මුස්ලිම් කොංග්රසයේ නිර්මාතෘ හා එහි ආරම්භක නායක එම්.එච්.එම් අෂ්රොෆ් මහතා ගුවන් අනතුරකින් ජීවිතක්ෂයට පත්වීමේ සිද්ධිය සොයා බැලීම සඳහා පත් කළ ජනාධිපති කොමිෂන් සභා වාර්තාව අතුරුදන් වී තිබේ.
ඉකුත් 2000 වසරේදී අෂ්රොෆ් මහතා ගමන් කළ හෙලිකොප්ටර් යානය කඩා වැටීමෙන් ඒ මහතා සමඟ ගමන් කළ 14 දෙනකු ජීවිතක්ෂයට පත් වූ සිදුවීම සම්බන්ධයෙන් විවිධ ආරංචි සමාජයේ පැතිර ගිය අතර ඒ සම්බන්ධයෙන් සොයා බැලීම එවකට ජනාධිපතිනි චන්ද්රිකා බණ්ඩාරනායක කුමාරතුංග මහත්මිය ජනාධිපති කොමිෂන් සභාවක් පත් කළාය.
විනිසුරු එල්.කේ.ජී වීරසේකර මහතාගේ සභාපතිත්වයෙන් යුත් එම කොමිෂන් සභාව කරුණු විමර්ශනය කර සකස් කළ වාර්තාව හිටපු ජනාධිපති මහින්ද රාජපක්ෂ මහතාට බාර දී තිබිණ.
2007 වසරේ ජනවාරි පළමු වැනිදා ජනාධිපති ලේකම් කාර්යාලය අදාළ වාර්තාව ජාතික ලේඛනාරක්ෂකාගාරයට යවා ඇති අතර එහිදි එම කොමිෂන් සභා වාර්තාව අස්ථානගත වී ඇති බවට එහි බලධාරීන් ඉකුත් දා තොරතුරු දැනගැනීමේ කොමිෂන් සභාවට දැනුම් දී තිබේ.
හිටපු සමූපකාර හා අභ්යන්තර වෙළෙඳ කටයුතු නියෝජ්ය අමාත්ය බෂීර් සේගු දාවුද් මහතා තොරතුරු දැනගැනීමේ පනත යටතේ අෆ්රොෆ් මහතාගේ මරණය සම්බන්ධයෙන් වන ජනාධිපති කොමිෂන් සභා වාර්තාවේ පිටපතක් ලබාදෙන ලෙසට ජනාධිපති ලේකම් කාර්යාලයෙන් ඉල්ලීමක් කර තිබූ අතර ඉකුත් දා ජනාධිපති ලේකම් කාර්යාලය එම ඉල්ලීම ප්රතික්ෂේප කර තිබිණ.
ඉන් අනතුරුව නියෝජ්ය අමාත්යවරයා ඒ සම්බන්ධයෙන් තොරතුරු දැනගැනීමේ කොමිසමට අභියාචනයක් ඉදිරිපත් කර තිබූ අතර කොමිසමේ සභාපති මහින්ද ගම්මන්පිල, කොමිෂන් සභාවේ සාමාජිකයන් වන කිෂාලි පින්තු ජයවර්ධන, සෙල්වි තිරුචන්ද්රන් සහ එස්.ජී පුංචිහේවා යන මහත්ම මහත්මීන් ඉදිරියේ අදාළ අභියාචනය සැලකිල්ලට ගෙන තිබේ.
පාර්ලිමේන්තු ලේකම් කාර්යාලයේ අතිරේක ලේකම්වරයා (නීති) කොමිෂන් සභාව ඉදිරියේ කරුණු දක්වා ඇත. එහිදි ජාතික ලේඛනාරක්ෂකාගාරයේ අදාළ වාර්තාව ඉල්ලා ඇති අතර අදාළ වාර්තාව අස්ථානගත වී ඇති බව අනාවරණය වී තිබේ.
ජනාධිපති ලේකම් කාර්යාලය අදාළ වාර්තාව ජාතික ලේඛනාරක්ෂකාගාරයට යවා ඇත්තේ 2007 වසරේ ජනවාරි 1 වැනිදා බව තවදුරටත් අනාවරණය වී තිබේ.
මේ අනුව මේ සම්බන්ධයෙන් තවදුරටත් තොරතුරු විමසීම සඳහා තොරතුරු කොමිෂන් සභාව ජාතික ලේඛනාරක්ෂකාගාරයේ අදාළ නිලධාරියාට කොමිසම හමුවේ පෙනි සිටින්නැයිද නියෝග කර තිබේ.
