වසර හතරකට වැඩි කාලයක සිට පානදුර ආසන්න මුහුදේ නැංගුරම් ලා තිබෙන ටොමොප්ලෝ සියේරා නෞකාවට දැනටමත් ජලය පිරී ඇති බැවින් ඉන්ධන ටොන් 400 සමග එය මුහුදුබත් වීමේ අවදානමක් හටගෙන තිබේ. දැවිතෙල් ටොන් 400 ක් සහ යකඩ පයිප්ප ඇතුඑ ටොන් 20,000 ට ආසන්න භාණ්ඩ සහිත මෙම නෞකාව මේ වනවිට දැඩි සේ දිරාපත්ව ඇත. වම් පසට ඇලවී ඇති නෞකාවේ එන්ජින් කාමරයට සති දෙකක පමණ සිට ජලය ගලා එමින් තිබේ. එමෙන්ම එහි අංක තුන භාණ්ඩ ශාලාවේ ජලය ටොන් 1000 ට වඩා පිරී ඇති අතර තවත් ටොන් 3000 ක් පමණ පිරී ගියහොත් නැව මුහුදේ ගිලී යනු ඇත. නැව ගිලී යාමේදී නැවේ ඇති බොර තෙල් මුහුදුට නිදහස් වුවහොත් සිදුවන්නේ මහත් විනාශයකි. බස්නාහිර හා දකුණු දිග වෙරළ තීරය සම්පූර්ණයෙන්ම විනාශවී යාමට එය හේතුවනු ඇත. ටොමොප්ලෝ සියේරා නමැති මෙම නෞකාව සයිප්රසයට අයත්වූවකි. 2007 වසරේ ජූලි මාසයේදී අලූත්වැඩියා කටයුතු සඳහා මෙරටට පැමිණි අවස්ථාවක එහි කාර්ය මණ්ඩලය නැවේ කපිතාන් වරයාට එරෙහිව මෙරට වාණිජ අධිකරණයේ නඩු පැවරීම හේතුවෙන් ශී්ර ලංකාව ආසන්න මුහුදේ නැව මෙලෙස නැංගුරම්ලන ලදී. ඉන් පසු නැව අයත් සමාගම මෙරට නාවික කටයුතු ආයතන කීපයකට එරෙහිව වන්දි ඉල්ලා සිටීම හේතුවෙන් නැව තවදුරටත් මෙරට මුහුදු සීමාවේ ම තබා ගැනීමට සිදුවිය. 1985 නිෂ්පාදිත මෙම නෞකාව පුරා වසර පහක කාලයක් මහ මුහුදේ එකම තැන තිබීම හේතුවෙන් දිරාපත්ව තිබේ. එහි යන්ත්ර, බඳ මෙන්ම නැංගුරම් ආදිය පවා දිරාපත්ව ඇති අතර එය කිසිසේත්ම සේන්දු කළ හැකි තත්ත්වයේ නැත. මෙම නෞකාවේ සේවකයන් මේ නැවෙන් ඉවත්ව ගිය අතර නැව පිළිබඳ තීරණ ගැනීමේ අයිතිය වෙළෙඳ නෞකා අංශයේ අධ්යක්ෂ ජනරාල් වෙත පැවරිණි. ඒ අනුව රජය විසින් නැවට සේවකයන් යොදවන ලද අතර ඔවුන්ට වැටුප් නොගෙවීම හේතුවෙන් කණ්ඩායම් කිහිපයක් විවිධ අවස්ථාවලදී නැව හැරගොස් තිබේ. නැව වෙන්දේසි කිරීම සඳහා වාණිජ මහාධිකරණයෙන් අවසර ලැබී ඇත. එහෙත් මේ සඳහා ගැනුම්කරුවකු ඉදිරිපත් වේද යන්න ගැටලූවකි. පසුගිය නොවැම්බර් මාසයේ සිට නැව ගැන විශේෂ අවධානයෙන් පසුවන සමුද්ර පරිසර ආරක්ෂණ අධිකාරිය පවසන්නේ නිරිත දිග මෝසම් සුළං සකී්රය වීමට පෙර නැව පානදුර වෙරළ ආසන්නයේ සිට නැගෙනහිර වෙරළ දෙසට ගෙනයාමට අපොහොසත් වුවහොත් නැව විනාශ වී යනු ඇති බවයි. 