බියකරු මෙන්ම ම්ලේච්ඡ ජාවාරමක් සම්බන්ධ පුවතක් අප පුවත්පත නොබෝදා වාර්තා කළේය. එම ප්රවෘත්තියෙන් කියැවුණේ වකුගඩුවකට රුපියල් කෝටි එක හමාරක් දෙන බව පවසා දිළිඳු පවුල්වල පුද්ගලයන්ගෙන් වකුගඩු ලබාගෙන මුදල් නොදී වංචාකර ඒවා ලොකු මිල ගණන්වලට දේශීයව හා විදේශීයව විකුණා ඇතැයි කියන බොරැල්ල ප්රදේශයේ පෞද්ගලික රෝහලක් සම්බන්ධයෙන් විමර්ශනයක් ආරම්භ කර ඇතැයි කොළඹ අපරාධ කොට්ඨාසය කොළඹ අතිරේක මහේස්ත්රාත් රජින්දා ජයසූරිය මහත්මිය ඉදිරියේ කරුණු වාර්තා කළ බවයි.
‘රෝහල’ යන්නට දිය හැකි එක් සරල නිර්වචනයක් වන්නේ ‘රෝග අත්හළ ස්ථානය’ යන්නය. එබඳු ගරු කටයුතු ස්ථානයක මෙබඳු ම්ලේච්ඡ ජාවාරම් සිදුවන්නේද යන්න පිළිගැනීමට අපහසු තරමේ කාරණාවකි. එහෙත් එය එසේ සිදුවී ඇති බව කොළඹ අපරාධ කොට්ඨාස, කොළඹ අතිරේක මහේස්ත්රාත්වරිය ඉදිරිපිට කරුණු අනාවරණය කර ඇත.
එම කොට්ඨාසය වැඩිදුරටත් සඳහන් කරන්නේ කොළඹ නගරයේ දිළිඳු පවුල් ඉලක්ක කරමින් සිදුකෙරෙන මෙය ජාලගත වකුගඩු ජාවාරමක් බවත් වකුගඩු ලබාදී වංචාවට හසුවූ පුද්ගලයන් පස්දෙනකු තම කොට්ඨාසයට පැමිණිලි කර ඇති බවත්ය. මෙම වංචාවට හසුවූ පස්දෙනා අතර වයස අවුරුද්දක දරුවකුට කිරි දෙන මවකද සිටින්නීය. මෙම පැමිණිලි කළ පුද්ගලයන් පස්දෙනාට අමතරව තවත් විශාල පිරිසක් වංචාවට හසුවී ඇති බවට තොරතුරු ලැබී ඇතැයිද කොළඹ අපරාධ කොට්ඨාසය අධිකරණයට කරුණු ඉදිරිපත් කර ඇත.
ජාලගත වකුගඩු ජාවාරමක් සම්බන්ධ පුවතක් අප රටින් වාර්තාවන්නේ පළමු වතාවටය. එක් පිරිමි පුද්ගලයකු සහ කාන්තාවක මෙම වකුගඩු දායකයන් සම්බන්ධීකරණය කර ඇත. ඔවුන් දෙදෙනාට දිළිඳු පුද්ගලයන් යොමුකර තිබෙන්නේ බ්ලූමැන්ඩල් ප්රදේශයේ පදිංචි පුද්ගලයෙකි. මුදල් ලබාදෙන බව පවසා රැවටූ පුද්ගලයන් කොළඹ ප්රධාන පෙළේ පෞද්ගලික රෝහල්වලට යොමුකර පරීක්ෂණ සිදුකර ඇත. ඉන් පසුව බොරැල්ල ප්රදේශයේ පිහිටි පෞද්ගලික රෝහලේදී අදාළ සැත්කම් සිදුකර ඇත.
මෙබඳු පුවත් කියවනවිටදී දුප්පත්කම කොතරම් ශාපයක්ද යන්න වටහා ගැනීම අසීරු නැත. එක් ප්රවෘත්තියකින් කියැවුණේ 2021 වසරට වඩා 2022 වසරේදී වයස අවුරුදු 5 ට අඩු දරුවන්ගේ මන්දපෝෂණ තත්ත්වය සියයට 15 කින් වැඩිවී ඇති බවය. වියපත් ස්වාමියා සමග ජීවත්වූ අරණායක ප්රදේශයේ වියපත් මවක විෂ ශරීරගත කර දිවි නසා ගැනීමේ ප්රවෘත්තියද නොබෝදා අප පුවත්පතේ වාර්තාකරන ලද්දකි. අරණායක මාතාව එසේ දිවි නසාගෙන තිබෙන්නේ ආර්ථික අපහසුතා නිසා ජීවත්වීමට නොහැකි නිසා යැයිද එම ප්රවෘත්තියේ වැඩිදුරටත් සඳහන්ය.
