නොබෙල් සාම ත්යාගලාභී අවුන් සාන් සූකී අත්අඩංගුවට ගනිමින් මියන්මාරයේ සිදු වූ හමුදා කුමන්ත්රණයට චීනය සම්බන්ධ යැයි මියන්මාර විරෝධතාකරුවෝ චෝදනා කරති.
මියන්මාර හමුදා ජුන්ටාව අවුන් සාන් සූකී ඇතුළු දේශපාලන නායකයන් අත්අඩංගුවට ගනිමින් පෙබරවාරි 1 වැනිදා එරට බලය ඇල්ලීය.
මේ සතිය මුළුල්ලේ මියන්මාරයේ යැංගොන් නුවර චීන තානාපති කාර්යාලය ඉදිරියේ විරෝධතා පැවැත්වුණු අතර චීනය මියන්මාරයේ හමුදා ජෙනරාල්වරුන්ට සහාය දක්වන්නේ යැයි විරෝධතාකරුවෝ චෝදනා කළහ.
චීන තානාපති කාර්යාලය ඉදිරිපිටට රැස් වූ ඇතැම් විරෝධතාකරුවෝ “චීනය, ලැජ්ජයි ඔබ ගැන” යනුවෙන් සඳහන් වන විරෝධතා පුවරු රැගෙන සටන් පාඨ කීහ. මෙම විරෝධතා පුවරුවල සටන් පාඨ සඳහා ඉංග්රීසි, චීන සහ බුරුම යන භාෂා භාවිත කළ තිබූ බව ද එරට මාධ්ය වාර් තා කර තිබිණි.
“මියන්මාරයේ හමුදා ඒකාධිපතීත්වය චීනයේ නිර්මාණය කරන ලද්දක්” යැයි එක් විරෝධතා පුවරුවක දැක්විණි. “මේක අභ්යන්තර ප්රශ්නයක් නම්, ඇයි ඔබ හමුදා ජුන්ටාවට උදව් කරන්නේ යැයි” තවත් විරෝධතා පුවරුවක දැක්විණි.
මියන්මාරයේ හමුදා පාලනයට එරෙහිව මේ වනවිට දිනපතා විරෝධතා පැවැත්වෙන අතර චීන තානාපති කාර්යාලය ඉදිරිපිට පැවැත්වෙන විරෝධතා හේතුවෙන් මියන්මාරයේ චීන තානාපතිවරයාට ඊට ප්රතිචාර දැක්වීමට ද සිදුවිය.
“මියන්මාරයේ දැන් සිදුවෙන දෙය චීනයේ අපට අවශ්ය දෙයක් නෙමෙයි. අපිට එහෙම දෙයක් දකින්න අවශ්ය නැහැ. මියන්මාරයේ දේශපාලන වෙනසක් වන බවට චීනයට කලින් දන්වා තිබුණේ නැහැ. ඒ වගේම චීනය එහෙම දෙයක් දැනෙගන හිටියෙත් නැහැ. මියන්මාර හමුදා පාලනයට හෝ ජෙනරාල්වරුන්ට චීනය සහාය දක්වනවා කීම විහිළුවක්” යැයි චීන තානාපනතිවරයා පැවැසීය.
චීනය, මියන්මාර හමුදා පාලනයට සහාය දක්වන බවට චෝදනා එල්ල වීමට ප්රධාන හේතුවක් වී ඇත්තේ චීනය ප්රසිද්ධියේ සහ සෘජුව හමුදා කුමන්ත්රණය හෙළා නොදැකීම යැයි ජාත්යන්තර විශ්ලේෂකයෝ පෙන්වාදෙති. හමුදා කුමන්ත්රණයට සති කිහිපයකට පෙර චීන විදේශ අමාත්ය වැන්ග් යී සහ මියන්මාරයේ හමුදාපති සහ වත්මන් හමුදා ආණ්ඩුවේ ප්රධානී මින් අවුන් ලායිං අතර පැවැති සාකච්ඡාව ද චීනයට චෝදනා එල්ල වීමට තවත් හේතුවක් වී තිබේ.
මියන්මාරයේ නේපිඩෝ නුවරදී ජනවාරි 12 වැනිදා එම සාකච්ඡා පැවැති අතර තමන් ජනාධිපති ධුරයට පත්වීමට කැමැති බව හමුදා ප්රධානියා එහිදි ප්රකාශ කර ඇතැයි ආරංචි මාර්ග සදහන් කරයි. ඊට අමතරව පසුගිය වසරේ නොවැම්බර් මාසයේ පැවැති මහ මැතිවරණයේදී මැතිවරණ වංචා සිදුව ඇතැයි ද හෙතෙම චෝදනා කරයි.
ඉකුත් වසරේ පැවැති මහ මැතිවරණයෙන් අවුන් සාන් සූකීගේ නායකත්වයෙන් යුතු ජාතික ප්රජාතන්ත්රවාදී ලීගය පක්ෂය විශිෂ්ට ජයග්රහණයක් අත්පත් කරගත්තේ ය.
(අල්ජසිරා, රොයිටර් සහ විදෙස් මාධ්ය ඇසුරිනි)
055
ආරක්ෂක සහයෝගීතාවක් වෙනුවෙන්, රුසියාවත් ඉරානයත් අතරේ අවබෝධතා ගිවිසුමකට අත්සන් තැබුණි. ඉරානය වෙනුවෙන් ඉරාන ජාතික ආරක්ෂක කවුන්සිලයේ මහ ලේකම් අලී අක්බා
ස්පාඤ්ඤ අග්රාමාත්ය පේඩ්රෝ සැන්චේස්ගේ බිරිඳට අල්ලස් චෝදනා එල්ල වී ඇති අතර, එම චෝදනා සම්බන්ධයෙන් වහා විමර්ශනයක් අරඹන්නැයි ස්පාඤ්ඤ අධිකරණයක් ඊයේ (24)
චීනය සමඟ යහපත් සබඳතා වර්ධනය කර ගැනීමේ අරමුණින්, ඇමෙරිකා රාජ්ය ලේකම් ඇන්තනි බ්ලින්කන් ඊයේ (25) චීනයේ බෙයිජීං අගනුවරට පැමිණියේය.
මාස දෙකහමාරක් තිස්සේ වට හතකින් පැවැත්වෙන ඉන්දීය මහ මැතිවරණයේ දෙවැනි වටය හෙට (26) ආරම්භ වෙයි. කේරළ සහ කර්ණාඨක ප්රාන්ත වැසියන්ට ඡන්දය ප්රකාශ කිරීමට අවස්
ග්රීසියේ ඇතන්ස් අගනුවර වැසියන් මවිතයට පත් කරමින්, ඇතන්ස් අහස අඳුරු වී තැඹිලි පැහැයක් ගත්තේය. මෙම අසාමාන්ය සංසිද්ධිය සම්බන්ධයෙන්, ග්රීක කාලගුණ විද
යුක්රේනයට පවුම් මිලියන 500 (ඇමෙරිකන් ඩොලර් මිලියන 500) ක යුද ආධාර පැකේජයක් යුක්රේනයට ලබා දීමට බි්රතාන්ය අග්රාමාත්ය රිෂී සුනාක් කැමැත්ත පළ කර ඇත.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මියන්මාරයේ හමුදා කුමන්ත්රණයට චීනයට චෝදනා