2024 අප්‍රේල් මස 18 වන බ්‍රහස්පතින්දා
2024 අප්‍රේල් මස 18 වන බ්‍රහස්පතින්දා
කශේරුකාව වක ගැසෙන තෙක් ජීවන බර උසුලන ජනතාවගේ කරමතට තවත් බරක් පැටවුනේ විදුලිබිල ගාස්තු ඉහළ නැංවීමට ගත් තීරණයත් සමඟය.
‘‘නඩුත් හාමුදුරුවන්ගේ - බඩුත් හාමුදුරුවන්ගේ’’ කීවාක් මෙන් අවසානයේ ජනතාවට සිදුවන්නේ රාජ රාජ මහේශාක්‍යයන් ගන්නා තීරණවලට හිස නමන්නට සිදුවීම පමණි.
ලංකාව විකල්ප බලශක්ති කෙරේ අවධානය යොමු නොකරන්නේ ඇයි? විදුලිය සැපයීම පිළිබඳව අර්බුද මතු වූ බොහෝ අවස්ථාවල මතු කළ ප‍්‍රශ්නයක් වූයේ එයයි.
|
ලංකාව යනු භූ විෂමතාවෙන් අනූන රටකි. ලෝකයේ ජල විදුලිය නිපදවන රටවල් ඇත්තේ අතළොස්සක් පමණකි. ඒ ලෝකයේ බොහෝ රටවල් ජල විදුලිය උත්පාදනය කරන්නට තරම් භූ විෂමතා නොමැති වීමේ හේතුව මතය. එම රටවල් විදුලිය නිෂ්පාදනය සඳහා විකල්ප සාධක ලෙස ඛනිජ තෙල් හා ගල් අඟුරු යොදා ගනී.
බි‍්‍රතාන්‍යයේ තවමත් බලශක්ති වලින් 33% ක් පමණ උපයා ගන්නේ ගල් අඟුරු තාප බලාගාර අනුසාරයෙනි. එය ලාභදායී මෙන්ම අඩු මිලක් යටතේ ගත හැකි තත්ත්වයක පවතී.
ඕනෑම දෙයක යහපත් පැතිකඩක් මෙන්ම අයහපත් පැතිකඩක්ද පැවතිය හැකිය. ගල් අඟුරු තාප බලාගාර දැවැන්ත ලෙස පරිසර දුෂණ කාරකයක් බවට පත්වන්නේ ඒ අනුවය. ගල් අඟුරු තාප බලාගාර මගින් සල්ෆර් (SO2) නිෂ්පාදනය වෙන අතර සල්ෆර් මූලද්‍රව්‍ය පරිසරයට නිකුත්වීම බරපතළ ලෙස හරිත ආවරණයට හානිකර වෙයි.
ලෝකයේ පවතින විකල්ප බලශක්ති ප‍්‍රභේද මොනවාද? යන්න පිළිබඳව පුළුල් ලෙස විමසීමේදී විකල්ප බලශක්ති ප‍්‍රභේද රැසක් පිළිබඳව අපට අපේ අවධානය යොමුකළ හැකිය.
ප‍්‍රතිචක‍්‍රීය කරණයට ලක්කළ (Clean Coal) ගල් අඟුරු ලෝකයේ පවතින තවත් විකල්ප බලශක්ති ක‍්‍රමයකි. එකී ක‍්‍රමවේදය ඔස්සේ විදුලිය උත්පාදනය කෙරෙන්නේ මේ ආකාරයටය.
ගල් අඟුරු පිච්චීමෙන් හයිඩ‍්‍රජන් වායුව ලබා ගැනීමෙන් පසු එම වායුව විදුලි උත්පාදනයට යොදා ඉතිරිවන අපද්‍රව්‍ය සියල්ල නැවත භූගත කිරීමයි. එයින් පරිසර හානිය අවම වේ.
ක්ලීන් කෝල් විදුලි උත්පාදන ක‍්‍රමවේදය පරිසර හිතකාමී විදුලි උත්පාදන ක‍්‍රමවේදයකි. නිෂ්පාදන පිරිවැය තරමක් අධික වුවත් පරිසර හිතකාමී මෙම විදුලි උත්පාදන ක‍්‍රමය රටකට වඩා හිතකර වෙයි.
