසක් ලක්වෙලා සිටිනවාද එම පිරිස් යුක්තිය ගෙනඒමේ වැඩසටහනකට ගෙන එමින් පක්ෂ බේදයෙන් තොරව කටයුතු කරන්න අපි කැපවෙනවා.
එහි සංඛේත තමයි ප්රාදේශීය සභාවේ සභාපතිතුමත්, විපක්ෂ නායකතුමත් දෙන්නම අද මේ වැඩපිළිවෙල ඉදිරිය ගෙන යන්න අපිත් සමග අත්වැල් බැඳගෙන සිටිනවා. කතරගම සම්ප්රදායක භුමියේ ඕන තැනක මඩු හදාගෙන කඩ කරන්න අයිතිය තිබෙනවා. ඒ ආකාරයට අපට කටයුතු කරන්න අයිතිය තිබෙනවා කියා. නමුත් සමාජය දියුණු වෙමින් ඉදිරියට යනවිට අපේ පුද භූමිය, සම්ප්රදාය කියන්නේ පරණ පුරුදු අරගෙන එන එක නෙමෙයි. සම්ප්රදාය ආරක්ෂා කර ගන්නා ගමන් විධිමත් භාවයත් අපි ඇතිකර ගත යුතුයි.
එනිසා ඉදිරි කාලයේදී අපි නාගරික සංවර්ධන අධිකාරියෙන් මෙම ප්රදේශයේ තිබෙන වැසිකිලි කැසිකිලි ගැටළු විසඳීමට ලබන වසර වන විට අපි කටයුතු කරන බව මෙම අවස්ථාවේදී සඳහන් කරන්න කැමතියි. මෙය දැන් දියුණු රටක්, මේ දියුණු රටට අවශ්ය විදිහට අපි කටයුතු කළ යුතුයි. ඒ වගේම මේ මොණරාගල දිස්ත්රික්කයේ හුඟ දෙනෙක් දුප්පත්කම ගැන කතා කරද්දි උතුර, නැගෙනහිර වතුකරය වගේ ප්රදේශ වෙත අවධානය යොමු කරනවා.
නමුත් 2012 සංඛ්යාලේඛන දෙපාර්තමේන්තුවේ දත්ත අනුව මෙරට දුගී වැසියන් වැඩිම ප්රමාණයක් ජීවත්වන ප්රදේශය මොණරාගල දිස්ත්රික්කය. දුගීකමේ දර්ශකය ගත්තහම දවසකට එදිනෙදා ජීවිතය ගෙනයන්න අවශ්ය කරන අවම කැලරි ප්රමාණය නොලැබෙන ජනතාව 6% ක් පමණ ඉන්නවා. මොණරාගල එම ප්රතිශතය 15% ක්.
මෙරට තිබෙන වැඩිම ප්රතිශතය 1/5ක්. ඒ කියන්නේ මූලික පෝෂණය ලැබෙන්නේ නැහැ. ඒ නිසා මේ දිස්ත්රික්කය අපි විශේෂ අවධානයකින් යුතුව ගොඩනැගිය යුතුයි.
(36698)
යාපනය තරුණයින් පිරිසක් විසින් වාර්ෂිකව සිදුකරනු ලබන පොර පොල් තරඟයක් වෙනුවෙන් ක්රීඩා කිරීම සඳහා පොල් ගෙඩි කිහිපයක් වෙන්දේසි කිරීමේදී එක් පොල් ගෙඩිය
පාර්ලිමේන්තු මන්ත්රීවරුන් අතර සිටින වෛද්යවරුන්ගේ මූලිකත්වයෙන් පාර්ලිමේන්තු වෛද්ය මන්ත්රීවරුන්ගේ සංසදය නමින් නව සංසදයක් අද (25) පිහිටුවා ගනු ලැ
චිත්රපටයක් නිෂ්පාදනය කිරීමට බව පවසා පුද්ගලයකුගෙන් රුපියල් ලක්ෂ 10 ක් ලබාගෙන නියමිත දිනට ලබානොදී විශ්වාසය කඩකිරීමේ සිද්ධියක් සම්බන්ධයෙන් ප්රවීණ උස
2024 වසරේ ගතවූ කාලය මාස හතරක කාලයේ විදේශ රැකියා සම්බන්ධ පැමිණිලි 1371ක් ලැබී ඇතැයි විදේශ සේවා නියුක්ති කාර්යාංශයේ විශේෂ විමර්ශන අංශය පවසයි.
පාස්කු ප්රහාරය සිදුවූ දිනයේ ම ශ්රී ලංකාවේ ඊළඟ මැතිවරණ ප්රතිඵලය ලියැවුණු හෙයින් එය දේශපාලනයෙන් තොර ප්රහාරයක් ලෙස කිසිසේත් ම හැඳින්විය නොහැකි යැය
අපරාධකරුවන් මේ රටින් තුරන් කිරීම පවක් නොවෙයි .අතේ තියෙන වෙපන් එක හරි දේට පාවිච්චි කරන්න බය වෙන්න එපා යයි මහජන ආරක්ෂක අමාත්ය ටිරාන් අලස් මහතා අද පැවසීය.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
කතරගම සංවර්ධනයට කෝටි 50 ක්
kalani Wednesday, 25 July 2018 03:26 AM
කතරගම මහා දේවාලයට බැතිමතුන් පුජා කරන දහසින් බැඳී පියලිවලින් අඩු තරමින් කතරගම පුජා භුමිය සංවර්ධනය කර ගැනීමට ප්රාදේශීය සභාව සමඟ එක්ව කටයුතු කළ නො හැකිද?