2008 වර්ෂයේ සමුද්ර දුෂණ වැළැක්වීමේ අංක 35 දරණ පනතේ 24 වැනි වගන්තිය යටතේ සමුද්ර දුෂණයක් සිදුවිය හැකි යැයි පැහැදිලි සාක්ෂි ඇති ඕනෑම අවස්ථාවක එය වැළැක්වීම පිණිස ඕනෑම පියවරක් ගැනීමේ බලය සමුද්ර පරිසර ආරක්ෂණ අධිකාරිය සතුව ඇත. එම කාර්යය මාස්ටර් ඩයිවර්ස් ආයතනයට පැවරිණි. එහෙත් මේ දක්වාම නැව පානදුර මුහුදේ නැංගුරම් දා ඇති අතර එය දැන් ගිලී යමින් පවතී. මේ වනවිට නෞකාවේ සිටින සේවකයන් සංඛ්යාව පහකි. රජය මගින් ඔවුන් ඒ සඳහා යොදවා ඇතත් ඔවුන්ට දැන් ආහාර හෝ නොලැබීමේ ඛේදජනක තත්ත්වයකට පත්ව ඇත. ඇතැම් විට සතියක කාලයක් ආහාර සඳහා ඔවුන්ට ලැබෙන්නේ කොස් හා පොල් ගෙඩි කිහිපයක් පමණි. දිරාපත්වීම නිසා තට්ටුව මත ඇවිද යා නොහැකි තත්ත්වයට පත්ව ඇති නෞකාවේ සේවය කරන මේ පස් දෙනාට නැව ගිලී යන්නේ නම් සිය ජීවිතය ගලවා ගැනීමේ ආරක්ෂක ක්රමයක් හෝ නොමැති වීම ගැටලූවකි. ආහාර හෝ ඖෂධ නොමැතිව ජීවිත අවදානමට මුහුණ පා සිටින මේ පිරිස අතරින් කිහිප දෙනෙක් රෝගාතුරව සිටිති. මෙම නෞකාව හා එහි තත්ත්වය පිළිබඳ වෙළඳ නාවුක කටයුතු අධ්යක්ෂ ජනරාල් මාර්ෂල් අජිත් සෙනෙවිරත්න මහතාගෙන් විමසූ විට ඒ මහතා මෙසේ කීවේය. නැවේ තෙල් ඉවත් කිරීමේ කාර්යය අපි පටන් ගත්තා. වෙනත් යාත්රාවක් එම ස්ථානයට යවා නැවේ තෙල් ඉවත් කරනවා. දැන් නැව පවතින දුර්වල තත්ත්වය නිසා තෙල් තිබියදී නැව ඇදගෙන යා නොහැකියි. නැවේ තෙල් මුහුදට එකතු වුවහොත් විශාල පාරිසරික හානියක් සිදුවනවා. එය වැළැක්වීමට අවශ්ය මූලික පියවර අරගෙන තියෙන්නේ. ඒ වගේම දැන් නැව ඇතුළට ජලය කාන්දුවීම වැළැක්වීමටත් අවශ්ය පියවර ගත්තා. දිරාපත්ව දුබලව ඇති නැවෙන් ලැබෙන තොරතුරු අනුව මෙම කාර්යය ලිපිය ලියන බ්රහස්පතින්දා වන විටද ආරම්භ කැර තිබුණේ නැත. නැවට මුහුදු ජලය ගලා ඒම දිගින් දිගටම සිදුවෙමින් තිබිණි. මේ තත්ත්වය දිගටම පැවතියහොත් තෙල් ටොන් 400 ක් පමණ පානදුරය ආසන්න මුහුදට එකතු කරමින් එය මුහුදු පත්ලේ ගිලී යනු ඇත. ඉන් සිදුවන පාරිසරික හානිය සීමා මායිම් නැත.
