කපිල වස්තු සර්වඥ ධාතු ඉතිහාසය

සම්බුදු රාජාණන් වහන්සේ පුරා වර්ෂ 45 ක් ලෝ සතුන් හිත සුව පිණිස සදා සැනසිල්ලකට පත්විය හැකි උතුම් ශ්‍රී සද්ධර්මයක් දේශනා කොට 80 වැනි වියේ දී දෙව් මිනිසුන්ගේ මහත් ගෞරව සත්කාර මධ්‍යයෙහි කුසිනාරා නුවර මල්ල රජදරුවන්ගේ උපවත්තන නම් සල් වනයෙහි සල් ගස් දෙකක් අතර උතුරු දිසාවට හිසලා සිංහ සෙයියාවෙන් සැතපී වදාරා පිරිවන් පා වදාල සේක. ඒ භාග්‍යවතුන් වහන්සේගේ ශ්‍රී සද්ධර්මය සුදුසු පරිදි අන්තර්ගත කොට සකසන ලද ත‍්‍රිපිටකය සූත‍්‍ර, විනය හා අභිධර්මය නමින් වර්තමානයෙහි ව්‍යවහාරයේ පවතියි. සූත‍්‍ර පිටකයේ මහා පරිනිම්බාන සූත‍්‍රයෙහි ඒ අසිරිමත් සම්බුදු රජාණන් වහන්සේගේ මහා පරිනිර්වාණය පිළිබඳව දීර්ඝ වශයෙන් කරුණු ඇතුළත්ව පවතියි. මෙම මහා පරිනිර්වාණය සිදු වීමෙන් අනතුරුව එකල දඹදිව් තලය පුරා විසිරී සිටි පාලකයන් විසින් බුදු රජාණන් වහන්සේගේ ශ්‍රී දේහය දහනය කොට ශේෂ වූ ධාතු බෙදා ගැනීම සම්බන්ධයෙන් මත ගැටුම් ඇති කර ගන්නා ලදී. මෙසේ සර්වඥධාතු පිණිස ගැටුම් ඇතිකර ගැනීමට සූදානම් වූහ. මොවුන් සියලූ දෙනාම ධාතු තමන්ට අයිති කර ගැනීමට සුදුසු කමක් ලෙස ඉදිරිපත් කර සිටියේ ‘‘භාග්‍යවතුන් වහන්සේත් අපිත් ක්‍ෂත‍්‍රිවම්හ. එබැවින් ධාතුවල හිමිකාරිත්වය අපට හිමි විය යුතුය’’ යන්නය. මේ අවස්ථාවේදී කුසිනාරාවේ මල්ල රජවරුන් කියා සිටියේ භාග්‍යවතුන් වහන්සේ පිරිනිවන් පාන ලද්දේ තමන්ගේ ග‍්‍රාමයේ බැවින් උන්වහන්සේගේ ශ්‍රී ශරීරය දහනය කර ශේෂ වූ ධාතුන් වහන්සේලා අන් අයට දීමට නොහැකි බවත් ඒවා තමන්ට අයිති බවත්ය. ‘‘ භාගයවතුන් වහන්සේ පිරිනිවන් පාන ලද්දේ අපගේ පාලන ප‍්‍රදේශය තුළය. එබැවින් උන්වහන්සේගේ ශරීරයේ අස්ථි කොටස් අපි අන් අයට නොදෙමු’’.

(මහා පරිනිබ්බාන සූත‍්‍රය - දීග නිකාය)

මෙම අර්බුදකාරී පිරිස් අතර තවත් සුවිශේෂී පිරිසක් සිටියහ. ඔවුන් නම් කපිලවස්තු ජනපදයෙහි ශාක්‍යයෝය. ඔවුහු තමන් ක්‍ෂත‍්‍රියෝ පමණක් නොව බුදුන්ට ලේ ඥාතිකමක් ද ඇති පිරිසක් බව තරයේ ප‍්‍රකාශ කර සිටියහ. ‘‘භාග්‍යවතුන් වහන්සේ අපේ ශ්‍රේෂ්ඨ නෑයෙකි. අපි ද උන් වහන්සේගේ ශාරීරික ධාතුවලින් කොටසක් ලැබීමට සුදුස්සෝ වෙමු. භාග්‍යවතුන් වහන්සේගේ ශරීර ධාතුන් උදෙසා චෛත්‍යයක් කර පූජා උත්සව ද කරන්නෙමු.’’

