ලොව සෙසු රටවල වඳුරු පැපොල රෝගයේ ශීඝ්ර ව්යාප්තිය හමුවේදී අපි විටින් විට මෙකී රෝගය ගැන ඔබව දැනුම්වත් කළෙමු. ඒ වනවිට කිසිඳු ආසාදිතයකු මෙරටින් වාර්තා නොවිණි.
ඒත් පසුගියදා වඳුරු පැපොල පළමු ආසාදිතයා මෙරටින් වාර්තා වීමත් සමඟ නැවත වතාවක් රෝගය ගැන වැඩි කතා බහක් මෙන්ම රෝගය පැතිරීමේ අවදානමක්ද මතු විය.
රෝගයේ නිදාන කතාව
මෙම වයිරස් රෝගය මුලින්ම හඳුනා ගැණුනේ අප්රිකාවේ කැලෑවල විසූ වඳුරන්ගෙනි. එම වයිරසය අසාදිත වඳුරන් මගින් මුලින්ම අප්රිකානු රටවල වෙසෙන පුද්ගලයන් හට වයිරසය ආසාදනය වී තිබේ. ඒ 1980 වසරේදීය. මුල් කාලයේදී අප්රිකානු රටවල පමණක් පැතිරුණු වඳුරු පැපොල රෝගය පසුකාලයේදී යුරෝපා රටවල්ද ආක්රමණය කෙරිණි.
රෝගයේ ස්වාභාවය
මෙය පැපොල රෝගය සහ වසූරිය යන රෝග දෙක අතරමැදි රෝග තත්ත්වයකි. වර්ෂ 1978දී පමණ වසූරිය මෙරටින් තුරන් කෙරිණි. වසූරිය පැවැති වකවානුවලදී ඊට අදාල ප්රතිශක්තිකරණය ලබා දීම සිදු විය.
රෝග ලක්ෂණ
උණ ගතියට අමතරව සුදු පැහැති වතුර පිරුණු තරමක් විශාල බුබුළු දදයක් ආකාරයෙන් සිරුරේ පැතිරීම ,හිසරදය, ඇඟපත වේදනාව, මහන්සි ගතියක් දැනීම රෝග ලක්ෂණ වේ.
වඳුරු පැපොල වයිරසය වැළඳී සතියක් දෙකක් පමණ කල් අල්ලා පැවැතිය හැකිය.
රෝගයේ බීජාවසන සමය දින 07ත් දින 14ත් අතර වේ. මෙය ළමයින්ට වැළඳුණහොත් තත්ත්වය වඩා බරපතළ විය හැකියි.
රෝගය බෝ වීමේ ක්රම
වඳුරු පැපොල රෝග ආසාදිතයකු මුහුණට මුහුණ ගැටීම, ආසාදිත පුද්ගලයකු වෙනත් පුද්ගලයකුගේ සමෙහි ස්පර්ශ වීම මගින් වුවද රෝගය බෝවිය හැකියි. ඒ අනුව ආසාදිතයකු හා සෘජු ශාරීරික සම්බන්ධතා පැවැත්වීම , සමලිංගික ක්රියාකාරකම් හරහාද මෙම රෝගය වෙනත් පාර්ශව අතර දැඩිව ව්යාප්ත වීමේ ප්රධාන සාධක ලෙස හඳුනා ගෙන තිබේ.
තවද ආසාදිතයකු පුද්ගලිකව පරිහරණය කළ දෑද වෙනත් පිරිස් අතර හුවමාරු පරිහරණයේදී රෝගය තවත් පුද්ගලයන් කරා ඉක්මනින් පැතිරී යාමට හැකියි
ප්රතිකාර
මෙම රෝගය සඳහා වසූරිය එන්නත හෝ වඳුරු පැපොල රෝගය සඳහාම සොයා ගත් එන්නත යොදා ගැනේ.
නිවැරැදි රෝග විනිශ්චය වැදගත්
මේ දිනවලදී පෙර පාසල් සහ පාසල් ළමයින් අතර අත් පා මුඛ රෝගයද පැතිරී යයි. එයද වයිරස් රෝගයක් නිසා පැතිරීම දැඩිය. සුදු පැහැ වතුර පිරි බුබුළු සිරුර පුරාම හට ගැනීම රෝග දෙකේම පොදු ලක්ෂණය වේ.
