ජාතික පාරිභෝගික මිල දර්ශකයේ විචලනය මගින් මනිනු ලබන උද්ධමනය ලක්ෂ්යමය පදනම මත අගෝස්තු මාසයේදී සියයට 7.9ක් දක්වා ඉහළ ගිය බව ශ්රී ලංකා මහ බැංකුව සඳහන් කරයි.
මේ අනුව ජනලේඛන හා සංඛ්යාලේඛන දෙපාර්තමේන්තුව ගණනය කරනු ලබන ජාතික පාරිභෝගික මිල දර්ශකයේ (2013 = 100) විචලනය මගින් මනිනු ලබන උද්ධමනය මේ වසරේ ජූලි මාසයේදී සියයට 6.3ක්ව පැවැති අතර එය අගෝස්තු මාසයේදී සියයට 1.6කින් සියයට 7.9ක් දක්වා ඉහළ ගොස් තිබේ.
අගෝස්තු මස ලක්ෂ්යමය උද්ධමනය කෙරෙහි ආහාර කාණ්ඩය මෙන්ම ආහාර නොවන කාණ්ඩයද දායක වී ඇත.
මාසික වෙනස්වීම සැලකූ විට ජාතික පාරිභෝගික මිල දර්ශකයේ මේ වසරේ ජූලි මාසයේ වාර්තා වූ දර්ශක අංක 122.4 සිට අගෝස්තු මාසයේදී දර්ශක 122.3ක් දක්වා පහළ ගොස් තිබේ.
ආහාර කාණ්ඩයට අයත් අයිතමවල මිල ගණන් පහළ යෑම මෙම මාසික පහළ යෑමට ප්රධාන වශයෙන් හේතු වී තිබෙන අතර ආහාර කාණ්ඩය තුළ එළවළු, රතුලුණු, සුදු ලුණු, මාළු සහ සහල් මිල ගණන් මාසය තුළ දී පහළ ගොස් ඇති බව ද මහ බැංකුව සඳහන් කරයි. එමෙන්ම ලොකු ලුණු, ඇතැම් පළතුරු වර්ග, පොල් සහ අර්තාපල්වල මිල ගණන් ද ඉහළ ගොස් තිබේ.
රෙදිපිළි හා පාවහන්, ගෘහ භාණ්ඩ, ගෘහ උපකරණ හා ගෘහ ඒකක නඩත්තු කටයුතු, සෞඛ්ය (පුද්ගලික රෝහල් කාමර ගාස්තු), ප්රවාහන (ගුවන් සේවා ගාස්තු), අධ්යාපන (වෘත්තීය අධ්යාපන පාඨමාලා ගාස්තු) සහ විවිධ භාණ්ඩ හා සේවා උප කාණ්ඩවල මිල ගණන්ද ඉහළ ගොස් තිබේ.
මේ වසරේ අගෝස්තු මාසයේදී නිවාස, ජලය, විදුලිය, ගෑස් හා අනෙකුත් ඉන්ධන සහ සන්නිවේදන උප කාණ්ඩවල මිල ගණන් ද සුළු වශයෙන් ඉහළ ගොස් ඇත. මධ්යසාර පාන හා දුම්කොළ (පුවක්) උපකාණ්ඩවල ඇතුළත් අයිතමවල මිල ගණන් ද පසුගිය මාසයේදී ඉහළ ගොස් තිබෙන අතර විනෝදාත්මක හා සංස්කෘතික, ආපනශාලා සහ හෝටල් උපකාණ්ඩවල මිල ගණන් මාසය තුළ දී නොවෙනස්ව වී ඇත.
ආර්ථිකයේ යටිදැරි උද්ධමනය නිරූපණය කරන ජාතික පාරිභෝගික මිල දර්ශකයේ මූලික උද්ධමනය ලක්ෂ්යමය පදනම මත මේ වසරේ ජූලි මාසයේදී පැවැති සියයට 4.2ක සිට අගෝස්තු මාසයේදී සියයට 4.8ක් දක්වා ඉහළ ගොස් තිබේ. වාර්ෂික සාමාන්ය මූලික උද්ධමනය ජූලි මාසයේදී සියයට 5.9ක් වූ අතර එය අගෝස්තු මාසයේදී සියයට 5.8ක් දක්වා පහළ ගිය බවද ශ්රී ලංකා මහ බැංකුව තවදුරටත් සඳහන් කරයි.
(055)
කොමර්ෂල් බැංකුව 2024 කැන්ටාර් ජනතා සම්මාන උළෙලේ දී අඛණ්ඩව දෙවැනි වසරටත් වසරේ මහජනතාවගේ පෞද්ගලික බැංකුව ලෙස කිරුළු පැළඳ, ශ්රී ලාංකේය ජනතාවට සමීපතම බැංක
සංවර්ධන මූල්ය දෙපාර්තමේන්තුව මගින් හඳුන්වා දී ඇති වී මිලදී ගැනීමේ ණය යෝජනා ක්රමය ක්රියාවට නංවන මූල්ය ආයතන අතරට සෙලාන් බැංකුව තෝරාගෙන තිබේ. මෙම පු
පිරිසුදු හාහරිත ශ්රී ලංකාවක් නිර්මාණය කිරීමේ අරමුණ පෙරදැරි ව ක්රියාත්මක වන,මෙරට කාර්මික අපද්රව්ය කළමනාකරණයේ පුරෝගාමියා ලෙස හැඳින්විය හැකි INSEE Ecocyc
මෙරට ප්රමුඛ පෙළේ ආයුර්වේද ඖෂධ නිෂ්පාදකයකු වන බීම් හෙළ ඔසු ලංකා පෞද්ගලික සමාගම Golden Inmediens 2023 සම්මාන උළෙලේදී වසරේ විශිෂ්ටම ආයුර්වේද නිෂ්පාදකයා ලෙස රිදී සම්
ඩයලොග් ආසිආටා පීඑල්සී, ආසිආටා බර්හාඩ් සමූහය සහ භාරතී එයාර්ටෙල් සමාගම ශ්රී ලංකාවේ තම මෙහෙයුම් ඒකාබද්ධ කිරීමට අදාළ නිශ්චිත ගිවිසුමකට අද (18) අත්සන් කළේය.
2023 වසරේදී තෙල් හා ගෑස් ප්රවාහන නෞකා 300 කට අධික සංඛ්යාවක් හම්බන්තොට ජාත්යන්තර වරායට (HIP)පැමිණ ඇතග 2022 වසරට සාපේක්ෂව යාත්රා පැමිණීමේ සියයට 132ක ඉහළ යෑමක් ද
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
අගෝස්තු මාසයේ උද්ධමනය සියයට 7.9ක් දක්වා ඉහළට
waruna Tuesday, 26 September 2017 07:05 AM
ඉක්මනින්ම උද්ධමනය තවත් ඉහල අගයකට ගෙන්න පුළුවන් වේවී කියල හිතනවා.