පසුගිය 29 වැනි දිනට යෙදී තිබුණු සම්බුදු තෙමඟුල සිහිපත් කෙරෙන වෙසක් පොහොය දිනය නිමිත්තෙන් මහජන චීන සමූහාණ්ඩුවේ ශ්රී ලංකා තානාපති කාර්යාලය මගින් සංවිධානය කළ වර්ණවත් වෙසක් උළෙල එදින පුරාවට තානාපති කාර්යාල පරිශ්රයේදී පැවැත්වුණේ දෙස් විදෙස් විශාල පිරිසකගේ සහභාගිත්වයෙනි. වෙසෙෙඟහි වැදගත්කම මෙන්ම ශ්රී ලංකා - චීන බෞද්ධ සම්බන්ධතාවල හරයන් ප්රකාශවන පරිදි උත්කර්ෂවත් ලෙස සංවිධානය කර තිබූ මෙම උත්සවයට චීනයේ ශ්රී ලංකා තානාපති කාර්යාලයේ විශේෂ ආරාධනා ලැබ පැමිණ සිටි ආරාධිතයන් අතර පාකිස්ථානය, නේපාලය, වියට්නාමය, මාලදිවයින, ඇෆ්ගනිස්ථානය, ලාඕසය, කාම්බෝජියාව, මියන්මාරය, ස්ලෝවැකියාව, සිංගප්පූරුව, බල්ගේරියාව, පේරු, උරුගුවේ හා ඉතියෝපියාව යන රටවල තානාපතිවරු හා රාජතාන්ත්රික නිලධාරීහු ද වූහ.
වෙසක් උත්සවයෙහි උදෑසන වැඩ කටයුතු නිල වශයෙන් ආරම්භ වූයේ ගංගොඩවිල අරියගවේෂී, ගංගොඩවිල ශාන්තමන්ස හා බතීගම මෙන්තජි යන හිමිවරුන් විසින් මෙහෙයවනු ලැබූ සීල හා ධර්ම දේශනා වැඩසටහන් සමඟිනි. ගංගොඩවිල අරියගවේෂී හිමියෝ පිරිස පංච සීලයෙහි පිහිටුවීම සිදුකළහ. එමෙන්ම චීන බෞද්ධ සංගමයේ උපසභාපති වන යැන් ජු නමැති චීන භික්ෂුව චීන බෞද්ධාගමට අනුව ධර්ම සජ්ඣායනාවක් ද සිදුකළහ. අනතුරුව පිරිස ඇමතූ චීනයේ ශ්රී ලංකා තානාපති ආචාර්ය කරුණාසේන කොඩිතුවක්කු මහතා වෙසක් උත්සවයෙහි වැදගත්කම පිළිබඳව සඳහන් කරමින් පැමිණ සිටි විදෙස් රාජතාන්ත්රික නිලධාරීන් ඒ සම්බන්ධව දැනුවත් කිරීමට ද කටයුතු කළේය.
මෙම වෙසක් උත්සවයට සමගාමීව අලංකාර වෙසක් කූඩු ප්රදර්ශනයක් හා බුදුරජාණන් වහන්සේගේ ජීවිතයේ විශේෂ අවස්ථා දැක්වෙන ඡායාරූප ප්රදර්ශනයක් ද පැවැත්වුණු අතර තානාපති කාර්යාල කණ්ඩායම, ටියන්ජියන් විශ්වවිද්යාල ශිෂ්යයන්, බෙයිජින්වල සිටින ශ්රී ලංකා ගුවන් හමුදා කණ්ඩායම හා සිංහල භාෂාව ඉගෙන ගන්නා චීන විශ්වවිද්යාල ශිෂ්යයන් ඉදිරිපත් කළ වෙසක් බැති ගී ගායනා අංගයට ද පැමිණ සිටියවුන්ගේ විශේෂ අවධානයක් යොමුවූ ආකාරයක් දැක ගන්නට ලැබිණි.
ශ්රී ලංකා ගුවන් හමුදා නිලධාරීන් විසින් සූදානම් කරනු ලැබ තිබූ බෙලිමල් දන්සැලට හා ශ්රී ලංකා වෛද්ය කණ්ඩායමක් පැවැත්වූ නිදහස් වෛද්ය සායනයට ද ආරාධිතයන් උනන්දුවෙන් සහභාගි වෙනු දැක ගන්නට ලැබිණි. මෙම වෙසක් උත්සවයට සහභාගිවූවන් වෙනුවෙන් නොමිලේ ලබාදීම සඳහා බෞද්ධාගම පිළිබඳ තොරතුරු ඇතුළත් සඟරාවක් අනුර බණ්ඩා මහතා විසින් ද ධම්මචක්කපවත්තන සූත්ර දේශනාව ඇතුළත් සීඩී පටයක් තානාපති කාර්යාලයේ දෙවැනි ෙල්කම් ඉනෝකා වීරසිංහ මහත්මිය විසින් ද සකස් කරනු ලැබ තිබිණි.
සටහන: උපුල් වික්රමසිංහ
චීනයේ බෙයිජින් නුවර සිට
කොවිඩ් 19 හෙවත් නව කොරෝනා වෛරසය මේ වනවිට මිනිස් ජීවිත දහස් ගණනකට මරු කැඳවමින් තවත් ලක්ෂ ගණනක් අසාධ්ය තත්ත්වයට පත් කරමින් ලෝකයේ 150 කට අධික රටවලට ව්යාප්ත
ඉතාලියේ කොරෝනා වෛරසය ඇති බව පසුගිය පෙබරවාරි මස විසි වැනිදා හෙළිවීමත් සමගම උතුරු ඉතාලියේ මිලානෝ නගරය මූලික කරගත් ලොම්බාර්දියා ප්රදේශය ඇතුළු උතුරේ ප්
රෝම නගර සභා සීමාවට අයත් ප්රදේශය තුළ නේවාසික විදේශිකයන්ගේ සංඛ්යාව තුන්ලක්ෂ අසූදෙදහස් පන්සීයකි. මෙය රෝමයේ මුළු ජනගහණයෙන් 13.4% ක ප්රතිශතයකි. රෝම නගර සභ
මේ වනවිට ලෝකයේ විවිධ රටවල සමහර ප්රදේශවල පැතිර යන කොරෝනා නොහොත් කෝවිඩ් 19 ලෙස හඳුන්වන මාරාන්තික වෛරසය ප්රංශ පාර්ලිමේන්තුවද ආක්රමණය කොට ඇත්තේය.
මේ වෙනවිට ඉතා ශීඝ්රයෙන් ව්යාප්ත වෙන කොරෝනා වයිරසය මැදපෙරදිග රටවලටත් ව්යාප්තවීමේ අවදානමක් පවතින බව විවිධ මාධ්ය සහ තොරතුරු සනාථ කරයි. චීනය මූලික
රෝම අධිරාජ්යයට අයත්ව තිබුණු වර්ග කි. මී. හතළිස්හතරලක්ෂයක වපසරියක් වසා පැතිර තිබුණු විජිතයෙන් බදු ලෙස සියල්ල ලබාගනිමින් අධිරාජ්යයා සහ පාලක පැලැන්ති
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
සම්බුදු තෙමඟුල නිමිත්තෙන් චීනයේ පැවැත්වූ වෙසක් උළෙල