(කරන්දෙණිය එම්. සුසිල් ප්රියන්ත)
අලුයම පූස් පැටවුන් පන්සල්වත්තට ගෙන දැමූ කාඩ්බෝඩ් පෙට්ටිය සොයා උදයේම යළි පන්සල් වත්තට යාමට සිදුවූ කෙනකු පිළිබඳව පුවතක් දකුණේ ගමකින් අසන්නට ලැබේ.
පූසියක් නිවෙසේ දමා සිටි පූස් පැටවුන් කොහේට හරි දමන ලෙස ඉල්ලමින් බිරිය ඔහුට වද දුන්නාය. මෙය ඔහුට හරිම කංකරච්චලයක් විය. අවුරුදු නිවාඩුවට බිරියගේ සනුහරේ අය එන දවස ළං ළං වෙත්ම මේ කංකරච්චලය වැඩි වූයේ ඔහුට සිය නිවෙස ද එපා කරවමිනි.
එදා අලුයම් කාලයේ දී අල්මාරිය උඩ තිබූ කාඩ්බෝඩ් පෙට්ටියක දමා මේ පූස් පැටවුන් ටික යාබද ගමේ පන්සල් වත්තට ඔහු ගෙනත් දැමුවේ බිරිය නිදි අතරේය. නිවෙසට පැමිණි ඔහු මහා වීරකමක් කළා සේ තමා පූස් පැටව් ටික නිවසින් රැගෙන ගිය බව ඔහු බිරියට සැල කළේ ලකුණු ලබා ගැනීමටය. එයින් සතුටක් ලැබූ බිරිය අනේ කොහොමද ඔයා උන් ටික ගෙන ගියේ යයි ඔහුගෙන් ඇසුවාය. කොහොමද ඉතින් කියන්නේ අල්මාරිය උඩ තිබුණු හිස් කාඩ්බෝඩ් පෙට්ටිය අරගෙන පූස් පැටවුන් ටික ඒකට දමාගෙන ගෙන ගියා යයි ඔහු කීවේය.
එය කන වැකුණු වහාම බිරිය ආවේස වූවාය. අයියෝ මිනිහෝ ඔහේගෙන් බේරගන්න අවුරුදු ගනුදෙනුවලට ලැබුණු මුදල් සේරම මම ඒ කාඩ්බෝඩ් පෙට්ටියේ යට පියන් අස්සේ ගසා සඟවා තැබුවා යයි කියමින් ඇය කෑ මොර දුන්නාය. ඒ විතරක් නොව ඒ පෙට්ටියේ සඟවා තිබූ මුදල් කොහෙන් හෝ සොයාගෙන එන ලෙස ද ඇය සැමියාට බල කළාය. එය පූස් පැටවුන් ටික ගෙන යන ලෙස කියමින් ඇය දුන් වදයට නොදෙවැනි වදයක් විය.
ඔහු යළි පන්සල් වත්තට ගියේ බිරියගෙන් බේරීමට බැරිවූ තැනමය.
පූස් පැටවුන් ගෙනා කාඩ්බෝඩ් පෙට්ටිය ඔහු පන්සල් වත්තේ සෑම තැනම සෙව්වේ ලොකු හාමුදුරුවන්ගේ ද අවධානයට යොමුවෙමිනි. මහත්තයා මොනවද මේ පන්සල් වත්තේ පීර පීරා හොයන්නේ යයි ලොකු හාමුදුරුවන් ඇසුවේ ඒ නිසාවෙනි. ඔහුට ඇත්ත කතාව ලොකු හාමුදුරුවන්ට කියන්න සිදුවූයේ උන්වහන්සේ සමාව දුන්නත් කාඩ්බෝඩ් පෙට්ටියේ සඟවා තිබූ මුදල් සොයාගෙන නොගියොත් බිරියගෙන් සමාවක් නැති බැවිනි.
මහත්තයා මම නැගිටිනවිට කාඩ්බෝඩ් පෙට්ටියක සිටි පූස් පැටව් බඩ ගින්නේ කෑ ගගහා සිටියා. අන්න මම උන් ටික දාන ශාලාවට පෙට්ටිය පිටින්ම ගෙනහිල්ලා කිරි හදලා දුන්නා යයි ලොකු හාමුදුරුවෝ පැවැසූහ. ඔහු පන්සලේ දාන ශාලාව වෙත දිව ගොස් පූස් පැටවුන් සමඟ කාඩ්බෝඩ් පෙට්ටිය නිවසට යළි රැගෙන යාමට සූදානම් වූයේ සමාව ඉල්ලමින් ලොකු හාමුදුරුවන්ගේ දෙපා මුල වැඳ වැටෙමින්ය.
නිවෙසට ගිය ඔහු පූස් පැටවුන් සමඟ කාඩ්බෝඩ් පෙට්ටිය ‘තමුසේ මාව කෑවා’ යයි කියමින් බිරිය දෙසට විසි කළේ ඒ වනවිටත් අවුරුදු නිවාඩුවට පැමිණ සිටි ඇයගේ සනුහරේ ගැනවත් නොසිතාය.
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
මිය ගිය පුතාගේ අවමඟුලට පැමිණි ආයතනයේ සේවක පිරිස හමුවේ පියා ලෝක අමාරුවක වැටුණු පුවතක් දඹදෙණි රාජධානියට අයත් ගම් පෙදෙසකින් අසන්නට ලැබුණි. පියා ආයතනයක ස
කටුපොත අපේ කිට්ටුම නෑකෙනෙක් හදිසියේ මිය ගිහිල්ලා. මම දැන් මළ ගෙදරට යන්න ඕනෑ. ආරංචි වුණේ අද. රෝහණ සිය මිතුරන්ට කටුපොත සිදු වී ඇති මළගම ගැන විස්තර කීවේය. මළ
අමුතු ආගන්තුක සත්කාරයක් කළ ගැමියකු ගැන පරගල ප්රදේශයෙන් වාර්තා වෙයි. සිද්ධිය මෙසේය. ඔහු අධ්යාපනය නොලද, තරමක මෝඩ පහේ ගැමියෙකි. විවාහක ඔහු රජයේ අනවසර ඉඩ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
නෝනාට ඇණයක් වුණ පූස් පැටවු රොත්ත සැමියාගේ සායමත් ඇරලා