හෘදයාබාධයක් වැළඳී ජීවිතයත් මරණයත් අතර දෝලනය වෙමින් ජීවිතය යදිද්දී එය තුට්ටුවකටවත් මායිම් නොකර රුපියල් සත පසුපස හඹාගිය නොමිනිසුන් තිදෙනකු නිසා අවසානයේ සිදුවූයේ ඒ අහිංසකයාට ජීවිතයෙන් වන්දි ගෙවීමටය.
ඔබ මෙතැන් පටන් කියවන්නට යන්නේ රුපියල් සත නිසා ජීවිතයක් අහිමිවී ගිය හිත් ඇති අයගේ හිත් රිදුම් කවන ඒ අමිහිරි කතාවයි.
ඉළුක්කුඹුර ප්රදේශයේ සිට බළංගොඩ නගරය දක්වා (මාර්ග අංක 121) ධාවනය වන පෞද්ගලික බස් රථයකි.
බස් රථයේ රියදුරු බස් රථයේ අයිතිකාරයා වන අතර කොන්දොස්තරකම කරන්නේ ඔහුගේ පුත්රයෙකි.
බස් එකේ සෑම අසුනක්ම මගීන්ගෙන් පිරීතිබූ අතර එක් අසුනක වාඩිවී සිටි මගියකු හදිසියේ රෝගාතුරවී ඇත.
මගියාගේ ඇස් උඩ ගොස් ඔහුගේ මුළු ගතම ඩාදියෙන් පෙගී ගියේය. ඔහුට කතාබහ කිරීමට පවා නොහැකිවී ඇත.
මෙතැන වාඩිවෙලා ඉන්න කෙනාට මොකක්දෝ වෙලා ඇස් දෙකත් උඩ ගිහින් යාබද අසුනේ වාඩිවී සිටි මගියෙක් කෑගසා ඇත්තේ බියට පත්වීම නිසාය.
මගියාගේ කෑගැසීම ඇසී කොන්දොස්තර කොලූවා එතැනට පැමිණ අසනීපව සිටි මගියා ළඟට පැමිණ ”තාත්තේ ඉක්මනට බස් එක නවත්වන්න” කියා පවසා ඇත.
කොන්දොස්තර පුතාගේ කීමට රියදුරු තාත්තා බස් එකේ තිරිංග තද කළේය.
බස් එක ඒ අවස්ථාවේ පසුකරමින් සිටියේ මහවලතැන්න ප්රදේශයයි.
දැඩි ලෙස රෝගීව සිටි මගියා ඔසවාගෙන පැමිණ තිදෙනකු මහවලතැන්න වංගුව ළඟ පිහිටි පෞද්ගලික ඩිස්පැන්සරියක් අසල බිම තබා යන්නට ගියේ ඔය ඩිස්පැන්සරිය වහලා තියෙන්නේ ඔතන තියා යන්න එපා කියා කිහිපදෙනෙක් කියද්දීය.
මහවලතැන්න වංගුවේ මම කඩයක් කරනවා. බස් එකක් ඇවිත් මගේ කඩය ළඟ නැවැත්තුවා. බස් එක ඇතුළේ ඉඳලා මගියෙක් ඔසවාගෙන ඇවිත් මගේ කඩයට අල්ලපු ඩිස්පෙන්සරිය ළඟ බිම දිගා කළා. මම කිවුවා ඩිස්පෙන්සරිය වහලා දොස්තර මහත්තයා නැහැ ආයෙත් එන්නේ හවසටයි කියා. නමුත් මගියා බිම වාඩිකරවලා ඔවුන් යන්න ගියා.
මගියා අමාරු තත්ත්වයක ඉන්න බව මට පෙනී ගිය නිසා ඉක්මනට මහවලතැන්න ඉස්පිරිතාලයට කතා කරලා සිද්ධිය කිවුවා. දොස්තර මහත්තයෙක් කිවුවා අපි මේ ගැන පොලිසියට දැන්ම දැනුම් දෙනවා කියා. පොලිසියෙන් ඇවිත් මගියා රෝහලට රැුගෙන ගියා.
පොලිසිය ධනංජය කුමාර මහතාගෙන්ද ප්රකාශයක් ලබාගත්තේය.
බස් එකේ ආපු මගියකුට ක්ලාන්තය හැදුණා මේ බව බස් එකේ හිටිය අය කොන්දොස්තරට හා රියදුරාට දැනුම් දුන්නා. බස් එක නැවැත්තුවා.
කොන්දොස්තරයි, රියදුරයි තාත්තයි පුතයි ඔවුන් දෙන්නා තවත් මගියකුගේ සහය ඇතිව ක්ලාන්තය හැදිලා හිටිය මගියා ඔසවාගෙන ගොස් ඒ වෙලාවේ වසා තිබූ ඩිස්පෙන්සරිය ළඟ බිම දිගා කළා.
