ජාත්යන්තර සර්ෆිං තරගය මෙවරත් පසුගිය 30 වැනිදා පොතුවිල් අරුගම්බේ මුහුදු තීරයේදී ජාත්යන්තර සර්ෆිං තරග කරුවන්ගේ සහභාගිත්වයෙන් ආරම්භ කෙරිණි. මේ සඳහා රටවල් 21ක තරගකරුවෝ 105 දෙනෙක් පමණ සහභාගි වී සිටියහ. මෙවර සර්ෆිං තරග සඳහා ලොව සිටින දක්ෂතම තරගකරුවන් සහභාගිවීම විශේෂත්වයකි. මේ සඳහා සර්ෆ් ලෝක තරගාවලියේදී පළමු ස්ථානය, දෙවැනි ස්ථානය සහ හය හා අටවැනි ස්ථාන ලබාගත් තරගකරුවන් සහභාගි වී සිටීම විශේෂත්වයකි. එමෙන්ම මෙවර කාන්තාවන්ටද මේ සඳහා අවස්ථාව ලබාදී තිබිණි. මේ තරගය සඳහා කාන්තාවන් 65 දෙනෙක් සහ පිරිමි 40 දෙනකු පැමිණ සිටියහ. එහෙත් මේ තරගය සඳහා ඒ හැමෝටම සහභාගි වීමට නොහැකි විය. තෝරාගනු ලැබුවේ සර්ෆ් ජාත්යන්තර තරගයට අයදුම් කරන අය පමණකි. මේ තරගය ශ්රී ලංකාවේ පැවැත්වීමට ප්රධානතම හේතුව වන්නේ ලොව සර්ෆ් තරග පැවැත්වෙන හොඳම ස්ථාන දහයෙන් එකක් මේ අරුගම්බේ මුහුදු වෙරළ වීමයි. මෙම අරුගම්බේ සර්ෆ් තරග ස්ථානය ගත්විට සර්ෆ් තරගකරුවන්ට ඉතාමත් පහසුවෙන් තරග පැවැත්වීමට ස්වභාවිකව වෙරළ සකස්වී තිබීම විශේෂත්වයකි. එමෙන්ම තරගකරුවන් පවසන ආකාරයට වෙනත් රටවල සර්ෆ් කිරීමේදී මුහුද මැද්දට ගොස් සර්ෆ් කර අපසු ඒමට සිදුවීම තරගකරුවන්ට අපහසු කාර්යයක් බවය. මේ අරුගම්බේ ප්රදේශය සර්ෆ් තරගය සඳහා ස්වභාවිකවම පිහිටා තිබෙන ආකාරය නිසා තරගකරුවන්ට සර්ෆ් තරග ස්ථානයේ පටන් ගන්නා රැුල්ල අවසන් වන්නේ මුහුදු වෙරළෙනි. ඒ නිසා තරගකරුවන්ට ක්රීඩා කිරීම සඳහා පහසුය. තරගකරුවන් නැවත වරක් වෙරළ දිගේ ගොස් ආරම්භක ස්ථානයට ඉතාම පහසුවෙන් ළඟාවීමට හැකිවී තිබීම තවත් විශේෂත්වයකි. අරුගම්බේ ප්රදේශය සංචාරකයින් සඳහා වැදගත් වන්නේ සර්ෆ් ක්රීඩාව සඳහා මේ අරුගම්බේ ප්රදේශයට ආසන්නව සර්ෆ් ක්රීඩාවට උචිත තවත් ස්ථාන තුනක් පිහිටා තිබීම හේතුවෙනි. ඒවා නම් ”ෆිනට්ෆිට්” සහ ”විසි පොයින්ට්” නමින් පානම ප්රදේශයේ සහ කෝමාරි ප්රදේශයේ පිහිටි ස්ථාන දෙකයි. මෙම තරගකරුවන්ට අවශ්ය ආකාරයට ඉහළ නගින මුහුදු රැුළි තිබීම තවත් විශේෂත්වයකි. මේ නිසා අනෙක් රටවල් සමග සසඳන කල සර්ෆින් තරග සඳහා තරගකරුවන්ට හා තරගකාරියන්ට සර්ෆිං ක්රීඩාව පහසුකරවන ස්ථානයක් බවට අරුගම්බේ ප්රදේශය ලෝකයේ ප්රසිද්ධ ස්ථානයක් වී තිබීම ශ්රී ලාංකික අපට ලොකු අඩම්බරයකි. මේ තරගාවලිය ශ්රී ලංකාවේ පවත්වනු ලබන්නේ ශ්රී ලංකන් ගුවන් සමාගම් සහ සංචාරක මණ්ඩලය එක්ව දෙවැනි වරටය. වසර ගණනක් පුරාවට ශ්රී ලංකාව තුළ තිබූ යුද්ධය නිමාවීමත් සමග අරුගම්බේ මුහුදු තීරය ආකර්ශනීය ස්ථානයක් බවට පත්කර ගැනීම සඳහා මෙම සර්ෆිං