(කරන්දෙණිය - එම්.සුසිල් ප්රියන්ත)
මට ගන්න බැරි ගෑස් මේ සිරි ලංකාවේ නැතැයි කටමැත දෙඩවූ ආණ්ඩු පක්ෂයේ ප්රාදේශීය සභා මන්ත්රීවරයකුට ගෑස් සිලින්ඩරයක් මිලදී ගැනීමට ගොස් අලිඅකර තැබ්බයකට මෙන්ම සිය නැන්ද මාමා ඉදිරියේ සිය අභිමානයට අවමානයක් වූ පුවතක් දකුණු පළාතෙන් අසන්නට ලැබේ.
ඔහුගේ නිවෙසේ ගෑස් එක තිබුණේ ගෑස් නිමාවට පත්වීමේ අවසන් අදියරේය. නිල් දැල්ල වෙනුවට රතු දැල්ල ගෑස් උදුනේ දැල්වෙමිනි. මේ දිනවල වෙළඳපොළේ ගෑස් හිඟ බැවින් මේ සඳහා විකල්ප ක්රියා මාර්ගයක් ගන්නා ලෙස බිරිය ඉල්ලීම් කළත් එය ඔහු කනකට නොගත්තේය. ඒ තමා මන්ත්රී බැවින් තමාට ගෑස් සිලින්ඩරයක් සොයා ගැනීමට පුළුවන් වෙතැයි තිබූ පුහු මාන්නය නිසාය.
කාලෙකට පස්සේ සිය නැන්දා මාමා ඔහුගේ නිවෙසට එන්නේ මේ අතරවාරයේදීය. නිවසේ රතු දැලි මතු කරමින් සිටි ගෑස් උඳුන නිවී යන්නේ ගෑස් සිලින්ඩරයේ ගෑස් නිමාවට පත්වීමත් සමගමය. නැන්ද මාමාට විදුලි කේතලයෙන් තේ වත්කොට දී දිවා අාහාරය සැකසීමට සිය මෝටර් රථයේ හිස් ගෑස් සිලින්ඩරය ඔහු දමා ගෙන ගියේ මට ගන්න බැරි ගෑස් මේ සිරි ලංකාවේ නැතැයි කියමින් වහසි බස්ද දොඩමිනි.
යන යන තැන ඔහුට අසන්නට ලැබුණේ ගෑස් නැති බවය. සිය නගරය පුරා මෙන්ම සිය ප්රධාන නගරය දක්වාද රුපියල් දෙතුන් දහසක තෙල් පුච්චාගෙන ගියේ ගෑස් සිලින්ඩරයක් කොහෙන් හෝ මිලදීගෙන නැන්දා මාමා ඉදිරියේ දෙඩූ කටමැත බේරා ගැනීමේ අටියෙනි. එහෙත් පලක් නොවීය. මේ වනවිට ගෑස් සිලින්ඩරයක් මිලදී ගැනීමට යන වියදමටත් වඩා වැඩි ගානක් එය සොයා ගැනීමට වාහනයේ තෙල් සඳහා ගොස් තිබුණි.
ගෑස් නොමැතිව හිස් අතින් එන අතරේ ඔහුගේ මෝටර් රථයේ තෙල් ඉවර බව මීටරයේ සටහන්ව තිබූ බැවින් ආසන්නයේ ඉන්ධන පිරවුම් පොළකට අල්ලන්නට සිතූවේ නිවසට යාමට තවක් දුරක් ඇති හෙයිනි. තෙල් පිරවුම් පොළෙත් හෝගාලා පෝලිමය. ඔහුට පෝලිමෙන් පිට පැන ආණ්ඩු පක්ෂයේ මහජන නියෝජිතයෙක් යයි පවසා තෙල් ගසා ගැනීමට ගියහොත් මේ කාලයේ වෙනදේ දන්නා බැවින් විශාල පෝලිමක සිට යාන්තම් ඔහු වාහනයට තෙල්ටික ගසා ගත්තේය.
දිවා කාලයද නිමාවෙමින් තිබූ නිසා කාලයකින් නිවසට පැමිණි නැන්දා මාමා බඩගින්නේ තැබීමට නොහැකි නිසා ඔහු එදා දහවල කඩේකින් කෑම රැගෙන හිස් සිලින්ඩරයත් සමග ගෙට ගොඩවුණේ සිය අඹුදරුවන්ගේ සමච්චලය මැද්දේ සිය සායමද හොඳටම දියකර ගෙනය.
අවුරුදු පාටියක් දීමට ගොස් දුවත්, බිරියත් දෙදෙනාම අහිමි කරගත් සැමියකු පිළිබඳ කතාවක් රජරට පළාතේ ගම්බද ප්රදේශයකින් දැනගන්නට ලැබුණි. කතාව මෙසේය. මෙම අඹු
අනියම් බිරිය සමග රාත්රී කාලයේ ජංගම දුරකතනයෙන් පෙම්බස් දොඩමින් සිටි සැමියාට දුරකතනය බඩමත තබාගෙන නින්ද ගිය අවස්ථාවේ බිරියට සියල්ල හෙළි වූ පුවතක් මධ්
මිතුරුකම පෙන්වා මිතුරාගේ උපකරණයෙන් මුදල් ගරමින් සිටිය දී මිතුරාට අතේ මාට්ටුවී රෙදි ගැලවී ගිය අවස්ථාවක් පිළිබඳ පුවතක් අම්බලන්ගොඩ ප්රදේශයෙන් වාර්තා
මිය ගිය පුතාගේ අවමඟුලට පැමිණි ආයතනයේ සේවක පිරිස හමුවේ පියා ලෝක අමාරුවක වැටුණු පුවතක් දඹදෙණි රාජධානියට අයත් ගම් පෙදෙසකින් අසන්නට ලැබුණි. පියා ආයතනයක ස
කටුපොත අපේ කිට්ටුම නෑකෙනෙක් හදිසියේ මිය ගිහිල්ලා. මම දැන් මළ ගෙදරට යන්න ඕනෑ. ආරංචි වුණේ අද. රෝහණ සිය මිතුරන්ට කටුපොත සිදු වී ඇති මළගම ගැන විස්තර කීවේය. මළ
අමුතු ආගන්තුක සත්කාරයක් කළ ගැමියකු ගැන පරගල ප්රදේශයෙන් වාර්තා වෙයි. සිද්ධිය මෙසේය. ඔහු අධ්යාපනය නොලද, තරමක මෝඩ පහේ ගැමියෙකි. විවාහක ඔහු රජයේ අනවසර ඉඩ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
නැන්දා මාමාට ගෑස් පෙන්නන්න ගිය මන්ත්රී බෑනාට දවල් තරු පෙනිලා