වයස අවුරුදු අනූව ඉක්ම වූ හැටදහසක පිරිසක් ඉතාලි මහාමාර්ගවල රිය පදවන බව ඉතාලි මෝටර් රථ කොමසාරිස් කාර්යාලය වාර්තා කරයි. වයෝවෘද්ධ රියැදුරන් විසින් කරනු ලබන රිය අනතුරු දිනෙන් දින ඉහළ යමින් ඇති බැවින්, වැඩිහිටි රියැදුරු බලපත්ර අලුත් කිරීමේදී දැඩි නීතිරීති අනුගමනය කරන ලෙස ඉතාලි පොලිසිය මෝටර් රථ කොමසාරිස් කාර්යාලයට දන්වා ඇත.
දෙදහස් විස්ස වනවිට ලොව පුරා වයෝවෘද්ධ පරම්පරාව අද මෙන් දෙගුණයක් වන බව සමීක්ෂණ වාර්තා පෙන්වා දෙයි. දැනට වයස අවුරුදු හැට ඉක්ම වූ මිලියන නවසීයක් වන ලෝවැසි ජනතාව 2020 වනවිට බිලියන දෙක දක්වා ඉහළ යනු ඇතැයි කියැවේ. එය ඒ වනවිට වයස අවුරුදු පහට අඩු ළමුන්ගේ සංඛ්යාව මෙන් දෙගුණයක් වනු ඇත.
ආයු ප්රමාණය දීර්ඝම පුරවැසියන් වෙසෙන රටවල් අතර ඉතාලිය දෙවැනි වන්නේ ජපානයට පමණි. ඉතාලි ජනගහණයෙන් සියයට විසි එකයි දශම හතරක ප්රතිශතයක් වයස අවුරුදු 65 ඉක්මවූවෝ වන අතර, සියයට හයයි දශම හතරක ප්රතිශතයක් වයස අවුරුදු 80 ඉක්මවූවෝ ලෙස වාර්තා වේ. අදාළ විෂය සම්බන්ධව සංඛ්යා ලේඛනවලට අනුව ජර්මනිය හා පෘතුගාලය පිළිවෙලින් ඉතාලියට පසුබා සිටිති.
පසුගිය වසර දහයක කාලය තුළ වයස අවුරුදු සියය ඉක්ම වූ ඉතාලි ජාතිකයන්ගේ සංඛ්යාව දසදහසේ සිට දහහත්දහස දක්වා ඉහළ ගොස් ඇත. 2007 වසරේ සංඛ්යා ලේඛනයන්ට අනුව හාරලක්ෂ හැටහයදහස් හත්සියයක් වූ වයස අවුරුදු 90 ඉක්මවූවන්ගේ සංඛ්යාව, 2017 වනවිට හත්ලක්ෂ විසිහත්දහස දක්වා වැඩි වී ඇත.
ඉතාලියේ වයෝවෘද්ධ දෙමාපියෝ බොහෝ විට තම දූ දරුවන්ගෙන් වෙන්ව ජීවත්වීම හේතුවෙන් තම කාර්යයන් තනිවම කරගැනීමට පෙළඹ සිටිති. අනුනට බරක් නොවී තම අවශ්යතාවන් පිරිමසා ගැනීම සඳහා සුඛෝපභෝගී බවේ සංකේතයක් ලෙස නොව, අත්යවශ්ය අංගයක් ලෙස මෝටර් රථ පාවිච්චිය වයෝවෘද්ධ පරම්පරාවට පිටුවහලක්ය.
වයස අවුරුදු අනූව ඉක්ම වූ හැටදහසක පිරිසක් වලංගු රියැදුරු බලපත්ර සහිතව ඉතාලි මහාමාර්ගවල රිය පදවති. රෝම නගර සභා ප්රදේශය තුළ පමණක් මෙම පිරිස පන්දහස් හාරසිය හැත්තෑ එකකි.
දෙදහස් දහසය වසර තුළ පමණක් රෝම නගර සීමාව තුළ සිදුවූ රිය අනතුරුවලින් සියයට තිස්එකක ප්රතිශතයක් වයස අවුරුදු 65 ඉක්මවූවන්ගේ වරදින් සිදුවූ අනතුරුය. මෙම අනතුරුවලින් හතළිස් හතර දෙනකු මියගොස් ඇත. බරපතළ තුවාල ලබා ඇති සංඛ්යාව පන්සිය දෙනෙකි. මේ රෝම නගර සීමාව තුළ පමණි. මෙම සංඛ්යාව දිනෙන් දින ඉහළ යන බව රෝ්ම රථවාහන පොලිසිය කියයි.