ඔය ඩිස්පැන්සරිය වහලා තියෙන්නේ දොස්තර මහත්තයා ආයෙත් එන්නේ හවසට. රෝගියා අරන් ගිහින් ඉස්පිරිතාලයට බාරදෙන්න කියා. අපිට පරක්කු වෙනවා ඒ හින්දා අපි යනවා කියා ඔවුන් බස් එකට ගොඩවෙලා යන්න ගියා.
කිසිවක් කතා බහ කිරීමට නොහැකිව අසනීපව සිටි මගියා තබා ගිය ස්ථානයේ සිට මහවලතැන්න රජයේ රෝහලට ඇත්තේ මීටර් 200 ක පමණ දුරකිනි.
රෝගී තත්ත්වයේ පසුවූ මගියා රජයේ රෝහලට ගෙනගොස් බාර දුන්නේ නම් ඔහුගේ ජීවිතය බේරාගැනීමට ඉඩ තිබූ බව පොලිසියේ විශ්වාසයයි.
එහෙත් එවැන්නක් සිදුවූයේ නැත. පස්සෙන් එන ඊළඟ බස් එකට කලින් ඉදිරියේ ඉන්න මගීන් නංවා ගැනීම රියදුරු හා කොන්දොස්තර පිය පුතු දෙදෙනාගේ අරමුණවී තිබූ නිසාදෝ මිනිස් ජීවිතයක ඇති වටිනාකම තේරුම් ගැනීමට ඔවුන්ට හිතක් පපුවක් තිබී නැත. එහෙම හිතක් පපුවක් තිබුණ නම් අසාධ්ය තත්ත්වයේ පසුවූ මගියෙක් බස් එකෙන් එළියට මේ විදිහට ඇද දමා යන්නේ නැත. මිනිස් ජීවිතයට වඩා ඔවුන්ට රුපියල් සත වටිනවා විය යුතුය.
බස් එක ඉගිළ ගියේ ඊළඟ හෝල්ට් එකේ ඉන්නා මගීන් කිහිපදෙනා ගොඩකරවා ගැනීමටය.
අප එහෙම කියන්්නේ වෙන කිසිවක් නිසා නොව රෝගිවී සිටි මගියා දමා යන්න එපා කියා ඉල්ලීම් කරද්දීත් කොන්දොස්තර පුතා හා රියදුරු තාත්තා අපට පරක්කු වෙනවා අපි යනවා යැයි කියාගෙන ගිය නිසාය.
පොලිසිය එහි පැමිණ බලනවිටත් ඔහු මියගොස් ඇත.
මෙසේ මියගොස් තිබුණේ බළංගොඩ දංගස්මණ්ඩිය ප්රදේශයේ පදිංචිව සිටි ලයනල් පේ්රමසිරි (52) නමැත්තෙකි.
මාගා ආයතනයේ ගබඩා පාලකවරයකු ලෙස රැුකියාව කරන පේ්රමසිරි මහතා දියණියන් දෙදෙනකුගේ හා පුතෙකුගේ පියෙකි.
බළංගොඩ රෝහලේ අධිකරණ වෛද්ය නිලධාරී දයාසිරි මාතොටආරච්චි මහත්මිය පශ්චාත් මරණ පරීක්ෂණය පවත්වා වෛද්ය වාර්තාව ඉදිරිපත් කළාය.
බළංගොඩ හදිසි මරණ පරීක්ෂක රූබන් පීරිස් මහතා මේ සම්බන්ධයෙන් හදිසි මරණ පරීක්ෂණය පවත්වනු ලැබීය.
මෙය හෘදයාබාධයක් වැළඳීමෙන් සිදුවූ මරණයක් බව තීරණය කළේය.
නොසැලකිලිමත් ලෙස කටයුතු කර මරණයක් සිදුකිරීම සම්බන්ධයෙන් බස් රථයේ රියදුරා, කොන්දොස්තර හා රෝගීවූ මගියා බස් රථයේ සිට ඔසවාගෙන යාමට සහායවූ එම මගියාද බළංගොඩ පොලිසිය මගින් අත්අඩංගුවට ගෙන අධිකරණය හමුවට ඉදිරිපත් කර නීතිය ක්රියාත්මක කර ඇත. බස් රථයද පොලිස් බාරයට ගනු ලැබීය.
මෙවැනි අමානුෂික සිද්ධියක් දැන ඒ ගැන කරුණු වසංනොකර පොලිසියට ප්රකාශ ලබාදුන් සියලූදෙනා පොලිසියේ පමණක් නොව ප්රදේශවාසීන්ගේද නොමද ප්රශංසාවට හා ගෞරවයට පාත්රවී ඇත.
