මෙරට රාජ්ය සේවය සම්බන්ධයෙන් ඉකුත් දා මුදල් අමාත්ය බැසිල් රාජපක්ෂ මහතා කිසියම් සඳහනක් කළේය.
ඒ සම්බන්ධයෙන් විවිධ මතිමතාන්තර තිබිය හැකි වුවද මුදල් අමාත්යවරයාගේ ප්රකාශයෙන් කියැවුණු දේ සත්යයක් ලෙස පිළිගැනීමට හැකියාවක් තිබේ. ඒ මෙරට රාජ්ය සේවය අකාර්යක්ෂම හා දූෂිත සේවයක් වී ඇති බව ප්රදර්ශනය වන හෙයිනි.
කාර්යක්ෂම හා අදූෂිත සේවයක් බවට රාජ්ය සේවය පත් කිරීම සඳහා නිශ්චිත දියුණු වැඩපිළිවෙළක්ද නැත. එහෙයින් රාජ්ය සේවයට එක්වන බොහෝ දෙනෙක් එහි පහසුම ගොදුර බවට පත් වෙති. සියලු විකෘතිවල ආකෘතිය බවට පත්ව ඇති රටක ඒ සම්බන්ධයෙන් විමතියක් ඇති කර ගත යුතුද නැත.
නීතිඥ ලලිත් ගමගේ මහතා මධ්යම පළාත් ආණ්ඩුකාරවරයාය. රාජ්ය සේවයේ දූෂිත බව පිළිබඳ අපූරු සිදුවීමක් ඉකුත් දා ඔහු හෙළිදරව් කළේය. ආණ්ඩුකාරවරයා අනාවරණය කර තිබුණේ නිවාස සැලසුමක් අනුමත කරවා ගැනීම පිණිස මහනුවර මහ නගර සභාවේ සේවකයකු පාර්ලිමේන්තු මන්ත්රීවරයකුගෙන් රුපියල් ලක්ෂයක මුදලක් ඉල්ලා ඇති බවය.
මිනිස්සු වුවමනාවෙන්ම නරක් නොවෙති. ඔවුන් ජීවත් වන සමාජ වටපිටාවද ආර්ථික පරිසරයද එයට හේතු සාධක සපයයි. මහනුවර මහ නගර සභාවේ සේවකයා රුපියල් ලක්ෂයක පගාවක් ඉල්ලන්නට ඇත්තේ මේ තිබෙන දුෂ්කර සහ පීඩිත ආර්ථික පසුබිම තුළ මාසික වැටුපෙන් ජීවත්වීමට නොහැකි නිසා විය හැකිය. පාර්ලිමේන්තු මන්ත්රීවරයාගේ වගකීම වන්නේ සමාජයේ මෙම ඇත්ත තත්ත්වය ඉහළට දැනුම් දීමය. හොඳට හිටපු මිනිසුනුත් දැන් දැන් නරක් වේගෙන එන බව ඉහළට කීමය. මෙම අයහපත් වාතාවරණය තුරන් වනු ඇත්තේ මේ ඇත්ත තත්ත්වය තේරුම් ගෙන එයට උචිත විසඳුම් සැපයීමෙනි. එය අතුරු කතාවකි.
මධ්යම පළාත් ආණ්ඩුකාරවරයාගේ අනාවරණයෙන් රාජ්ය සේවයේ ඇත්ත තත්ත්වය වටහාගත හැකිය. ඔහු පවසන්නේ මහජන නියෝජිතයකුගෙන් එසේ මුදල් ලබා ගන්නේ නම් සාමාන්ය ජනතාවට අත්වන ඉරණම අමුතුවෙන් කිවයුතු නැති බවය. සැබැවින්ම ඒ බව දන්නේ මහජනතාව පමණි. නිවාස සැලසුමක් අනුමත කර ගැනීමට නොව ඉඩම උගසට තබා ණයක් ලබා ගැනීමට අවශ්ය ලියකියවිලි සකස් කර ගැනීමේදී කී දෙනකුට දොළ පිදේනි පිදිය යුතුද බව දන්නේ ජනතාවයි.
පගාව ගැනීම පහසු නැත. එයට ආරක්ෂාකාරී පරිසරයක් තිබිය යුතුය. මධ්යම පළාත් ආණ්ඩුකාරවරයා එම පරිසරයද අනාවරණය කර තිබේ. ඔහු පවසන්නේ වසර පහකට වැඩි කාලයක් එකම ස්ථානයේ සේවය කළ පුද්ගලයන්ට මාරුවීම් ලබාදෙන ලෙස පළාත් රාජ්ය සේවා කොමිසම දැනුම්දී තිබියදී එය ක්රියාත්මක නොවීම දූෂණ සහ වංචා ඉහළ යාමට හේතුව බවය. රාජ්ය සේවා කොමිසමේ නියෝග ක්රියාත්මක නොකර සිටීමට තරමට රාජ්ය සේවයේ දූෂිත චෞර වළල්ල බලවත්ය.
