බිඟුන් මේනක ගමගේ
යුද්ධයේදී මියගිය ආරක්ෂක අංශ සාමාජිකයන්ගේ වැන්දඹු බිරින්දෑවරුන්ට ජීවිතාන්තය දක්වා වැටුප ලබාදීමට කැබිනට් අනුමැතිය ලබාදෙන්නැයි සමස්ත ලංකා රණවිරු සංසද ඒකාබද්ධ බිරින්දෑවරුන්ගේ ඒකාබද්ධ සංවිධානය ජනාධිපතිවරයා ලිපියක් යොමු කරමින් ඉල්ලා සිටී.
මෙම කාරණය සම්බන්ධයෙන් පසුගිය දෙවසර පුරා ආරක්ෂක ලේකම්ගේ ප්රධානත්වයෙන් සාකච්ඡා වට ගණනාවක් පැවැත්වූව ද අවසාන තීන්දුවක් නොගත නමුත් ආබාධිත ආරක්ෂක අංශ සාමාජිකයන්ට පමණක් එම ඉල්ලීම ඉටුකිරීමට රජය සැරසෙන බවට ඔවුහු චෝදනා කරති.
මිය ගිය, ආබාධිත හා අතුරුදන් වශයෙන් වූ සියලුම ආරක්ෂක අංශ සාමාජිකයන්ට පැවැති සෑම රජයක්ම එකම හැන්දෙන් බෙදූ නමුත් රජය ක්රියාත්මක කිරීමට යන නව ප්රතිපත්තියෙන් රණවිරු බිරින්ඳෑවරුන්ට අසාධාරණයක් සිදුවන්නේ යැයි ද එහි සඳහන් වේ.
සිය දරුවන්ගේ අධ්යාපන හා සෞඛ්ය කටයුතුත් බැංකුණය ආදී කරුණු නිසා විශ්රාම වැටුපෙන් යැපීමට අපහසු තත්ත්වයක් උද්ගතව ඇතැයි ද එම නිසා මෙම තත්ත්වය ගැන අවධානය යොමුකර සාධාරණය ඉටුකිරීමට ආරක්ෂක ඇමැති වශයෙන් මැදිහත්වන්නැයි ජනාධිපතිවරයාගෙන් ඉල්ලා සිටින්නේ යැයි ද එම සංවිධානයේ සභාපති කුමාරි ඇන්තනි මහත්මියගේ අස්සනින් යුතුව නිකුත් කර ඇති එම නිවේදනයේ වැඩිදුරටත් සඳහන් වේ.
ශ්රී ලංකාවේ ජීවත්වන පුද්ගලයෙක්ට අවම මූලික අවශ්යතා ඉටුකරගැනීමට මසකට රුපියල් 17,014 ක මුදලක් අවශ්ය බව ජනලේඛණ හා සංඛ්යාලේඛන දෙපාර්තමේන්තුව පවසයි.
පොල් කිරි අපනයනය කිරීම මගින් 2024 පෙබරවාරි මාසයේ රුපියල් මිලියන 2971ක මුදලක් උපයා ඇතැයි පොල් සංවර්ධන අධිකාරිය පවසයි.
ඉන්දියාවෙන් ආනයනය කළ බිත්තර ලක්ෂ 50 ක පමණ තොගයක් රට තුළ පවතින බවත් ඒ හේතුවෙන් බිත්තර ආනයනය සීමා කළ බවත් රාජ්ය වාණිජ විවිධ නීතිගත සංස්ථාවේ සභාපති ආසිරි
ගෑන්ඩ්පාස් ස්ටේට් පාරේදී පුද්ගලයෙකුට කතුරකින් ඇණ ඝාතනය කල පුද්ගලයකු අත්අඩංගුවට ගත් බව ග්රෑන්ඩ්පාස් පොලිසිය කියයි.
