ඉන්ධන පිරවුම්හල්වල කා කොටා ගන්නා පුරවැසියන්ගේ රූපරාමු මනුෂ්යයන්ගේ අසරණකම විදහා පාන්නකි. රටේ ප්රශ්න පාලකයන් නොවිසඳනවිට ජනයා ආවේගශීලීව හැසිරීම විමතිය දනවන්නක් ද නොවේ. සන්සුන්ව හා බුද්ධිමත්ව හැසිරෙන්නැයි කෙරෙන ඉල්ලීම් හරසුන් නීච වාගාලාපයන්ගෙන් වෙනස් නොවන්නකි. සා පිපාසිත ජනයා එසේ හැසිරෙද්දී වගකිවයුත්තන්ගෙන් පෙන්නුම් කෙරෙන්නේද එබඳුම තත්ත්වයකි. ඇමති - බස් සංගම් සාකච්ඡාව එයට කදිම නිදසුනකි.
අප පුවත්පත වාර්තා කර තිබුණේ ඉන්ධන මිල ඉහළ යාමට සාපේක්ෂව බස් ගාස්තු ඉහළ දැමීම පිළිබඳව තීරණය කිරීමට ප්රවාහන අමාත්යාංශයේ පැවැති සාකච්ඡාවේ දී බස් සංගම් නියෝජිතයන් පරස්පර මත ඉදිරිපත් කිරීම හේතුවෙන් එකම ගාලගෝට්ටියක් බවට පත්වූ බවය.
ප්රවාහන අමාත්ය ආචාර්ය බන්දුල ගුණවර්ධන, පෞද්ගලික බස් රථ හිමියන්ගේ සංගමයේ සභාපති ගැමුණු විජේරත්න යන මහත්වරුන් සහ ජාතික ගමනාගමන කොමිසමේ නිලධාරීන් පිරිසක් සාකච්ඡාව අතරතුර පිටව ගිය බව අප ප්රවෘත්තියේ සඳහන්ය. පෞද්ගලික බස් රථ හිමියන්ගේ සංගමයේ සභාපති ගැමුණු විජේරත්න සහ සමස්ත ලංකා බස් රථ හිමියන්ගේ සම්මේලනයේ සභාපති අංජන ප්රියංජිත් යන මහත්වරුන් බස් ගාස්තුව ඉහළ දැමීම සම්බන්ධයෙන් දැක්වූ අදහස් පරස්පරවීම හේතුවෙන් මෙම ගාලගෝට්ටිය මතුවූ බවද අප ප්රවෘත්තියේ වැඩිදුරටත් සඳහන්ය.
ජනතාව සිටින්නේ පාන් කියාගත නොහැකිවය. අතේ ඇති මුදලට හෝ ඉන්ධන ස්වල්පයක් ලබාගැනීමට ජනතාවට නොහැකිය. බස් රථ ධාවනය මුළුමනින්ම නැතත් බිඳ වැටී අවසන්ය. සීමිත බස් රථවල හා දුම්රියෙහි ජනයා ගමන් කරන්නේ දින නියමයක් නැති මරණ වරෙන්තු අතැතිවය. ඇමතිවරයා හා බස් සංගම් නියෝජිතයන් සාකච්ඡා කරන්නේ බස් ගාස්තු ඉහළ නැංවීම සම්බන්ධයෙනි.
බස් ගාස්තු ඉහළ දමා ඇති ආකාරයට බස් ගාස්තුව තවත් ඉහළ දැමිය හැකිද යන්න අමතක කළ යුතු නැත. මෙරට පොදු මහ ජනතාව සතු ප්රධාන ප්රවාහන සේවාව වන්නේ බස් හා දුම්රිය වේ. එහි ගාස්තුව එම පොදු මහ ජනයාගේ ජීවන මට්ටමට සැසැඳිය යුතුය. ආදායමට සරිලන පරිදි විය යුතුය. මේ විදියට ගමන් කළොත් ආරම්භක බස් ගාස්තුව රුපියල් සියය පන්නනු ඇතැයි සිතිය හැකිය.
ඉන්ධන මිල ඉහළ දැමීමත් සමග ප්රවාහනය ඇතුළු සියල්ලෙහිම මිල ඉහළ යන බව රහසක් නොවේ. බස් රථ හිමියන් සිදුකරන්නේ ව්යාපාරයකි. එමෙන්ම එය සමාජ සේවාවකි. මෙය අඛණ්ඩව පවත්වාගෙන යාමට නම් බස් හිමියන්ට ලාභයක් අත්විය යුතුය. එහෙත් එය තීරණය කළයුතු වන්නේ ජාතික ප්රතිපත්තියක් මත පිහිටාය.
මානව සමාජය අත්පත් කරගන ඇති දියුණුවට සාපේක්ෂව ඕනෑම ප්රශ්නයක් සාකච්ඡා මාර්ගයෙන් විසඳාගත හැකිය. අප සමාජය දියුණු යැයි පැවසුනද ක්රියාමාර්ග ගැනීමේ දී ඒ බවක් නොපෙනෙන බව වසන් කළ නොහැකිය. පාර්ලිමේන්තු විවාද වුවද එයට නිදසුන්ය. ඇමති හා පෞද්ගලික බස් රථ සංගම් නියේජිතයන් අතර වූ සාකච්ජාවෙන්ද පෙන්නුම් කෙරෙන්නේ එම නොදියුණු ගෝත්රික ගති ලක්ෂණ විනා අන් යමක් නොවේ.