(මහා පරිනිබ්බාන සූත‍්‍රය - දීග නිකාය)

මෙම ව්‍යසනකාරී මොහොතේ වහා ඉදිරිපත් වූ ද්‍රෝණ නමැති බමුණා ඉතා වැදගත් ප‍්‍රකාශයක් කර ඇත. එය නම් - ‘‘පින්වත් රජවරුන් මාගේ මේ වචනය අසන්න. අපගේ බුදු රජාණෝ ක්‍ෂාන්තිවාදියෙක් වූහ. (සාමය අගය කල පුද්ගලයෙක් වූහ) ඒ උතුම් බුදුරදුන්ගේ ශරීර කොටස් වෙනුවෙන් අවි අමෝරා ගෙන යුද වදින්නේ නම් එය සුදුසු නොවන්නේමය.’’යන්නය. මේ ආදී වශයෙන් අවවාද කොට එම රජ දරුවන්ට කරුණු පැහැදිලි කර දීමෙන් පසුව ධාතු ඉල්ලූ අට පිරිසට සමසේ ඒවා බෙදා දීමෙන් හා බෙදා ගැනීමෙන් සම්මුතියකට එළඹීමට හැකි විය. ඒ අනුව ධාතු අට කොටසකට බෙදා දී එම ධාතු පුරවා තිබූ නැලිය ද්‍රෝණ බමුණා විසින් ලබා ගෙන ථූපයක් කරවා පුද සත්කාර ද කරන ලද බව සඳහන් වේ. උක්ත රජදරුවෝ ද තම තමන්ට ලැබුණු ධාතු කොටස් ඒ ඒ පාලන ප‍්‍රදේශවල චෛත්‍ය කරවා තැන්පත් කර පූජා සත්කාර කළ බව ථේරවාදී බෞද්ධ ත‍්‍රිපිටක සාහිත්‍යයෙහි සඳහන් වේ. මේ අතරින් කිඹුල්වත්පුර - කපිලවස්තුවේ ශාක්‍යයෝ ද තමන්ට හිමි වූ ධාතු කොටස තැන්පත් කොට මහා ථූපයක් කරවා පූජා සත්කාර කළහ. ‘‘කපිලවස්තුවේ (වර්තමාන කිඹුල්වත්පුර නමින් හැඳින්වෙන නේපාලයේ) ශාක්‍යයෝ ද භාග්‍යවතුන්ගේ ශරීර කෙටස් තැන්පත් කොට චෛත්‍යයක් කරවා මහා පූජා සත්කාර ද කළහ’’

(මහා පරිනිබ්බාන සූත‍්‍රය - දීඝ නිකාය)

ඉන්දීය පුරාවිද්‍යා කැණීම් මගින් අනාවරණය කර ගැනුණු පුරාවස්තු අතර ගෞතම බුදුරජාණන් වහන්සේගේ ශරීරයට අයත් අස්ථි කොටස් ඉතා විද්‍යාත්මකව සොයා ගැනීම අතිශය ප‍්‍රසාදය දනවන සිත්ගන්නා සුළු කාරණයකි. එරට කැණීම් මගින් සොයා ගැනුණු මෙම අස්ථි කොටස් ලෝකවාසී බෞද්ධයෝ පූජනීය හා වන්දනාමය අර්ථයෙන් ‘‘ධාතු’’ යැයි ව්‍යවහාර කරති. කපිල වස්තු ධාතු නමින් මෙකල හඳුන්වනුයේ ඉහත විස්තර කළ පරිදි බුදු හිමියන්ගේ ශ්‍රී ශරීරය දහනය කොට ශේෂ වූ අස්ථි වලින් එක් කොටසක් ලබාගත් කපිල වස්තුවේ ශාක්‍ය රජ දරුවන් විසින් අදින් වසර 2400 කට පමණ පෙර ඉදි කරන ලද චෛත්‍යය කැණීම් කර සොයා ගත් ධාතු කරඬුවේ තිබුණු සම්බුද්ධ ධාතූන් වහන්සේලාය. මෙම පූජනීය ධාතු සොයා ගැනීමේ ගෞරවය හිමි වනුයේ ඉන්දීය පුරාවිද්‍යා දෙපාර්තමේන්තුවේ පළමු අධ්‍යක්ෂ ජනරාල්වරයා වශයෙන් සැලකෙන ශ්‍රීමත් ඇලෙක්සැන්ඩර් කනිංහැම් මහතාටය. ඒ අදින් වසර 113 කට පමණ පෙර මොහුගේ මූලිකත්වයෙන් සිදු කළ පුරාවිද්‍යා කැණීම් මගින් මෙම ධාතු හමු වූ නිසාය. ඒවා හමු වූයේ වර්තමාන බිහාරයේ (උත්තර් ප‍්‍රදේශය) පිප‍්‍රාවා නමැති ස්ථානය කැණීම් කිරීමෙනි. පැරණි ඉන්දීය ඉතිහාසයේ දී ‘‘කපිලවස්තු’’ යන්න වර්තමානයේ නාමය හඳුන්වනු ලබනුයේ ‘‘පිප‍්‍රාවා’’යන නාමයෙනි.

