(මනෝප්රිය ගුණසේකර සහ බණ්ඩාරගම බිමල් ශ්යාමන් ජයසිංහ)
මැල්සිරපුර ගොවිපොළේ අවන්හල කුලී පදනම මත ලබාදීම සඳහා කටුගස්තොට ප්රදේශයේ ව්යාපාරිකයකුගෙන් රුපියල් ලක්ෂ 6ක අල්ලසක් ගැනීම සම්බන්ධයෙන් අත්අඩංගුවට ගන්නා ලද ජාතික පශු සම්පත් සංවර්ධන මණ්ඩලයේ සභාපතිවරයා සහ පෞද්ගලික සමාගමක ගිණුම් සහකාරවරයකු ලබන 18 වැනිදා දක්වා රිමාන්ඞ් බාරයේ රඳවා තැබීමට කොළඹ අතිරේක මහෙස්ත්රාත් දුලානි අමරසිංහ මහත්මිය පෙරේදා (6) නියම කළාය.
සැකකරුවන් දෙදෙනාට අදාළව අල්ලස් කොමිසමේ අධ්යක්ෂ ජනරාල්වරයා විසින් නිකුත් කළ සහතික අධිකරණයට ඉදිරිපත් කරමින් මෙම සිද්ධියට අදාළව ආරම්භ කළ විමර්ශන තවදුරටත් සිදුකරන බව දැනුම් දෙමින් අල්ලස් කොමිසමේ නිලධාරීන් කළ ඉල්ලීමක් පිළිගත් මහේස්ත්රාත්වරිය සැකකරුවන් දෙදෙනා එලෙස රිමාන්ඞ් බාරයට පත් කළාය.
ව්යාපාරිකයකුගෙන් රුපියල් ලක්ෂ 6ක අල්ලසක් ලබා ගන්නා අවස්ථාවේදී අත්අඩංගුවට ගන්නා ලද බව කියමින් අධිකරණයට ඉදිරිපත් කරන ලද කොටහේන ප්රදේශයේ පදිංචි ජාතික පශු සම්පත් සංවර්ධන මණ්ඩලයේ සභාපති මුත්තු විනායගම් සහ රක්වාන ප්රදේශයේ පදිංචි පෞද්ගලික සමාගමක ගිණුම් සහකාරවරයකු වන කදිරේසු සිවනේෂන් නමැත්තන් මෙලෙස රිමාන්ඞ් බාරයට පත් කෙරිණි.
සිද්ධියට අදාළව සිදුකරනලද පරීක්ෂණවල ප්රගතිය දැක්වෙන වාර්තාවක් අධිකරණයට ඉදිරිපත් කළ අල්ලස් හෝ දූෂණ චෝදනා විමර්ශන කොමිසමේ විමර්ශන නිලධාරී සැරයන් බණ්ඩාර මහතා කටුගස්තොට ප්රදේශයේ පදිංචි ව්යාපාරිකයකුගෙන් ලද පැමිණිල්ලකට අනුව මෙම සිද්ධිය පිළිබඳ පරීක්ෂණ ආරම්භ කළ බව අධිකරණයට දැනුම් දුන්නේය.
ජාතික පශු සම්පත් සංවර්ධන මණ්ඩලයට අයත් මැල්සිරපුර ගොවිපොළේ අවන්හල වසර 2ක කාලයකට කුලී පදනම මත ලබාදීම සඳහා පැමිණිලිකරු එහි සභාපතිවරයාගෙන් ඉල්ලීමක් කළ අවස්ථාවේදී එම අවන්හල කුලී පදනම මත ලබාදීමට රුපියල් ලක්ෂ 12ක මුදලක් තුටු පඬුරු වශයෙන් ඉල්ලා ඇතැයි ද පසුව ඔහු සැකකරු සමඟ අවස්ථා ගණනාවකදී කළ සාකච්ඡාවලින් අනතුරුව තුටු පඬුරු වශයෙන් ඉල්ලා ඇති මුදල රුපියල් ලක්ෂ 6 දක්වා අඩුකර ගැනීමට හැකියාව ලැබී ඇතැයි ද දැනුම් දුන් සැරයන් බණ්ඩාර මහතා පසුව අදාළ ව්යාපාරිකයා මේ පිළිබඳව තම කොමිසමට පැමිණිලි කර ඇතැයි ද දැනුම් දුන්නේය.