තරග අගෝස්තු මස 30 වැනිදා පටන්ගෙන සැප්තැම්බර් 04 වැනිදා දක්වා පැවැත්වේ. මේ තුළින් මේ ප්රදේශවලට ආර්ථික වාසියක්ද අත්වෙයි. අරුගම්බේ ප්රදේශයේ ඇති 850ක් වූ හෝටල් කාමර සියල්ල සංචාරකයින් සඳහා වෙන්කර අවසන් වී තිබීම මීට හොඳම නිදසුනකි. ශ්රී ලංකාවේ දෙවැනි වතාවට පැවැත්වුණ මෙම සර්ෆිං ජාත්යන්තර තරගය ලබන වසරේ මීට වඩා හොඳට ශ්රී ලාංකික සර්ෆ් තරගකරුවන් සහභාගි කරගෙන පැවැත්වීමටත් ශ්රී ලංකා සර්ෆ් තරගකරුවන්ට මේ සඳහා පුහුණු වැඩසටහන් හා වැඩමුළු ඉදිරියේදී පැවැත්වීමටත් බලාපොරොත්තු වෙන බව ශ්රී ලංකා සංචාරක මණ්ඩලයේ වැඩසටහන් අධ්යක්ෂ දිලිප් මුදාදෙණිය මහතා පැවසීය. වැඩිදුරටත් අදහස් දක්වමින් ඒ මහතා කියා සිටියේ මේ ජාත්යන්තර සර්ෆ් තරගය විනිශ්චයකිරීම සඳහා ජාත්යන්තර සර්ෆ් විනිසුරුවරුන් පැමිණ ඇති බවයි. මේ සඳහා දෙස් විදෙස් සංචාරකයින් දෙදහසකට අධික පිරිසක් දිනපතාම තරග නැරඹීමට පැමිණෙන බව ඒ මහතා පැවසීය.
එළැඹෙන ජනාධිපතිවරණය සඳහා උතුරු-නැගෙනහිර දෙමළ ජනතාව වෙනුවෙන් හින්දු ආගමික ජනාධිපති අපේක්ෂකයකු ඉදිරිපත් කළ යුතු යැයි උතුරේ හින්දු මූලධර්මවාදී කල්ලිය
අය වැයෙන් ඉලක්ක කළ ආදායම අඛණ්ඩව තිස් තුන් වැනි වතාවටත් අහිමි වී ඇති බවට මේ දිනවල වාර්තා වෙමින් තිබේ. මෙයින් පෙනෙන්නේ මේ අර්බුදය අද ඊයේ ඇති වූවක් නොවන බව
අප රටේ ඇතැම් සිදුවීම් දෙස බලන විට මේ රට තව වසර කීයක් පවතී දැයි සැක සිතෙන තරම්ය. ඇතැම් ව්යාපෘති ක්රියාත්මක වන්නේ එම ව්යාපෘතියෙහි ඇත්ත අරමුණ හා මුඛ්ය
මේ සතියේ සඳුදා (22) එක්තරා පුවත්පතක පළවූ ලිපියක මාතෘකාව වී තිබුණේ “ලංකාවේ පවුල්වලින් සියයට 60 ක ආදායම පහළට - දරිද්රතාව සියයට 11 සිට සියයට 26 දක්වා නැගලා” යනු
අපේ රටේ ආදායම සහ වියදම ගළපාගැනීම හැමදාමත් බරපතළ ගැටලුවකි. රට ආර්ථික වශයෙන් දරුණු අර්බුදයකට මුහුණදීමේ ප්රධානම හේතුවක් වූයේද එකී අය-වැය පරතරය පියවා ගැ
ආරක්ෂාව යන වචනය පුළුල්ව අර්ථ විවරණය වන්නකි. බුද්ධ ධර්මයෙන් මේ සඳහා ලබා දී ඇති ප්රමුඛත්වය ත්රිපිටකය තුළින් මැනවින් ප්රකට වේ. තථාගත බුදුරජාණන් වහන්ස
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ආරුගම්බේ "සර්ෆිං"
නිත්යා Saturday, 12 January 2013 03:39 PM
හොඳයි. ලස්සනයි (ස)
චමින්ද Sunday, 23 February 2014 10:35 PM
නියමයි! (නදී)
සම්පත් Friday, 09 September 2011 08:30 AM
හොඳයි
අතපත්තු Friday, 24 August 2012 07:33 AM
ගොඩක් හොදයි. ඔය විදියට දිගටම වෙනවා නම් රට සීඝ්රයෙන් දියුණු වෙයි. සංචාරකයන් රටට පැමිණීම අත්යවශ්යයි. (නි)