කන්කසන්තුරේ තිස්ස රජ මහා විහාරයට ඇතැම් ද්රවිඩ දේශපාලඥයන් වරින්වර පැමිණ වන්දනා නඩවලට අවහිරයක් වන අන්දමින් කටයුතු කිරීම ජාතික ආරක්ෂාවට බරපතළ තර්ජන
නරක් වූ මාළු කන්ටේනර් එකසිය දෙකක් රටට ගෙන ඒමේ සිද්ධිය අපරාධමය වරදක් වන හෙයින් ඒ සම්බන්ධයෙන් අපරාධ පරීක්ෂණ දෙපාර්තමේන්තුවට පැමිණිලි කරන ලෙස රජයේ මුදල
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
ආරක්ෂක අංශ වැන්දඹුවෝ ජීවිතාන්තය දක්වා වැටුප දෙන්නැයි ජනපතිගෙන් ඉල්ලති
rohan Wednesday, 08 August 2018 11:01 AM
මේවට ඉල්ලිම කරන්න ඕනේ නැහැ රජය රට වෙනුවෙන් ජීවිතය පුජා කල රණවිරුවන්ට අනිවාර්යෙන් දෙන්න ඕනේ. මේ බිරිඳවරු ඉල්ලිම් කරනවානම් රජය ලජ්ජා වෙන්න ඕනේ.
Raveendra Wednesday, 08 August 2018 11:12 AM
හරිම සාධාරණයි මෙම රණවිරුවන්ගේ ජීවිත පරිත්යාගයෙන් ලබාගත් නිදහස නිසා තමයි අපි දැන් මේ මොහොතේත් යම්කිසි නිදහසකින් සිටින්නේ. රට කාබාසිනියා කරන අයගේ පඩි වැඩිකිරීම, එම අම්බරුවන්ට ලබාදෙන පහසුකම් වැඩිකිරීමට වචනයක් හෝ නාස්ති නොකර වටිනා කාලය නාස්තිනොකර එම නිවට ඉල්ලීම්වලට පයින් ගසාදමා මෙම රණවිරුවන්ගෙන් යැපෙන්නන්ගේ ඉල්ලීම ගැන ක්රියාත්මකවීම ඉතාම සර්ව සාධාරණ බව කිවයුතුය. අප රටේ මුල් පුරවැසියා විසින් මෙහි සඳහන් සියලුම වචන හොඳින් තේරුම් ගනියි යන්න අපගේ බලාපොරොත්තුවයි.
amila Wednesday, 08 August 2018 12:17 PM
අපි රටක් විදියට අතිශයින් ලැජ්ජා වෙන්න ඕනෑ කාරණාවක්. ඇමැතිවරුන්ට 225% පඩි වැඩි කරනවා රටට මෙලෝ වැඩක් නෑ. අපිට නිදහසේ හුස්ම ගන්න ජීවිතේ පූජා කරපු මිනිස්සු වෙනුවෙන් නිසි ඇගයීමක් නෑ.
de silva berlin Wednesday, 08 August 2018 12:49 PM
පැන්ෂන් එක පමණක් දීලා මදි, පාසල් යන වයසේ දරුවෝ ඉන්නවා නම් ඔවුන් උසස්පෙල කරන කම් යම් දීමනාවක් ගෙවන්න ඕනේ... උසස් අධ්යාපනය ලබනවා නම් ඒවා ඉවරවෙනකම්වත් ගෙවන්න ඕනේ... නිවාස ණය වැනි දේවල් අරගෙන තිබෙනවා නම් ඒවගේ වාරිකත් රජයෙන් ගෙවන්න ඕනේ.. නැත්නම් දරුපවුල පාරට වැටෙනවා.
rocky Wednesday, 08 August 2018 12:51 PM
මෙයා බාගෙන කන වල ඉහගෙන කන්න හදනවා වගේ අදහසක්! ඔය විදිහට නම් විශ්රාම කාරයන් ඔක්කෝටමත් විශ්රාම නැතුව සම්පූර්ණ වැටුප ඉල්ලා සිටින්න පුළුවනි, මැරෙන තුරුම!
