වොෂින්ටන්හිදීය (රොයිටර්)
ඇමෙරිකා එක්සත් ජනපදය එක්සත් ජාතීන්ගේ මානව හිමිකම් කවුන්සිලයෙන් ඉවත් වීමට සැලසුම් කර ඇතැයි රාජ්ය තාන්ත්රික ආරංචි මාර්ග අද (19) සඳහන් කළේය.
ජීනිවා පදනම් කරගනිමින් ක්රියාත්මක වන එක්සත් ජාතීන්ගේ මානව හිමිකම් කවුන්සිලය ප්රතිසංස්කරණයකට ලක්විය යුතු යැයි ඇමෙරිකා එක්සත් ජනපදය නිරන්තරයෙන් සඳහන් කළ අතර එසේ නොකළහොත් ඉන් ඉවත් වන බවට මීට පෙර අවස්ථා කිහිපයකදීම අවධාරණය කළේය.
ඇමෙරිකා එක්සත් ජනපද නිලධාරීන් සහ එක්සත් ජාතීන්ගේ මානව හිමිකම් කවුන්සිල නිලධාරීන් අතර පසුගිය සතියේදී සාකච්ඡා කිහිපයක් පවත්වා තිබේ. ඇමෙරිකා එක්සත් ජනපද ඉල්ලීම් සපුරාලීමට එක්සත් ජාතීන්ගේ මානව හිමිකම් කවුන්සිල නිලධාරීන් අසමත් වී තිබෙන අතර ඒ හේතුවෙන් අදාළ සාකච්ඡා අසාර්ථක වී තිබේ.
ඒ අනුව ට්රම්ප් පරිපාලනය එක්සත් ජාතීන්ගේ මානව හිමිකම් කවුන්සිලයෙන් ඉවත් වනු ඇතැයි එම රාජ්ය තාන්ත්රික ආරංචි මාර්ග සඳහන් කරයි.
ට්රම්ප් පරිපාලනය ආරම්භයේ සිටම ඇමෙරිකා එක්සත් ජනපදය සහ එක්සත් ජාතීන්ගේ සංවිධානයේ මානව හිමිකම් කවුන්සිලය ඇතුළු විවිධ සංවිධාන අතර අර්බුද ඇතිවිය. ඇමෙරිකා ජනාධිපතිවරයා අවස්ථා කිහිපයකදීම එක්සත් ජාතීන්ගේ සංවිධානය විවේචනය කළ අතර විවිධ කරුණු සම්බන්ධයෙන් එම සංවිධානයට බරපතළ චෝදනා ද එල්ල කළේය.
ඇමෙරිකා ජනාධිපතිවරයාගේ සංක්රමණික ප්රතිපත්ති හේතුවෙන් ඇමෙරිකා-මෙක්සිකෝ දේශසීමාවේදී දරුවන් මාපියන්ගෙන් වෙන් වීම ද ඉකුත් දා එක්සත් ජාතීන්ගේ මානව හිමිකම් කවුන්සිලයේ මහ කොමසාරිස් සෙයිද් රාද් අල් හුසේන්ගේ විවේචනයට ලක්විය.
මීට පෙර ජෝර්ජ් ඩබ්. බුෂ් ජනාධිපතිවරයාගේ ධුර කාලයේදී ඇමෙරිකා එක්සත් ජනපදය වසර තුනක් එක්සත් ජාතීන්ගේ මානව හිමිකම් වර්ජනය කළේය. ඇමෙරිකාව නැවත එක්සත් ජාතීන්ගේ මානව හිමිකම් කවුන්සිලයට එක්වූයේ ජනාධිපති බැරැක් ඔබාමාගේ ධුර කාලයේදීය.
055
මෙරට මුහුදු තීරයේදී ගිනි ගැනීමට ලක්වූ එම්. වී.එක්ප්රස් පර්ල් නෞකාව සම්බන්ධයෙන් සිදු කරන විමර්ශනය අවසන් කර කඩිනමින් අධිකරණයට කරුණු වාර්තා කරන්නැයි ක
ශ්රී ලංකා නිදහස් පක්ෂයේ විධායක සභාව කැඳවීම පිළිබඳ සිදුකළ ප්රකාශයකින් සිය කීර්ති නාමයට හානියක් සිදුවී යැයි ද ඊට වන්දි ලෙස රුපියල් කෝටි 100 ක මුදලක් ගෙව
ඉඩමක් විකිණීමේදී ඇතිවීයැයි කියන ආරවුලක් දුරදිග යාමෙන් මොරගහහේන වීදියගොඩ මොහොට්ටිගොඩ ප්රදේශයේ කෝටිපති ව්යාපාරික කතකගේ නිවෙසට ඊයේ හොර රහසේ ඇතුළු ව
සිංගප්පූරුවේ ජාතික විශ්ව විද්යාලයේ දකුණු ආසියානු අධ්යයන ආයතනය සමග පවතින සබඳතා අඛණ්ඩව පවත්වාගැනීම සදහා හිටපු හිටපු මහ කොමසාරිස් සහ පාත්ෆයින්ඩර් ප
ශ්රී ලංකා නිදහස් පක්ෂයේ මැයි රැලිය, නිදහස් සේවක සංගමය ඇතුළු වෘත්තීය සමිති සංවිධානත්වයෙන් මැයි 1 වැනිදා ගම්පහ නගර සභා පිටියේදී පැවැත්වීමට කටයුතු යොදා
ශ්රී ලංකා නිදහස් පක්ෂයේ නව වැඩ බලන මහලේකම්වරයා ලෙසහිටපු ජාතික සංවිධායක පාර්ලිමේන්තු මන්ත්රී දුමින්ද දිසානායක මහතා පත්කර ඇත.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඇමෙරිකාව එක්සත් ජාතීන්ගේ මානව හිමිකම් කවුන්සිලයෙන් ඉවත් වෙයි
ඉස්තාර් Tuesday, 19 June 2018 06:42 PM
බොහොම හොඳ තීරණයක්. ශ්රී ලංකාවත් ඉවත් විය යුතුයි. එක්සත් ජාතීන්ගේ මානව හිමිකම් කවුන්සිලය කියන්නේ එන් ජී ඕ නඩ පිනුම් ගහන තැනක්. බොරුවට සාමාජික රටවල සල්ලි කාබාසිනියා කරන තැනක්.
