ඊශ්රායෙල ගුවන් ප්රහාරයන්ට හසුව සියලූ දේපළ අහිමි වුවද ඔවුනොවුන් අහිමි කර නොගත් ගාසා තීරයේ තරුණ යුවළක් ඊශ්රායෙලය හා හමාස් සංවිධානය අතර සටන් විරාමයක් ක්රියාත්මක වෙමින් පැවතීම ප්රයෝජනයට ගෙන විවාහ දිවියට ඇතුළත් වූහ.
ඔවුන් නැවතී සිටි අනාථ කඳවුර නොයෙකුත් සැරසිළි වලින් අලංකාර කර තිබුණි.විසල් කේක් ගෙඩියක්ද එහි විය.කඳවුරේ සිටි සියලූදෙනා සතුටින් ගයා රඟා ප්රිති වූහ.
විවාහ උත්සවය සදහා සියලූ බරපැන දැරුවේ එක්සත් ජාතීන්ගේ සංවිධානයයි.
මධුසමය ගත කිරීම සදහා ගාසා තීරයේ ඉතිරිව ඇති එකම හෝටලය කරා යෑමට ඔවුන්ට අවස්ථාව සළසා දීමටද එක්සත් ජාතීන්ගේ සංවිධානය කටයුතු කර ඇත.
මනාලිය වූ හිබා ෆයාඩ් දේපළ හිමි පවුලක තරුණියක වන අතර ඊශ්රායෙල ප්රහාරයන්ට හසුවීමෙන් ඒ සියල්ල ඇයට අහිමිව ගොස් ඇත්තීය.
තමන් මෙම විවාහ මංගල්යය පැවැත්වීමට සිතා සිටියේ ඥාති හිතමිතුරන් පිරිවරාගෙන මහ ඉහළින් වුවත් අවසානයේ මෙසේ නාඳුනන පිරිසක් මැද විවාහ වීමට සිදුවූ බව ඇය කියන්නීය.
මනාලයා වූ අබු නාමාර් නම් පවසන්නේ මෙසේ නාඳුනන පිරිසක් හමුවේ වුවද අවසානයේ මුලින් සැළසුම් කර ගෙන සිටි දිනයේදීම හිබා හා විවාහ වීමට හැකිවීම තමන්ට සෑහෙන බවයි.
ගාසා තීරයේ විනාශව ඇති ගොඩනැගිලි පිළිසකර කර යථා තත්ත්වයට පත්කිරීමට තවත් අවුරුදු 3 ක් වත් ගතවනු ඇතැයි ගණන් බලා ඇති හෙයින් එතෙක් කල් බලා නොසිට එක් අතකට මෙසේ තම ආදරවන්තයා හා විවාහ වීමට හැකිවීම තමන් ලද භාග්යයක් යැයි හිබාද පිළිගන්නීය.
ඊශ්රායෙලය හා හමාස් සංවිධානය ඊයේ (14) සටන් විරාමය තවත් දීර්ඝ කිරීමට එකඟ වූ අතර තවත් පැය 72 කට එය දීර්ඝ කැරණි.
මුලින් හමාස් සංවිධානය හා සාම නියෝජිතයා වන ඊජිප්තුව සටන් විරාමය දීර්ඝ කරන්නේ යැයි පවසා සිටියදී මුනිවත රැකි ඊශ්රායෙලය පසුව එයට කැමැත්ත පළ කළේ හමාස් සංවිධානය කිසියම් යටිකූට්ටු කටයුත්තක් කිරීමට සැරසෙන්නේ නම් එයට දැඩි ප්රතිචාර දක්වන බව පවසමිනි.
ඊශ්රායෙලය හමාස් සංවිධානය ගැන පැවසූ ලෙසම සටන් විරාමය දීර්ඝ කෙරෙන්නේ යැයි ප්රකාශයට පත්කෙරුණු විගස ගාසා තීරයේ සිට ඊශ්රායෙලය දෙසට රොකට් ප්රහාර 5 ක් එල්ල වූ අතර ප්රතිප්රහාර ලෙස ඊශ්රායෙලය ගාසා තීරයේ ස්ථාන රැසකට දැඩි ප්රහාර එල්ල කළේය.
එයින් පසු ගාසා තීරයෙන් ප්රහාර එල්ල වීම මේ වන විට තිබෙන්නේ නැවතීය.ඊශ්රායෙලයද ප්රතිප්රහාර එල්ල කිරීම අත්හිටුවා ඇත.
කෙසේ හෝ අවසානයේ දෙපාර්ශවයම සටන් විරාමය දීර්ඝ කිරීමට එකඟතාවය පල කර ඇති හෙයින් සාම සාකච්ඡා ඉදිරියට පවත්වා ගෙන යෑමට හැකි බව ඊජිප්තුව පෙන්වා දේ.
දෙපාර්ශවයම ඉදිරිපත් කරන කොන්දේසි සියයට සියයක්ම සපුරා ලීමට නොහැකි වාතාවරණයක් පවතින බවද සඳහන්ය.