Sam Wednesday, 08 August 2018 01:11 PM
මේවා හොඳ වැඩ. ඒ වගේම පුරවැසියෝත් අාදායම් බදු ගෙවන්න ඕනේ... මේවා ගෙවන්න නැත්නම් හාල් පිටි සීනිවල වක්ර බදු වැඩිවෙනවා.
ජයන්ත මිලානෝ Wednesday, 08 August 2018 01:21 PM
මට නම් කියන්න තියෙන්නේ හදවතක් නැති මුග්ධ දේශපාලකයින්ට කිසිම ගුණවන්ත කමක් නැහැ කියලයි. ඉතාමත් සංවේදී ඉල්ලීමක් මේ අය ඉල්ලන්නේ. ඇත්තෙන්ම කිසිම කලගුණ සැලකීමක් නොදන්නා මේ වගෙ රැළක්ද මේ රට මෙහෙයවන්නේ. අපි බලමු ජනාධිපතිතුමාටවත් සංවේදී හදවතක් තියේද කියලා.
Sanath Wednesday, 08 August 2018 02:40 PM
එතකොට යුධ පෙරමුණේ සටන්කරලා යුද්ධෙත් දිනවලා පණත් බේරාගෙන ඇවිල්ලා විශ්රාම යන සෙබළුන්ට මොනවද කරන්නේ...? එයාලට අඩුමගානේ පඩි දෙකක්වත් දෙන්න ඕනෑ...
senarathWednesday, 08 August 2018 04:38 PM
ඔවුන්ටත් දෙන්න පුළුවන් නම් හොඳයි. පැන්ෂන් එකට අමතර යමක්. කාර්මික පුහුණුවක් දීලා ණය මුදලක් දෙන්න පුළුවන්... ඒ උදවියගේ දරුවන්ට රැකියා අවස්ථා සඳහා වෙනම ප්රතිශතයක් වෙන් කරන්න පුළුවන්. එ්ත් අපේ රටේ එහෙම දෙයක් වෙන්නේ නැහැනේ. අපේ දේශපාලකයින්ට ඒවා අවශ්ය නැහැ.
vernon Wednesday, 08 August 2018 02:41 PM
අදාළ වැන්දඹුවන් යළි විවාහ වන තෙක් ලෙස ලබා දෙන්නේ නම් ගැලපෙනවා. ජීවිතාන්තය දක්වා කිව්වොත් යළි විවාහ වෙන අයෙකුත් මේක ගන්නවා. අනික මේ ප්රවෘත්තිය අනුව මේ ඉල්ලීම කරන්නේ නොලැබෙන එකට නොවෙයි ආබාධිත අයට දෙන්න යන හින්දා අපිටත් දෙන්න කියන පදනමින්.
de silva berlin Wednesday, 08 August 2018 03:06 PM
සෙබලාගේ අවුරුදු 22ක සේවා කාලය සම්පූර්ණ වෙන තෙක් වැටුප වැන්දඹුවට ලබලා දෙන්න. ඊට පස්සේ විශ්රාම වැටුප දෙන්න. නැවත විවාහ වුණා කියලා වැටුප හෝ විශ්රාම වැටුප අහිමි කරන එක අසාධාරණයි. ඉගෙන ගන්න දරුවෝ ඉන්නවා නම් ඔවුන්ට උපකාරයක් කරන්න. එකවරක් විවාහ වුණු කාන්තාවට ලංකාවේ නැවත විවාහ වෙනකොට ලැබෙන්නේ අඩු තක්සේරුවක්.. එහෙම නිසා වැටුපත් අහිමි කිරීම හොඳ නැත... දෙවැනි විවාහයේ සැමියත් මිය ගියහොත් හෝ දික්කසාද වුනොත් ඇයට මොකද වෙන්නේ?