න්‍යෂ්ඨික බලය (Nuclear) විදුලි උත්පාදන ක‍්‍රමයද ලෝකයේ පවත්නා තවත් විදුලිබල උත්පාදන ක‍්‍රමයකි. ජන ජීවිතයට එල්ල විය හැකි අවදානම අධික වෙන පසුබිමක් මෙම විදුලි උත්පාදන ක‍්‍රමයේ අන්තර්ගතයේ පවතින හෙයින් අවදානම වළක්වා ගන්න අවශ්‍ය තාක්‍ෂණික අධ්‍යනයක් කර මෙම විදුලි උත්පාදන ක‍්‍රමවේදය පිළිබඳව අවධානය යොමු කළ හැකිය. එහෙත් ජාත්‍යන්තර පරමාණු බලශක්ති අධිකාරිය වැනි ආයතනවල අනුමැතිය ලබාගැනීම අප වැනි තුන්වැනි ලෝකයේ රටකට ඉතා දුෂ්කර කාර්යයකි. මෙම විදුලි උත්පාදන ක‍්‍රමය ලංකාවට සුදුසු වුවත් අවශ්‍ය තාක්‍ෂණික අධ්‍යයන සිදුකර අවශ්‍ය විදුලි උත්පාදන ක‍්‍රමවේදය කෙරෙහි යොමුවෙන්නට ආර්ථික හැකියාවක් නැති බව අදාළ බලධාරීන්ගේ මතයයි. සුළු ඉඩකඩක් තුළ ඉදිකරන ලද න්‍යෂ්ටික බලාගාරයක් තුළින් අවම අමුද්‍රව්‍ය යෙදවීමෙන් ලොව වෙනත් සියලූම විදුලි උත්පාදන ක‍්‍රමයන්ට වඩා වැඩි ධාරිතාවක් ලබාගත හැකි වුවත් ඒ සඳහා වූ ආරක්ෂණ ක‍්‍රමවේදයක් ගොඩනැගීමේ හැකියාව අප රටට නැත.
අප රටේ ඇති ඛනිජ තෙල් නිධි පිළිබඳ ගවේෂණය කර ඛනිජ තෙල් සම්පත ලංකාවේ ආර්ථිකය සඳහා යොදාගැනීමට හැකියාවක් ලැබුණොත් එහි අතුරුඵලයක් හැටියට එයින් ලැබෙන ගෑස් වලින්ද විදුලිය නිපදවා ගත හැකිය. එසේ ගෑස් නිපදවා ගත හැකි වුවහොත් ඉතාමත් ලාභදායී බලශක්ති ප‍්‍රභේදයක් ලෙස එයද භාවිත කළ හැකිය.
සූර්ය බල ශක්තිය (Solar Power) තවත් විකල්ප බලශක්ති උත්පාදන ක‍්‍රමයකි. ලංකාව සමකය ආසන්නයේ පිහිටි රටක් බැවින් වැඩි කාලයක් සූර්ය තාපය පවතින වියලි කාලගුණයක් ඇති ලංකාව වැනි රටකට සූර්ය තාපයෙන් උපරිම ප‍්‍රයෝජනයක් ගත හැකිය. සූර්ය තාපයෙන් විදුලිය උත්පාදනය කරන විදුලි උත්පාදන ක්රමයක් වූ සූර්ය බල ශක්ති තාක්‍ෂණය ශ්‍රී ලංකාව වැනි රටකට වඩා යෝග්‍ය විකල්ප බලශක්ති ක්රමයක් වෙයි.
