2024 අප්‍රේල් මස 19 වන සිකුරාදා
2024 අප්‍රේල් මස 19 වන සිකුරාදා
වාණිජ බැංකු පොලී අනුපාත අඩු කරන ලෙස ශ්‍රී ලංකා මහ බැංකුව නිවේදනය කර තිබේ. තැන්පත් පොලිය අඩු කළ වාණිජ බැංකු ණය පොලිය වෙනසක් කළේ නැත. ණය පොලිය අඩු නොකළහොත් තද පියවර ගන්නා බව මහ බැංකුව නැවතත් අනතුරු අඟවා තිබේ. ණය පොලිය අඩු කරන්නේ පොදු ජනතාවගේ යහපතට නොවේ. වාණිජ බැංකුවල පොලිය අඩු වන විට ආණ්ඩුවේ ණය ගැනීම පහසු වෙයි. රාජ්‍ය ආයතනවල පොලී ගෙවීමේ හිසරදය පාලනය වෙයි. බලවත් ණය බරක සිටින ආණ්ඩුවේ වේදනාව සමනය කරනු සඳහා ජනතාවට තිත්ත බෙහෙත් පෙවීම සුදුසු නැත.
සති දෙක තුනකට කලින් මහ බැංකුව වාණිජ හා මුල්‍ය ආයතනවලට නිවේදනයක් නිකුත් කළේය. එයට අනුව සෑම ස්ථිර තැන්පතුවකටම ගෙවන වාර්ෂික පොලී අනුපාතය භාණ්ඩාගාර බිල්පත් වෙන්දේසියේ දින 365 කට ලැබෙන ඵලදා අනුපාතයට සමාන කළ යුතුය. බැංකු හා මූල්‍ය ආයතන එම පොලී අනුපාත අනුගමනය කළ යුතු අතර ළමා හා වැඩිහිටි ස්ථිර තැන්පත්වලට සියයට 0.5 ක අමතර පොලියක් ගෙවිය හැකි බව දක්වා තිබේ.
තැන්පත් පොලිය අඩුකිරීමේ අරමුණ වාණිජ බැංකු ණය පොලී අනුපාතය පාලනය කිරීම අභිලාශය බව දක්වන මහ බැංකුව මෙම නියෝගය පිළිපදින්නේ දැයි අවධානයෙන් සිටින බව දක්වා ඇත. නොබෝදා නැවතත් අවදි වූ මහ බැංකුව අඩු කරන ලද තැන්පත් පොලිය හා සමානව ණය පොලිය අඩු නොකරන්නේ නම් තමන් සතු බලතල අනුව පොලිය නියම කරන්නට සිදුවන බව තදින් කියා සිටියේය. පසුගිය සති අන්තයේ භාණ්ඩාගාර බිල්පත් වෙන්දේසියේ දී ලැබුණ ඵලදා අනුපාතය සියයට 7.90 කි. එය වසර ගණනකට පසු අවම මට්ටම බව නිරීක්ෂණය කළ හැකිය. මෙරට ණය පොලී අනුපාතය සියයට 15-16 අතර මට්ටමක පවතී.
තැන්පත් පොලිය හා සමානව ණය පොලිය අඩුවුවහොත් ඉදිරියේ දී වාණිජ බැංකු අයකරන පොලිය සියයට 11-12 අතර විය හැකිය.
බැංකු හා මූල්‍ය ආයතනවල තැන්පත් හා ණය පොලී අනුපාතික පාලනය කිරීමෙන් ගනුදෙනුකරුවන්ට වාසි ඇතිකරන බව බැලූ බැල්මට දැකගත හැකිය. එහෙත් එහි සෘජු වාසිය ආණ්ඩුවට හා ආණ්ඩුවේ ආයතනවලට බව ඉතාම පැහැදිලිය. ආණ්ඩුවේ ණය බර පාලනය වන අතර අවසානයේ දී එහි සුළු පිටිවහලක් ජනතාවට ලැබෙන්නට ඉඩ තිබේ. එතැනින් වාසියක් සිදුවෙතැයි ගණන් බලන විට ආණ්ඩුව තමන්ගේ තෝරාගත් ඉහළම නිලධාරීන්ට තීරු බදු රහිත වාහන ගෙන්වන්නට අනුමැතිය ඉල්ලා කැබිනට් පත්‍රිකාවක් ඉදිරිපත් කර ඇති බව අනාවරණය වෙයි. එවැනි තීන්දුවකින් පසු ආර්ථිකයේ සිදුවිය හැකි එකම වාසියත් රටට අහිමි වන බව නිසැකය.
