(පවුල් සෞඛ්ය කාර්යාංශයේ අධ්යක්ෂ :මාතෘ හා ළමා සෞඛ්ය විශේෂඥ වෛද්ය චිත්රමාලි ද සිල්වා)
මවු කිරි ස්වභාව ධර්මයේ විශිෂ්ඨ දායාදයකි. එය මනුෂ්ය වර්ගයාටම පමණක් පොදු වූවක් නොවන අතර සියලුම සත්ව කොට්ඨාස ලබන වරප්රසාදයක් ද වේ. රටේ වසංගත තත්ත්වයක් පැතිර යාම හෝ රට ආපදා තත්ත්වයකට ගොදුරු වී ඇති අවස්ථාවක මවකට නිදහසේ තම දරුවාට මවු කිරි ලබා දීමේ ඉඩ ප්රස්ථා ඇහිරී යා හැකිය. එනම් මවු කිරි ලබා දීමේ කාර්යයට බාධා ගෙනදිය හැකියි. මෙහිදී ආධුනික මවකට තම පවුලේ අයගෙන් ලැබෙන සහයෝගය ඉතා වැදගත්ය.
වසංගත තත්ත්වයකදී මවු කිරෙහි වැදගත්කම
කොවිඩ් -19 වසංගතය පැතිර යන මෙවන් වකවානුවකදී බිළිඳුන්ට මවු කිරි තරම් ප්රබල වෙනත් ප්රතිශක්තිජනක ආහාරයක් තවත් නැත. ලෙඩ රෝගවලට එරෙහිව සටන් කිරීමට හැකි ඉහළ ප්රතිශක්තියක් මවු කිරිවල ස්වභාවයෙන්ම අන්තර්ගතයි. එබැවින් ඔබේ බිළින්දා මුල් මාස 06පෝෂණය විය යුත්තේ මවු කිරෙනි. මවු කිරෙහි ජලයද ඇතුළත්ව ඇති නිසා බිළිඳාට අමතරව ජලය පෙවීමේ අවශ්යතාවක් නොමැත.
මවු කිරි දීම ප්රවර්ධනය කිරීම
ඉහතින් සඳහන් කළ කවර ආපදා තත්ත්වයකදී වුව මවකට නිදහසේ තම බිළිඳාට මවු කිරි ලබා දීම සඳහා ප්රථමයෙන් තම පවුලේ සාමාජිකයන්ගෙන් ලැබෙන සහාය මහත් අස්වැසිල්ලකි. ඊට අමතරව ප්රජාවක් වශයෙන්ද ඇයට හිමි සහාය ලබා දීමට පසුබට නොවන්න.
එමෙන්ම විශේෂයෙන් පැවසිය යුතු කරුණක් තිබේ. වසංගත හෝ ආපදා තත්ත්වයකදී බාහිර පිරිස් විසින් ගර්භණී මවුරු හෝ අලුත උපන් දරුවන් සිටින මවුවරු උදෙසා ආධාර බෙදා දේ. එම ආධාර ද්රව්ය අතරට ළදරු කිරි පිටි, කිරි බෝතල්, සූප්පු යනාදියද ඇතුළත් කරනු දැකිය හැකියි. මවු කිරි ලබා දීම ප්රවර්ධනය කිරීමේදී මෙවන් ද්රව්ය මගින් මවු කිරි ලබා දීමේ කාර්යයට බලපෑමක් මිස අනුබලයක් බලාපොරොත්තු විය නොහැකිය.
එමෙන්ම රටේ උද්ගතව ඇති තත්ත්වයත් සමග ඇය මේ වනවිට මානසික ආතතියෙන් පෙළීමටද පුලුවනි. එබැවින් මෙම තත්ත්වය මගහරවා ගැනීම සඳහා සියලුම දෙනාගේ සහාය ඇය වෙත ලැබිය යුතුමය.
කොවිඩ් ආසාධිත මවකට මවු කිරි ලබා දිය හැකිද?
කොවිඩ් ආසාදිත මවකට තම බිළිඳාට මවු කිරි ලබා දිය හැකිද යන්න කෙනෙකුට ගැටලුවක් මතු විය හැකියි. ඒත් තමන්ට කොවිඩ් ආසාදනය වීම මවු කිරි ලබා දීමට කිසිඳු ගැටලුවක් නොවේ.
