වෙනිසියුලාවේ කැරකස් අගනුවර හමුදා ඇකඩමියේ තබා ඇති ජනාධිපති හියුගෝ චාවේස්ගේ දේහයට අවසන් ගෞරව දැක්වීමට ඊයේ (07) ලක්ෂ සංඛ්‍යාත පිරිසක් පැමිණියහ. ඒ අතර රාජ්‍ය නායකයෝ බොහෝ දෙනෙක් ද වූහ.
චාවේස්ගේ අවසන් කටයුතු රාජ්‍ය සහ හමුදා ගෞරව සහිතව අද (08) පැවැත්වෙන බව එරට උප ජනපති  නිකලස් මදුරෝ පවසා ඇත.
මේ වනවිට වෙනිසියුලාවේ සත් දින ශෝක කාලයක් ද ප‍්‍රකාශයට පත් කර ඇත. ජනතාවාදී අසහාය නායකයකු වන චාවේස්ගේ අභාවය හේතුවෙන් සෙසු ලතින් ඇමෙරිකා රටවලට ද ශෝක දින ප‍්‍රකාශයට පත් කර ඇතැයි වාර්තා වේ.
ලතින් ඇමෙරිකා රටවල රාජ්‍ය නායකයන් වන ඊවෝ මොරාලේස්, කි‍්‍රස්ටිනා ෆර්නෑන්ඩස් පමණක් නොව චාවේස්ගේ සමීපතමයකු වන ඉරාන ජනාධිපති මොහොමඞ් අහමදිනෙජාද් ද චාවේස්ට අවසන් ගෞරව දැක්වීමට වෙනිසියුලාවට පැමිණියහ.
කියුබාවේ හවානා නුවරදී පිළිකා සැත්කමකට භාජන වී යළි වෙනිසියුලාවට රැුගෙන ආ පසු චාවේස්, මියගිය බව වෙනිසියුලා රජය නිවේදනය කළේ ඉකුත් පස් වැනිදා සවසය. කියුබාවේ හවානා නුවරදී පිළිකා සැත්කමකට භාජන වී මාස දෙකකට ආසන්න කාලයක් අසාධ්‍ය තත්ත්වයේ පසු වූ චාවේස් යළි වෙනිසියුලාවට රැුගෙන ආවේ ඉකුත් 18 වැනිදාය. ඔහු මියයන විට 58 හැවිරිදි වියෙහි පසුවිය.
චාවේස් කොන්ද කෙළින් තබාගෙන ඇමෙරිකාවට අභියෝග කළ නායකයකු බවත් ඔහු වැනි විප්ලකාරියකු යළි පහළ නොවනු ඇති බවත් බටහිර මාධ්‍ය වාර්තා කර තිබුණි.
ඇමෙරිකා මාධ්‍ය පවා චාවේස් උදාර නායකයකු බව පෙන්වා දී තිබුණි.