ද්විතීක බැක්ටීරියා ආසාදන තත්ත්වයක්ද ඇති වුවහොත් උණ තත්ත්වය කල් අල්ලා පැවතීමට පුළුවන. සිරුරේ මතු වූ ළප කැළැල් මැකී යාමට කලක් ගතවේ. සමේ විකෘතිතා පවා ඇති කරවීමට සමත් රෝගයකි. එබැවින් රෝග නිශ්චය කිරීම නිවැරැදි වීමද අත්යවශ්ය අතර නිසි වෛද්ය උපදෙස්වලට අනුකූලව කටයුතු කිරීමද අවශ්යයි.
වලක්වා ගැනීම
වයිරස් රෝගීන් හමුවූ රටවලට සංචාරය කිරීමත් එවන් රටවල සිට වෙනත් රටවලට පැමිණෙන සංචාරක පිරිස් නිසාද රෝගය පහසුවෙන් සම්ප්රේශනය විය හැකියි. එබැවින් විදෙස්ගතව සිට මෙරටට පැමිණි කවරකුට හෝ වඳුරු පැපොල රෝගය යැයි සැක සහිත ලක්ෂණ ඇත්නම් සුදුසුකම් ලත් වෛද්යවරයකු වෙතින් හෝ ළඟම ඇති රජයේ රෝහලක් වෙත හැකි ඉක්මනින් යොමු වන්න. එවිට තමන් ආසාදිතයකුද නැද්ද යන්න පී.සී.ආර්. පරීක්ෂණයක් මගින් තහවුරු කර ගැනීමට පුළුවන.
පසුගිය කාලයේදී ගොලීය වසංගත තත්ත්වයක් ලෙස කොවිඩ්-19 රෝගයද අපේ රටේ දැඩි ව්යාප්තිය හමුවේ රෝගී ජනතාව ,සෞඛ්ය අංශද දැඩි අසීරුතාවකට පත් විය. වයිරස් රෝග සම්ප්රේශනය ඉතා වේගවත් බැවින් සමාජ දුරස්ථභාවය, දෑත්වල පිරිසුදුතාව වැනි සෞඛ්ය පුරුදුවලට තව දුරටත් අනුගත වීම වැදගත්ය.
-සටහන- මාධවී ධර්මරත්න
ටීනියා දිලීර ආසාදනය රට පුරා වේගයෙන් ව්යාප්තවෙමින් තිබෙනවා. හිතුමතේ ඔසුහල්වලින් ඖෂධ වර්ග රැගෙන ආලේප කිරීමට වැඩිදෙනා පුරුදුවීම හේතුවෙන් ටීනියා මර්ද
පිළිකා රෝගය කලින් කඳුනා ගනීමෙන් නිට්ටාවටම වුව සුව කරගත හැකි රෝගයකි.. එහෙත් නොසැලකිලිමත්කමෙන් හෝ නොදැනුවත්බවින් සිටියහොත් එසේ සුව කරගත හැකි අවස්ථා මග
පුද්ගලයකු කායිකව හෝ මානසිකව රෝගී වූ විට හොඳම විසඳුම නිසි ප්රතිකාරයක් සඳහා යොමුවීමයි. එහෙත් ඖෂධ ප්රතිකාර ගත් පමණින්ම රෝගයක් සුවවෙන්නෙ නැහැ. ඒ සඳහා තව
මෙරට ලාඳුරු රෝගීන් සොයාගැනීම ඉහළ ගොස් තිබේ. පසුගිය වසරේ ලාඳුරු රෝගින් 1500කට අධික සංඛ්යාවක් අලුතින් වාර්තා වී තිබෙන අතර එයින් 173 දෙනෙකු පාසල් දරුවන් ය.
අලුත උපන් බිළිඳාගේ පූර්ණ පෝෂණයට අවශ්යය වන එකම ආහාර වේල වන්නේ මව්කිරි ය. එම නිසා දරුවාගේ වැඩීමට, බුද්ධිවර්ධනයට හා ප්රතිශක්තිකරණය සඳහා මුල් මාස හය නිව
පසුගිය කාලයේ පැතිර ගිය ඔමික්රෝන් රෝගයේ ම අනු ප්රභේදයක් වන න්භග 1 ප්රභේදය මේ වනවිට ලෝකය පුරාම ඉතා ශීඝ්රයෙන් පැතිර යමින් තිබේ. එම රෝගය මෙරටටත් පැමිණ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
වඳුරු පැපොලෙන් වලකින්නේ කොහොමද?