සෞඛ්ය මාර්ගෝපදේශනවලට අනුකූල වෙමින් එබඳු මවක් සුරැකිව තම බිළිඳාට මවු කිරි ලබා දෙන්නේ කෙසේද යන්න පිළිබඳව මව රෝහල් ගතව සිටින අවදියෙහි පවා රෝහල් කාර්ය මණ්ඩලය සියලුම උපදෙස් ලබා දේ.
එසේම මව නිවසට ගියද සමහර විට ඇය නිරෝධායන කාල සීමාවක සිටින මවක් විය හැකියි. දින 14ඉක්ම ගිය පසුව වුවද මව අදාල ප්රදේශයේ පවුල් සෞඛ්ය නිලධාරිනිය පැමිණ උපදෙස් ලබා දෙනු ඇත. නිරෝධායන කාල සීමාව අවසන්ව නොතිබියදී පවා මවකට මවුකිරි ගැන හෝ බිළිඳා ගැන කවර හෝ ගැටලුවක් ඇත්නම් දුරකතන මාර්ගයෙන් පවුල් සෞඛ්ය සේවා නිලධාරිනිය හා සම්බන්ධ වීමට පුලුවන.
මවට කොවිඩ් ආසාදිත වූවද කිසිඳු ලෙසකින්වත් බිළිඳාවත් මවවත් වෙන් කර තැබීමක් සිදු නොවේ.
වසංගත තත්ත්වය රට පුරාම වෙළා ගත් මෙවැනි කාලයක බිළිඳාගේ නිරෝගීතාව සේම ප්රතිශක්තිය ගැන ඔබ උනන්දු වනවා නම් මුල් මාස 06 යනතුරු මවුකිරි ලබා දීමට සෑම මවක්ම උනන්දු වන්න.
-සටහන- මාධවී ධර්මරත්න
ටීනියා දිලීර ආසාදනය රට පුරා වේගයෙන් ව්යාප්තවෙමින් තිබෙනවා. හිතුමතේ ඔසුහල්වලින් ඖෂධ වර්ග රැගෙන ආලේප කිරීමට වැඩිදෙනා පුරුදුවීම හේතුවෙන් ටීනියා මර්ද
පිළිකා රෝගය කලින් කඳුනා ගනීමෙන් නිට්ටාවටම වුව සුව කරගත හැකි රෝගයකි.. එහෙත් නොසැලකිලිමත්කමෙන් හෝ නොදැනුවත්බවින් සිටියහොත් එසේ සුව කරගත හැකි අවස්ථා මග
පුද්ගලයකු කායිකව හෝ මානසිකව රෝගී වූ විට හොඳම විසඳුම නිසි ප්රතිකාරයක් සඳහා යොමුවීමයි. එහෙත් ඖෂධ ප්රතිකාර ගත් පමණින්ම රෝගයක් සුවවෙන්නෙ නැහැ. ඒ සඳහා තව
මෙරට ලාඳුරු රෝගීන් සොයාගැනීම ඉහළ ගොස් තිබේ. පසුගිය වසරේ ලාඳුරු රෝගින් 1500කට අධික සංඛ්යාවක් අලුතින් වාර්තා වී තිබෙන අතර එයින් 173 දෙනෙකු පාසල් දරුවන් ය.
අලුත උපන් බිළිඳාගේ පූර්ණ පෝෂණයට අවශ්යය වන එකම ආහාර වේල වන්නේ මව්කිරි ය. එම නිසා දරුවාගේ වැඩීමට, බුද්ධිවර්ධනයට හා ප්රතිශක්තිකරණය සඳහා මුල් මාස හය නිව
පසුගිය කාලයේ පැතිර ගිය ඔමික්රෝන් රෝගයේ ම අනු ප්රභේදයක් වන න්භග 1 ප්රභේදය මේ වනවිට ලෝකය පුරාම ඉතා ශීඝ්රයෙන් පැතිර යමින් තිබේ. එම රෝගය මෙරටටත් පැමිණ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
කොවිඩ් ආසාදිත මවකට මවුකිරි දිය හැකිද?