ආචාර්ය බන්දුල ගුණවර්ධන අමාත්යවරයා සාකච්ඡාවේ අතරමගදී ඉවත් වන්නේ ‘‘මට වෙන වැඩක් තියෙනවා’’ යනුවෙන් ප්රකාශ කර බව ඒ ප්රවෘත්තියෙහි සඳහන්ය. එමෙන්ම අමාත්යවරයා තමන්ට ආර්ථික විද්යා පාඩමක් ඉගැන්වූ බව බස් රථ සංගම් නියෝජිතයන් කියා ඇත.
අදාළ සාකච්ඡාව ජාතික ප්රශ්නයක් සම්බන්ධයෙනි. එවැනි සාකච්ඡාවකට සියලු දෙනා සහභාගි විය යුත්තේ ජාතික වගකීමකින් යුතුවය. එසේ නොවීම තුළ ඕනෑම සාකච්ඡාවක් ළිඳ ළඟ සම්මේලනයක් බවට පත්වීම වැළැක්විය නොහැකිය. බස් ගාස්තු ඉහළ දැමීමට අදාළ සාකච්ඡාවට අත්වී තිබෙන්නේද එම ඉරණමමය.
පෞද්ගලික බස් රථ හිමියන්ගේ සංගමයේ සභාපති ගැමුණු විජේරත්න මහතා ප්රකාශ කර තිබුණේ ජාතික ප්රතිපත්තියට අනුව බස් ගාස්තු ඉහළ දැමීම කරන ලෙස ඉල්ලා සිටි තමන් පසුව රැස්වීමෙන් නැගිට ගිය බවය. ‘‘එක එක්කෙනාට ඕනෑ විදියට බස් ගාස්තු ඉහළ දැමිය නොහැකි බවත්’’ ඒ මහතා පවසා තිබේ. සමස්ත ලංකා බස් රථ හිමියන්ගේ සම්මේලනයේ සභාපති අංජන ප්රියන්ජිත් මහතා පැවසුවේ අද සිට බස් ගාස්තු ඉහළ දැමීමට එකඟතාව පළවූ බවය.
රටේ ජනතාව සිටින්නේ සෑම අතින්ම වද වේදනාවන්ට ලක් වෙමිනි. වේලක් කෑ පසු ඊළඟ වේල කන්නේ කොහොමදැයි ජනතාවට කල්පනා කිරීමට සිදුව තිබේ. රටේ පොදු ජනයාගේ ගැටලුවලට විසඳුම් පේන තෙක් මානයක නැත. දැන් බස් ගාස්තුවද ඉහළ දමා තිබේ. ජනතාව මෙම ප්රශ්න කියන්නේ කාටදැයි නොදනිති. මානව ආපදාවෙන් තමන්ගේ ගොඩ වැඩිකර ගැනීමට මාන බලන මජර දේශපාලනයෙන් මෙරට ජනයාට ශත පහක ප්රයෝජනයක් නැති බවද අවධාරණය කළ යුතුය.
(***)
ආගන්තුක සත්කාරයට ළැදි සිනාවෙන් මුව සරසාගත් මිනිසුන් සිටින රටක් ලෙස අප රටට ජාත්යන්තරය තුළ ඉහළ පිළිගැනීමක් විය. අප රට සංචාරක පාරාදීසයක් බවට පත් වූයේ සො
අනුබුදු මිහිඳු මහරහතන් වහන්සේ වැඩම කළ ඓතිහාසික මිහින්තලාව මෑතක සිට ආන්දෝලනාත්මක පුවත් මවන ස්ථානයක් බවට පත්ව තිබේ. එක් වරක් විදුලිය බිල නොගෙවීම නිසා ම
දේශපාලනය “ගරු සේවයක්” බවට පත්ව තිබූ යුගයක් අතීතයේ තිබිණි. උපයා ගෙන තිබූ වත්කම්ද මහජන සේවයට කැප කළ එම ගරු කටයුතු මහජන නියෝජිතයා සරල අල්පේච්ඡ ජීවිතයක් ග
ජෙනරාල් සර් ජෝන් කොතලාවල ආරක්ෂක විශ්වවිද්යාලයේ වෛද්ය පීඨයේ වෛද්ය උපාධිය සඳහා මෙරට ශිෂ්යයන්ට මුදල් ගෙවා ඇතුළුවීමට පහසුකම් සැලසීම සඳහා වන යෝජනාව
සිංහල–දෙමළ අලුත් අවුරුදු මහා සංස්කෘතික මංගල්යයට දින දෙකකි. සාමය, සමගිය, සතුට හා සෞභාග්යය කැටිව එන වසන්තය පිළිගැනීමට ගම් නියම්ගම් නගර ජනපද වෙනසකින් ත
පාතාලයන්ට මෙතරම් අවි කොහෙන් ද? මේ ඉකුත් සමයේ නිතර නිතර කතා බහට ලක්වූ මාතෘකාවකි. අන්ධයා අලියාගේ ස්වරූපය කියා පෑ හැටි සිහිපත් කෙරෙන උත්තර ඒවාට ලැබුණා මිස
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
බූරු පොළේ සාකච්ඡා සිහිගන්වන ඇමැති-බස් සංගම් සාකච්ඡාව