තායිලන්තයේ බැංකොක් අගනුවරට බලපා ඇති දරුණු ජල ගැලීම්වලට එරට නව අගමැතිනී යිංග්ලක් ෂිනවාත්රා වගකිව යුතු යැයි තායිලන්ත විපක්ෂ කණ්ඩායම් චෝදනා කරයි. තායිලන්තයේ බැංකොක් අගනුවර උතුරුදිග දිස්ති්රක්කවලින් සියයට 90 ක් මේ වනවිට මුළුමනින්ම පාහේ ජලයෙන් යට වී ඇති අතර ලක්ෂ ගණනකට උන්හිටි තැන් අහිමි වී ඇත. විපක්ෂ කණ්ඩායම් අගමැති යිංග්ලක් ෂිනවාත්රාට සහ රජයට චෝදනා කරන්නේ ජල ගැලීම් ගැනත් මහ වැසි ගැනත් තායිලන්ත රජය නිසි වේලාවට අනතුරු ඇඟවීම් නොකළ බවත් එම නිසා ජීවිත හානි රැසක් සිදුවූ බවත්ය. ජල ගැලීම්වලට හසුවීමෙන් මේ වනවිට 600 කට ආසන්න පිරිසක් ජීවිතක්ෂයට පත්ව ඇති බව වාර්තා වේ. විපක්ෂයෙන් එල්ල වන එම චෝදනාවලට පිළිතුරු දක්වමින් අගමැති යිංග්ලක් ෂිනවාත්රා ප්රකාශ කළේ සොබාදහමට එරෙහි වෙන්න තමාට හෝ තම රජයට හෝ හැකියාවක් නැති බවය. තායිලන්තයට මහ වැසි ඇද හැලීම ආරම්භ වූයේ පසුගිය ජූලි මාසයේ සිටය. මේ වනවිට බැංකොක් නුවර ප්රධාන මාර්ග රැසක් ජලයෙන් යටවීමෙන් ගමනාගමන කටයුතු මුළුමනින්ම අඩපණ වී ඇත. බැංකොක් ගුවන්තොටුපොළ ද වසා දැමීමට බලධාරීහු තීරණය කර ඇතැයි ද වාර්තා විය. විපතට පත්වූවන්ට ආධාර ලබා දීමටත් ගංවතුර හේතුවෙන් කොටුවී සිටින පිරිස් බේරා ගැනීමටත් හමුදාව යොදවා ඇතැයි වාර්තා වේ. බැංකොක් නුවර ආසියා කලාපයේ ප්රමුඛ වෙළෙඳ කේන්ද්රස්ථානයක් වන අතර ජල ගැලීම් හේතුවෙන් එම වෙළෙඳ ගනුදෙනු සියල්ල ඇණහිට ඇත. එයින් තායිලන්තයට සිදුවී ඇති පාඩුව අති මහත්ය.
ආරක්ෂක සහයෝගීතාවක් වෙනුවෙන්, රුසියාවත් ඉරානයත් අතරේ අවබෝධතා ගිවිසුමකට අත්සන් තැබුණි. ඉරානය වෙනුවෙන් ඉරාන ජාතික ආරක්ෂක කවුන්සිලයේ මහ ලේකම් අලී අක්බා
ස්පාඤ්ඤ අග්රාමාත්ය පේඩ්රෝ සැන්චේස්ගේ බිරිඳට අල්ලස් චෝදනා එල්ල වී ඇති අතර, එම චෝදනා සම්බන්ධයෙන් වහා විමර්ශනයක් අරඹන්නැයි ස්පාඤ්ඤ අධිකරණයක් ඊයේ (24)
චීනය සමඟ යහපත් සබඳතා වර්ධනය කර ගැනීමේ අරමුණින්, ඇමෙරිකා රාජ්ය ලේකම් ඇන්තනි බ්ලින්කන් ඊයේ (25) චීනයේ බෙයිජීං අගනුවරට පැමිණියේය.
මාස දෙකහමාරක් තිස්සේ වට හතකින් පැවැත්වෙන ඉන්දීය මහ මැතිවරණයේ දෙවැනි වටය හෙට (26) ආරම්භ වෙයි. කේරළ සහ කර්ණාඨක ප්රාන්ත වැසියන්ට ඡන්දය ප්රකාශ කිරීමට අවස්
ග්රීසියේ ඇතන්ස් අගනුවර වැසියන් මවිතයට පත් කරමින්, ඇතන්ස් අහස අඳුරු වී තැඹිලි පැහැයක් ගත්තේය. මෙම අසාමාන්ය සංසිද්ධිය සම්බන්ධයෙන්, ග්රීක කාලගුණ විද
යුක්රේනයට පවුම් මිලියන 500 (ඇමෙරිකන් ඩොලර් මිලියන 500) ක යුද ආධාර පැකේජයක් යුක්රේනයට ලබා දීමට බි්රතාන්ය අග්රාමාත්ය රිෂී සුනාක් කැමැත්ත පළ කර ඇත.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
බැංකොක් ගංවතුරින් යටවුණාට විපක්ෂයෙන් අගමැතිනියට දොස්