ඉන් අනතුරුව අල්ලස් කොමිසමේ උපදෙස්වලට අනුව පැමිණිලිකරු විසින් සැකකරුට අල්ලස් මුදල් දීමට එකඟතාව පළ කර ඇතැයි ද ඒ අවස්ථාවේදී අල්ලස් මුදල රැගෙන ජාතික පශු සම්පත් සංවර්ධන මණ්ඩලයේ ප්රධාන කාර්යාලයට පැමිණෙන ලෙස දැනුම් දී ඇතැයි ද අධිකරණයට දැනුම් දුන් සැරයන් බණ්ඩාර මහතා ඒ අනුව වැටලීමක් සංවිධානය කළ බව ද දැනුම් දුන්නේය.
මෙම සිද්ධියේ සැකකාර ජාතික පශු සම්පත් සංවර්ධන මණ්ඩලයේ සභාපතිවරයාගේ උපදෙස්වලට අනුව ජාතික පශු සම්පත් සංවර්ධන මණ්ඩලයේ ප්රධාන කාර්යාලය ඉදිරිපිටදී පැමිණිලිකරු විසින් පෞද්ගලික සමාගමක ගිණුම් සහකාරවරයකු වන කදිරේසු සිවනේෂන් නමැත්තාට රුපියල් ලක්ෂ 6ක අල්ලස් මුදල ලබාදෙන අවස්ථාවේදී ඔහු අත්අඩංගුවට ගත් බව දැනුම් දුන් සැරයන් බණ්ඩාර මහතා ඉන් අනතුරුව ජාතික පශු සම්පත් සංවර්ධන මණ්ඩලයේ ප්රධාන කාර්යාලය තුළට ගොස් එහි සභාපතිවරයා ලෙස කටයුතු කළ මෙම සැකකරු අත්අඩංගුවට ගත් බව ද දැනුම් දුන්නේය.
මේ සිද්ධිය සම්බන්ධයෙන් වැඩිදුර පරීක්ෂණ සිදුකරන බව දැනුම් දුන් අල්ලස් කොමිසමේ නිලධාරීහු සැකකරුවන් එතෙක් රිමාන්ඞ් බාරයට පත් කරන්නැයි ඉල්ලීමක් ද කළහ.
ඉදිරිපත් වූ කරුණු සැලකිල්ලට ගනිමින් සැකකරුවන් ලබන 18 වැනිදා තෙක් රිමාන්ඞ් බාරයට පත් කළ මහේස්ත්රාත්වරිය සිද්ධියට අදාළව සිදුකරන පරීක්ෂණවල ප්රගතිය එදින අධිකරණයට වාර්තා කරන ලෙස අල්ලස් කොමිසමට නියම කළාය.
මෙරට මුහුදු තීරයේදී ගිනි ගැනීමට ලක්වූ එම්. වී.එක්ප්රස් පර්ල් නෞකාව සම්බන්ධයෙන් සිදු කරන විමර්ශනය අවසන් කර කඩිනමින් අධිකරණයට කරුණු වාර්තා කරන්නැයි ක
ශ්රී ලංකා නිදහස් පක්ෂයේ විධායක සභාව කැඳවීම පිළිබඳ සිදුකළ ප්රකාශයකින් සිය කීර්ති නාමයට හානියක් සිදුවී යැයි ද ඊට වන්දි ලෙස රුපියල් කෝටි 100 ක මුදලක් ගෙව
ඉඩමක් විකිණීමේදී ඇතිවීයැයි කියන ආරවුලක් දුරදිග යාමෙන් මොරගහහේන වීදියගොඩ මොහොට්ටිගොඩ ප්රදේශයේ කෝටිපති ව්යාපාරික කතකගේ නිවෙසට ඊයේ හොර රහසේ ඇතුළු ව
සිංගප්පූරුවේ ජාතික විශ්ව විද්යාලයේ දකුණු ආසියානු අධ්යයන ආයතනය සමග පවතින සබඳතා අඛණ්ඩව පවත්වාගැනීම සදහා හිටපු හිටපු මහ කොමසාරිස් සහ පාත්ෆයින්ඩර් ප
ශ්රී ලංකා නිදහස් පක්ෂයේ මැයි රැලිය, නිදහස් සේවක සංගමය ඇතුළු වෘත්තීය සමිති සංවිධානත්වයෙන් මැයි 1 වැනිදා ගම්පහ නගර සභා පිටියේදී පැවැත්වීමට කටයුතු යොදා
ශ්රී ලංකා නිදහස් පක්ෂයේ නව වැඩ බලන මහලේකම්වරයා ලෙසහිටපු ජාතික සංවිධායක පාර්ලිමේන්තු මන්ත්රී දුමින්ද දිසානායක මහතා පත්කර ඇත.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
අල්ලස් සිද්ධියේ පශු සම්පත් සභාපතිත් හවුල්කරුත් රිමාන්ඞ්