රටේ මේ වනවිට පවතින අවිනිශ්චිත සමාජීය, ආර්ථික තත්ත්වය සහ ප්රවාහන සේවාවේ ගැටලුකාරී තත්ත්වය නිසා දරු ප්රසූතිය සඳහා සූදානම් වන මවක් ඒ සඳහා වෙනදාට වඩා වැඩි අවධානයක් යොමු කිරීම ඉතාම වැදගත්ය.
ඒ අනුව පහත උපදෙස් ඔවුන් සඳහායි
ඔබ මතක තබා ගත යුතු විශේෂිතම කරුණ වන්නේ, දරු ප්රසූතිය සඳහා සුදුසුම ස්ථානය රෝහල බවයි. ඒ සඳහා අවැසි සියලුම පහසුකම් ද සහිත ස්ථානය රෝහල බැවින් කිසිවිටෙකත් නිවෙස් ගත දරු ප්රසූති සෞඛ්ය අමාත්යාංශය මගින් නිර්දේශ කරනු නොලැබේ. එවැනි තත්ත්ව සිදුනොවීම සඳහා ගර්භනී මවුවරු තම ප්රදේශයට අදාළ පවුල් සෞඛ්ය සේවා නිලධාරිනිය සමග සාකච්ඡා කොට සුදුසු සැලසුම් සකසා ගත යුතුයි.
නිවෙස් තුළ සිදුවන දරු ප්රසූතිවලදී මවගේ ජීවිතයටත් අලුත උපන් දරුවාගේ ජීවිතයටත් සංකූලතා ඇති වීමේ අවදානම බොහෝ ඉහළයි. දරු ප්රසූතියෙන් අනතුරුව අධි රුධිර වහනය වැනි සංකූලතා මවගේ ජීවිතයට ඇති වීමේ අවදානමක් පවතී. ඒ හරහා විසබීජ ශරීරගත වීම සහ ශ්වසන අපහසුතා අලුත උපන් දරුවාගේ ජීවිතයට වුව ද බරපතළ අවදානම් තත්ත්ව ඇති කළ හැකියි.
දැනට ලංකාවේ සිදුවන දරු උපත්වලින් 99.9% ක්ම රෝහල් තුළ සිදු වීම නිසා ඉහත කී සංකූලතා බොහෝ සෙයින් වලක්වා ගැනීමට හැකි වී ඇත. එය මාතෘ මරණ සහ ළදරු මරණ අවම රටක් ලෙස නිරන්තර ඇගයීමට ලක්වීමට හැකි වන මට්ටමට ළඟා වීමට විශාල පිටුබලයක් වී තිබේ.
පවතින වාතාවරණය නිසා හදිසි අවස්ථාවක දී රෝහලක් වෙත ගමන් කිරීම ගැටලුවක් වනු ඇතැයි සැකයක් වේ නම්, අදාළ ප්රදේශයේ සෞඛ්ය වෛද්ය නිලධාරී තුමා/ තුමිය සමඟ සාකච්ඡා කොට දරු ප්රසූතිය සඳහා නියමිත දිනට පෙර වුව ද රෝහල්ගත වී අදාල සේවාවන් සපයා ගැනීමට යොමුවිය හැකියි.
මෙහිදී මතක තබා ගත යුතු තවත් වැදගත් කාරණයක් වනුයේ ගර්භනී කාලය තුළදී කිසිදු සංකූලතාවක් නොපෙන්වන මවකට වුව ද ප්රසූතිය සම්බන්ධ සංකූලතා ඕනෑම අවස්ථාවක දී ඇතිවිය හැකි බවයි. එම නිසා එවැනි හදිසි අවස්ථාවක රෝහල් ගත වන ආකාරය පිළිබඳව තම ප්රදේශයේ පවුල් සෞඛ්ය සේවා නිලධාරිනිය සහ පවුලේ අනෙක් අය සමග සාකච්ඡා කොට සුදුසු ක්රියාදාමයක් මුල සිටම පිළියෙළ කර තබා ගැනීම වැදගත් වනු ඇති.
