මෙරට ජනතාව පීඩාවට පත්වූ සෑම අවස්ථාවකදීම පෙරට එමින්, ඔවුන්ට සහායවීම සඳහා සිය ප්රජා සේවාවන් ඉදිරියට ගෙනයන ශ්රී ලංකාවේ ප්රමුඛතම සන්නිවේදන සම්පාදකයා වන ඩයලොග් ආසිආටා පී.එල්.සී, රෝහල් සඳහා අත්යවශ්ය උපකරණ සහ හුදකලා කළ ප්රදේශවල ජනතාවට වියළි ආහාර මළු බෙදාදීම වෙනුවෙන් ‘මනුසත් දෙරණ සමඟ ඩයලොග්’ ක්රියාන්විතයේ තෙවන අදියර පසුගියදා ආරම්භ කරන ලදී.
මෙම ක්රියාන්විතය කොරෝනා ගෝලීය වසංගත තත්ත්වයෙන් මතුවිය හැකි අහිතකර බලපෑම් පිටුදැකීම වෙනුවෙන් ක්රියාත්මක ජාතික වැඩපිළිවෙළට සහායවීම වෙනුවෙන්, ඩයලොග් විසින් ක්රියාවට නංවන තවත් එක් ප්රජා සත්කාරක වැඩසටහනකි. මැයි 18 දා ආරම්භ වූ මෙම ක්රියාන්විතයන් සති දෙකක් පුරාවට ක්රියාත්මක වේ. මේ යටතේ දිවයිනපුරා පිහිටි රෝහල්වල කාර්යමණ්ඩලයට සිය දෛනික කාර්යභාරය බාධාවකින් තොරව පවත්වාගෙන යමින් රෝගීන්ට වඩා ගුණාත්මක සේවාවක් ලබාදීම සඳහා අත්යවශ්ය උපකරණ සහ පහසුකම් සලසනු ලැබේ. මීට සමගාමීව හුදකලා කළ ප්රදේශවල පීඩාවට පත් පුද්ගලයන් 15,600 කට වියළි ආහාර මළු බෙදාදීමටද කටයුතු කෙරේ.
කොරෝනා පළමු හා දෙවැනි රැල්ලේදී සියලු ශ්රී ලාංකිකයන්ගේ සෞඛ්යාරක්ෂාව හා යහපැවැත්ම වෙනුවෙන් ඩයලොග් ආයතනය මේ හා සමාන ප්රජා සත්කාරක වැඩසටහන් රැසක් ක්රියාත්මක කරන ලදී. සති 6 ක් පුරා ක්රියාත්මක වූ ‘මනුසත් දෙරණ සමඟ ඩයලොග්’ පළමු අදියර යටතේ දිස්ත්රික්ක 22 කට අයත් ගම්මාන 400 කට අධික සංඛ්යාවක පීඩාවට පත් 128,000 ක පිරිසකට අත්යවශ්ය වියළි ආහාර මළු බෙදාදීමට කටයුතු කෙරිණි. දෙවන අදියර යටතේ දින 22 කදී, දිස්ත්රික්ක 10 ක පීඩාවට පත් 46,000 ක පිරිසකට සහන සැලසීමට හැකිවිය.
රටේ සියලුම පුරවැසියන්ගේ සුරක්ෂිතබව තහවුරු කිරීම වෙනුවෙන් ආහාර ද්රව්ය මිලදීගැනීමේ ක්රියාවලියේ සිට ඒවා ඇසුරුම්කරණය සහ බෙදාහැරීමේ කාර්ය රජයේ සෞඛ්ය අංශ විසින් ලබාදී තිබෙන සෞඛ්ය මාර්ගෝපදේශවලට අනුකූලව සිදුකිරීමට පියවර ගෙන ඇත.
මෙම ක්රියාන්විතය පිළිබඳව අදහස් දැක්වූ IDH රෝහලේ අධ්යක්ෂ, වෛද්ය හසිත අත්තනායක “මෙවැනි අවස්ථාකදී අප රෝහලේ දෛනික කටයුතු බාධාවකින් තොරව ක්රියාත්මක කිරීමට සහ රෝහලේ සනීපාරක්ෂක කටයුතු නිසි අයුරින් පවත්වාගෙනයාමට අත්යවශ්ය පහසුකම් අප රෝහලට ලබාදීමට කටයුතු කිරීම පිළිබඳව ‘මනුසත් දෙරණ සමග ඩයලොග්’ ක්රියාන්විතය අපි බෙහෙවින්ම අගය කරනවා. මෙරටින් කොරෝනා පිළිබඳව තොරතුරු වාර්තාවීමට පටන්ගත් කාලයේ සිටම ‘මනුසත් දෙරණ සමග ඩයලොග්’ ක්රියාන්විතය හරහා අවස්ථා ගණනාවකදීම අපට අවශ්ය සහාය නොමඳව ලබාදී තිබෙන අතර, රට තුළ කොරෝනා වයිරසයේ ව්යාප්තිය පාලනය කිරීමේ මෙහෙයුමට එම දායකත්වය අතිශයින් වැදගත් වුණා. එපමණක් නොවෙයි ‘මනුසත් දෙරණ සමග ඩයලොග්’ ක්රියාන්විතය අප රෝහල් කාර්යමණ්ඩලයේ මෙන්ම රෝගීන්ගේ සිත් සතන්වලට නව ජීවයක් එක් කිරීමට සමත් වුණා.”