නීතිඥ ධම්මික අරන්දර Tuesday, 19 June 2018 10:32 PM
ඇමෙරිකා එක්සත් ජනපදය එක්සත් ජාතීන්ගේ මානව හිමිකම් කවුන්සිලය හැඳින්වූයේ "සෙස්පූල් ඔෆ් බයස්" (පක්ෂග්රාහිත්වයේ වැසිකිලි වල) යනුවෙනි. ඒ කතාව සම්පුර්ණ ඇත්තයි. අපේ ශ්රී ලංකාවට හැමදාම ඔය කවුන්සිලය කළේ කෙනහිලිකම්.
ratna P Tuesday, 19 June 2018 11:25 PM
එක්සත් ජාතීන්ගේ මානව හිමිකම් කවුන්සිලය බලගතු රටවල්වලට නැමෙන, ලංකාව වගේ පොඩි රටවල්වලට පමණක් නීති පනවන ආයතනයක්. අපේ රටේ කොන්ද නැමෙන දෙසපාලකයෝ මේ ගොල්ලන් ගහන පදේට නටනවා කොන්ද පණනැති නිසා.
රවින් Wednesday, 20 June 2018 03:02 AM
කොහොමත් ඇමරිකාව කියන කියන විදියට නටන්න වෙනමම පුහුණුවෙන්න ඕනේ. මම කියනදේ කොහොමත් හරි ඔබලා කියනදේ හැමවිටම වැරදියි කියන ප්රතිපත්තිය තමා ඇමරිකානු ප්රතිපත්තිය.
ලුම්බිණි Wednesday, 20 June 2018 05:33 AM
ඇමෙරිකාව විතරක් නොවෙයි චීනය සහ රුසියාව වගේ රටවල් නිසා අද මොන සංගමයකටවත් වැඩ කරන්න බැරි වෙලා තියෙන්නේ. සිරියාවේ වෙන දේවල් පේනවා නේද?
රජින්ද Wednesday, 20 June 2018 06:04 AM
දුරදක්නා නුවණක් තියෙන නායකයෙක් උන්නානම් අපටත් මේ වෙලාවේම මීට ප්රතිචාර දක්වන්න පුළුවන්. කලින් පැවති පාලන කාලයේදීත් වත්මන් පාලන කාලයේදීත් කොටි ඩයස්පෝරාවේ නුලට නැටවෙන රුකඩයෝ ටිකක් මානව හිමිකම් සමුළුවට රජය නියෝජනය කරමින් යැවූ නිසයි මේ ප්රශ්න මේතරම්ම දුරදිග ගියේ. එහෙම නැතුව රියර් අද්මිරාල් වීරසේකරලා වගේ පිට කොන්දක් තියෙන නිලධාරීන් පිරිසක් යැවුවනම් අපේ ප්රශ්න මේතරම්ම උග්ර වෙන්නේ නැහැ. නමුත් පැවති සහ පවතින සියලුම රජයන් මේ ප්රශ්නය දඩමීමා කරගෙන දේශපාලන වාසි ගැනීමට ගියා මිසක් මේ මානව හිමිකම් ප්රශ්නයට විසදුමක් සෙව්වේ නැහැ. අපේ රටේ තියෙන බරපතලම කරුමය මේකයි. සුදුසු වෙලාවේ සුදුසු තීන්දු තීරණ ගන්න පුළුවන් හරිහමන් නායකයෙක් නැහැ.
V.warnakulasuriya Wednesday, 20 June 2018 06:23 AM
ට්රම්ප්, බුෂ්ට එපා වෙන්නටත් ඔබාමා වැනි දුරදර්ශි නායකයකුට මෙය අවශ්ය වෙන්නත් යම් වැදගත් කමක් තිබෙන බව අපි තේරුම් ගත යුත්තෙමු. ක්රියාකාරිත්වයේ යම් දුර්වලකම් තිබෙන්නට පුළුවනි. එහෙත් එහි අවශ්යතාවය ලොවට ඇත.