මැදගම ධම්මානන්ද හිමි

අදහස් (0)

කපිල වස්තු සර්වඥ ධාතු ඉතිහාසය

wasantha Friday, 24 August 2012 04:01 PM

ගෞතම බුදුරජාණන් වහන්සේගේ ධාතූන් වහන්සේ දැකීමම මහත් පිනකි. ඔබ සියලු දෙනාටම බුදු සරණයි (අ)

: 0 0

අරුණ බංඩාර/කන්තලේ Monday, 27 August 2012 06:42 PM

මහා ආශ්චර්යමත් අතිශය දුර්ලභ වූ අවස්ථාවක්.මම අද දෙවතාවක්ම ඉතාම පහසුවෙන් වන්දනා කරගත්තා. සාදු! සාදු!! සාදු!!! ඒ භාග්‍යවතුන් වහන්සේට මාගේ නමස්කාරය වේවා...!!! නමෝ බුද්ධාය... (නි)

: 0 0

කපිල Tuesday, 21 August 2012 10:12 PM

සතුටුදායක අවස්තාවක් සියලු ලෝ වැසියාට බුදු සරණ වේවා...(නු)

: 0 0

සුමනා Tuesday, 21 August 2012 10:12 PM

ලෝ වැසියාට බුදු සරණ වේවා!!(නු)

: 0 0

අතුල නියමසිංහ Tuesday, 04 September 2012 04:09 PM

දැනට එනම් මේ ලිපියේ දිනය වන 2012 අගෝස්තු මස 19 දින සිට අවුරැදු 113කට පෙර වනුයේ 1899 වර්ෂයයි . කනිම් හැම් මහතා මිය ගොස් ඇත්තේ 1898 වර්ෂයේයි. මේ පරස්පරය පැහිදිලි කරදෙන්න.(ස)

: 0 0

චාමල් Wednesday, 22 August 2012 10:36 AM

සියලු දෙවි පිහිටයි (දී)

: 0 0

කවී Tuesday, 21 August 2012 11:55 AM

මේ වෙනකකොට දැඩි මාර්ග තදබදයක් තිබෙනවා බොල්ලගල අවට..(නු)

: 0 0

ආනන්ද Sunday, 19 August 2012 05:07 PM

සියලු ලෝ වැසියාට බුදු සරණ වේවා! (නි)

: 0 0

තිලක් Thursday, 23 August 2012 05:05 AM

මේවා බුදුරජාණන් වහන්සේගේ උත්තරීතර ධාතූන්ම වන බවට කිසිදු සැකයක් නැත. (නි)

: 0 0

හරීන් Monday, 17 September 2012 09:58 AM

මේ ධාතුවල බලයෙන් සියලු සත්වයන්ට සැනසීම උදා වේවා..! සාදු සාදු සාදු !!!!(ස)

: 0 0

සරත් Monday, 20 August 2012 04:51 PM

ඇත්තෙන්ම සතුටුදායක අවස්තාවක්. (නි)

: 0 0

රංග Sunday, 19 August 2012 08:00 PM

ආනන්ද සියලු ලෝවැසියාට බුදුසරණ වෙවා කිවුවොත් ඒක වැරදී නේද?බුදුන් සරණ යන්න ඕනෙ තමන්.ඒක තමන් තුලින්ම එන්නෙ ඕනෙ දෙයක්.ඒක ප්‍රාර්ථනාවකින් කරන්න පුලුවන් දෙයක් නෙමේ.ඔන්න සියලු ලෝවැසියාට දෙවි පිහිට වේවා කිවුවනම් හරි.(ස)

: 0 0

විරාජ් Sunday, 26 August 2012 03:05 PM

මේවා දකින්න ලැබීමම ලාංකිකයන්ගේ වාසනාවක්. (නි)

: 0 0

පවනි Wednesday, 22 August 2012 07:02 PM

සියලුම බෞද්ධයන්ගේ පෙර පිනකින් ලැබුණු මෙම ධාතූන් වහන්සේලා ශ්‍රද්ධාවෙන් වන්දනා කරමු. (නි)

: 0 0

මුදිත Sunday, 26 August 2012 03:21 PM

මම මේ පන්සලේ ලිපිනය දන්නේ නැහැනේ. (නි)