පොලිය අඩු කිරීමෙන් ආණ්ඩුව ජය ගන්නේ කෙසේද? කෙළින්ම භාණ්ඩාගාර බිල්පත් හා බැඳුම්කරවලට ගෙවන ඉහළ ඵලදා අනුපාතිකය පාලනය වෙයි. සුප්‍රකට බැඳුම්කර ගනුදෙනුව අවස්ථාවේ දී මෙරට ඵලදා අනුපාතිකය සියයට 11.73 කි. එතැන සිට අද පවතින සියයට 7.9 කට ආසන්න තැන දක්වාව පොලිය අඩුවන විට එහි වාසිය ආණ්ඩුවට ලැබේ. බිල්පත් හා බැඳුම්කර පියැවීමට අලුතින් මුදල් නෝට්ටු නිකුත් කිරීම හෝ නැවත වතාවක් එකී වටිනාකමට සමාන බිල්පත් හෝ බැඳුම්කර නිකුත් කිරීම මෙහි දී සිදුවෙයි. බිලියන ගණනින් සිදුවන මෙම හුවමාරුවේ දී සියයට හතරකට ආසන්න පොලිය පහත වැටීම සෑහෙන වාසියකි.
සිංහල හින්දු අලුත් අවුරුදු උත්සව හේතුවෙන් රටේ දේශපාලන ක්ෂේත්‍රයේ යම් ආකාරයක නිශ්ශබ්දතාවක් තිබෙන බව පැහැදිලිය. එහෙත් මැයි 01 වෙනිදාට පැවැත්වෙන දේශපාල
ආගන්තුක සත්කාරයට ළැදි සිනාවෙන් මුව සරසාගත් මිනිසුන් සිටින රටක් ලෙස අප රටට ජාත්‍යන්තරය තුළ ඉහළ පිළිගැනීමක් විය. අප රට සංචාරක පාරාදීසයක් බවට පත් වූයේ සො
රටේ පවත්නා ආර්ථික අර්බුදය මෙරට අධ්‍යාපනයට ද බලපා ඇතැයි මෑත කාලයේ වඩාත් විමසීමට ලක් වූ කාරණයකි. එහෙත් මෙය පුළුල්ව සහ ගැඹුරින් සාකච්ජාවට ලක් විය යුතු එක
අනුබුදු මිහිඳු මහරහතන් වහන්සේ වැඩම කළ ඓතිහාසික මිහින්තලාව මෑතක සිට ආන්දෝලනාත්මක පුවත් මවන ස්ථානයක් බවට පත්ව තිබේ. එක් වරක් විදුලිය බිල නොගෙවීම නිසා ම
ජාතියේ මහා සංස්කෘතික මංගල්‍යය ලෙස සැළකෙන සිංහල හා හින්දු අලුත් අවුරුද්ද උත්කර්ෂවත් ලෙස පැවැත්වීමට හැකි වී ඇති බව පසුගිය දිනවල මහජනතාවගේ විවිධ ක්‍රිය
දේශපාලනය “ගරු සේවයක්” බවට පත්ව තිබූ යුගයක් අතීතයේ තිබිණි. උපයා ගෙන තිබූ වත්කම්ද මහජන සේවයට කැප කළ එම ගරු කටයුතු මහජන නියෝජිතයා සරල අල්පේච්ඡ ජීවිතයක් ග
2024 අප්‍රේල් මස 09
211
0
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness
2024 මාර්තු මස 14
1517
0
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
2024 පෙබරවාරි මස 19
1417
2
ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ආණ්ඩුවේ වේදනා සමනයට ජනතාවට තිත්ත බේත්
Sujeewa Friday, 30 August 2019 02:30 AM
අද ආර්ථිකයේ සිදුවන තවත් වැරද්දක් පාටක අපට ඉතාමත් පැහැදිලිව දැනුවත් කිරීම ගැන ලංකාදීප පුවත්පතට මල්. අපට හෙනකරනා "ජරාපාලන" රජයට හෙන.
sena Friday, 30 August 2019 05:32 PM
වෙනත් දියුණු රටවල්වල 3-4% පොලී අනුපාත තියෙන්නේ. ඒවා බංකොලොත් වෙලාද? අපි නම් දන්නා විදියට පොලී අනුපාත අඩු කළ හැකිනම් ආර්ථික වර්ධනය තවත් වැඩිකළ හැකියි. කිසිම ආර්ථික විද්‍යා දැනුමක් නැති අයෙකුගේ හිතළු ලිපියක්. ජනතාව නිරපරාදේ නොමග යවනවා.