සන්ඬේ ටයිම්ස් ඇසුරිනි 055
මින්නේරිය විදුලිබල මණ්ඩලය ආසන්නයේ අද රාත්රියේ පුද්ගලයන් තිදෙනකු අතර ඇති වූ ගැටුමක් දුරදිග යාමෙන් තියුණු ආයුධ පහරකින් එක්දරු පියකු ජීවිතක්ෂයට පත්ව
ජනාධිපතිවරණ උණුසුම දිනෙන් දින වැඩිවෙමින් පවතිද්දී එම මැතිවරණය සඳහා ඉදිරිපත්වීමට තීරණය කර ඇති අපේක්ෂකයන් සංඛ්යාවද 7 ක් දක්වා ඉහළ ගොස් ඇත.
දුම්රිය සාමාන්යාධිකාරිවරයාගේ මරණය සම්බන්ධයෙන් සාධාරණ සැකයක් පවතින බැවින් හදිසි මරණ පරීක්ෂණයක් පමණක් පවත්වා අවසන් කිරීම ප්රමාණවත් නැතැයි අනුරා
ජාතික ජන බලවේගය සහ සමගි ජන බලවේගය අතර පැවැත්වීමට නියමිත විවාදය නීති විද්යාලයේ පැවැත්වීමට සිය සංගමය, පක්ෂ දෙකේ නායකයන්ට යෝජනා කර ඇති බව ශ්රී ලංකා නීත
අධ්යාපනය දේශපාලන පාපන්දුවක් බවට පත් කර ගතහොත් අවසානයේ පරාජයට පත් වන්නේ රට බැවින් පෞද්ගලික මත පසෙකලා සියලු දෙනා එක්ව සාකච්ඡා කර රටට ඔබින හොඳම අධ්යාප
උමාඔය භූගත විදුලි බලාගාරයේ විදුලි ජනන යන්ත්ර දෙක එහි ඉදිකිරීම් ක්රියාත්මක වන කාලයේ සේවය කළ සුළු සේවිකාවන් දෙදෙනකුගේ සේවය ඇගයීම වෙනුවෙන් ‘දසුනි’ සහ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
අෂ්රොෆ් මරණය ගැන වාර්තාව අතුරුදන්
ruchi Sunday, 05 November 2017 11:02 AM
පිටපත හංගලා එ්කේ කොපියක් ඉල්ලනවා. කාටත් තේරෙනවා මේවා සැලසුම් සහගතව කාට හරි මඩගහන්න හදනවා කියලා. අවුරුදු 15 කට හෝ 20 කට පෙර වුණු මරණයක්. මෙය තහවුරු වුණා අයහපත් කාලගුණය නිසා සිදුවුණ ගුවන් අනතුරක් කියලා. තවත් මොනවද...?
Azar Sunday, 05 November 2017 11:04 AM
ඒකත් මහින්දගේ වැඩක් කියයි වගේ එන විදියට
Thilina Sunday, 05 November 2017 12:06 PM
ඡන්දය අත ළඟයි.. තාජුදීන් ඉවරයි ..අලුත් නාට්යයක් බලාපොරොත්තු වන්න
Hafeel Monday, 06 November 2017 06:57 AM
මෙයාට දැන් ජාතික ලැයිස්තු මන්ත්රීධුර අහිමි වුණායින් පසුව තමයි අෂ්රෆ්ගේ මරණය මතක්වෙන්නේ. තමන් බලයේ ඉන්නකොටත්, ඇමති ධුර දරනකොට මේක අමතක් වෙලා ඉඳලා, දැන් කොහෙන්ද අෂ්රෆ්ගේ පවුලේ අයටත් නැති කැක්කුමක් අමුතුවෙන් මෙයාට ඇවිල්ල තියන්නේ? මෙයා දැන් දඟලන්නේ ලකුණු දාගන්නයි, අනවශ්ය භේද ඇති කරන්නයි. එහෙමනම් මෙයා මුලදී පාර්ලිමේන්තුවට ආවේ ඊරෝස් කියන ත්රස්තවාදී සංවිධානයක් නියෝජනය කරමින්. එම ඊරෝස් සංවිධානය තමයි 1980 - 1990 කාලේ කොළඹ බෝම්බවල පුපුරලා මිනිස්, දේපල ඝාතනවල සම්බන්ධ වුණේ. ඒ වගකීම මේ බෂීර් දාවූඩ් බාරගනීවිද? මරණය ගැන බලන්නේ නැතුව, තමන් විසින් කරපු හානිය නැවතත් සිතා බැලුවොත් හොඳයි නේද?