2024 අප්‍රේල් මස 23 වන අඟහරුවාදා
දෙපැයක් පමාවී ගුවන්යානයකට ගොඩවීමට පැමිණි පකිස්තාන දේශපාලඥයින් දෙදෙනෙකුට ගුවන්යානයේ සිටි මගීන් 250 දෙනාගේ විරෝධය හමුවේ නැවත හැරී යෑමට සිදුවිය.
පකිස්තාන ගුවන්සේවයට අයත් මෙම ගුවන්යානය කරච්චි ගුවන්තොටුපළෙන් ගුවන්ගතවීමට නියමිතව තිබියදී අති විශේෂ හෙවත් වී.අයි.පී පුද්ගලයින් දෙදෙනෙකු පැමිණෙමින් සිටිතියි යැයි ලැබුණු පණිවුඩයක් නිසා ඔවුන් එනතෙක් ගුවන්ගතවීම අත්හිටුවිනි.
මගීන් මේ බැව් නොදැන ගමනට ප්‍රමාදය මන්දැයි විමසන්නට වීම නිසා අවසානයේ ගුවන්යානා කාර්යමණ්ඩලය යානය නවතා ගෙන සිටීමේ සැබෑ හේතුව ඔවුන්ට කීහ.
ඒ අසා කුපිත වූ මගීන් පාලනය කිරීමට කාර්ය මණ්ඩලයට දැඩි වෙහෙසක් දැරීමට සිදුවූ අතර මේ වන විට යානය නවතාගෙන තබා පැය 2 කට ආසන්න කාලයක්ද ගතව තිබිණ.
අවසානයේ අති විශේෂ යැයි කියූ පුද්ගලයෝ දෙදෙනා පැමිණියහ.ඔවුන්ගෙන් එක් අයෙක් සෙනෙට් සභිකයෙකු වන රෙහ්මාන් මලික් විය.අනෙකා පාර්ලිමෙන්තු මන්ත්‍රීවරයෙක් වන ආචාර්ය රමේෂ් කුමාර් වක්වානි විය.
දෙදෙන යානය වෙත ළං වෙද්දී මගීහු උපහාසාත්මක වදන් වලින් ඔවුනට සංග්‍රහ කළහ.ආචාර්ය රමේෂ් කුමාර් හට යානයේ අසුන් ගැනීමට හැකිවූවත් සෙනෙට් සභික රෙහ්මාන් මලික්ට මගීන්ගේ විරෝධය හමුවේ යානයට ඇතුල්වීමටවත් නොහැකි විය.
මගීන්ගේ විරෝධය පරදනු නොහැකිව ඔහු නැවත හැරී ගියේය.
‘‘සමාවෙන්න ඕනෙ මලික් මහත්තයා.එත් ඔයා යන්න ඕනේ.මේ මගීන්ගෙන් ඔයා සමාව ඉල්ලා සිටින්න ඕනේ.ඔයා ලැජ්ජා වෙන්න ඕනේ ඔයා ගැන.අපි 250 දෙනෙක් කාලය නාස්ති කළා ඔයා වෙනුවෙන්.‘‘ යැයි මගීහු හඩනැගූහ.
ආචාර්ය රමේෂ් කුමාර්ටද තම අසුනින් නැගිට ගුවන් යානයෙන් පිටව යෑමට සිදුවිය.ඔහු පසුපසින් මගීන් ‘‘ලැජ්ජයි,ලැජ්ජයි,ලැජ්ජයි‘‘ කියමින් ඝෝෂා කළහ.
මේ සම්බන්ධයෙන් පසුව ප්‍රකාශයක් නිකුත් කර තිබූ පකිස්තාන ගුවන්සේවය පවසා තිබුණේ කාර්මික දෝශයක් නිසා මෙසේ යානය ගුවන්ගත කිරීම ප්‍රමාද කළ බවයි.යානයේ දෝශයක් නිසා ගුවන්ගතවීම ප්‍රමාද කරන බව සදහන් කරමින් කෙටි පණිවුඩද මගීන්ගේ දුරකථන වෙත කල්වේලා ඇතිවම යැවූ බවද එම ප්‍රකාශයේ වැඩිදුරටත් සදහන්ය.
රෙෂ්මාන් මලික්ද මුහුණදෙන්නට වූ සිදුවීම පිළිබදව තම ට්විටර් ගිණුම යාවත්කාල කර තිබුණේ ‘‘කාර්මික දෝශයක් නිසා ගුවන්යානය පමා වුනා.නැතුව මගේ වැරැද්දක් නිසා නොවේ‘‘යැයි සදහන් කරමිනි.
පකිස්තාන මාධ්‍ය වලට මෙම සිදුවීම උණු කැවුම් වැනිව තිබෙන අතර දේශපාලඥයින්ට සාමාන්‍ය ජනතාවට හිමි බලය ගැන හරි අවබෝධයක් ගත හැකි හොඳම උදාහරණයක් ලෙස ඔවුන් එය හදුන්වාදී තිබුණි.
ලෙබනනයේ හිස්බුල්ලා සටන්කාමීන් උතුරුදිග ඊශ්‍රායලයේ හමුදා මූලස්ථානයක් ඉලක්ක කර ගනිමින් රොකට් ප්‍රහාර මාලාවක් එල්ල කළ බව විදෙස් මාධ්‍ය පවසයි.