ගර්භනී මවුවරුන් දරු ප්රසූතියේ ලක්ෂණ සහ ඇති විය හැකි සංකූලතාවල ලක්ෂණ පිළිබඳව ඉතා හොඳින් දැනුම්වත් විය යුතුයි. මේ පිළිබඳව පවුල් සෞඛ්ය සේවා නිලධාරිනගෙන් අවශ්ය තොරතුරු ලබාගත හැකි අතර මෙවැනි අවදානම් තත්ත්වයක ලක්ෂණ පහළ වූ විගස හැකි ඉක්මනින් රෝහල් ගත විය යුතුයි. තමාට ප්රවාහන සේවා සපයා ගත නොහැකි අවස්ථාවක දී සුවසැරිය ගිලන් රථ සේවාව හරහා එම පහසුකම් ලබා ගැනීමට හැකියාව ඇත. එවැනි දුෂ්කර අවස්ථාවක දී තවදුරටත් කාලය අපතේ නොයවා හැකි ඉක්මනින් 1990 අංකය හරහා මෙම සේවාව සමග සම්බන්ධ වීමට කටයුතු කිරීම ඉතා වැදගත්. පැය 24 පුරාම මෙවැනි හදිසි අවස්ථාවක දී සේවා සැපයීමට රජයේ රෝහල් බැඳී සිටින බැවින්, හැකි ඉක්මනින් රෝහලට යොමු වුවහොත් අදාල සේවා නොඅඩුව ලබාගත හැකි වනු ඇත. එය ඔබගේත් සිඟිත්තාගේත් ජීවිත සුරක්ෂිතතාව උදෙසා ඉවහල් වේ.
(සෞඛ්ය ප්රවර්ධන කාර්යාංශයේ තොරතුරු ඇසුරින් සැකසිණි)
-සටහන- මාධවී ධර්මරත්න
පිළිකා රෝගය කලින් කඳුනා ගනීමෙන් නිට්ටාවටම වුව සුව කරගත හැකි රෝගයකි.. එහෙත් නොසැලකිලිමත්කමෙන් හෝ නොදැනුවත්බවින් සිටියහොත් එසේ සුව කරගත හැකි අවස්ථා මග
පුද්ගලයකු කායිකව හෝ මානසිකව රෝගී වූ විට හොඳම විසඳුම නිසි ප්රතිකාරයක් සඳහා යොමුවීමයි. එහෙත් ඖෂධ ප්රතිකාර ගත් පමණින්ම රෝගයක් සුවවෙන්නෙ නැහැ. ඒ සඳහා තව
මෙරට ලාඳුරු රෝගීන් සොයාගැනීම ඉහළ ගොස් තිබේ. පසුගිය වසරේ ලාඳුරු රෝගින් 1500කට අධික සංඛ්යාවක් අලුතින් වාර්තා වී තිබෙන අතර එයින් 173 දෙනෙකු පාසල් දරුවන් ය.
අලුත උපන් බිළිඳාගේ පූර්ණ පෝෂණයට අවශ්යය වන එකම ආහාර වේල වන්නේ මව්කිරි ය. එම නිසා දරුවාගේ වැඩීමට, බුද්ධිවර්ධනයට හා ප්රතිශක්තිකරණය සඳහා මුල් මාස හය නිව
පසුගිය කාලයේ පැතිර ගිය ඔමික්රෝන් රෝගයේ ම අනු ප්රභේදයක් වන න්භග 1 ප්රභේදය මේ වනවිට ලෝකය පුරාම ඉතා ශීඝ්රයෙන් පැතිර යමින් තිබේ. එම රෝගය මෙරටටත් පැමිණ
මේ වනවිට පරිගණක භාවිතය ඉතා බහුල වී තිබේ. දෛනික ක්රියාකාරකම් මෙන්ම රැකියාවල කටයුත ද ඉතා පසු කරන මෙවලමක් වන පරිගණකය වැඩ පහසු කරනවා වුවත් එය පුද්ගල කායි
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ප්රසූතියට සූදානම් වන ගැබිනි මවට උපදෙස්