ඇතැම් සීත හිම වැටෙන රටවල හිරු එළිය වැටෙන්නේ වසරේ එක් කාලයකදී පමණි. එහෙත් ලංකාව වසරේ වැඩි දවසක් හොඳ හිරු එලියකට හිමිකම් කියයි. රටේ අවශ්‍යතාවට සරිලන ආකාරයෙන් තාපය ගබඩා කරන්නට අවශ්‍ය සූර්යකෝෂ සහ බැටරි නිපදවීමට හෝ මිලදී ගැනීමට මුදල් ආයෝජනය කරන්නට තරම් අපට හැකියාවක් නැත. එමෙන්ම මිලදී ගන්නට ජනතාව සතු හැකියාව ගැනද අවධානය යොමුකළ යුතුය යන තර්කය අදාළ බලධාරීන් හා දේශපාලනඥයන් නගන පොදු තර්කයකි. ජල විදුලිය නිපදවීමේ ක‍්‍රියාදාමය ඔස්සේ තමන් අතට ගලාඑන කොමිස් මුදල් තමාට අහිමි වේයැයි යන හැඟීමද මීට හේතුවකි.
විදුලි පරිභෝජනය ඉහළ මට්ටමක පවතින රටක් එක් විදුලි උත්පාදන ක‍්‍රමයකට පමණක් සීමා නොවී විකල්ප විදුලි උත්පාදන ක‍්‍රම කෙරෙහිද යොමු විය යුතුය. නොඑසේනම් විදුලි උත්පාදනය පිළිබඳ අර්බුද ඇති වූ විට විදුලිය ජනනය සීමා සහිත වූ විට රටේ ජනතාවට අඛණ්ඩව විදුලිය ලබාදීමේ හැකියාව නැති වී යයි. දවසේ ඇතැම් වේලාවල විදුලිය විසන්ධි කොට තිබීමෙන් එය කර්මාන්ත ක්‍ෂේත‍්‍රය කෙරේ දැඩි ලෙස බලපායි.
මහා පරිමාණයේ කර්මාන්තශාලා ඊට විකල්ප ලෙස ජෙනරේටර් යන්ත‍්‍ර භාවිත කළත් සුළු පරිමාණයෙන් හා ගෘහස්තව කර්මාන්ත පවත්වාගෙන යන පිරිසට එවන් විකල්ප කෙරෙහි යොමුවන්නට තරම් හැකියාවක්ද නැත. මේ සියලූ අත්දැකීම් වලට අපි දැන් කාලයක් මුළුල්ලේ සිටම මුහුණ දෙන්නෙමු. විකල්ප බලශක්ති නිෂ්පාදනය කෙරෙහි යොමුවීමේ වැදගත්කම රටක් හැටියට වඩාත් තීව‍්‍ර ලෙස අපට දැනෙමින් පවතී.
සුළං බලය සූර්ය තාපය විසඳුමයි
අශෝක අබේගුණවර්ධන
|
සුළං බලය යොදාගෙන ජලවිදුලිය නිෂ්පාදනය කිරීමද තවත් එක් විකල්ප බලශක්ති විශේෂයකි. අප රට පිළිබඳව සැලකිලිමත් වුවහොත් ලංකාවේ ඊසාන දිගට වසරේ එක් කාලයකදීත් නිරිත දිගට තවත් කාලයකදීත් තද සුළං ලැබෙන තත්ත්වයක් පවතී.
ලංකාවේ හැම ප‍්‍රදේශයක්ම පාහේ එළිමහන් බිම් ලෙස නොපවතින නිසාත් භූ විෂමතා නිසාත් සුළං බලයෙන් විදුලිය නිෂ්පාදනය කිරීම සෑම ප‍්‍රදේශයකම පාහේ කිරීමට නොහැකි වෙයි. එහෙත් සුළං බලයෙන් විදුලිය නිපදවීමේදී භාවිත කරන අවර පෙත්ත කැරකැවෙන්නට අවශ්‍ය සුළඟ සහ එය ස්ථාපිත කරන්නට අවශ්‍ය භූ සාධක ලංකාවේ මුහුදු බඩ ප‍්‍රදේශවල පවතී. ඒ සඳහා මුදල් ආයෝජනය කළ හැකි නම් සුළං බලයෙන් විදුලිය නිපදවීමෙන් ලබාගන්නා විදුලි ධාරිතාවද ලංකාවේ විදුලිබල පරිභෝජනය සඳහා යොදාගත හැකියි. නෙදර්ලන්තය, ඇමෙරිකාව වැනි රටවල් මෙම බලශක්ති ක‍්‍රමවේද කෙරෙහි යොමු වී සිටියි.
