හිට්ලර්ගේ ආහාර පරීක්ෂිකාවක ලෙස සේවය කළ කාන්තාවක් තම ජීවන පුවත ලොවට හෙළිකර ඇත්තීය.
මාර්ගොට් වොල්ක් නම් වන ඇය දැන් 96 හැවිරිදිය.හිට්ලර්ට සැපයූ ආහාර පරීක්ෂා කිරීමට තමන් ඇතුලූ කාන්තාවන් කණ්ඩායමක් සිටි බවත් තමන් හැරෙන්නට අනෙක් අය සියල්ලෝ බර්ලිනය අත්පත් කරගත් රතු හමුදාවන් අතින් ඝාතනය වූ බවත් ඇය පවසන්නීය.
මාර්ගොට් වොක් ඇතුලූ කණ්ඩායමට පැවැරී තිබී ඇති රාජකාරියව ඇත්තේ ඇඩොල්ෆ් හිට්ලර්ට සැපැයුනු ආහාර ඔහු අනුභව කිරීමට ප්රථමයෙන් අනුභව කර බැලීමයි.
‘‘අපි ආහාර ගන්නේ පුදුම බයකින්.පස්සේ ආහාර ගෙන අවසන් වෙලා අපට කිසි හානියක් වෙලා නැහැ කියලා දැනගත්තම අපි මහහඩින් බෙරිහන් දීලා අඩනවා ජීවිතය ගැලවිච්ච සතුටට.‘‘ඇය කියන්නීය.
මෙවන් කණ්ඩායමක් හිට්ලර් වෙනුවෙන් පිහිටුවීමට හේතුව වී තිබුණේ දෙවන ලෝක යුද්ධයේ අවසාන භාගයේදී ආඥාදායකයා මරණයට පත්කිරිමට වඩා සූක්ෂම ක්රම භාවිතයට සතුරා පෙළඹීමයි.ආහාර වලට වස දමා එවිය හැකි වීම ඉන් එක් ක්රමයක් ලෙස බර්ලින් බළධාරින් හඳුනාගත් අතර මාර්ගොට් ඇතුලූ ආහාර පරීක්ෂණ කණ්ඩායම පිහිටැවුනේ ඒ අනුවය.
‘‘ඔහු නිර්මාංශ භක්ෂකයෙක්.මස් මාලූ අනුභව කළේ නැහැ.ඒ නිසා අපිට ලැබුණේ සලාද,නූඩ්ල්ස් වැනි ආහාර.අපි ඒවා කා බලනවා.ඒවායින් අපට හානියක් වුනේ නැත්නම් තමයි ඔහුට ඒවා යැවෙන්නේ‘‘ මාර්ගොට් පවසන්නීය.
දෙවන ලෝක යුද්ධය නොපිටට පෙරැලෙන්නට පටන් ගැනීමත් සමග හිට්ලර් ‘‘වෘක අඩවිය‘‘ ‘‘වුල්ෆ්ස් ලෙයාර්‘‘ ලෙස හැදින්වෙන භූගත බංකර සංකීර්ණයක පදිංචියට ගිය අතර මාර්ගොට් ඇතුලූ කණ්ඩායමද එහි සේවයට අනුයුක්ත කෙරිණ.
හිට්ලර් මරණයට පත් කිරීමට නාසි හමුදාවේම නිළධාරියෙකු බෝම්බයක් සවිකළ අත්බෑගයක් ගෙන ආවේ මේ සමයේදීය.බෝම්බය පුපුරා ගියද හිට්ලර් දිවි ගලවා ගැනීමට සමත් විය.මෙම ප්රහාරයට අඩු වැඩි ආකාරයට සම්බන්ධ වූ 5000 ක් පමණ දෙනා හදුනාගත් නාසි බළධාරීහු ඔවුන් සියලූදෙනා මරා දැමූහ.
කෙසේ හෝ දෙවන ලෝක යුද්ධය අවසන් වී බර්ලිනය රතු හමුදා ග්රහණයට පත්වූ විට මාර්ගොට්ට හිමිව ඇත්තේ අවාසනාවමය.ඇය ඇතුලූ ඇයගේ කණ්ඩායමේ සාමාජිකාවන් රතු හමුදාවන් තමන්ගේ ආශාවන් සතර්පණය කරගැනීමට යොදාගෙන ඇත.
‘‘ඔවුන් අපව බර්ලින් නුවර බිම්මහලකට ගෙන ගියා.අපව දවස් 14 ක් තිස්සේ නොනවත්වාම දුෂණය කෙරුණා.හිට්ලර් එක්ක අපේ කිසි සම්බන්ධයක් නැහැ කියලා ඔවුන් හමුවේ වැඳ වැටිලා කීවත් කිසිම ඵලක් වුනේ නැහැ‘‘ ඒ අප්රසන්න අත්දැකීම මතක් වීදෝ ඇයගේ හඩ සැලෙන්නේය.