දෙදින නිල සංචාරයක් සඳහා පාකිස්තානයට පැමිණ සිටින ඉරාන ජනාධිපති ඊබ්‍රහීම් රයිසි සහ පාකිස්තාන අග්‍රාමාත්‍ය ෂෙහ්බාස් ෂරීෆ් අතරේ හමුවක් ඉස්ලාමාබාද් අගන
ඊශ්‍රායල හමුදා බුද්ධි අංශ ප්‍රධානී මේජර් ජනරාල් ඇරොන් හලීවා ඉල්ලා අස්විය. හමුදා බුද්ධි අංශ ප්‍රධානියා මෙසේ ඉල්ලා අස් වූයේ පසුගිය ඔක්තෝබර් 7 වැනිදා ඊශ්
චීනයේ ප්‍රධාන නගරවලින් අඩක් ගිලා බසිමින් පවතින බව විදෙස් මාධ්‍ය අනාවරණය කරයි. විදෙස් මාධ්‍ය මේ බව අනාවරණය කළේ ජගත් භූ විද්‍යාඥයන් ‘සයන්ස්’ විද්‍යා සඟ
ශ්‍රී ලංකා සංචාරට පෙර ඉරාන ජනාධිපති ඊබ්‍රහීම් රයිසි දෙදින නිල සංචාරයක් සඳහා පාකිස්තානයට පැමිණියේය. ඉරාන ජනාධිපති රයිසිට පාකිස්තාන අග්‍රාමාත්‍ය ෂෙහ
මාලදිවයින පාර්ලිමේන්තු මැතිවරනයෙන්, දැඩි චීන හිතවාදියකු වන මාලදිවයින ජනාධිපති මොහොමඞ් මුයිසුගේ ‘ජනතා ජාතික කොංග්‍රසය’ දේශපාලන පක්ෂය විශිෂ්ට ජයක් හ
2024 අප්‍රේල් මස 09
278
0
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness
2024 මාර්තු මස 14
1627
0
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
2024 පෙබරවාරි මස 19
1513
2
ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
පමාවූ දෙන්නාට පියාඹන්න ඉඩ නොදේ
ඇන්ඩෘ Wednesday, 17 September 2014 11:59 AM
අන්න ඒකට ලංකාව. මෙහෙ ඔහොම වුනානම් ඇමතිලා දෙන්න යයි. අර මගීන් 250 හම අත්‍ අඩංගුවට අරගන රිමාන්ඩ් කරලා තියන දඩුවම් ඔක්කොම දෙයි. (ස)
රජින්ද Thursday, 18 September 2014 11:50 AM
"ලකී දොඩන්ගොඩ" මහත්තය සමග මමත් එකඟයි. මමත් තව බොහෝ පිරිසකුත් ශ්‍රී ලංකන් ගුවන් සේවය ප්‍රතික්ෂේප කරලා හුගක් කල් වෙනවා. ඔවුන් ලාංකිකයෝ වෙච්ච අපට සලකන්නේ අර අප්‍රිකානුවන්ට සුද්දෝ සලකන විදිහට.(අ)
නිමල් ලලිත Thursday, 18 September 2014 03:21 AM
හරි පිට කොන්දක් ඇති නියම ගුවන් මඟීන් (නි)
බන්ටි Thursday, 18 September 2014 01:07 PM
මමත් මලාට ශ්‍රී ලන්කන් නම් යන්නේ නැ... හපොයි කියල හිතෙනවා.... එක පාරයි ගියේ ආසාවට. එච්චරම තමයි ඉතින්. සර්විස් එක පිරිසිදු කම , බින්දුවටම බැහැල අනිත් එයාර් ලයින්ස් එක්ක බලද්දී (අ)
දිනේෂ් Thursday, 18 September 2014 03:49 AM
එ්කනේ අපේ ගමන් වලට අපි වෙනම ගුවන් යානයක් ගෙනියන්නේ (නදී)
කින් බෙනට් Wednesday, 17 September 2014 04:28 PM
නියම වැඩේ ...! (නි)
රංජිත් සිල්වා Thursday, 18 September 2014 04:15 AM
ගමන් කිරීම ඇත හැර තමන්ගේ දුබල කම වහ ගන්නේ නැතුව විරෝධය දක්වා ජය ගැනීම ගැන මේ මිනිස්සු ඉතා වටිනවා . පරාජය යනු දුබලයාගේ වත් කම වේ. (ස)
ලකී දොඩන්ගොඩ Wednesday, 17 September 2014 05:32 PM
මෙවැනි රස්තියාදුවීම් මට කොපමණ වී තිබේද? එනිසා මම ගුවන් ගමන් යෑමට ශ්‍රී ලන්කන් සේවය අතහැර දැම්මා (නි)
තුසිත Thursday, 18 September 2014 04:27 PM
පාකිස්තානේ එහෙම වුණත් ලංකාවේ එහෙම වෙන්නෙ නැහැ (නි)
විජේදාස Thursday, 18 September 2014 07:20 PM
මේවායින් පාඩම් ඉගෙනගන්න ඕනෑ ලංකාවේ අය. තවමත් ලංකාවේ ඉන්නේ දේශපාලුවෝ එනකොට ලේන්සුව කරෙන් අතට අරගෙන කාණුවට බහින අයයි, ඔවුන්ට පන්දම් අල්ලන අයයි විතරයි. මේවා බලලාවත් ජනතාවට තිබෙන හයිය ජනතාව තේරුම්ගන්න ඕනෑ (නි)
චමින්ද Wednesday, 17 September 2014 09:01 PM
ලංකාවෙත් මීට කලින් ඔවැනි කෙනෙක් හිටියා. (නි)