කේවල ආසන ක්රමය හා සමානුපාතික නියෝජන ක්රමය යන ක්රම දෙකම ඇතුළත් මිශ්ර පාර්ලිමේන්තු මැතිවරණ ක්රමයක් ඉදිරියේ දී ක්රියාත්මක කිරීමේ අරමුණෙන් ආණ්ඩු
වින්සන්ට් සුබසිංහයන්ගේ 118 වැනි ජන්ම දිනය අද 29 වැනිදාට යෙදේ. මේ ලිපිය ඒ නිමිත්තෙනි. “සමුපකාර ව්යාපාරයේ පියා” ලෙස විරුදාවලීලත් මෙරට සමුපකාර ඉතිහාසයේ එක
ලොව පුරා වෙසෙන කිතුනු ජනතාව මහත් බැතියෙන් සමරන ජේසුස් වහන්සේගේ කුරුස පත්වීම හෙවත් මහ සිකුරාදා අදට (29) යෙදී ඇත. මෙම ලිපිය පළවන්නේ ඒ නිමිත්තෙනි.
“රාජපක්ෂල ගැන ආපහු කතා කරල වැඩක් නැහැ. රාජපක්ෂල ඉවරයි” මෙය මේ දිනවල බොහෝ දේශපාලනඥයන් විසින් කරනු ලබන ප්රකාශයකි. රාජපක්ෂලාගෙන් ගොඩගිය අය මෙන්ම එසේ නොව
ප්රවෘත්ති සම්බන්ධ එක් නිර්වචනයක් වනුයේ ‘‘ඇස් උඩ යන දේ ප්රවෘත්ති’’ යන්න ය. එබඳු ඇස් උඩයන ප්රවෘත්තියක් අප පුවත්පත ඉකුත් දා වාර්තා කළේ ය. එම ප්රවෘත්ත
මැතිවරණ සම්බන්ධයෙන් මේ දිනවල සිදුවන සංවාදය තුළ මැතිවරණ ක්රමයේ සංශෝධනයක් විය යුතු බවට කතාබහක් නැවත කරළියට පැමිණ තිබේ. මෙහි දී මිශ්ර නියෝජන ක්රමයක්
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
පානදුර මුහුදේ අබලන් නැව ජලයෙන් පිරෙයි
අලිබබා Sunday, 10 June 2012 12:50 PM
අපරාදේ මෙ යකඩ අපරාදේ. දැන් දිරලයි තියෙන්නේ. මෙයට පෙර මෙම යකඩටික විකුණලා මුදල් කලානමි දුප්පත් මනුෂ්යයකුට නිවසක් හදලා දෙන්න තිබිබා.
කසුන් Tuesday, 12 June 2012 06:28 AM
මේ නැව ඉක්මනට නවීකරණය කරා නම් රටට වැඩක් ගන්න තිවුනා..
සිසර Tuesday, 12 June 2012 02:02 PM
සමහරැන්ට නැව ගිලුනත් බෑන් චූන්...
සුරංග Sunday, 12 August 2012 04:24 AM
කමක් නැහැ අබලන් නේ. (නි)
විමල් Monday, 11 June 2012 10:22 AM
හොරුන්ට දුන්නනම් තෙල් ටික බා ගනියි. යකඩ ඔක්කොමත් ගලවල විකුණයි. මම දන්න යකඩ හොරෙක් ඉන්නව..
සමීර Saturday, 16 June 2012 09:39 AM
යකඩ ටික කාටහරි දෙන්න තමා වෙන්නෙ.. මොකද හොරැ යකඩවලට නැව විකුණයිද දන්නෙ නෑ..
සුජීව Sunday, 10 June 2012 06:45 PM
නැව ගිලුනට පස්සේ UNP එකයි JVP එකයි පාරට බහී