(හාරිස්පත්තුවේ - මොහොමඩ් ආසික්)
තම සැමියාගේ අන්වර්ථ නාමය නිසා සැබවින්ම සර්පයකු දෂ්ඨ කළ බිරියක පිළිබඳව පුවතක් කන්ද උඩරට ප්රදේශයේ ගම්මානයකින් වාර්තා වෙයි. වාර්තා වන අන්දමට සිද්ධිය මෙසේය.
මෙම ගම්මානයේ කුලී වැඩ කරමින් ජීවත් වූ මැදිවියේ පුද්ගලයකුට ‘සර්පයා’ යන අන්වර්ථ නාමයක් පටබැඳී තිබුණේ කුමන හේතුවක් නිසා දැයි ඔහුවත් දන්නේ නැත. ‘සර්පයා’ යන නාමය පට බැඳ තිබුණද ස්වභාවයෙන්ම ඔහු අහිංසක පුද්ගලයකි.
ඔහුගේ බිරිය ද අහිංසක කාන්තාවක වූ අතර තම සැමියාට මේ අන්වර්ථ නාමය පටබැඳුණේ ඇයිද යන්න ඇයද නොදත්තාය. කෙසේ වෙතත් ගමේ බොහෝ පිරිස් ඔහු නිතර ඇමතුවේ ‘සර්පයා’ යන නමිනි. නමුත් ඔහුට හෝ බිරියට එයට අබමල් රේණුවක තරම් වත් තරහක් ඇති වූයේ නැත. ඔවුහු එය ඔහුගේ සැබෑ නම තරමටම පිළිගත්තෝය.
පසුගිය දිනෙක මෙම බිරිය තම ඥාති පුතකුට කීවේ ගෙවත්තේ පහළ ගහක ඇති කොස් ගෙඩියක් කඩාගත යුතු බවයි. එතරම් උස් නොවූ එම ගහේ ඇති කොස් ගෙඩිය කඩා දෙන්නට ඔහු එක් වරම කැමති වූයේ ගස් නැගීම ඔහුට මහ කජ්ජක් නොවූ බැවිනි. ඔහු සමඟ මෙම කාන්තාව ද ගහ අසලට ගිය අතර වැස්ස හේතුවෙන් වත්ත තෙත බරිත වී තිබිණි. තෙත ගතිය නිසාම විවිධ කෘමින් සහ සතුන්ද වත්තේ දක්නට හැකිවිය. ඇය ගසට මඳක් දුරින් සිටියදී තරුණයා ගසට නැංගේය.
‘නැන්දා මේ ගෙඩිය’ දැයි කියාම ඔහු පහළ සිටි නැන්දා දෙස බැලීය.
එවිට ඔහු දුටුවේ නැන්දා අසල සර්පයකු කැරකෙන බවයි.
‘නැන්දා අන්න සර්පයා’ යැයි ඔහු කෑ ගැසීය. මේ කියන්නේ තම සැමියා ගැන යැයි සිතූ ඇය ‘ආ එයා මෙහාටත් ආවද’ යි කිසි ගාණක් නැතිවම කීවාය.‘ නෑ නැන්දා සර්පයෙක් සර්පයෙක්. නැන්දට කරදරයක් කරයි’ කියා කෑ ගැසීය. ‘එයාගෙන් ඉතින් කවදද මට කරදර නැත්තේ’ යළිත් ගාණක් නැතිවම ඇය කීවාය. තවදුරටත් කතා කරන්නට ඉඩ නොවූ අතර සර්පයා එක වරම ඇගේ කකුලට දෂ්ට කළේය. තමන් පසුපස සැබෑම සර්පයකු සිටි බව ඇය දැනගත්තේ එවිටය.
එම සර්පයා එතරම් විස සහිත සර්පයකු නොවූ නිසා බිරියට කිසිදු හානියක් සිදු නොවීය.
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
මිය ගිය පුතාගේ අවමඟුලට පැමිණි ආයතනයේ සේවක පිරිස හමුවේ පියා ලෝක අමාරුවක වැටුණු පුවතක් දඹදෙණි රාජධානියට අයත් ගම් පෙදෙසකින් අසන්නට ලැබුණි. පියා ආයතනයක ස
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
සැමියා සර්පයකු වෙලා