(කරන්දෙණිය - එම්. සුසිල් ප්රියන්ත)
අහිංසක, විනීත යයි හංවඩු ගැසී සිටි උපස්ථායකයකුගේ තරම රාත්රී සේවයේ යෙදී සිටියදී මුළු රෝහලටම දැන ගන්නට ලැබුණු පුවතක් රෝහලකින් අසන්නට ලැබේ.
ඔහු එදා රාත්රී සේවයේ යෙදී සිටියේය. ඔහුගේ සමකාලීනයකුද එදිනම රාත්රී සේවයට කැඳවා සිටියේය. මධ්යම රාත්රිය ද එළැඹෙමින් තිබියදී මේ දෙදෙනා නිදිවර්ජිතව සිටීමට අපූරු කාර්යක නිරතව සිටියහ. ඒ පුටු දෙකක වාඩි වී මේසයක් මත තබාගත් ජංගම දුරකතනයක දෙයක් නරඹමින් සිටීමෙනි. ඒ ජංගම දුරකතනය මිතුරු උපස්ථායකගේය. ඒ නිසාම මෙහි ක්රියාකාරීත්වය ගැන ඔහුට වැඩි අවබෝධයක් නොවිණි.
මේ අතරේ උපස්ථායක මිතුරා වැසිකිළි අවශ්යතාවකට එතැනින් ඉවත්වූයේ තමා ඉක්මනින්ම එන බව පවසමිනි. ඔහු ඉතා උනන්දුවෙන් මේසය මත තිබූ ජංගම දුරකතනය දිහා බලා සිටියේය. අවට පිළිබඳව ඒ අවස්ථාවේදී ඔහුට තිබුණේ ද අනවබෝධයකි. ඒ නිසාම සේවා අවශ්යතාවක් ඉටුකර ගැනීමට රෝහලේ හෙදියක ළඟටම පැමිණෙන තෙක් ඔහු නොදුටුවේය.
ඒ සමගම තමා දන්නා උප්පරවැට්ටි යොදා සක්රීයව තිබෙන ජංගම දුරකතනය අක්රීය කිරීමට කෙතරම් උත්සාහ දැරුවත් පලක් නොවූ තැන ඔහු එය මේසයේ ලාච්චුවේ දමා වැසුවේය. හෙදිය පැවරූ රාජකාරිය කිරීමට එතනින් ඉවත්වී යාමට ඔහුට සිදුවිය. ඔහු එන තෙක් හෙදිය මේසය ළඟ නැවතී සිටියාය.
මේසයේ ලාච්චුව ඇතුළෙන් අමුතු කෑගැසීමක ශබ්දයක් හෙදියට ඇසෙන්නේ ඒ සමගමය. ඇය මේසයේ ලාච්චුව ඇර එහි සක්රීයව තිබූ ජංගම දුරකතනය අතට ගන්නේ මේ අතරේදීය. එය අතට ගත්තාට වඩා හොඳයි නොගත්තානම් යයි ඇයට සිතෙන්නේ කෑමොර දෙමින් එහි දර්ශනය වූ රූප පෙළ දැකීමෙනි.
අනේ දෙයියනේ මොනවාද මේ තමා දකින්නේ යයි ඉහළට ගත් හුස්ම පහළට දැමීමට වත් නොහැකිවූවා මෙන් ඇය පුදුමයට පත්වී සිටියේ කවර කවදාකවත් දැක නැති අසභ්ය කාමුක දර්ශන ඇතුළත් නිල් චිත්රපටියක් එහි දර්ශනය වීමත් සමගමය. ඒ සමගම ඇය ජංගම දුරකතනය මේස ලාච්චුවේ දමා වැසුවාය. ඒ මේ ජංගම දුරකතනය තවදුරටත් කෑමොර දෙමින් සක්රීයව පැවතෙමින් සිටියදීය.
ඔහු එනවිට සියල්ල සිදුවී හමාරය. තමා මෙතෙක් ආරක්ෂා කරගෙන තිබූ පටි පට්ටම් ගැලවී ගොස් තිබිණ. ඊට පසු දින රෝහලේ මේ ගැන කසු කුසුව තැනින් තැන අසන්නට ලැබුණේ ඔහුගේ නමට ලොකු කළු පැල්ලමක්ද එකතු වෙමිනි. එය හරියට කිරි කළයට ගොම ටිකක් වැටුණු ගානටය.
විවිධ ප්රදේශවලට ගමන් කරමින් අවදානම් සහිත පොල් ගස් කම්බි යොදමින් ඇද දමා බඳින පිරිසක් මාතලේ යටවත්ත ප්රදේශයේ නිවසක කාන්තාවකගේ අතින් ඇදීම හේතුවෙන් ගුට
අලුත් අවුරුද්දට සාදමින් සිටි කැවිලිවලට සීනි යැයි සිතා ලුණුදමා එම කැවිලි ආහාරයට නොගෙන ඉවත දැමූ පුවතක් මතුරට ප්රදේශයෙන් වාර්තා විය. වාර්තා වන ආකාරය
වුරුදු සමයේ අඩියක් පුඩියක් ගසා එතැයි තමා අල්ලා ගැනීමට මග බලා සිටි පොලිස් නිලධාරීන්ට එදා සරා ගොයියා දුන් රැග් එකට නොදෙවැනි රැග් එකක් දුන් හාදයකු පිළිබඳ
අත දරුවෙකු කරපින්නා ගෙන මහ රෑ පැමිණි කාන්තාවකට උපකාර කරන්නට ගොස් අකරතැබ්බකට මුහුණ පෑ තරුණයෙකු පිළිබඳ පුවතකි මේ.
අවුරුදු ‘ජයටම සමරන්නට කඩේ තිබූ වී මිටි කඩේටම විකුණා’ මුදල් ගන්නට ගිය විවාහකයකුගේ කූඨ වෙළඳාම මුදලාලිගේ අතටම අහුවුණු පුවතක් පොල්පිතිගමින් වාර්තා වේ. එ
එළැඹෙන අලුත් අවුරුද්දට කල් තියාම ලක ලෑස්ති වීමට යෑමෙන් යටි මඩි ගසාගෙන සිටි රුපියල් පහළොස් දාහකට ‘‘අබ සරණං” වූ පුවතක් කැබිතිගොල්ලෑව වාහල්කඩට නුදුරු
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
අහිංසකයාගේ තරම නයිට් ඩියුටියෙන් එළිවෙලා
දිමුත් Friday, 15 October 2021 12:08 PM
ඔය අහිංසකයි වගේ ඉන්න ගොඩක් ඔය ඔහොම තමයි.
රිතික් Friday, 15 October 2021 07:29 PM
මම ඉන්නෙත් අහිංසකයි වගේ... ඒත් මමත් ඔහොම තමයි.
Nuwa Sunday, 17 October 2021 02:46 PM
අසභ්ය චිත්රපට බැලීම, කෙනෙකුගේ අහිංසක බව අතර සම්බන්ධයක් කියන්න බෑ. වරද වෙන්නේ රාජකාරී කාලයේදී එය බැලීම සහ අනික් අයට බැලීමට සැලැස්වීම පමණයි. එහෙනම් ළමයි හදන එකත් මහ කැත වැඩක්නේ...