ගෙවත්තකින් ලබු ගෙඩියක් සොරා ගත් පුද්ගලයකුට ලබු කිරිබතක් උයා ගැනීම සඳහා හාල් සහ පොල් ද ගෙවතු හිමියා විසින්ම සැපයීමේ පුවතක් සාලියවැව ප්රදේශයෙන් වාර්තා විය.
මෙය සිදු වී ඇත්තේ පසුගිය පසළොස්වක පොහොය දා උදය කාලයේදීය.
සිය නිවෙස ඉදිරිපිට පුංචි ගෙවත්තේ සරුවට හැඳී තිබූ ලබු වැලක ගෙඩියක් හදිසියේම අතුරුදන් වී තිබීම පිළිබඳව විමසිලිමත් වූ ගොවිමහතාට මද වේලාවකින්ම ඊට සිදු වූයේ කුමක්දැයි අනාවරණය කරගත හැකි වී තිබිණි.
ඒ අනුව ඔහුගේ නිවසට මීටර් 500ක් පමණ දුරින් පදිංචි පුද්ගලයකු බීමත්ව පැමිණ ලබු ගෙඩිය සොරාගෙන ගිය බවට එම තොරතුරු හෙළි වී තිබිණ.
මේ ආරංචියත් සමග ගොවි මතා කැකුළු සහල් කිලෝ 01ක් සමග පොල් ගෙඩියක් ද ලබු ගෙඩිය සොරකම් කළ පුද්ගලයාගේ නිවෙසට ලැබෙන්නට සැලැස්වූයේ සොරා ගැන අනුකම්පාවෙන් සිතමිනි.
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
මිය ගිය පුතාගේ අවමඟුලට පැමිණි ආයතනයේ සේවක පිරිස හමුවේ පියා ලෝක අමාරුවක වැටුණු පුවතක් දඹදෙණි රාජධානියට අයත් ගම් පෙදෙසකින් අසන්නට ලැබුණි. පියා ආයතනයක ස
කටුපොත අපේ කිට්ටුම නෑකෙනෙක් හදිසියේ මිය ගිහිල්ලා. මම දැන් මළ ගෙදරට යන්න ඕනෑ. ආරංචි වුණේ අද. රෝහණ සිය මිතුරන්ට කටුපොත සිදු වී ඇති මළගම ගැන විස්තර කීවේය. මළ
අමුතු ආගන්තුක සත්කාරයක් කළ ගැමියකු ගැන පරගල ප්රදේශයෙන් වාර්තා වෙයි. සිද්ධිය මෙසේය. ඔහු අධ්යාපනය නොලද, තරමක මෝඩ පහේ ගැමියෙකි. විවාහක ඔහු රජයේ අනවසර ඉඩ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ලබු හොරාට කිරිබත් කන්න කියා අයිතිකාරයා හාලූයි පොලූයි දීලා
වරුණ Thursday, 28 February 2013 07:51 AM
බතල වැලට, කොස්ගෙඩි අටට, උසාවි ගිහින් රිමන්ඩ් කරන යුගයක් මේක.(නදී)
හේරත් Thursday, 28 February 2013 07:18 PM
අනේ හොදයි. ඒ වුණාට පොල් මුඩ්ඩ අමතක වෙලා. (නි)
දිසානායක Friday, 01 March 2013 09:48 AM
නෑ නිමල් මහත්තයා.. එයා අයිත් හොරකම් කරන එකක් නැ... එයාට නියම දඬුවම තමයි දුන්නේ. ගහන බනින ක්රමයට වඩා ඒක හොඳයි... (ස)
සරත් Thursday, 28 February 2013 02:14 PM
මටත් ආසයි ලබු කිරිබත් කන්න. (නි)
මලිත් Monday, 04 March 2013 10:21 PM
ඉතින් ඒ මනුස්සයාපුදුම මනුස්සයෙක් (දී)
සංක Friday, 01 March 2013 10:04 PM
අර පොල් සොරකම් කල පුවතට හාත් පසින් විරුද්ද වැඩක් මේ පුවතින් තියෙන්නේ (දී)
