(කරන්දෙණිය එම්. සුසිල් ප්රියන්ත)
රුධිරයේ සීනි මට්ටම අඩු කරන්න කිරීමට දුන් ව්යායාමය වැරදියට අවබෝධ කරගෙන, තිබූ රුධිර සීනි මට්ටම දෙගුණ තෙගුණ වී ජීවිතය අනූනවයෙන් බේරාගත් අයෙකු පිළිබඳ පුවතක් දකුණේ නගරයකින් වාර්තා වේ.
ඔහු වැස්සකටවත් පාසලකට ගිය කෙනෙකු නොවේ. හය හතර තේරෙන කාලයේ සිටම ඔහු සිය පියාගේ රැකියාවට අනුගත වූවේය. මවුපියන්ටද සිය පුතාට ඉගැන්වීම පිළිබඳව අල්පමාත්රයකවත් තරම් අවශ්යතාවක් නොවූයේ ඔවුන්ද එසේම වූ බැවිණි. ඔහුද සිය පියා මෙන්ම කුරුඳු තැලීම රැකියාව කර ගත්තේය. උපතින්ම ලජ්ජාශීලි කුලෑටි අයකු වූ ඔහුගේ ශ්රවණ දෝෂය ද උපතින්ම ඇතිවූවකි.
උදෑසන හීල්බත් පිඟන් දෙකක් තුනක් කොටාබා වැඩ පටන් ගන්නා ඔහු දහවල මෙන්ම රාත්රියේද නිවසේ ඉදෙන උණු බත්වලටත් ඔහු කරනුයේ එයමය.
කාලයක් යද්දී ඔහුට හිටි හැටියේ විනාඩියක දෙකක ක්ලාන්තයක් සෑදීමත් කොපමණ වැඩ කළත් නිතර නිතර නිදිමතත් ලොකු ප්රශ්නයක් විය. මේ නිසා ඔහු ප්රතිකාර ගැනීමට නගරයේ ව්යෛවරයකු හමුවීමට ගියේය.
රෝග ලක්ෂණ අනුව රුධිර පරීක්ෂාවක් කළ වෛද්යවරයා ඔහුගේ රුධිරයේ සීනි මට්ටම බොහෝ වැඩි බව කීවේය. ඔහුට එය හරියට නොතේරුණු බව අවබෝධ කරගත් වෛද්යවරයා කීවේ ඔහුට දියවැඩියාව වැලඳී ඇති බවය. එ් සඳහා අවශ්ය බෙහෙත් ද ලබා දුන් වෛද්යවරයා පැවසුවේ රුධිරයේ සීනි මට්ටම අවම කිරීම බෙහෙත්වලින් පමණක් කළ හැකි දෙයක් නොවන බවත් ඒ සඳහා ව්යායාම කළ යුතු බවත් පැවසීය.
වෛද්යවරයා පැවසු ව්යායාමවලින් ඔහු එකක් තෝරා ගත්තේය. ඒ අනුව නිවසට ගිය ඔහු සිය යතුරුපැදිය වෙනදාට වඩා පැද්දේය. වෙනදා දිනකට කිලෝමීටර් දෙක තුනක් පැද නගරයට යන ඔහු දවසකට කිලෝමීටර් දහය දොළහ පැද්දේය.
ඉන් ඔහුගේ රෝග ලක්ෂණ එන්න එන්නම වැඩි වූවා මිසක් අඩුවීමක් දක්නට නොලැබිණි. ඒ නිසාම ඔහු යළිත් වරක් නගරයේ වෛද්යවරයා හමුවීමට ගියේය. තමාට බෙහෙත්වලින්වත් කරන්න දුන්නු ව්යායාමයෙන්වත් කිසිදු ගුණයක් නැති බවත් රෝගය තිබුණාට වඩා වැඩි බවත් ඔහු වෛද්යවරයාට කීවේය.
‘ඔයා සයිකලය පැද්දාදැයි’ වෛද්යවරයා ඇසුවේය. ‘ඔව්, ඔව් මම පැද්දා’ යැයි ඔහු කීවේය.
‘දුරට පදින්න නැතිව ඇති’ යයි වෛද්යවරයා ඇසූ විට ‘මොකෝ නැත්තේ මම වෙනදාටත් වඩා දවසකට කිලෝමීටර් දහයක් දොළහක් පදිනවා’ යැයි ඔහු කීවේය. ‘එහෙමද? එහෙනම් හයියෙන් පාගලා යන්න නැතිව ඇති’ යයි වෛද්යවරයා ඇසූවිට ‘මොකෝ හයියෙන් පෑගුවේ නැත්තේ වෙනදා පාගලා ගියේ තිහට හතලිහට දැන්නම් හැට හැත්තෑවටත් පාගනවා’ යයි ඔහු කීවිට වෛද්යවරයා පමණක් නොව එහි සිටි හෙදියත් සිනාවුණේ ඔහුගේ මොළේ තරම ගැන හිතමිනි.
ව්යායාමයක් සඳහා සයිකල් ලෙස වෛද්යවරයා කීවිට එය හරිහැටි අවබෝධ කර නොගත් කතානායකයා කර ඇත්තේ සයිකල් පැදීම වෙනුවට මෝටර් සයිකල් පැද ඇති බවය.
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
අවුරුදු උත්සව ධාවන තරගයකදී සිදු කළ විහිළුවක් පැටලී අමාරුවේ වැටුණු පුද්ගලයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය. ගම්මු
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ලෙඩේට සයිකල් පදින්න කීවාම මෝටර් සයිකල් පැද සීනි නැගලා