පළාත් පාලන ආයතනවල ඇතැම් සේවකයන් සහ නිලධාරීන් වසර 10ක් 15ක් එකම ස්ථානයේ සේවය කරන බැවින් ඔවුන්ට මාරුවීම් ලබාදීමට යාමේදී නොයෙක් බලපෑම් එල්ලවන බවත් ප්රකාශ කර ඇති මධ්යම පළාත් ආණ්ඩුකාරවරයා පළපුරුදු සේවකයන් මාරු කළ විට පළාත් පාලන ආයතනවල කටයුතු අඩාල වන බවට පළාත් පාලන ප්රධානීන් ප්රකාශ කරන බවද අනාවරණය කර තිබේ. ආණ්ඩුකාරවරයාගේ අනාවරණය තුළින් මෙම දූෂිත දාමය කෙසේ ක්රියාත්මක වන්නේ දැයි ඉඳුරාම පැහැදිලිය. ඇතැම් නිලධාරීහු හා සේවකයෝ රාජ්ය ආයතන තම නින්දගම් බවට පත්කරගෙන සිටිති. ඒවා හසුරුවන්නේ ඔවුන්ට වුවමනා පරිදිය.
සැලසුම් අනුමත කර ගැනීමට යාමේදී පළාත් පාලන ආයතනවල නිලධාරීන් මහජනතාව පීඩාවට පත්කර මුදල් ලබා ගැනීමට කටයුතු කරන බවට බොහෝ පැමිණිලි ලැබී ඇතැයිද අනාවරණය කරන මධ්යම පළාත් ආණ්ඩුකාරවරයා හොර පාරෙන් සැලසුම් අනුමත කර ගැනීම නිසා අනවසර ඉදිකිරීම් ඉහළ ගොස් ඇති බවද පෙන්වා දෙයි.
මේ රට හැදිය යුතු බව හැමෝම කියති. එහෙත් දූෂිත හා අකාර්යක්ෂම රාජ්ය සේවයක් නඩත්තු කරමින් රට දියුණු කළ හැකිද යන ප්රශ්නය මඟහැර යා යුතු නැත. අප පැමිණ තිබෙන්නේ විනාශකාරී මාවතකය. මේ ඒ විනාශකාරී මාවතේ අන්තය වේ. රට හදන්නට නම් අලුත් ගමනක් ආරම්භ කළ යුතුය. එයටත් දැන් කල් පමා වැඩිය.
අය වැයෙන් ඉලක්ක කළ ආදායම අඛණ්ඩව තිස් තුන් වැනි වතාවටත් අහිමි වී ඇති බවට මේ දිනවල වාර්තා වෙමින් තිබේ. මෙයින් පෙනෙන්නේ මේ අර්බුදය අද ඊයේ ඇති වූවක් නොවන බව
මේ සතියේ සඳුදා (22) එක්තරා පුවත්පතක පළවූ ලිපියක මාතෘකාව වී තිබුණේ “ලංකාවේ පවුල්වලින් සියයට 60 ක ආදායම පහළට - දරිද්රතාව සියයට 11 සිට සියයට 26 දක්වා නැගලා” යනු
අපේ රටේ ආදායම සහ වියදම ගළපාගැනීම හැමදාමත් බරපතළ ගැටලුවකි. රට ආර්ථික වශයෙන් දරුණු අර්බුදයකට මුහුණදීමේ ප්රධානම හේතුවක් වූයේද එකී අය-වැය පරතරය පියවා ගැ
ආරක්ෂාව යන වචනය පුළුල්ව අර්ථ විවරණය වන්නකි. බුද්ධ ධර්මයෙන් මේ සඳහා ලබා දී ඇති ප්රමුඛත්වය ත්රිපිටකය තුළින් මැනවින් ප්රකට වේ. තථාගත බුදුරජාණන් වහන්ස
ශ්රී ලංකාවේ ආර්ථිකය කඩා වැටීමට හේතු සෙවීමේ දී ප්රධාන හේතුවක් ලෙස පෙනී යන්නේ ලංකාවේ බදු ක්රමයේ ඇති දුර්වලතා සහ අපේක්ෂිත බදු ඉලක්ක කරා ගමන් කිරීමට ර
දියතලාව නරියාකන්ද (ෆොක්ස්හීල්) මෝටර් රථ හා යතුරු පැදි ධාවන තරගයක් අතරමැද දී සිදුවූ අනතුරකින් තරගය නරඹමින් සිටි පුද්ගලයන් හත් දෙනකු මරුමුවට පත්වී තවත්
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දූෂිත රාජ්ය සේවයේ තවත් අධම ක්රියාවක්
dickie bird Saturday, 15 January 2022 09:47 PM
ලංකාවේ ලොකුම කරුමය දුෂීත රාජ්ය සේවයයි .රාජ්ය සේවය බල්ලා බල්ලාව කා දමනවා වැනි තත්ත්වයකි.මහජනයාට අබ සරණයි