ඇසින් දුටුදේ අකුරක්නෑර ඔවුන් ප්රකාශ කිරීම නිසා වැරැුද්දක් කළ අය නීතිය හමුවට ගෙන ඒමට හැකිවිය. එසේ නොවන්ට වැරැුදිකරුවෝ තවමත් නිදැල්ලේය.
බළංගොඩ පොලිස් ස්ථානාධිපති ප්රධාන පොලිස් පරීක්ෂක ගයාන් ප්රසන්න මහතාගේ විශේෂ උපදෙස් මත පොලිස් සැරයන් ජයසිංහ (30189) සහ කොස්තාපල් සරත් (53777) යන මහත්වරුන් මේ සම්බන්ධව පරීක්ෂණ පවත්වා ඇත.
ආරක්ෂාව යන වචනය පුළුල්ව අර්ථ විවරණය වන්නකි. බුද්ධ ධර්මයෙන් මේ සඳහා ලබා දී ඇති ප්රමුඛත්වය ත්රිපිටකය තුළින් මැනවින් ප්රකට වේ. තථාගත බුදුරජාණන් වහන්ස
ශ්රී ලංකාවේ ආර්ථිකය කඩා වැටීමට හේතු සෙවීමේ දී ප්රධාන හේතුවක් ලෙස පෙනී යන්නේ ලංකාවේ බදු ක්රමයේ ඇති දුර්වලතා සහ අපේක්ෂිත බදු ඉලක්ක කරා ගමන් කිරීමට ර
දියතලාව නරියාකන්ද (ෆොක්ස්හීල්) මෝටර් රථ හා යතුරු පැදි ධාවන තරගයක් අතරමැද දී සිදුවූ අනතුරකින් තරගය නරඹමින් සිටි පුද්ගලයන් හත් දෙනකු මරුමුවට පත්වී තවත්
නෙත් මානයට නොගැටෙනතාක්බොහෝ සොඳුරු ඉසව්වන් අනාගතයට සුරක්ෂාවේ. එවන් සොඳුරු වූ මානයන් මිනිසාගෙන් වහන් වන තාක් තවත්බොහෝ කල්පවතිනු ඇත. එවන් සොඳුරු වූ ප්
විශ්ව විද්යාල ප්රතිපාදන කොමිසමට අනුව රාජ්ය විශ්වවිද්යාලවලින් පිරිනමන උපාධි පාඨමාලා අතරින් වියදම්කාරී තත්වයෙන් දෙවැනි තැනට පත් වන්නේ එම්. බී බී.
ඉදිරි මාස 6ක කාලය ඇතුළතදී මේ රටේ ජාතික මැතිවරණයක් පැවැත්වීමට නියමිතය. ව්යවස්ථානුකූලව මීළඟ ජනාධිපතිවරණය ලබන සැප්තැම්බර් මැද සහ ඔක්තෝබර් මැද කාලය ඇතු
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
බස්රියෙන් බිමට ඇදදමා ගිය හෘද රෝගියාගේ කතාව
නදීකා Saturday, 23 May 2015 10:03 AM
කෝ අපේ මනුස්සකම? (නි)
හෂාන් - මෙල්බෙර්න් Monday, 18 May 2015 12:40 PM
අනේ කාලේ, වනේ වාසේ කිව්වලු.......(කේ)
මාලනී Tuesday, 19 May 2015 11:25 PM
මනුස්සකම ලංකාවේ මිනිසුන් තුළ තිබුනා නම් මහින්ද මහත්තයා පරදීද? (නි)
කුමාරි Tuesday, 19 May 2015 05:36 AM
අද කාලේ මිනිස්සු මනුස්සකම හෙලා දකිනවා.(බ)
පියල් වීරසිංහ Friday, 22 May 2015 12:24 PM
අද මිනිසුන්ට වැඩිය තිරිසන්නු ළඟ හොඳ ගතිගුණ තියනවා.මේ තමයි බුදුන් 3 වරක් වැඩිය උදේ සවස බණ කියන පිරිත් අහන ධර්මද්වීපය (නි)
හේවාවිතාරණ Wednesday, 20 May 2015 07:37 PM
තිරිසන් ගති ඇති මිනිසුනි, ඔබගේ වාරයත් ඈත නොවේ (නි)
ප්රශීන් Thursday, 21 May 2015 03:55 PM
මාලනී, මනුස්සකමට දේශපාලනය ගාවන්න එපා.(නදී)
අනුර Sunday, 24 May 2015 01:39 PM
නැවතත් රියදුරු රැකියාව කරන්න දෙන්න හොඳ නැහැ (නි)