SDB බැංකුව නිමා වූ 2021 මූල්ය වර්ෂය තුළදී විශිෂ්ට මූල්ය ප්රතිඵල අත්පත් කරගෙන ඇත.
2021 දෙසැම්බර් 31 වැනි දිනෙන් අවසන් වූ වසර සඳහා බැංකුවේ මුළු ලාභය රුපියල් මිලියන 909ක් වන අතර එය පෙර වසරට සාපේක්ෂව මුළු ලාභයෙන් සියයට 9 ක වර්ධනයකි.
2021 දෙසැම්බර් 31 වන දිනෙන් අවසන් වූ එම වර්ෂයේ සිව්වන කාර්තුවේ ලාභය පමණක් රුපියල් මිලියන 159ක් ලෙසින් වාර්තා වේ.
ශුද්ධ පොලී ආදායමත් ඊට පෙර වසරවලට සාපේක්ෂව සියයට11 කින්, එනම් රුපියල් බිලියන 6.7ක් දක්වා වර්ධනය වී ඇත. මුළු මෙහෙයුම් ආදායම පෙර වසරවලට සාපේක්ෂව සියයට 9 කින්, එනම් රුපියල් බිලියන 7.4 දක්වා වර්ධනය වී ඇත.
SDB බැංකුව විසින් නිකුත් කර ඇති මුළු ණය ප්රමාණය ඊට පෙර වසරට සාපේක්ෂව සියයට 9 කින්, එනම් රුපියල් බිලියන 111.89ක් දක්වා වර්ධනය වී ඇති අතර පසුගිය වසර තුළ රුපියල් බිලියන 65ක් බැංකු ගිණුම් 98,185ක් හරහා ණය වශයෙන් බෙදා හැරී ඇත.
ශුද්ධ අක්රීය ණය අනුපාතය2020 වසරේදී සියයට 1.79 ක් වූ අතර 2021 වසරේදී එය සියයට 1.49 ක් දක්වා අඩු වෙමින් සාධනීය වෙනසක් පෙන්වා ඇත.
SDB බැංකුවේ සමස්ත වත්කම් ප්රමාණය 2021 මූල්ය වර්ෂය තුළ සියයට 15 කින්, එනම් රුපියල් බිලියන 147.8ක් දක්වා වර්ධනය වී ඇති අතර තැන්පතු පරාසය පෙර වසරවලට සාපේක්ෂව සියයට 1 ක වර්ධනයක් පෙන්වා ඇත.
දුෂ්කර ආර්ථික පරිසරයක් තුළ වුවද SDB බැංකුව විසින් විශිෂ්ට මූල්ය ප්රතිඵල අත්පත් කරගැනීම පිළිබඳව අදහස් දක්වමින් එහි වැඩබලන ප්රධාන විධායක නිලධාරී නිරංජන් තංගරාජා මහතා මෙසේ පැවසුවේය.
“ගෙවුණු 2021 මූල්ය වර්ෂය තුළ අපි විශේෂයෙන්ම අපේ මූලික අරමුණ වන ක්ෂුද්ර, සුළු හා මධ්ය පරිමාණ ව්යවසායකයන් වෙත සේවා සැපයීම කෙරෙහි දැඩිව අවධානය යොමු කළා. එහිදී විශේෂයෙන්ම කාන්තා ව්යවසායකයින්ගේ සංවර්ධනය කෙරෙහි වැඩි සැලකිල්ලක් දැක්වූවා. 2021 වසරේදී අප ලැබූ සාර්ථකත්වයට බැංකුවේ ජ්යෙෂ්ඨ කළමනාකාරීත්වය විසින් සකස් කළ සැලසුම් හා ක්රමෝපායන් මූලික වශයෙන් හේතු වුණා. ඒ වගේම වසංගතය නිසා පැනවී තිබූ සීමාකිරීම් ලිහිල් වීමත් අපේ සාර්ථකත්වයට පිටිවහලක් වුණා. අපේ පාරිභෝගිකයන් සමඟ හවුල්කරුවන් විදියට වැඩ කිරීමේ ප්රතිපත්තිය නිසා අපට අනාගතයේදී මතු විය හැකි මූල්යමය වශයෙන් දුෂ්කර අවස්ථා කල් තියා හඳුනා ගැනීමටත් ඒ තත්ත්වයට මුහුණදිය යුතු ආකාරය පිළිබඳව අපේ පාරිභෝගිකයන්ට සාර්ථකව මඟපෙන්වීමටත් අපට හැකි වුණා. අක්රිය ණය අනුපාතය පහළ යාම සහ අප විසින් නිකුත් කරන ලද ණය ප්රමාණය වර්ධනය වීම මීට සාක්ෂි සපයනවා. 2022 වසරේදීත් මේ සාර්ථකත්වය අඛණ්ඩම ඉදිරියට පවත්වාගෙන යමින් අඛණ්ඩ වර්ධනයක් අත්පත් කර ගැනීමට අපි බලාපොරොත්තු වෙනවා. ඒ වගේම අපේ හිතවත් පාරිභෝගිකයන් සහ සියලුම හවුල්කරුවන් අපට ලබාදුන් සහයෝගය වෙනුවෙන් ඔවුන්ට ස්තූති කිරීමට ද මා මෙය අවස්ථාවක් කර ගන්නවා.”
-සටහන- චමින්ද මුණසිංහ
කොමර්ෂල් බැංකුව 2024 කැන්ටාර් ජනතා සම්මාන උළෙලේ දී අඛණ්ඩව දෙවැනි වසරටත් වසරේ මහජනතාවගේ පෞද්ගලික බැංකුව ලෙස කිරුළු පැළඳ, ශ්රී ලාංකේය ජනතාවට සමීපතම බැංක
සංවර්ධන මූල්ය දෙපාර්තමේන්තුව මගින් හඳුන්වා දී ඇති වී මිලදී ගැනීමේ ණය යෝජනා ක්රමය ක්රියාවට නංවන මූල්ය ආයතන අතරට සෙලාන් බැංකුව තෝරාගෙන තිබේ. මෙම පු
පිරිසුදු හාහරිත ශ්රී ලංකාවක් නිර්මාණය කිරීමේ අරමුණ පෙරදැරි ව ක්රියාත්මක වන,මෙරට කාර්මික අපද්රව්ය කළමනාකරණයේ පුරෝගාමියා ලෙස හැඳින්විය හැකි INSEE Ecocyc
මෙරට ප්රමුඛ පෙළේ ආයුර්වේද ඖෂධ නිෂ්පාදකයකු වන බීම් හෙළ ඔසු ලංකා පෞද්ගලික සමාගම Golden Inmediens 2023 සම්මාන උළෙලේදී වසරේ විශිෂ්ටම ආයුර්වේද නිෂ්පාදකයා ලෙස රිදී සම්
ඩයලොග් ආසිආටා පීඑල්සී, ආසිආටා බර්හාඩ් සමූහය සහ භාරතී එයාර්ටෙල් සමාගම ශ්රී ලංකාවේ තම මෙහෙයුම් ඒකාබද්ධ කිරීමට අදාළ නිශ්චිත ගිවිසුමකට අද (18) අත්සන් කළේය.
2023 වසරේදී තෙල් හා ගෑස් ප්රවාහන නෞකා 300 කට අධික සංඛ්යාවක් හම්බන්තොට ජාත්යන්තර වරායට (HIP)පැමිණ ඇතග 2022 වසරට සාපේක්ෂව යාත්රා පැමිණීමේ සියයට 132ක ඉහළ යෑමක් ද
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
SDB බැංකුවේ විශිෂ්ට වර්ධනයක්