චිත්රපට බෙදාහැරීමේ අවුල තාම ඉවර නෑ. චිත්රපට සංස්ථාවට මේ වැඬේ පැවරුණා කියලා ලොකු සද්දයක් දාලා වැඬේ කරන්න පටන් ගත්තා විතරයි මෙන්න ඒ තීරණය ආපසු වෙනස් වෙලා. දැන් ආපහු කලින් ක්රමේට වැඬේ වෙන්නේ. අපි මුල ඉඳලම කිව්වෙ මේ වගේ පුංචි රටක මේ වගේ පොඩි කර්මාන්තයක් රණ්ඩු වෙවී ඉන්නෙ නැතුව කවුරුත් එකතුවෙලා සමගියෙන් හරියට කරගෙන යන්නේ නැතුව මොකක්ද මේ එළහරකයි මී හරකයි කරත්තේ බැන්දා වගේ දෙපැත්තට ඇද ඇද දඟලන්නේ කියලා.
චිත්රපට බෙදාහරින්නේ සංස්ථාවද පුද්ගල අංශෙ කට්ටියද එහෙම නැතිනම් වෙනත් කවුරු හරිද කියන ඒවා සාමාන්ය චිත්රපටි ප්රේක්ෂකයන්ට අදාළම නෑ. ඒ මිනිස්සුන්ට ඕන හොඳ චිත්රපටියක් බලන්න අවස්ථාව. දැන් මේ කට්ටියගේ නඩු හබ, ගෝරි, දෙපැත්තට ඇදිලි හැම එකකින්ම වෙන්නේ ඉන්න සිනමා ප්රේක්ෂකයෝ ටිකත් චිත්රපටි හෝල්වලින් ඈත් වෙන එක. බලන්න හිතාගෙන යන චිත්රපටිය දැන් බලන්න හම්බවෙන්නෙ නෑ කියලා සිනමා ප්රේක්ෂකයෝ නිතර නිතර කියන මැසිවිල්ලක්. හෝල් අයිතිකාරයො චිත්රපට බලන්න එන අය දිහා බලන්නේ හතුරො දිහා වගේ. එයාලා පෙන්නන චිත්රපටිය බලන්න කියලා බලහත්කාරයක් තමයි දැන් තියෙන්නේ. ප්රේක්ෂකයන් අඩු ගණනක් හිටියොත් පෙන්නන්නෙම නෑ. මේ වගේ නහුතයක් ප්රශ්න එක්ක ඇදි ඇදී යන අපේ සිනමාව චිත්රපට බෙදාහරින්න ගිහින් තවත් පඹ ගාලක පටලවනවා. අපිට මේ චිත්රපට බෙදාහරින්න, මරාගන්න සටන් පෙරමුණ දෙකටම කියන්න තියෙන්නේ එයාල ඔය සටන දිගින් දිගට ඇදගෙන ඇදගෙන ගිහින් කවුරු දිනලා වැඬේ අතට ගත්තත් ඒ වෙනකොට චිත්රපටි බලන්න ප්රේක්ෂකයෝ සෑහෙන පිරිසක් අඩුවෙලා ඉඳීවි. මොකද දැන් තියෙන තාක්ෂණයත් එක්ක නව මාධ්ය ප්රවණතා එක්ක චිත්රපට හෝල් කාරයින්ගේ කෙණෙහිලිකම් බල බල ඒවයි රස්තියාදු වෙන්න මිනිස්සුන්ට ඕන නෑ. හරියට හෝල් ටිකේ චිත්රපටි දුවන්න ක්රමයක් හදන්නෙ නැතුව සිනමාවෙන් ප්රේක්ෂකයෝ ඈත් වෙනවා කිය කියා ප්රේක්ෂකයින්ට දොස් කියලා වැඩක් නෑ.
මේ අතරේ ඔන්න අද ජනාධිපති සිනමා සම්මාන උළෙළ තියනවා කියලත් ආරංචි වෙනවා. කොහොම හරි ඒක පවත්වන එක ලොකු දෙයක්. මොකද කාලයක් ඒවා නවත්තලා දාලා තිබුණෙ. සිනමා සම්මාන උළෙලක් තියෙන්නේ සිනමා කර්මාන්තයට ලැබෙන පොඩි තල්ලුවක්. කාලයක් නැවතිලා තිබිල පසුගිය අවුරුදුවලට අදාළව ඒක ආපහු පවත්වද්දි ක්ෂේත්රයේ අයත් මේ ගැන ප්රසාදයෙන් කතා කළා. ඒත් මේ සැරේ ප්රවීණ ශිල්පීන් කීප දෙනෙක්ම අපිත් එක්ක කිව්වෙ අඩුම තරමේ සම්මාන උළෙලට ආරාධනා පත්රයක්වත් මේ සැරේ නෑ කියලා. ප්රසිද්ධ සටන් නළුවෙක් කිව්වෙ සම්මාන උළෙලට යන්න චිත්රපටවල සටන් කරනවට වඩා සටනක් කරන්න වෙලා කියලා. චිත්රපට සම්මාන උළෙලකට ආරාධනා කරන්න ඕන ක්ෂේත්රයේ ශිල්පීන් කවුද කියලවත් තෝර බේර ගන්න බැරි සංවිධායකයෝ තමයි ඕවා කරන්නේ. ප්රවීණ සිනමා ශිල්පීන් නැතුවට ටෙලියක දෙකක වාටියේ ඉඳපු නිළි නංගිලාට එහෙම නම් උඩින්ම ආරාධනා කරල ඇති.