ශ්‍රී ලංකාව විකල්ප බලශක්ති ක‍්‍රමවේද කෙරෙහි යොමුවෙනවානම් ඒ සඳහා අවශ්‍ය විකල්ප සම්පත් අප රටේ ඕනෑ තරම් පවතී. එහෙත් ඒවා භාවිතයට ගැනීමක්, නිසි කලමනාකාරිත්වයකින් යුතුව විකල්ප බලශක්ති නිෂ්පාදනය කෙරෙහි යොදා ගැනීමේ විධිමත් සැලසුමක් අප රටේ තවමත් නැත.
ඒ සඳහා පුළුල් රාජ්‍ය මැදිහත් වීමක් අවශ්‍ය වෙයි. අවශ්‍ය රාජය ප‍්‍රතිපත්ති ක‍්‍රමවත්ව සකස් වේ නම් ආයෝජකයන් විකල්ප බලශක්ති උත්පාදන ක‍්‍රම සඳහා ඉදිරිපත්වෙන ඉඩකඩ පවතී. එහෙත් අප රටේ මේ පිළිබඳව වන රාජ්‍ය මැදිහත්වීම පවතින්නේ ඉතා දුර්වල මට්ටමකය.
එහෙත් ජල විදුලිය නිෂ්පාදනය හැරෙන්නට අප රට තවමත් විධිමත් විකල්ප විදුලි බල උත්පාදනයක් කෙරෙහි යොමුව නැති බව නැවත වරක් සිහිපත් කළ යුතුව ඇත. අධික නියං සමයකදී ජල විදුලි නිෂ්පාදනය සඳහා පාදක කරගන්නා ජල මූලාශ‍්‍ර සිඳී යන අවදානමක් උද්ගත වූ විට ජලාශ වල ජල මට්ටම අඩුවූ විට විදුලි උත්පාදන ධාරිතාව පහළ බසී. අදාළ බලධාරීන් ඊට යොදන විකල්පය දවසේ පැය ගණනක් විදුලි බලය ලබාදීම කප්පාදුවට ලක් කිරීමය.
එමෙන්ම අද විදුලි බිල වැඩිවීමේ ප‍්‍රතිඵලය සෘජුවම භුක්ති විඳින ජනතාවට මෙම විකල්ප විදුලි උත්පාදන ක‍්‍රමවේද ඔස්සේ යම් සහනයක් ලබා දිය හැකිනම් එය රටේ ජනතාවගේ සුබසිද්ධිය උදෙසා මහත් පිටුවහලකි. එසේ නොවන්නේ ඇයි? රටේ සෑම අමාත්‍යංශයකම පාහේ සිදුවන හොරකම, වංචාව, අක‍්‍රමිකතාව, දුෂණ, මාෆියා හා කොමිස් ගැහිල්ල අදාළ විෂය භාර අමාත්‍යංශයටද එනයින්ම අදාළය.
හොඳ සූර්ය තාපයක් ලැබෙන රටක, සුළං ලැබෙන රටක, සම්පත් පවතින රටක ජල විදුලිය දෙස පමණක් බලා සිටීමට ජනතාවට සිදුව ඇත්තේ ද එකී න්‍යායන්ගේම අනුහසිනි.
