තැපෑලටත් ඩ්‍රෝන යානා යොදාගැනීමට ඇමරිකා ආයතනයක් සැළැසුම් කරමින් සිටී.

මේ දිනවල කතාබහට ලක්වන ඩ්‍රෝන යානා ප‍්‍රචලිතව ඇත්තේ නියමුවන් රහිත ප‍්‍රහාරක යානා ලෙසය.දුරස්ථ පාලකයකින් පාලනය වන මේ යානා ඇමරිකා හමුදා මෙහෙයුම් වලදී නිරතුරුම යොදා ගැනේ.සතුරාට නොදැනෙනසේ ගුවනේ සිට ඔත්තු බැලීමේ කාර්යයටද ඩ්‍රෝන යානා යොදාගනු ලබයි.

මැට්නේට් නම් මේ ආයතනයේ වෑයම යුද මෙහෙයුම් වෙනුවෙන් නිර්මාණය කර ඇති ඩ්‍රෝන යානා වෙනත් එදිනෙදා සේවාවන් සපයා දීමටත් හැකිවන සේ වැඩිදියුණු කිරීමයි.දැනටමත් එවන් ඩ්‍රෝන යානා සමූහයක් යොදාගනිමින් හයිටි හි නගර අතර භාණ්ඩ ප‍්‍රවාහනය කිරීමේ ව්‍යාපෘතියක්ද අරඹා ඇතැයි සදහන්ය.

සමාගමේ ඊළග උත්සාහය ඩ්‍රෝන යානා මගින් කෙරෙන තැපැල් සේවයක් හදුන්වාදීමටයි.ඒ සදහා ඔවුන් තෝරාගෙන ඇත්තේ ඇමරිකාවේ මැන්හැටන් නගරය වන අතර ළගදීම අත්හදා බැලීමේ ව්‍යාපෘතියක් කි‍්‍රයාත්මක කිරීමට නියමිතව තිබේ.

භාණ්ඩ ප‍්‍රවාහන සේවයටත්,තැපැල් සේවයටත් ඩ්‍රෝන යානා යොදාගතහොත් දැනට එම සේවාවන් සදහා වැය කරන විශාල මුදල ඉතිරිකර ගත හැකි වනු ඇතැයි මැට්නේට් සමාගම පවසයි.