රුහුණේ ජනතාවට අවවාද කරනු සඳහා කීර්ති ශ්රී නිශ්ශංකමල්ල රජු (1187-1196) විසින් 12 වැනි සියවසේදී රුහුණු රාජ්යයේ අගනුවර වූ මනාවුළුපුරය (වර්තමාන අම්බලන්තොටට යාබද රම්බා විහාරය) සිට පොළොන්නරුව දක්වා වැටී තිබූ මාර්ගයෙහි ගව්වෙන් ගව්වට ”ටැම්ලිපි” පිහිටුවා තිබේ.
ශ්රී ලංකාවෙන් අනාවරණය වන ශිලා ලේඛන අතර සුවිශේෂී ශිලා ලිපි වර්ගයක් ලෙස නිශ්ශංකමල්ල ගව්ලිපි, ටැම්ලිපි ගණයට අයත් ගාවුත ලිපි ලෙස හැඳින්වීමට හැක.
විශේෂයෙන්ම රුහුණු වැසියන්ගෙන් කීර්ති ශ්රී නිශ්ශංකමල්ල රජුට මුහුණ දීමට සිදුවූ බාධාවන් මෙන්ම එවක රාජ්ය තත්ත්වයන් පිළිබඳවත් රුහුණේ මානාවුළුපුරයේ සිට පොලොන්නරුව දක්වා වැටී තිබූ මාර්ගය පිළිබඳව නිවැරදිව කරුණු අවබෝධ කර ගැනීමටත් නිශ්ශංකමල්ල ගව්ලිපි මගින් ලැබෙනා සේවය ඉතා වටිනේය.
මෙම ගව්ලිපි ක්රිස්තු වර්ෂ 12 වැනි සියවසේ අක්ෂර සහිතව ශිලාස්ම්භය අවසානයේ ”නිශ්ශංක ගවුවයි” යනුවෙන්ම කොටවා තිබීම මෙම ශිලා ලේඛන නිශ්ශංකමල්ල රජුගේම බව පැහැදිලිවම හඳුනාගත හැක.ගව්වක් යනු යොදුනෙන් හතරෙන් පංගුවකි. ගව්වෙන් ගව්ව නිශ්ශංකමල්ලයන් විසින් පිහිටවූ මෙම ලිපි මුළු මහත් රෝහණයෙන්ම. විශාල ලෙස සොයා ගැනීමට පසුකාලීනව හැකියාව ලැබුණි.
මෙම ගව්ලිපි විශේෂය පිළිබඳව ප්රථමවරට අවධානය යොමුකළ ආචාර්ය එඞ්වඞ් මුලර් නම් අබිලේඛනඥයා (Ancient Ceylon 2005p-125) ප්රථමයෙන්ම ගව්ලිපි දෙකක් පිළිබඳව ඔහුගේ අවධානය යොමුකළේය. ඒවා නම් දැනට කොළඹ ජාතික කෞතුකාගාරයේ ඇති හම්බන්තොට දිස්ත්රික්කයේ වැලිගත්ත නම් ස්ථානයෙන් සොයාගත් ගව් ලිපියත්, ඌව පළාතේ බුත්තලට නුදුරු කටුගහගල්ගේ නම් ස්ථානයෙන් සොයාගත් ගව්ලිපිය පිළිබඳව ඔහුගේ Ancient Inscriptions of Ceylon නම් කෘතියෙන් කරුණු දක්වා ඇත.
තවද නිශ්ශංකමල්ල ගව්ලිපි පිළිබඳව කරුණු සොයා බැලූ දෙවැන්නා වනුයේ පුරාවිද්යාඥ සෙනරත් පරණවිතාන ශූරීන්ය. ඔහු කටුගහගල්ගේ සහ යුදගනාව ස්ථානවලින් සොයාගත් ගව්ලිපිවල කරුණු අධ්යනය කර කටුගහගල්ගේ ගව්ලිපියේ සංස්කරණයක්, 1933 වර්ෂයේදී ප්රකාශයට පත්කළ "Epigraphia Zeylanica” අබිලේඛන සංහිතාවේ තෙවැනි වෙළුමේ දක්වා ඇත.
මෙලෙස සුවිශේෂී වූ ගව්ලිපි මොනරාගල දිස්ත්රික්කයේ, තිඹිරිගස්ආර, අතලේ, බකිනිගහවෙල වීදිය, තිඹිරිය විහාරය, පොතුබද්දන විහාරය සහ ඉලූක්කාපුදෙන නම් ස්ථාන හයකින් ද මෙම ගව්ලිපි අනාවරණය කරගෙන ඇත.