කෙසේහෝ බ්රිතාන්යය හමුදා භටයෙකුගේ පිහිටෙන් ඇය එතැනින් ගැලවී බ්රිතාන්යය බලා පැමිණ තිබෙන්නීය.එහි අලූත් ජීවිතයක් ආරම්භ කළ ඇය මියගොස් ඇතැයි විශ්වාස කළ කාර්ල්වද අනාථ කදවුරක සිට සොයාගැනීමට සමත්වූවාය.දෙදනා එක්ව සාමාන්ය ජීවිතයක් ගත කිරීමට උත්සාහ කළෝය.
‘‘වැඩක් වුනේ නැහැ.ඒ කාලයේ මම දුටුව, අහපු අප්රසන්න,පිළිකුල් දේවල් වල අදුරු මතකයන් ආයේ ආයේ මගේ ඔලූවේ හොල්මන් කරන්න ගත්තා.ඒවත් එක්ක සාමාන්ය පවුල් ජීවිතයක් ගත කරන්න මට පුලූවන් වුනේ නැහැ.ඉතින් අපි දික්කසාද වුනා‘‘ඇයගේ හඩ ශෝකාත්මකය.
තවත් වසර කිහිපයක් ගතවෙද්දී කාර්ල් මිය ගිය පුවත ඇයට ලැබුණි.අද දිනය වන විට කාර්ල් මියගොස් වසර 24 ක් ගතව අවසානය.ඇයගේ වයසද අවුරුදු 96 ක් ව ඇත.
ඇය තවමත් ජීවත් වන්නේ තනිවමය.බ්රිතාන්යයේ කුඩා නගරයක පිහිටා ඇති නිවහනේ ඇය තම මතකයන් සමග තනිව සිටින්නීය.
ලොව විශාලතම ප්රජාතන්ත්රවාදී මැතිවරණ ක්රියාදාමය ලෙස සැලකෙන ඉන්දීය මහ මැතිවරණය අද (19) උදෑසන 7 ට ඇරැඹිණි
ඉන්දුනීසියාවේ ‘රුවන්ග්’ ගිනි කන්ද පුපුරා යෑමට පටන් ගත්තේය. ඉන්දුනීසියාව දූපත් සමූහයකින් සුසැදි රාජ්යයක් වන අතර, ‘රුවන්ග්’ ගිනි කන්ද පිහිටා ඇත්තේ, උ
රුසියන් යුක්රේන යුද්ධයේ දී යුක්රේන ප්රහාරවලින් මේ වනවිට රුසියන් සෙබළු 50,000 ක් මියගොස් ඇතැයි බ්රිතාන්යයේ බීබීසි පුවත් සේවය පවසයි.
මාලදිවයින ජනාධිපති මොහොමඞ් මුයිසුට දූෂණ වංචා චෝදනා එල්ල වී ඇති අතර, එම චෝදනා මුල්කොට ගනිමින් ජනාධිපතිවරයාට එරෙහිව දෝෂාභියෝගයක් ගෙන ඒමට මාලදිවයින විප
ලොව විශාලතම ප්රජාතන්ත්රවාදී මැතිවරණ ක්රියාදාමය ලෙස සැලකෙන ඉන්දීය මහ මැතිවරණය හෙට (19) ආරම්භ වෙයි. ඉන්දීය පාර්ලිමේන්තුව නියෝජිත මන්ත්රී මණ්ඩලයකින
ඉරානයට එරෙහිව කවත් සම්බාධක පැනවීමට බලාපොරොත්තු වන බව ඇමෙරිකාව සහ යුරෝපා සංගමය පවසයි.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
හිට්ලර්ගේ කෑම කත පොතක් ලියයි
හෙර්බෙර්ට් Friday, 19 September 2014 10:39 AM
මසුත් කෑවනම් තව කොහොමට හිටීද (අ)
බටු ගෙදර Thursday, 18 September 2014 11:39 AM
ඔන්න ලෝකේ නිර්මාංශ මිනී මරුවා හරිම අහිංසකයි. (අ)
චමි Friday, 19 September 2014 04:26 AM
එදා ලස්සන තරුණිය අද කොහොමද බලන්න. අටලෝ දහම සිහිවෙනවා (නදී)
ලලිත් Thursday, 18 September 2014 09:02 PM
ප්රභාකරන් ළඟ හිටි කට්ටියත් අවුරුදු අසුවක් අනුවක් වුණහම ඔය වගේ පොත් ලියයි. (නි)
සමිපත් Friday, 19 September 2014 08:03 AM
හිට්ලර් කියන්නේ කාලකන්නියෙක්. (ස)
ගාමිණී සිරිවර්දන Thursday, 18 September 2014 07:46 AM
ලෝක යුද්ධයක් පවතින අවස්ථාවක යුධ නායකයෙකු සමීපව සිට පණබේරා ගත් එකත් ආශ්චර්යයක් !මස් මාංශ වලින් තොරව ඇයද ඉන්න ඇති.96 ක ආයු කාලය වැඩිවීමේ රහස එය විය යුතුයි !(අ)