රට තුළ කොවිඩ් වෛරසය ව්යාප්තවීමට පටන්ගත් මුල් අවධියේ දී සෞඛ්ය අමාත්යාංශය විසින් තෝරාගත් රෝහල් සඳහා කඩිනමින් අවශ්ය දැඩි සත්කාර ඒකක සංවර්ධනය සඳහා රු. ලක්ෂ 2000ක් ලබාදීමට ඩයලොග් ආයතනය එකඟතාවය පළ කරන ලදී. එම එකඟතාවය යටතේ මීගමුව මහ රෝහලට සහ හෝමාගම මූලික රෝහලට ඇඳන් 10 කින් සමන්විත පූර්ණ ක්රියාකාරීත්වයෙන් යුත් දැඩි සත්කාර ඒකක ස්ථාපිත කරදීමට ඩයලොග් ආයතනයට හැකිවිය.
ඩයලොග් ආසිආටා පී.එල්.සී. හි සමූහ ප්රධාන අලෙවි නිලධාරිනී අමලි නානායක්කාර මහත්මිය විසින් IDH රෝහලේ අධ්යක්ෂ වෛද්ය හසිත අත්තනායක වෙත රෝහලට අත්යවශ්ය උපකරණ පරිත්යාග කළ අවස්ථාව.
ඩයලොග් ආසිආටා පී.එල්.සී. හි සමූහ ප්රධාන අලෙවි නිලධාරිනී අමලි නානායක්කාර මහත්මිය ‘මනුසත් දෙරණ සමග ඩයලොග්’ ක්රියාන්විතයේදී හෝමාගම මූලික රෝහලේ අධ්යක්ෂ වෛද්ය ජනිත හෙට්ටිආරච්චි හට රෝහලට අත්යවශ්ය උපකරණ පරිත්යාග කළ අවස්ථාව.
අයිටීසී රත්නදීප හෝටල් සහ සුපිරි නිවාස ව්යාපෘතිය (ITC Ratnadipa Colombo) ජනාධිපති රනිල් වික්රමසිංහ මහතාගේ ප්රධානත්වයෙන් අද (25) විවෘත කරනු ලැබීය.
මෙරට ප්රමුඛ පෙළේ දේපොළ වෙළෙඳ සමාගමක් වන Westbury Suites සමාගම ඒකක 35කින් සමන්විත වන සිය නවතම මහල් නිවාස සංකීර්ණය වන Westbury Residencies - Colombo 10 පසුගියදා විවෘත කළේය.
කොමර්ෂල් බැංකුව 2024 කැන්ටාර් ජනතා සම්මාන උළෙලේ දී අඛණ්ඩව දෙවැනි වසරටත් වසරේ මහජනතාවගේ පෞද්ගලික බැංකුව ලෙස කිරුළු පැළඳ, ශ්රී ලාංකේය ජනතාවට සමීපතම බැංක
සංවර්ධන මූල්ය දෙපාර්තමේන්තුව මගින් හඳුන්වා දී ඇති වී මිලදී ගැනීමේ ණය යෝජනා ක්රමය ක්රියාවට නංවන මූල්ය ආයතන අතරට සෙලාන් බැංකුව තෝරාගෙන තිබේ. මෙම පු
පිරිසුදු හාහරිත ශ්රී ලංකාවක් නිර්මාණය කිරීමේ අරමුණ පෙරදැරි ව ක්රියාත්මක වන,මෙරට කාර්මික අපද්රව්ය කළමනාකරණයේ පුරෝගාමියා ලෙස හැඳින්විය හැකි INSEE Ecocyc
මෙරට ප්රමුඛ පෙළේ ආයුර්වේද ඖෂධ නිෂ්පාදකයකු වන බීම් හෙළ ඔසු ලංකා පෞද්ගලික සමාගම Golden Inmediens 2023 සම්මාන උළෙලේදී වසරේ විශිෂ්ටම ආයුර්වේද නිෂ්පාදකයා ලෙස රිදී සම්
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඩයලොග් මනුසත්කාරයෙන් රෝහල්වලට අත්යවශ්ය උපකරණ ජනතාවට වියළි ආහාර මලුත් බෙදාදෙයි