(මොහොමඞ් බුහාර්ඩින්)

පෞද්ගලික ජල බොතල් අලෙවි සමාගමක් නිසා ප්‍රදේශයේ ජල මූලාශ්‍ර සිඳීයාමට පටන් ගෙන ඇතැයි කියමින් ඉබ්බාගමුව ඹ්මාරගොල්ල ගම්වාසිහු පිරිසක් අද (26) දඹුල්ල කුරුණැගල මාර්ගය අවහිර කරමින් විරොධතාවක නිරත වුහ

විරෝධතාකරුවන් කියා සිටියේ මෙම සමාගම සිය ව්‍යාපාර  කටයුතු කරගෙන යාම සඳහා භුගත ජලය පොම්ප කිරිම නිසා ගම්මානයේ ඇති ජල මුලාශ සියල්ලම සිදි යාමට පටන්ගෙන ඇති බවයි.

මෙම ගම්මානයේ පවුල් 700 ක ගම්මු ජලය සොයා වෙනත් ප‍්‍රදේශ වලට යැමට සිදුව ඇති බවත්  ඉන් සාමාන්‍ය ජීවිතයට බාධා සිදුවෙන බවත් ඔවුහූ කීහ.

වහාම අදාළ බලධාරින් මැදිහත් වී මෙම ආයතනය වසා දමා ජල මුලාශ රැකගන්නා ලෙස විරෝධතාකරුවෝ ඉල්ලූහ.එසේ නොවුණහොත් තවත් මෙහි තවත් රතුපස්වලක් බිහි විමට ඉඩ ඇති බව ගම්මු පැවසූහ.

විරෝධතාකරුවන් මාර්ගය අවහිර කිරිම නිසා දඹුල්ල කුරුණැගල මාර්ගයේ  ගමනාගමනය පැයක පමණ කාලයක් ඇණහිට තිබිණි.
මෙම ස්ථානයට පැමිණි එජාප හිරියාල ආසන සංවිධායක ජගත් මංජුල යාපා මහතා විරෝධතාකරුවන් සමග සාකච්ඡා කර කඩිනම් විසදුමක් ලබා දෙන බවට ප‍්‍රකාශ  කිරිමෙන් පසු ගොකරැල්ල පොලිසියේ මැදිහත්වීමෙන් විරෝධතාකරුවෝ විසිර ගියහ.