රන්දි Thursday, 28 February 2013 10:10 AM
ගොවි මහත්තයාගේ ගෙවත්තේ ලබු වැලේ ගෙඩි 50ක් පමණ හැදේවි, ඒ මහතාගේ කුසගින්න නිවාගන්න... ! ඔබ කළ දේ හරි..! (ස)
උපුල් Thursday, 28 February 2013 10:22 AM
වන සිවුපාවන් වැනි මිනිසුන් මද දෙවි දේවතාවුන් වැනි මිනිසුන් ඇත . ඒ දේවතාවන් , දිව්යන්ගනාවන් මේ ලෝ තලයේ වාසනාවන් . ගීතයෙන් කියවෙන්නේ ඔබ වැනි අය ගැනයි .(ස)
තුෂාර Thursday, 28 February 2013 03:05 PM
උපුල්, පහන්, ඔබලාට ස්තූතියි. (නි)
දයාන් Thursday, 28 February 2013 10:27 AM
අයියෝ සල්ලි (දී)
වනිතා Thursday, 28 February 2013 09:40 PM
ඒ මනුෂ්යයා හොඳ කෙනෙක්.. හරිදේ ඒකයි... පින්වැඩි කමට තව තව ලබු වැඩියෙන් හැදෙයි...මේකෙන් හොරාත් හැදෙයි. ලබු අයිතිකරුට දෙවියන්ගේ ආශිර්වාදය ලැබේවා..! දෙන තරමට තමයි ලැබෙන්නේ..(ස)
නිශ්ශංක Thursday, 28 February 2013 10:35 AM
අනේ මටත් හිතෙනවා ඒ හරියෙන් ම ගෙයක් හදාගන්න.. දෙන්න දෙන්න ලැබෙනවා කියලා කියමනක් තියෙනවානේ.. (ස)
පහන් Thursday, 28 February 2013 10:40 AM
මට මනුතාපය පොතේ ජනවර්ජන හා පුජක තුමා මතක් උනා .ජනවර්ජන රිදී පහනක් සොරකම් කරලා අරන් යනකොට පොලිසියට අහුවෙලා ගත්තේ කොහෙන්ද කියලා අහල පූජකතුමා ලගට එක්ක එනවා. ජනවර්ජනව පොලිසියෙන් ගේනවා දැකපු පුජකතුමා ඈත තියාම කියනවා ''ඔබට මා රීදී පහන් 2 ම නේ දුන්නේ ඇයි එකක් අමතක කරල ගියේ කියල". (ස)
සම්පත් Friday, 01 March 2013 11:14 AM
ඉවසීමෙන් සංයමයෙන් වැඩ කළොත් යහපත් සමාජයක් ගොඩනගන්න පුලුවන්. නැත්නම් උසාවි පොලිසි ගාණේ ගිහින් තමයි ගැටලු විසදාගන්න වෙන්නේ. (නි)
ගාමිණී Thursday, 28 February 2013 03:50 PM
ලබු කිරිබත් වලට වඩා රසයි ලබු කොළෙන් හදන එක්තරා කෑමක්. (නි)
උපුල් Thursday, 28 February 2013 11:00 AM
පහන් හැබැයි මෙහෙම අයත් ඉන්නවා. ' දෙවියනි ඔබ කොහිද ' කියන චිත්රපටයේ අන්තෝනි පෙරේරා පල්ලියට ඇවිල්ලා පල්ලියේ ස්වාමිගේ ඔරලෝසුව හොරකම් කරනවා. ඒක අරගෙන එද්දී ඔහු දකිනවා ජේසු ස්වාමි දරුවන් කුරුසේ ඇණ ගහපු සුරුවම. ඔහු කියනවා ඔබ වහන්සේ ඉතින් දන්නවනේ , මම දුප්පත්නේ, ස්වාමිට ඔරලෝසු දෙකක් වැඩක් නැහැනේ කියලා. උන්වහන්සේව දැකලා මිනිහට සාධාරණය ඒත්තු ගන්වනවා. ඒ වගේ මිනිස්සුත් ඉන්නවා පහන්. මේකට අදාල නොවෙන්න පුළුවන් . ඒත් මම කිව්වේ සමහර අයගේ හැටි. (නි)
