ආන්දෝලනාත්මක මාධ්ය ඝාතන 23
ආන්දෝලනාත්මක මාධ්ය ඝාතන පිළිබඳ තවමත් විමර්ශන සිදුවන මෙවැනි මොහොතක සිය මාධ්ය මෙහෙවර නිසාම අකාලයේ ජීවිත පූජා කළ ලෝක පූජිත සහෘදයන් පිළිබඳ ලිපි මාලාවක් ගෙන ඒමට අපි සිතුවෙමු. ඒ 2018 වසරේ පමණක් ලොව පුරා සේවයේ යෙදී සිටි ජනමාධ්යවේදීන් සහ මාධ්ය ක්රියාකාරිකයන් 94 දෙනෙකු මේ වන විටත් ඝාතනයට ලක්ව ඇති බැවිනි. යතුරුපැදිකරුවකුගේ වෙඩි පහරට ලක්ව මිය ගිය බ්රසීලයේ ජෙෆර්සන් පුරේසා ලෝපේස්ද එවැනි මාධ්යවේදියෙකි.
එඩලිනා නගරයේ රූපවාහිනිය නරඹමින් සිටියදීම 2018 වසරේ ජනවාරි මස 17 වැනිදා මිය ගිය ලෝපේස්, ජනප්රිය ගුවන්විදුලි නිවේදකයෙකි. තම ගුවන්විදුලි වැඩසටහන හරහා ඉතා දැඩිව දේශපාලකයන් මෙන්ම පූජකවරුන්ද විවේචනයට ලක් කළ ඔහු, මේ හේතුවෙන්ම 2017 වසරේ පටන් විවිධාකාරයේ මරණ තර්ජනවලට ලක්වූ වාර අනන්තය. තැතිගැන්වීම්වලට ලක්වූ වාර අනන්තය.
ඝාතනයට ලක් වන විට තිස් නව හැවිරිදි වියේ පසුවූ ලෝපේස්, 'Beira Rio FM' ගුවන්විදුලි ආයතනයේ සේවය කළ අතර ආයතන හිමිකරු පවා එඩලිනා නගරාධිපතිවරයාගේ ප්රතිවාදියෙකු වීම මෙම මරණයට හේතුවන්නට ඇතැයි ද එකල මාධ්ය වාර්තා පෙන්වා දුන්නේය. එබැවින් 2017 වසරේදීද Beira Rio FM පිහිටි ගොඩනැගිල්ල ගින්නෙන් පුලුස්සා දැමීමට උත්සාහයක් පැවතුණු අතර එය සැලැකෙන්නේ එම වසරේ එවැනි සිදුවීමක් සිදුවූ දෙවැනි අවස්ථාව ලෙසයි.
වෙඩි තැබූ යතුරුපැදිකරුවන්
මේ සම්බන්ධයෙන් අදහස් දැක්වූ 'Beira Rio FM' ආයතනයේ අධ්යක්ෂිකා ක්රිස්ටිනා ලියොන්ඩ්රා පැවසුවේ ලෝපේස් යනු ඉතා සෘජුව සහ තීක්ෂණ බුද්ධියකින් යුතුව දේශපාලනඥයන් විවේචනය කරමින් මාධ්යකරණයේ යෙදුණු මාධ්යවේදියෙකු බවයි. විශේෂයෙන් 'Voz do Povo (Voice of the People)'නම් ඔහුගේ දිනපතා වැඩසටහන හරහා දේශපාලනඥයන් සිදු කරන වංචා දූෂණ මෙන්ම දුර්වල පරිපාලනය පිළිබඳවද දැඩිව විවේචනය කළ ඔහුට අවසන එහි ප්රතිඵලය ලෙස ලැබුණේ දේශපාලනඥයන්ගෙන් තර්ජන ගර්ජනයි.
“වසර දෙකක් තිස්සේ මේ තර්ජන ලෝපේස්ට ආවා. වට්ස්ඇප් එකට ඒ කාලේ හැමදාම තර්ජන ආවා. ලෝපේස්ගේ පවුල ඉවරයක් කරනවා වගේ පණිවිඩ ඒ කාලෙ ආවේ “ ඔහු සමග මෙම වැඩසටහන මෙහෙය වූ අනෙක් සගයා වූ මාලන් කුරෝස් පැවසුවේ එලෙසිනි. අධ්යක්ෂිකා ක්රිස්ටිනා ලියොන්ඩ්රා පැවසුවේ ඒ පිළිබඳ ලෝපේස් පොලීසියට පැමිණිලි කළ නමුත් නිලධාරීන් විසින් අදාළ නඩුව යට ගැසූ බවකි. එහෙත් ලෝපේස්ගේ ඝාතනයෙන් අනතුරුව කණ්ඩායම් පහකින් සුසැදි විමර්ශනයක් ආරම්භ කළ පොලීසිය, එහි තොරතුරු ලබාදීම ප්රතික්ෂේප කළ අතර 2018 වසරේ පෙබරවාරි මස 08 වැනිදා මේ සම්බන්ධයෙන් සැකකරුවන් තිදෙනෙකු අත්අඩංගුවට ගත්තේ ලෝපේස්ගේ මාධ්ය භාවිතය ආන්දෝලනාත්මක වුවද එය මෙම ඝාතනය සම්බන්ධ නොමැති බව හඟවමිනි.
