(පොල්ගස්ඕවිට එස්. වික්රමආරච්චි)
මාර්ගයේ පැවැති දුෂ්කර තත්ත්වය නිසා මංගල රථය අතරමඟ නතර කිරීම හේතුවෙන් මනාලිය විල්බැරෝවක නංවාගෙන කිලෝමීටර එක හමාරක් පමණ තල්ලු කරගෙන යාමට මනාලයාට සිදුවූ පුවතක් පසුගියදා දකුණේ කඳුකර ගම් ප්රදේශයකින් අසන්නට ලැබිණි.
ව්යාපාරික කටයුත්තක් කරගෙන යන මෙම තරුණයා ව්යාපාර කටයුතු සඳහා නගරයට ගිය අවස්ථාවක දැන හඳුනාගත් තරුණියක සමඟ ප්රේම සම්බන්ධයක් ඇතිකර ගත්තේය.
තරුණයාගේ ගම් ප්රදේශය ගමනාගමන පහසුකම් අතින් ඉතා දුෂ්කර වුවද ඔහුගේ උත්සාහවන්ත බවත් යහපත් ගතිගුණත් නිසා ඔහු හා ඇතිකරගත් සම්බන්ධයට තරුණියගේ මවුපියන්ගේ ආශිර්වාදය හිමිවිය.
ඒ අනුව දෙදෙනාගේ විවාහ මංගල්යය කටයුතු පසුගියදා සිදු කෙරිණි. සෞඛ්ය මාර්ගෝපදේශවලට අනුකූලව එම කටයුතු සැලසුම් කර තිබිණ.
මනාල යුවළ රැගත් නවීන පන්නයේ සුඛෝපභෝගී මෝටර් රථය මනාලයාගේ නිවෙසට කිලෝ මීටර එක හමාරක් පමණ තිබිය දී නතර කෙරිණි. මාර්ගයේ එම කොටස දැඩි ලෙස අබලන්ව ගල් මතුවී තිබීම නිසා මෝටර් රථය ඉන් ඔබ්බට ධාවනය කරවීමට රියැදුරා කිසිසේත් කැමැත්තක් නොදැක්වූයේ මාර්ගය මෙතරම් දුෂ්කර බව මුලින් තමාට නොකී බවට ද චෝදනා කරමිනි.
කෙසේ වෙතත් රියැදුරාගේ තීරණය වාදයකින් තොරව පිළිගත් මනාල යුවළ එතැන් සිට පා ගමනින් යාමට තීරණය කළේ ඉතා කැමැත්තෙනි. සෙසු පිරිස පැමිණි වාහන ද එම ස්ථානයේ නතර කෙරුණු අතර දෑවැදි භාණ්ඩ රැගත් ලොරි රථය පමණක් ඉතා අමාරුවෙන් ඉදිරියට ඇදිණ.
නව යුවළට වැඩි දුරක් පයින් යාමට සිදු නොවිණි. මනාල මහතාගේ මිතුරෝ පිරිසක් විල්බැරෝවක් රැගෙන පැමිණියහ. මනාලිය එයට නැංවීය.
එතැන් සිට නිවෙස දක්වාම සිය මනාලිය සහිත විල් බැරෝව තල්ලු කරගෙන යාමට මනාලයාට සිදුවූයේ සෙසු පිරිසගේ දිරි ගැන්වීම් සහ විනෝදාත්මක කතා මධ්යයේය.
කෙසේ වෙතත් පසුව දැනගන්නට ලැබුණේ මනාලයාගේ යහළුවන් නිවෙසට මීටර සියයක් පමණ මෙහා සිට යාමට සූදානම් කර තිබූ විල්බැරෝ ගමන අහම්බෙන් ඇතිවූ සිද්ධිය නිසා කිලෝ මීටර එකහමාරක් පමණ දීර්ඝ වූ බවයි.
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පාර කැඩිලා: මනාල ජෝඩුවට රැග් එකක් ලැබිලා