PereraMonday, 02 September 2019 02:29 PM
මෙම ලිපිය නිවැරදියි. දියුණු රටවල පොළී අනුපාත 2% - 3% බව ඇත්ත. එසේ අඩු පොලී අනුපාතයක් පවත්වා ගෙන යා හැක්කේ ඒ රටවල් දියුණු නිසාය. ලංකාව දියුණු නැත. පොලී අනුපාත අඩු කළ යුත්තේ දියුණුවට සමාන්තරවය. පොලී අනුපාතය තීරණය වන්නේ උද්ධමනය මතය. උද්ධමනය වැඩි වූ විට පොලී අනුපාතය වැඩිය... උද්ධමනය අඩුවිට පොඩි අනුපාතය අඩුය. දුප්පත් රටවල උද්ධමනය වැඩි නිසා පොලි අනුපාතයද වැඩිය. දියුණු රටවල උද්ධමනය අඩු නිසා පොලී අනුපාතයද අඩුයි. ලංකාවේ මහ බැංකුවටද හෙට සිට බැංකු විසින් ගෙවිය යුතු පොලී අනුපාතය සියයට 3% බවට නියෝග කළ හැක. එවිට ලංකාව සිංගප්පූරුවක් බවට පත් නොවේ. මෙහිදී ආණ්ඩුව කිරීමට උත්සාහ කරන්නේ එක් පැත්තකින් පොලී අනුපාතය කෘතිමව අඩු කිරීමෙන් රට දියුණු බව බොරුවට මවා පෙන්වීමත් අනිත් පැත්තෙන් ආණ්ඩුවේ ආයතන වල අධික ණය බර අඩු කරගැනීමත්ය. ආර්ථිකය දියුණු වූ විට උද්ධමනය අඩුවී පොලී අනුපාතය 2% මට්ටමට පැමිණේ. එම මට්ටමට පොලී අනුපාතය අඩු කිරීම සඳහා ශ්‍රී ලංකාව, ජර්මනිය වැනි රටවල් ළඟා කරගෙන ඇති මට්ටමේ ආර්ථික දියුණුවක් ලබාගත යුතුය. එවිට ලාංකිකයන් කම්කරුවන් ලෙස කොරියාවට යා යුතු නැත. එහි අනෙක් පැත්ත සිදුවිය යුතුයි.
TharinduTuesday, 03 September 2019 09:42 AM
ඔබගේ ප්‍රකාශය ඉතාමත් ම නිවැරදියි. බොහෝ පිරිසක් ඔබගේ ප්‍රකාශයට අකමැත්ත පළ කර තිබෙන්නේ ඔවුන් ඉහළ පොලී අනුපාත හේතුවෙන් සාමාන්‍ය ජීවිතයේ දී දැඩි පීඩනයකට පත් ව සිටීමත් සහ ඔවුන්ට ආර්ථික විද්‍යාව ගැන පැහැදිලිි දැනුමක් නොමැති නිසයි. එබැවින් පොලී අනුපාත අඩුකර ජනතාවට සහනයක් ලබාදීම රජය විසින් අනිවාර්යෙන් සිදුකළ යුතු වුවත් මේ අවස්ථාවේ දී සිදුවිය යුත්තේ ඔබ පැවසූ දෙයයි. එවිට පොලී අනුපාත ඉබේම අඩු වී යනු ඇත.
එරා Saturday, 31 August 2019 01:26 AM
මෙය ආර්ථික විද්‍යාව නොදන්නා අතදරුවකුගේ වැඩකි.
පයස් ප්‍රනාන්දු Saturday, 31 August 2019 04:29 AM
රටේ ව්‍යාපාර සියල්ලම වාගේ දුවන්නේ බැංකු ණය මුදලින් බව බොහෝ දෙනා දනිති. මෙම ණය පොලියද එකතු වන්නේ අප ගන්නා බඩුවල, සේවාවල මිලටමයි. අඩු පොලියට ණය තිබේ නම් බඩු හා සේවා මිල අඩුවේ. ව්‍යාපාර වැඩිවේ. රැකියා වැඩිවේ. මෙය වහාම සිදු නොවුණත් දිගු කාලීනව අනිවාර්යයෙන් ම සිදුවේ. ණය ගන්නේ රජය පමණක් නොවේ...