වයස අවුරුදු අසූව ඉක්මවූවන්ගේ රියැදුරු බලපත්රය සෑම වසර දෙකකටම වරක් අලුත් කළ යුතු බව ඉතාලි මාර්ග නීති සංග්රහයේ සඳහන්ය. එහෙත් රියැදුරු බලපත අලුත් කිරීමේදී දෘෂ්ඨි පරීක්ෂණයකට මිස වෙනත් වෛද්ය පරීක්ෂණයකට හෝ රියැදුරු ප්රායෝගික පරීක්ෂණයකට හෝ මෙම පිරිස යොමු කිරීමේ සම්ප්රදායක් ඉතාලියේ අනුගමනය නොකෙරේ. හදිසි අවස්ථාවකදී වයෝවෘද්ධ රියැදුරන්ගේ අවයව ප්රතිචාරය මන්දගාමී වීම රිය අනතුරු වැඩිවීමට හේතුව වී ඇති බව ඉතාලි පොලිසිය කියයි. ඉතාලියේ වයස අවුරුදු අනූව ඉක්මවූවන්ගෙන් වැඩි දෙනකු විටින් විට අලුත් කරමින් පාවිච්චි කරන්නේ මීට වසර හැත්තෑවකට පමණ පෙර නිකුත් කරන ලද රියැදුරු බලපත්ය.
වැරදි මංතීරුවලට ප්රවේශ වීමෙන් සිදුකර ඇති අනතුරුවලින් සියයට දහහතරක ප්රතිශතයක වැරදිකරුවෝ වයස අවුරුදු 70 ඉක්මවූවෝය. අධිවේගී මාර්ගවල වේග සීමාව ඉක්මවා රිය පදවමින් කරගන්නා ලද අනතුරුවලින් 2016 වසර තුළ පමණක්, වයස අවුරුදු 80 ඉක්ම වූ ඉතාලි ජාතිකයෝ එකසිය දහයක් මියගොස් ඇත.
වයස අවුරුදු 80 ඉක්මවූවන්ට වේගය සීමාසහිත වාහන සඳහා පමණක් රියැදුරු බලපත අලුත් කරන මෙන් ද අධිවේගී මාර්ග ඔවුන්ට තහනම් කරන ලෙස ද එසේත් නැතිනම් අනතුරු සංඥා කලින් ලබාදෙන තාක්ෂණය සහිත වාහන සඳහා පමණක් වලංගු වන පරිදි වයස අවුරුදු 80 ඉක්මවූවන්ගේ රියැදුරු බලපත් අලුත් කරන මෙන් ද ඉතාලි පොලිසිය මෝටර් රථවාහන කොමසාරිස් දෙපාර්තමේන්තුවට උපදෙස් දී ඇත.
යටියන
ක්ලැරන්ස් කොස්තා,
ෂෙසානෝ, රෝමය, ඉතාලිය
කොවිඩ් 19 හෙවත් නව කොරෝනා වෛරසය මේ වනවිට මිනිස් ජීවිත දහස් ගණනකට මරු කැඳවමින් තවත් ලක්ෂ ගණනක් අසාධ්ය තත්ත්වයට පත් කරමින් ලෝකයේ 150 කට අධික රටවලට ව්යාප්ත
ඉතාලියේ කොරෝනා වෛරසය ඇති බව පසුගිය පෙබරවාරි මස විසි වැනිදා හෙළිවීමත් සමගම උතුරු ඉතාලියේ මිලානෝ නගරය මූලික කරගත් ලොම්බාර්දියා ප්රදේශය ඇතුළු උතුරේ ප්
රෝම නගර සභා සීමාවට අයත් ප්රදේශය තුළ නේවාසික විදේශිකයන්ගේ සංඛ්යාව තුන්ලක්ෂ අසූදෙදහස් පන්සීයකි. මෙය රෝමයේ මුළු ජනගහණයෙන් 13.4% ක ප්රතිශතයකි. රෝම නගර සභ
මේ වනවිට ලෝකයේ විවිධ රටවල සමහර ප්රදේශවල පැතිර යන කොරෝනා නොහොත් කෝවිඩ් 19 ලෙස හඳුන්වන මාරාන්තික වෛරසය ප්රංශ පාර්ලිමේන්තුවද ආක්රමණය කොට ඇත්තේය.
මේ වෙනවිට ඉතා ශීඝ්රයෙන් ව්යාප්ත වෙන කොරෝනා වයිරසය මැදපෙරදිග රටවලටත් ව්යාප්තවීමේ අවදානමක් පවතින බව විවිධ මාධ්ය සහ තොරතුරු සනාථ කරයි. චීනය මූලික
රෝම අධිරාජ්යයට අයත්ව තිබුණු වර්ග කි. මී. හතළිස්හතරලක්ෂයක වපසරියක් වසා පැතිර තිබුණු විජිතයෙන් බදු ලෙස සියල්ල ලබාගනිමින් අධිරාජ්යයා සහ පාලක පැලැන්ති
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
වයස අවුරුදු අනූව ඉක්මවූවෝ හැට දහසක් ඉතාලියේ රිය පදවති