කෙසේ වෙතත් මාධ්ය වාර්තා පෙන්වා දුන්නේ මෙම ඝාතනයේ මහ මොළකරු නගර සභා මන්ත්රී ජෝස් එඩුයිඩෝ අල්වෙස් ද සිල්වා සහ ලියොන්ඩ්රෝ සින්ට්රා ද සිල්වා මෙම ඝාතනය සඳහා සම්බන්ධ බවත්, අල්වෙස් ද සිල්වා විසින් මෙම ඝාතනය සඳහා පහසුකම් සලසන ලද බවත්, ඝාතකයාට රියාල් 5000ක් ලබා දුන් බවත්ය. මේ සම්බන්ධයෙන් රඳවා තබා ගත් 17 හැවිරිදි සැකකරුවන් දෙදෙනාගෙන් එක් අයෙකු වෙඩි තැබූ බවත්, අනෙකා යතුරුපැදිය පදවාගෙන ගිය බවටත් එම වසරේ මාර්තු මස 01 වැනිදා චෝදනා ලබන්නේ මේ හේතුවෙනි.
මේ අනුව 2018 වසරේ දෙසැම්බර් මස නගර සභා මන්ත්රී ජෝස් එඩුයිඩෝ අල්වෙස් ද සිල්වා, මාර්සෙලෝ රොඩ්රිගෝස් ඩොස් සැන්ටෝස් සහ ලියොන්ඩ්රෝ සින්ට්රා ද සිල්වා යන තිදෙනා මෙම ඝාතනය සම්බන්ධයෙන් අධිකරණයට පමුණුවනු ලැබූ අතර පසුගිය වසරේ ජනවාරි මස ඔවුන්ට ද සැකකරුවන් සමග සිර භාරයට පත්වීමට සිදුවිය.
අවසන මෙහි ප්රධාන වරදකරු බවට ලියොන්ඩ්රෝ සින්ට්රා ද සිල්වා පමණක් පත්වූ අතර ඒ නගර සභා මන්ත්රී ජෝස් එඩුයිඩෝ අල්වෙස් ද සිල්වා මෙම ඝාතන නඩුවෙන් මුදා හරිමිනි. ඒ අනුව සුළු දූෂණ කිහිපයකටද වරදකරු වූ ලියොන්ඩ්රෝට පමණක් (සෙසු සැකකරුවන් සමග) පසුගිය සැප්තැම්බර් මස 27 වැනිදා වසර 14ක සිර දඬුවමක් නියම කෙරුණු බව බ්රසීල නිදහස් පුවත්පත් සංවිධානය (ABRAJI) වාර්තා කළේය.
මාලන් විදානපතිරණ
ඡායාරූප අන්තර්ජාලයෙනි
මියගිය පියාගේ සිරුර අවසන් කටයුතු සඳහා මරණ සහතිකය ගැනීමට ගිය මියගිය අයගේ පුතා ගමන් ගත් යතුරුපැදිය බුලත්සිංහල පහළ නාරගලදී විදුලි කණුවක ගැටී සිදුවූ අනත
මිනිසා බැබළිය යුත්තේ තම ජීවන ඇත්දැකීම් තුළින්. ඒ දැනුම කිසිම උගත්කමට දෙවැනි වෙන්නේ නෑ. මිනිසා බුදධිමතකු හෝ දේශපාලනයකු වන්නේ ගිරවකු වගේ ජනතාව ඇමතීමෙන්
එක් යුගයකදී ලංකාවේ සියලුම කටයුතු තීරණය කෙරුණේ ප්රභාකරන් නම් වූ ත්රස්තවාදියාගේ න්යාය පත්රයට අනුවය. මහා මැතිවරණය හෝ ජනාධිපතිවරණය පැවැත්වීම හෝ එවැ
එක් යුගයකදී ලංකාවේ සියලුම කටයුතු තීරණය කෙරුණේ ප්රභාකරන් නම් වූ ත්රස්තවාදියාගේ න්යාය පත්රයට අනුවය. මහා මැතිවරණය හෝ ජනාධිපතිවරණය පැවැත්වීම හෝ එවැ
කාන්තා දින කොතරම් පසු වුවද ගැහැණු කවදත් අසරණ යැයි නැගෙනා අඳෝනාවල නම් අඩුවක් නොමැත. එහෙත් තම දෛවයට අභියෝග කළ, ඉරණම උරුම කර නොගත් ගැහැණු ද නැත්තේම නොවේ. රට
රාජ්ය පාලනය, අධිකරණය, ආර්ථික සංවර්ධනය හා මහජන සුබසාධනය සම්බන්ධයෙන් කතිකාවක යෙදෙන විට අප සිහියට නැගෙන පරමාදර්ශී නායකයෝ ගණනාවක් සිටිති. මේ අතින් අපට ස
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
හොර මහත්වරුන් නිරුවත් කළ මාධ්ය සගයාට මරණය