ස්ථීරසාර සටන් විරාමයක් ස්ථාපිත කිරීම සදහා හමාස් සංවිධානය අවි බිම තැබිය යුතු යැයි ඊශ්රායෙලය දැඩි කොන්දේසියක් පනවා ඇති අතර ඊට තමන් කිසිසේත් එකඟ නොවන බව හමාස් සංවිධානය පවසා ඇත.
අනෙක් අතට ගාසා තීරය වටා ඊශ්රායෙලය පිහිටුවා ඇති ආරක්ෂක වළල්ල ඉවත් කළ යුතු යැයි හමාස් සංවිධානය ඉදිරිපත් කර ඇති කොන්දේසිය ඊශ්රායෙලය බැහැර කර ඇත.
ඉන්දු චීන දේශසීමා අර්බුදය සම්බන්ධයෙන් ඉන්දීය නියෝජිතයන් සහ චීන නියෝජිතයන් අතරේ සාකච්ඡා ඊයේ (28) පැවැත්විණි. ඒ, චීනයේ බෙයිජීං අගනුවරදීය.
‘ඩාලි’ නමැති කන්ටේනර් නැව හැපී, බොල්ටිමෝර් ‘ෆ්රැන්සිස් ස්කොට් කී’ පාලමේ කඩා වැටුණු අවස්ථාවේ, අතුරුදන් වූ ඉදිකිරීම් සේවකයන් 6 දෙනාගෙන් දෙදෙනකුගේ සිරු
ජර්මනියේ ලිප්සිග් නුවරට නුදුරින් මාර්ගයක ගමන් කරමින් තිබුණු මගී බස්රියක් අනතුරට පත්විය. බස්රිය අනතුරට පත්වූයේ රියදුරාට එහි වේගය පාලනය කර ගැනීමට නොහැ
ලොව විශාලතම සර්පයා ලෙස සත්ව විද්යාඥයන් ලොව හඳුන්වා දුන්, අඩි 26 ක් දිග ඇනකොන්ඩා මරා දමා ඇතැයි විදෙස් මාධ්ය පවසයි. ඇනකොන්ඩා මරා දමා ඇත්තේ දඩයක්කරුවන් ප
මතභේදයට ලක් ව ඇති අරුණාචල් ප්රදේශ් ප්රාන්තය ඉන්දියාවේ කොටසක් ලෙස පිළිගන්නා බව ඇමරිකානු රාජ්ය දෙපාර්තමේන්තුව අවධාරණය කර තිබේ.
ඇමෙරිකාවේ, ෆ්ලොරීඩා ජනපදයේ දරුවන්ට සමාජ මාධ්ය භාවිතය තහනම් කර ඇත.
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
සටන් විරාමේ අතරේ යුග දිවියට
තිළ Monday, 18 August 2014 04:31 AM
මටත් ආසයි කේක් ගහක් වවන්න (නදී)
නුවන් Sunday, 17 August 2014 12:36 PM
කේක් එකටත් රොකට් සවි කරලා! (දී)
ඉසුරන්දි Monday, 18 August 2014 07:41 AM
නැව ගිලුනත් බෑන් චුන් කියන්නේ මෙහෙම ඒවට වෙන්න ඇති. (නි)
ලකී දොඩන්ගොඩ Sunday, 17 August 2014 04:32 PM
ඔබ දෙදෙනාට සුබ මංගලම් , දිර්ගායුෂ , (ස)
පුෂ්පසිරි අල්විස් Sunday, 17 August 2014 04:33 PM
හමාස් සංවිධානය නිසා ඔක්කොම හමස් වූ මේ දියණියට , සුබ මංගල පැතුම් මගෙනුත් (ස)
සමන් Monday, 18 August 2014 11:26 AM
"මරණ තුනක් ඇති මිනිහෙක් පැණි කෑය" කියන ප්රස්ථාව පිරුළ මතක් වුණා. ආ ... තව "ලොව කැළඹී ගිනිගද්දී දෙදෙනා බලා හිටියා" කියන මිල්ටන්ගේ සින්දු කෑල්ලත් මතක් වුණා. මොනවා වුණත් සුබ මංගලම්. (නි)
රන්ජිත් ට්රයිකෝ Sunday, 17 August 2014 07:47 PM
මනමාලිය නම් හරිම ලස්සන කෙනෙක්. ඇයගේ සැමියා බොහෝ ආඩම්බර විය යුතුයි, මෙවැනි සුරඟනක් ලැබීම ගැන (නි)
කුමාර Monday, 18 August 2014 12:09 AM
වාසනාවන්!! (නි)
සුරංග Sunday, 17 August 2014 08:47 AM
අනේ අපිට මොකද (දී)
සංජු Tuesday, 19 August 2014 07:11 AM
තරුණියගේ මුහුණේ තීන්ත ගාලාද ? (නදී)