රටේ ඇත්තේ බරපතළ ආර්ථික පීඩනයකි. මෙම ආර්ථික පීඩනයෙන් හෙම්බත්ව සිටින ජනයා තම ශරීර අවයව හෝ විකුණා පණ නල ගැටගසා ගැනීමට උත්සාහ කරති. ආර්ථික සුළිය තුළ තම දරුවන්ගේ කුස ගින්දර නිවා ගැනීමට මේ මහ පොළොව තුළ කළ හැකි යමක් වේනම් එය කිරීමට අපේක්ෂාවෙන් පෙළෙන පිරිස්ද සිටිති. ජාවාරම්කරුවන් දැළ එළන්නේ එසේ මනුෂ්යත්වයේ අසරණකම තුළ දිගාවී සිටින මිනිසුන්ටය.
කොළඹ පදිංචි සාතිශය බහුතරයක් ජනයා අඩු ආදායම්ලාභීහු වෙති. කිසි ලෙසකින් හෝ මිනිස් වාසයට සුදුසු නැති අපිරිසුදු බිම් තීරුවල නිවාස යැයි හඳුන්වන මඩුවක් තුළ දිවිගෙවන පිරිස් අති විශාලය. කොළඹ වතු නිවාසවල ජනයා ජීවත්වන්නේ සෞඛ්යය බිංදුවටම පිරිහී ගිය භූමි තුළය. ඔවුන්ගේ ජීවිතවලට අලුත් බලාපොරොත්තු ඇතිකර ගැනීමට තරම් යහපත් පරිසරයක් නැත. එබඳු අලුත් බලාපොරොත්තුවක් ඇතිකර ගැනීමට හැකි එකම මග වන්නේ තම ශරීර අවයව විකිණීමය. ජාවාරම්කරුවන්ගේ පහසු ගොදුරු බවට පත්වන්නේ මෙම පරිසරය තුළය.
දැඩිව අවධාරණය කරගත යුතු කරුණක් වන්නේ දිළිඳු බවින් බැටකන ජනයා ඉලක්ක කර ගනිමින් ක්රියාත්මක වන මහා මාෆියා බිහිවී ඇති බවය. බොරැල්ලෙන් අනාවරණය කර ගැනීමට හැකිවී තිබෙන්නේ එබඳු මාෆියාවක ජාවාරමක්ය. මෙම ජාලගත වකුගඩු ජාවාරම මිනිස් ජාවාරමෙන් කිසි ලෙසකින් හෝ වෙනස් නොවන්නකි. එහෙයින් මෙම ජාවාරම්කාර මාෆියාකරුවන්ට එරෙහිව නීතිය දැඩිව ක්රියාත්මක කළ යුතුය. එම දුප්පත් ජනයාට සාධාරණය ඉටුවන්නේ එමගින් පමණි.
(***)
රටේ පවත්නා ආර්ථික අර්බුදය මෙරට අධ්යාපනයට ද බලපා ඇතැයි මෑත කාලයේ වඩාත් විමසීමට ලක් වූ කාරණයකි. එහෙත් මෙය පුළුල්ව සහ ගැඹුරින් සාකච්ජාවට ලක් විය යුතු එක
ජාතියේ මහා සංස්කෘතික මංගල්යය ලෙස සැළකෙන සිංහල හා හින්දු අලුත් අවුරුද්ද උත්කර්ෂවත් ලෙස පැවැත්වීමට හැකි වී ඇති බව පසුගිය දිනවල මහජනතාවගේ විවිධ ක්රිය
දේශපාලනය “ගරු සේවයක්” බවට පත්ව තිබූ යුගයක් අතීතයේ තිබිණි. උපයා ගෙන තිබූ වත්කම්ද මහජන සේවයට කැප කළ එම ගරු කටයුතු මහජන නියෝජිතයා සරල අල්පේච්ඡ ජීවිතයක් ග
ශ්රී ලංකාව මුල්වරට විදේශ ණය ගෙවීම තාවකාලිකව අත්හිටුවන බව 2022 අප්රේල් 12 වැනි දින ශ්රී ලංකා මහ බැංකුව නිවේදනය කළේය. ඒත් සමගම ශ්රී ලංකාව බංකොලොත් රටක් බ
ජෙනරාල් සර් ජෝන් කොතලාවල ආරක්ෂක විශ්වවිද්යාලයේ වෛද්ය පීඨයේ වෛද්ය උපාධිය සඳහා මෙරට ශිෂ්යයන්ට මුදල් ගෙවා ඇතුළුවීමට පහසුකම් සැලසීම සඳහා වන යෝජනාව
ලෝකායන විද්යාව අනුව ලංකාවට අයත්වෙන්නේ කුම්භ ලග්නයයි. 2024 අලුත් අවුරුදු ආරම්භය සිදුවී එක් සූර්ය මාසයක් ගතවීමට පෙරාතුව මෙතෙක් පැවති ලංකාවේ ග්රහචාරය ද
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දුප්පතා අසරණ කරන වකුගඩු ජාවාරම