රටේ පවත්නා ආර්ථික අර්බුදය මෙරට අධ්‍යාපනයට ද බලපා ඇතැයි මෑත කාලයේ වඩාත් විමසීමට ලක් වූ කාරණයකි. එහෙත් මෙය පුළුල්ව සහ ගැඹුරින් සාකච්ජාවට ලක් විය යුතු එක
ජාතියේ මහා සංස්කෘතික මංගල්‍යය ලෙස සැළකෙන සිංහල හා හින්දු අලුත් අවුරුද්ද උත්කර්ෂවත් ලෙස පැවැත්වීමට හැකි වී ඇති බව පසුගිය දිනවල මහජනතාවගේ විවිධ ක්‍රිය
දේශපාලනය “ගරු සේවයක්” බවට පත්ව තිබූ යුගයක් අතීතයේ තිබිණි. උපයා ගෙන තිබූ වත්කම්ද මහජන සේවයට කැප කළ එම ගරු කටයුතු මහජන නියෝජිතයා සරල අල්පේච්ඡ ජීවිතයක් ග
ශ්‍රී ලංකාව මුල්වරට විදේශ ණය ගෙවීම තාවකාලිකව අත්හිටුවන බව 2022 අප්‍රේල් 12 වැනි දින ශ්‍රී ලංකා මහ බැංකුව නිවේදනය කළේය. ඒත් සමගම ශ්‍රී ලංකාව බංකොලොත් රටක් බ
ජෙනරාල් සර් ජෝන් කොතලාවල ආරක්ෂක විශ්වවිද්‍යාලයේ වෛද්‍ය පීඨයේ වෛද්‍ය උපාධිය සඳහා මෙරට ශිෂ්‍යයන්ට මුදල් ගෙවා ඇතුළුවීමට පහසුකම් සැලසීම සඳහා වන යෝජනාව
ලෝකායන විද්‍යාව අනුව ලංකාවට අයත්වෙන්නේ කුම්භ ලග්නයයි. 2024 අලුත් අවුරුදු ආරම්භය සිදුවී එක් සූර්ය මාසයක් ගතවීමට පෙරාතුව මෙතෙක් පැවති ලංකාවේ ග්‍රහචාරය ද
2024 අප්‍රේල් මස 09
196
0
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness
2024 මාර්තු මස 14
1481
0
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
2024 පෙබරවාරි මස 19
1396
2
ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
විදුලිය අර්බුදයට විකල්ප බලශක්ති ක‍්‍රම
අරුණ Thursday, 09 May 2013 08:13 PM
බොහොම වැදගත් විද්වත් ලිපියක්. මෙය කියවන විද්වත් රටට ආදරේ ඇති දූලා , පුතාලට මතු අනාගතය වෙනුවෙන් යමක් කරන්න හිතට ගන්න.(නදී)
මුරුගන් Sunday, 05 May 2013 02:13 PM
ලෝකේ හරියට ඉර එලිය වැටෙන්නේ නැති හැමදාම අදුරේ තියන මහා බ්‍රිතාන්‍යය විදුලියෙන් 20% නිවන්නේ ඉරු එළියෙන්.හැමදාම අවුව වැටෙන අපේ රටට බැරි වුණා ඒ වැඩේ කරගන්න.ඔන්න ඕකයි තත්වේ සදරුවන් පුතේ.සුද්දෝ ඕවට මක් කරන්නද.... (නි)
ලසන්ත Sunday, 05 May 2013 02:14 PM
අපි පොඩි කාලේ ජීව වායුව තිබුනා.ඉරු එළියෙන් විදුලිය ගත්තු ගෙවලුත් තිබුනා. ඒවට බදු ගහලා ගහලා ඒවා නැති කරලම දැම්මා. (නි)
ලකී Thursday, 09 May 2013 10:56 PM
ලංකාව වටේටම තිබෙන මුහුදෙන් එන මුහුදු රැල්ලෙන් විදුලිය නිපදවන්න පුළුවන් රටටම ඇති වෙන්න. (නි)
හිමාල් Thursday, 09 May 2013 12:20 PM
සුර්ය පැනලයක් (වොට් 100) අඩුම ගානේ 20,000ක්වත් වෙනවා. මේක අඩු ගානකට දෙන්න ක්රමයක් හදල දුන්නොත් කුඩා ගෘහස්ත ඒකක හදන්න පුළුවන්. කොමිස් ලැබෙන්නේ නැති නිසා මේක කරයි කියල විශ්වාස කරන්න බැහැ (නි)
Hiruni Nimeshika✧ Saturday, 04 November 2023 06:47 PM
හොඳ ලිපියක්...
Vihangee Kawya Saturday, 23 March 2024 06:31 AM
හොඳ ලිපියක්...!