: 0 0

ගුණසේන Saturday, 25 August 2012 10:04 PM

දිල්ලි ජාතික කෞතුකාගාරය නැරඹීමට හැකිනම් මෙම ධාතූන් වහන්සේලා වැද පුදා ගත හැකියි. (නි)

: 0 0

සෙනරත් Sunday, 19 August 2012 09:50 PM

මම අද(19) දා ගිහිල්ලා මේ ධාතූන් වහන්සේට මල් පූජා කරලා ප්‍රාර්ථනාවක් කරලයි ආවේ. සාධු... සාධු... සාධු...! (නි)

: 0 0

චන්දිම Saturday, 15 September 2012 09:08 AM

සාධු.....සාධු.....සාධු.....(දී)

: 0 0

ප්‍රේමලාල් Sunday, 26 August 2012 01:37 AM

බුදුරජාණන් වහන්සේට මාගේ නමස්කාරය වේවා! (නි)

: 0 0

එන්.ජී. මානෙල් චන්ද්‍රිකා Tuesday, 04 September 2012 02:54 PM

අපි හරිම වාසනාවන්තයි භාග්‍යවතුන්වහන්සේගේ ධාතු වන්දනා කිරීමට ලැබීම .(ස)

: 0 0

සුජිත් කුමාර Wednesday, 22 August 2012 03:04 PM

තෙරුවන් සරණයි! (නි)

: 0 0

කුමාර Wednesday, 22 August 2012 11:00 PM

බුදු සසුන බැබළේවා! සාධු... සාධු... සාධු...! (නි)

: 0 0

ඔබේ අදහස් එවන්න

විශේෂාංග

ඇත්ත නැත්තට ගොතන කතා අතේ පත්තුවීම

2024 අප්‍රේල් මස 17 275 0

ජාතියේ මහා සංස්කෘතික මංගල්‍යය ලෙස සැළකෙන සිංහල හා හින්දු අලුත් අවුරුද්ද උත්කර්ෂවත් ලෙස පැවැත්වීමට හැකි වී ඇති බව පසුගිය දිනවල මහජනතාවගේ විවිධ ක්‍රිය

මුලින් රට ගොඩ ගනිමු ඉන්පසු වරප්‍රසාද ඉල්ලමු

2024 අප්‍රේල් මස 17 147 0

දේශපාලනය “ගරු සේවයක්” බවට පත්ව තිබූ යුගයක් අතීතයේ තිබිණි. උපයා ගෙන තිබූ වත්කම්ද මහජන සේවයට කැප කළ එම ගරු කටයුතු මහජන නියෝජිතයා සරල අල්පේච්ඡ ජීවිතයක් ග

ණය අර්බුදයේ අනවබෝධයේ ප්‍රතිවිපාක

2024 අප්‍රේල් මස 16 535 0

ශ්‍රී ලංකාව මුල්වරට විදේශ ණය ගෙවීම තාවකාලිකව අත්හිටුවන බව 2022 අප්‍රේල් 12 වැනි දින ශ්‍රී ලංකා මහ බැංකුව නිවේදනය කළේය. ඒත් සමගම ශ්‍රී ලංකාව බංකොලොත් රටක් බ

වෛද්‍ය විද්‍යා අධ්‍යාපනය තවත් පුළුල් කළ යුතුයි

2024 අප්‍රේල් මස 16 629 2

ජෙනරාල් සර් ජෝන් කොතලාවල ආරක්ෂක විශ්වවිද්‍යාලයේ වෛද්‍ය පීඨයේ වෛද්‍ය උපාධිය සඳහා මෙරට ශිෂ්‍යයන්ට මුදල් ගෙවා ඇතුළුවීමට පහසුකම් සැලසීම සඳහා වන යෝජනාව

අලුත් අවුරුද්ද රටට සහ ඔබට කොහොමද?

2024 අප්‍රේල් මස 12 2605 0

ලෝකායන විද්‍යාව අනුව ලංකාවට අයත්වෙන්නේ කුම්භ ලග්නයයි. 2024 අලුත් අවුරුදු ආරම්භය සිදුවී එක් සූර්ය මාසයක් ගතවීමට පෙරාතුව මෙතෙක් පැවති ලංකාවේ ග්‍රහචාරය ද

අලුත් අවුරුද්ද සංස්කෘතිය අනාගතය

2024 අප්‍රේල් මස 11 228 0

සංස්කෘතික උත්සව යනු, ඕනෑම සංස්කෘතියක ඉතාම වැදගත් අංගයක් වේ. ඒ අනුව, අලු‍ත් අවුරුද්ද මෙරට සිංහල සහ දෙමළ ජනයාගේ සංස්කෘතික ජීවිතයේ ඉතාම වැදගත් අවස්ථාවකි.