නිශ්ශංකමල්ල රාජ්ය පාලනය ගැන කියවෙනා ඉතාමත් සුවිශේෂී වූ ගව්ලිපියක් සෙල්ලකතරගම ඓතිහාසික වතුරුවා රාජමහා විහාරයෙන් ද හමුවේ. මෙම ගව් ලිපියේ පැති තුනක අක්ෂර කොටවා ඇති අතර අක්ෂර කෙටීමේ පහසුවතකා ඉරිරූල් ගසා ගල්ටැඹ මටසිලිටු කර නිමවා ඇත.
මෙම ගව් ලිපියේ සාමාන්යයෙන් අක්ෂරයක ප්රමාණය අඟල් දෙකේ සිට දෙකහමාර දක්වා විහිදේ. ගව්ලිපියේ විස්තරය මෙසේය.
සෙල්ලකතරගම ඓතිහාසික වතුරුවා රාජමහා විහාරස්ථානයේ ඇති නිශ්ශංකමල්ල ගව් ලිපිය |
ගව් ලිපියේ පළමු පැත්ත
1. ශ්රීං රුණුරජ
2. යෙහි ඇත්ත
3. වුන් කෙරෙහි
4. කරුණායෙන්
5. කියම්හ ධන
6. ධාන්යා දැසිදා
7. සයන් ඇති
8. වැ ජීවත්ව
9. න්නා කැමත්
10. තම්භ මයාර
11. ජයෙහි පිටි
12. රජයෙහි ඇ
13. ත්තවුන් අ
14. තින්නින්ද්රපරි
15. භවනොඅසා
16. ලොභිවැඅනු
17. න් ගැත්තට
18. අශා නොකො
19. ටැ බත් කෑ බු
20. ලත් කෑ මත
21. ට උධත නො
22. වැරුණෙනි
23. වවාචොයැ
24. සුවාමි ප
25. ක්ෂපාත
26. ගැත්තො යැ
27. යි කියවා
28. මනුෂ්ය ආ
29. ත්ම ලැබීම
* ගව් ලිපියේ දෙවැනි පැත්ත
1. දුලීලභයැ දු
2. කින් ලත් ආ
3. මයා අනායෙහි
4. නසන භ ධම්ම
5. නොවෙයි සුව
6. යෙන් ජීවත්
7. වන්නා කැමැත්
8. තම්භයි මෙ
9. අවවාද කි
10. යා පඬි රට දෙ
11. වරැුකැගොස්
12. තුලාභාර නැ
13. ගි පාඬි රජ්ජු
14. රුවන්ගෙන්බි
15. සොවරුන් ඇ
16. තුන් අසුන්
17. ආදි වූ අය
18. ගෙනැ සොලී
විහාරාධිපති දෙනගම ධම්මරතන හිමි |
19. රටින් පඬුරු
20. ගෙනැලක්දි
21. වට අවුත්
22. තුන් රජය
* ගව් ලිපියේ තෙවැනි පැත්ත
1. වට කොටස
2. මනොළ ආදි
3. වූ දුර්ග බලා
4. වදාළ කළිග
5. චක්රවර්තීන්
6. වහන්සෙ තර
7. ම් කළ නිශ්ශං
8. ක ගවුවයි
* අදහස: යහපතක්ම වේවා. රුහුණු රාජ්යයෙහි ජීවත් වන්නා වූ ඇත්තන් කෙරෙහි කරුණාවෙන් කියමි. ධන ධාන්ය සහ දැසි දස්සන් සහිතව සියලූ සම්පතින් ආඪ්යව ජීවත්වීම ඉතා යහපත් වෙයි. මායා රටෙහි සහ පිහිටි රටෙහි ජීවත් වන්නා වූ අයගෙන් නින්දාවට පරිභවට ලක්වීම උචිත නොවෙයි. ලෝභීව අනුන්ගේ දේවල්වලට ආශා කිරීමද රුහුණු වැසියන්ට නොගැලපෙයි.
බත්කෑ බුලත් කෑ පමණින් උද්දච්ච නොවී රුහැණන් ස්වාමි පක්ෂපාති ගැත්තන් විය යුතුය. මනුෂ්ය ආත්මය ලැබීම දුර්ලභ වෙයි. දුකින් ලද ආත්මය අර්ථයක් නොමැතිව ජීවත්වීම යහපත් නොවෙයි යනුවෙන් මේ අවවාද ලබා දී පාණ්ඪ්ය රාජ්යයට දෙවරක් ගොස් තුලාභාර දී පාණ්ඪ්ය රජුගෙන් බිසෝවරුන්, ඇතුන් අසුන් ආදී වූ තමාට අයවිය යුතු ලැබීම් ලබා සොලී රටින් ත්යාග ලබාගෙන ලංකාවට පැමිණ තුන් සිංහලයම (රුහුණු, පිහිටි, මායා) පැදකුණුකොට සමනොළකන්ද ආදී වූ දුර්ග බලා පැමිණි කාලිංග චක්රවර්තී ස්වාමීන් වහන්සේ පිහිටවූ නිශ්ශංක ගව්වයි.