ඒ වගේම චිත්රපටි අධ්යක්ෂවරු කීප දෙනෙක්ම මේ ජනාධිපති සිනමා සම්මාන උළෙලට තමන්ගේ චිත්රපටි දාන්නේ නෑ කියලත් ආරංචියි. ඒකෙන් පේන්නේ සිනමාකරුවන්ට මේව ගැන තියෙන විශ්වාසය. කැමරා අධ්යක්ෂ ධනුෂ්ක ගුණතිලක එයාගේ ෆේස්බුක් පිටුවෙ දාලා තිබුණෙ ජනාධිපති සිනමා සම්මාන උළෙලට ලැබෙන ආරාධනය ප්රතික්ෂේප කරනවා කියලා. ඒකට සහභාගී වෙන්න පවා මේ ශිල්පීන්ට එපා වෙලා තියෙන එක ඉඟි කරන්නෙ මේ සම්මාන උළෙලවල තත්ත්වය තමයි.
චිත්රපටි කර්මාන්තයේ අට අනූවක් රෝගවලට බේත් අල්ලෙ තියාගෙන වගේ කතා කරන සංස්කෘතික ඇමැති මේක ගොඩ දාන විදිය අපි විමසිල්ලෙන් බලාගෙන ඉඳිමු. මීට මාසෙකට දෙකකට උඩදී චිත්රපටි සංස්ථාවේ සභාපති ගෝකුල නෝනත් කිව්වේ ළඟදි පුදුම හිතෙන පෙරැළියක් සිනමාවේ කරනවා කියලා. අපිත් බලාගෙන ඉන්නේ ඒ පෙරැළිය දිහා තමයි.
ප්රියන්ත කොඩිප්පිලි
ආරක්ෂාව යන වචනය පුළුල්ව අර්ථ විවරණය වන්නකි. බුද්ධ ධර්මයෙන් මේ සඳහා ලබා දී ඇති ප්රමුඛත්වය ත්රිපිටකය තුළින් මැනවින් ප්රකට වේ. තථාගත බුදුරජාණන් වහන්ස
ශ්රී ලංකාවේ ආර්ථිකය කඩා වැටීමට හේතු සෙවීමේ දී ප්රධාන හේතුවක් ලෙස පෙනී යන්නේ ලංකාවේ බදු ක්රමයේ ඇති දුර්වලතා සහ අපේක්ෂිත බදු ඉලක්ක කරා ගමන් කිරීමට ර
දියතලාව නරියාකන්ද (ෆොක්ස්හීල්) මෝටර් රථ හා යතුරු පැදි ධාවන තරගයක් අතරමැද දී සිදුවූ අනතුරකින් තරගය නරඹමින් සිටි පුද්ගලයන් හත් දෙනකු මරුමුවට පත්වී තවත්
නෙත් මානයට නොගැටෙනතාක්බොහෝ සොඳුරු ඉසව්වන් අනාගතයට සුරක්ෂාවේ. එවන් සොඳුරු වූ මානයන් මිනිසාගෙන් වහන් වන තාක් තවත්බොහෝ කල්පවතිනු ඇත. එවන් සොඳුරු වූ ප්
විශ්ව විද්යාල ප්රතිපාදන කොමිසමට අනුව රාජ්ය විශ්වවිද්යාලවලින් පිරිනමන උපාධි පාඨමාලා අතරින් වියදම්කාරී තත්වයෙන් දෙවැනි තැනට පත් වන්නේ එම්. බී බී.
ඉදිරි මාස 6ක කාලය ඇතුළතදී මේ රටේ ජාතික මැතිවරණයක් පැවැත්වීමට නියමිතය. ව්යවස්ථානුකූලව මීළඟ ජනාධිපතිවරණය ලබන සැප්තැම්බර් මැද සහ ඔක්තෝබර් මැද කාලය ඇතු
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
බෙදන්නේ කවුද? ප්රේක්ෂකයාට අදාළම නැත
himal Saturday, 27 July 2019 10:43 AM
ලංකාවේ අද ඉන්න ඔක්කොම කලා කරුවන්ට එන්න කියලා ආරාධනාපත් යවන්න නම් ක්රිකට් පිටියක තමයි උත්සවය තියන්න වෙන්නේ. අනික ඔය කියලා තියෙන කැමරා අධ්යක්ෂ ගියේ නෑ කියලා කාටවත් ප්රශ්නයක් නෑනේ. මොකද එයා ආරාධිත අමුත්තද? අනික ලංකාවේ චිත්රපටිවල සටන් නළුවට හරි තැනක් තිබිලද මේ වගේ කතා කියන්නේ? ලංකාවේ සටන් ජවනිකා වල තියෙන්නේ හඬ පරිපාලනය. ඩිෂූ, බුහාව්, තඩ් ඔන්න ඕවා තියෙන ගෝරිනේ තියෙන්නේ...
සදරුවන් Saturday, 22 January 2022 04:06 PM
මට දැනගන්න පුළුවන්ද ඔයාලගේ පත්තරේට කවි දාන්නේ කොහොමද කියලා...?