ලස්සන වෙන්න නම් පිරිසුදුතාව සේම නිරෝගීතාවත් එක සේම පැවතිය යුතුයි. කෙනකුගේ මුහුණ කෙතරම් ප්රියමනාප වුවත් ඒ ගතිය දෑත්වලට, වරලසට විශේෂයෙන් දෙපාවලට නැත්නම් මතු වන්නේ අවලස්සනකි.
බැවින් මුහුණට දක්වන සැලකිල්ල, ආදරය එයාකාරයෙන්ම මුළු සිරුර කෙරෙහිත් පැවතිය යුතුයි. එනම් මුහුණ කෙතරම් පිරිසුදු වුවත් ඔබේ දෙපා අපිරිසුදු නම් කිසිවකු ඔබට ලස්සනයි කියන්නේ නම් නැත. බොහෝ දෙනකුට අමතකව යන කාරණයත් දෙපා ලස්සනට තබා ගැනීමයි.
1) දෙපා පිරිසුදු කිරීම
කකුල් දෙක නිතර දෙවේලේ සේදීම මින් අදහස් නොවේ. කුණු, දුහුවිලි, අපවිත්ර දෑ ඇති පොළොව සමග නිරන්තරයෙන් ගැටෙන දෙපා උදේ - සවස මනාව සෝදා පිරිසුදු කර ගැනීම ප්රමාණවත් වේ.
2) දෙපා මෘදුව සේදීමට වගබලා ගන්න.
ගල්, බුරුසු, කොහු ලණු ආදිය භාවිත කර තදින් ඇතිල්ලීම, මැදීම සිදු නොකරන්න.
3) නියපොතු ගැනත් අවදානය යොමු කිරීම ඉතාම වැදගත්.
නියපොතු පිළිවෙළකට කෙළින් අතට කැපීම සිදු කළ යුතුයි. එසේ නැතිව වක්රාකාරයෙන් සහ ඉතා කොටට කැපීම තුළින් අභ්යන්තරය තුවාල වී විසබීජ ඇතුළු වී ආසාදන තත්ත්ව ඇති කරයි.
4) අවපැහැගැන්වී ඇති නියපොතුවලට ප්රතිකාර
කකුල් මෘදුව සෝදා ගැනීමෙන් අනතුරුව දෙහි ලෙල්ලක් ගෙන නියපොතු මැදීම මගින් අවපැහැ ගතිය මග හරවා ගත හැකියි.
5) ඔබ දියවැඩියා රෝගයෙන් පෙළෙන්නකු නම් දෙපා ගැන විශේෂයෙන් සැලකිලිමත් වන්න.
දියවැඩියා රෝගියකුට කකුලේ කුඩා සීරීමක් , තුවාලයක් සිදු වුවද සංවේදන තත්ත්වය අඩු වීම නිසා එය නොදැනී යාමට ඇති ඉඩකඩ වැඩියි. දිනපතාම එබඳු රෝගීන් කණ්ණාඩියක් යොදා ගනිමින් තම දෙපාවල යටි පතුල් නිරීක්ෂණය කිරීම මගින් එබඳු තත්ත්ව වලක්වා ගත හැකිය. එසේම තරුණ, වැඩිහිටි සියලුම දෙනා තමන්ගේ රුධිර ගත සීනි මට්ටම නියමිත පරිදි පවත්වා ගැනීම කෙරෙහිත් අවධානය යොමු කරන්න.
6) කකුලට හරියන ලෙසට පළඳින්න.
සපත්තු මේස් තෝරා ගැනීමේදී දෙපාවල සමට හිතකර වන පරිදි අදාල නිෂ්පාදන තෝරා ගැනීමට කටයුතු කරන්න. එසේම කකුලට තදවන ලෙස හෝ බුරුල් වන පරිදි පාවහන් ,සපත්තු වැනි දෑ පැළඳීමෙන් වලකින්න.