සෙල්ලකතරගම ඓතිහාසික වතුරුවා රාජමහා විහාරස්ථානයේ දැනට ඉතාමත් සුරක්ෂිතව ඇති නිශ්ශංකමල්ල ගව් ලිපිය පිළිබඳ අදහස් ප්රකාශ කරනා වතුරුවා රාජමහා විහාරාධිපති පූජ්යපාද දෙනගම ධම්මරතන ස්වාමීන් වහන්සේ,
12 වැනි සියවසේ රාජ්ය පාලනය කළ නිශ්ශංකමල්ල රජුගේ කාල සීමාව තුළදී එතුමන් විසින් ගව්වෙන් ගව්වට පිහිටවූ ගව් ලිපි අතරින් ඉතා වැදගත් ගව් ලිපියක් අද වනවිට සෑම දෙනාටම දැක ගැනීමට හැකි ලෙස වතුරුවා රාජමහා විහාරස්ථානයේ පිහිටා තිබීම විශේෂත්වයක් වෙනවා. මේවායින් එකල සමාජයීය පැතිකඩක් මැනවින් විග්රහ කෙරෙන අතර රාජ්ය පාලනය පිළිබඳව ද වටිනා අදහස් ලබා ගැනීමට ද උපකාරී වේ. ලංකා ඉතිහාසයේ නිශ්ශංකමල්ල ගව් ලිපි පිළිබඳ ගවේෂණයකදී සෙල්ලකතරගම ගව් ලිපියෙන් ද විශේෂ කරුණු සොයා ගැනීමට හැකියාව ලැබීම අප ලද මාහැඟි දායාදයක් වේ.
ආරක්ෂාව යන වචනය පුළුල්ව අර්ථ විවරණය වන්නකි. බුද්ධ ධර්මයෙන් මේ සඳහා ලබා දී ඇති ප්රමුඛත්වය ත්රිපිටකය තුළින් මැනවින් ප්රකට වේ. තථාගත බුදුරජාණන් වහන්ස
ශ්රී ලංකාවේ ආර්ථිකය කඩා වැටීමට හේතු සෙවීමේ දී ප්රධාන හේතුවක් ලෙස පෙනී යන්නේ ලංකාවේ බදු ක්රමයේ ඇති දුර්වලතා සහ අපේක්ෂිත බදු ඉලක්ක කරා ගමන් කිරීමට ර
දියතලාව නරියාකන්ද (ෆොක්ස්හීල්) මෝටර් රථ හා යතුරු පැදි ධාවන තරගයක් අතරමැද දී සිදුවූ අනතුරකින් තරගය නරඹමින් සිටි පුද්ගලයන් හත් දෙනකු මරුමුවට පත්වී තවත්
නෙත් මානයට නොගැටෙනතාක්බොහෝ සොඳුරු ඉසව්වන් අනාගතයට සුරක්ෂාවේ. එවන් සොඳුරු වූ මානයන් මිනිසාගෙන් වහන් වන තාක් තවත්බොහෝ කල්පවතිනු ඇත. එවන් සොඳුරු වූ ප්
විශ්ව විද්යාල ප්රතිපාදන කොමිසමට අනුව රාජ්ය විශ්වවිද්යාලවලින් පිරිනමන උපාධි පාඨමාලා අතරින් වියදම්කාරී තත්වයෙන් දෙවැනි තැනට පත් වන්නේ එම්. බී බී.