ශ්රීනාත් Friday, 01 March 2013 11:20 AM
ගෙවතු හිමියාට, ඔබ ආදර්ශවත් ගොවිමහතෙකි. කෑ දේ ගදයි, දුන් දේ සුවදයි...! බේබදු සොරාට....... මනුෂ්යයෙක් ලෙස හැසිරෙව! අඩුම තරමේ පොහොයටවත්. (නි)
ජයන්ත Friday, 01 March 2013 04:56 PM
කාටත් හොද වටිනා ආදර්ශයක් (දී)
ලලිත් Thursday, 28 February 2013 11:16 AM
ඒක හොද ක්රියාවක් වුණත් සොරකමට අනුබල දීමක් නිසා අනුමත කරන්න පුලුවන්ද? (නි)
අමරා Thursday, 28 February 2013 11:16 PM
හිතහොද මනුස්සයෙක්. (නි)
අසිරු Sunday, 03 March 2013 11:10 PM
අකුරස්ස පැත්තෙ ගමක මහත්තයෙකුට රට රැකියාවක් ලැබිලා ගියාලු. ගිය දවසෙ ඉදලා මහත්තයාගෙ යාලුවාගෙන් නෝනට අයුතු යෝජනා එනවලු. මේකට විසදුමක් හොයලා නොලැබුන තැන නෝනා ඒ යාලුවටම කතා කරලා ඇහුවලු "මෙහෙම වනචරයෙක්ගෙන් මට කරදරයි ඒකට මොනවද කරන්නේ" කියලා. මම කියපු දේ තේරුනාද මන්දා? (නි)
රංජිත් Thursday, 28 February 2013 12:09 PM
දීය යුතු දඩුවම ලබු ගෙඩියේ අයිතිකරු විසින් ලබා දී ඇත. සොරාගත් අයට මෙය මතක ඇති තාක් කල් මානසික නිදහසක් නැහැ. (නි)
සංජු Thursday, 28 February 2013 04:59 PM
ලබු ඕනෑවට වඩා කෑමෙන් ශරීරයේ ඇට මෙලෙක් වෙනවා. බොහොම පරිස්සමින් හොදේ..... (නි)
සරත් Thursday, 28 February 2013 04:56 PM
පහන්ගේ කතාවට මට මනුතාපය මතක් වුණා. (නි)
වගුරේගම Thursday, 28 February 2013 03:15 AM
නියම සිංහල මහත්මයෙක්. (නි)
චන්ද්රා-සිඩ්නි Thursday, 28 February 2013 04:18 AM
අන්න මිනිස්සු... (නි)
ජනක Friday, 01 March 2013 07:59 PM
හිත හොද වැඩි උනාමත් ප්රශ්න (දී)
සෙනරත් Thursday, 28 February 2013 05:33 AM
හොරා හොද මිනිහෙක් නම් අනේ මහත්තයෝ සමාවෙන්න කියලා කියාවි. නරක මිනිහෙක් නම් ළගදීම ගෙදරට හොද සුද්ධ කිරීමක් වේවි. (නි)
සිල්වා Thursday, 28 February 2013 06:57 AM
තව ඩිංගෙන් ලබු ගෙඩියත් කොස් ගෙඩි සහ පොල් ගෙඩි නඩුවලට පැටළෙන්න තිබුණා. (නි)
නිමල් Friday, 01 March 2013 08:19 AM
හොරු බෝ කරන කෙනෙක්.(නදී)
පවන් Friday, 01 March 2013 09:00 AM
නිමල් වගේ අය තමයි පොල් ගෙඩියටත් උසාවි යන්නේ... මිනිසුන් ගැන ඔයිට වඩා හිතන්න ඕන. අපි කවුරුත් යනකොට මොනවත් අරන් යන්නේ නෑ. ඉන්නකං අනිත් අයට උපකාර කරන්න ඕන. මේක ආදර්ශයට ගත යුතු ක්රියාවක්...(ස)