7) දෙපාවල තෙතමනය රැඳී තිබීමට ඉඩ නොහරින්න.
කකුල් සෝදා පිරිසුදු කර ගත් පසු මෘදු පිස්නාවක් භාවිත කර දෙපා තෙත මාත්තු කර ගන්න. විශේෂයෙන් ඇගිලි කරු අතර ප්රදේශයද තෙතමනයෙන් තොරව වියළිව තබා ගැනීමෙන් ආසාදන ආදිය අවම කර ගත හැකිය.
8) නියපොතු වර්ණ ගැන්වීමේදී එය ක්රමානුකූලව ඉවත් කිරීමත් කළ යුතුයි.
නිය වර්ණ ගැන්වීම මෙන්ම නිසි කලට ඉවත් කිරීමටත් මතක තබා ගන්න.
9) පාදවල සුළු හෝ තුවාලයක් සීරීමක් ඇත්නම් සැලකිලිමත් වන්න.
පොළොව හා නිතර ගැටෙන පාද ඉක්මනින්ම අපිරිසුදු වේ. පාදවල ඇති තුවාලවලට විසබීජ ඇතුළු වී තුවාල පැසවීම ඉක්මන් කරයි. එබැවින් මුහුණට දෙන අවධානය කකුල්වලටත් ලබා දෙන්න.
10) දෙපාවල විඩාව සංසිඳුවීම සඳහා
මඳ උණු රස්නය ඇති වතුරට ලුණු කැට ස්වල්පයක් දමා තම දෙපා විනාඩි කිහිපයක් එහි ගිල්වා තබන්න.
-සටහන- මාධවී ධර්මරත්න
ටීනියා දිලීර ආසාදනය රට පුරා වේගයෙන් ව්යාප්තවෙමින් තිබෙනවා. හිතුමතේ ඔසුහල්වලින් ඖෂධ වර්ග රැගෙන ආලේප කිරීමට වැඩිදෙනා පුරුදුවීම හේතුවෙන් ටීනියා මර්ද
පිළිකා රෝගය කලින් කඳුනා ගනීමෙන් නිට්ටාවටම වුව සුව කරගත හැකි රෝගයකි.. එහෙත් නොසැලකිලිමත්කමෙන් හෝ නොදැනුවත්බවින් සිටියහොත් එසේ සුව කරගත හැකි අවස්ථා මග
පුද්ගලයකු කායිකව හෝ මානසිකව රෝගී වූ විට හොඳම විසඳුම නිසි ප්රතිකාරයක් සඳහා යොමුවීමයි. එහෙත් ඖෂධ ප්රතිකාර ගත් පමණින්ම රෝගයක් සුවවෙන්නෙ නැහැ. ඒ සඳහා තව
මෙරට ලාඳුරු රෝගීන් සොයාගැනීම ඉහළ ගොස් තිබේ. පසුගිය වසරේ ලාඳුරු රෝගින් 1500කට අධික සංඛ්යාවක් අලුතින් වාර්තා වී තිබෙන අතර එයින් 173 දෙනෙකු පාසල් දරුවන් ය.
අලුත උපන් බිළිඳාගේ පූර්ණ පෝෂණයට අවශ්යය වන එකම ආහාර වේල වන්නේ මව්කිරි ය. එම නිසා දරුවාගේ වැඩීමට, බුද්ධිවර්ධනයට හා ප්රතිශක්තිකරණය සඳහා මුල් මාස හය නිව
පසුගිය කාලයේ පැතිර ගිය ඔමික්රෝන් රෝගයේ ම අනු ප්රභේදයක් වන න්භග 1 ප්රභේදය මේ වනවිට ලෝකය පුරාම ඉතා ශීඝ්රයෙන් පැතිර යමින් තිබේ. එම රෝගය මෙරටටත් පැමිණ
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දෙපා රැකගෙන ලස්සනට ඉමු