ඉදිරි මාස 6ක කාලය ඇතුළතදී මේ රටේ ජාතික මැතිවරණයක් පැවැත්වීමට නියමිතය. ව්යවස්ථානුකූලව මීළඟ ජනාධිපතිවරණය ලබන සැප්තැම්බර් මැද සහ ඔක්තෝබර් මැද කාලය ඇතු
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
රුහුණු පොළොන්නරු රජ මාවතේ නිශ්ශංක ගවුවේ සෙල්ලිපිය
මේනක Thursday, 21 March 2013 11:58 AM
මේ අපේ උරුමයයි. (නි)
සාගර Wednesday, 07 August 2013 05:14 PM
ජාතික උරුමය රැක ගනිමු අනාගත පරම්පරා වලට ජාතියේ උරුමයන් ගැන දැනගැනීම සදහාවත් (නි)
සුපුන් මදුරංග Tuesday, 23 September 2014 05:05 PM
නිශ්ශංකමල්ල රජ්ජුරුවෝ අපේ රටේ ඇවි දපු හොද සංචාරකයෙක්. ගොඩක් සෙල්ලිපි විවිද ස්ථානවල තියෙන්නේ එ්ක නිසා (නදී)
සුපුන් Tuesday, 23 September 2014 05:05 PM
නිශ්ශංකමල්ල රජ්ජුරුවෝ අපේ රටේ සංචාරය කළ හොඳ සංචාරකයෙක්. ගොඩක් සෙල්ලිපි විවිධ ස්ථාන වල තියෙන්නේ ඒක නිසයි (නි)
නීල් රණා Tuesday, 06 August 2013 12:16 AM
රුහුණේ මිනිසුන්වත්, මායා රටවත් 'කාලිංග ලෝකේශ්වර' නම්වූ ඉන්දියානු ආක්රමණිකයාව ගණන් ගත්තේ නැහැ. අපි කාලා බීලා හිටපු එක ගැනත්, ඒකට තිබුනේ කුහක ඉරිසියාවක් බවත් එයාගෙම සෙල්ලිපියෙන් තහවුරු වෙනවා. (නි)
චමන්ද Thursday, 13 February 2014 09:10 PM
අපේ උරුමය දිවි හිමියෙන් රැක ගනිමු (අ)
පොල්සම්බෝල Tuesday, 28 May 2013 04:50 PM
අපේ සිංහල උරැමය සුරකිමු බොහොම ස්තුතියි.
නිත්යා Friday, 22 March 2013 11:35 AM
අපේ අතීත උරුමයන් සුරකිමු (ස)
සුදේශ් Tuesday, 12 March 2013 10:49 AM
ඉස්සර රුහුණ හොද ආදර්ශවත් පුරවරයක්. (නි)
දිනූෂා Wednesday, 09 October 2013 02:22 AM
රුහුණේ හැටි අපි දන්නේ නැද්ද ස්වර්ණ? (නි)
රුම් Tuesday, 01 October 2013 09:06 AM
ස්තූතියි (නි)
ස්වර්ණ Tuesday, 27 August 2013 10:23 AM
රුහුණ නැත්නම් අද අපේ රටත් නැහැ.... (ස)
දිලිප් Thursday, 04 April 2013 05:00 PM
ඒ කියන්නේ දැන් රුහුණත් හොද නැද්ද? (නි)
සුජාන් Thursday, 20 June 2013 03:02 PM
කොහොමත් ඉතින් අපේ ජාතියට උරුම නිශ්ශකමල්ල රජ්ජුරුවන්ගේ දේ තමා. වළගම්බා රජ්ජුරුවන්ගේ ඒවා වෙන අයට උරුම වුනානේ. (නි)
වික්රම Monday, 21 October 2013 04:22 PM
ඒකටත් දෙවියන්ගේම පිහිටයි. (ස)
නුවන් Wednesday, 22 May 2013 07:26 PM
මේ අපේ ඉතිහාසයයි (නි)
ඉන්දික Monday, 15 April 2013 03:36 PM
අපේ සිංහල උරුමය සුරකිමු (නි)
සත්යා Monday, 19 August 2013 07:19 AM
අද උදාවෙලා තියෙන තත්වය 12 වෙනි සියවසේ සිටි අපේ සිහලුන් දුටුවා. (නි)
ටෂ්මි Friday, 17 May 2013 08:27 AM
මෙම ලිපිය මට බොහොම වැදගත් වුණා. බොහොම ස්තූතියි. (නි)
සමන් Friday, 31 May 2013 08:30 AM
අපේ උරුමේ ලිපි පලකරන්න (අ)
මංජුල Thursday, 13 June 2013 10:22 AM
මෙවැනි ස්ථාන රැකගැනීම අපගේ යුතුකම වේ.(ස)
ලියොන් ගුණවර්ධන Monday, 10 November 2014 09:25 PM
හෙළදිව ඉතිහාසය සම්බන්ධයෙන් විවිධ විද්වතුන් විසින් ලංකාදීප පුවත්පතේ අපේ උරුමය පිටුවේ මෙතෙක් පළකර ඇති ගවේෂණාත්මක ලිපි සියල්ලම පාහේ මම කියෙව්වා . ඒ අතුරින් ඉහත ලිපිය ඉතා වැදගත් වන්නේ සෙල්ලිපි වල දක්වා ඇති කරුණුය. හෙළයන්ගේ පෞඪ ඉතිහාසය අපේ දරුවන්ටත් දැනගැනීමට හැකිවනසේ අපේ ඉතිහාසය නැවත ලියන ලෙස මා ආයාචනා කරන්නේ කැනඩාවේ සිටය (නි)