විරෝධතා නවත්වා සාමකාමීව හැසිරෙන්නැයි තුර්කි අගමැති රිසෙප් ටයිප් එඞ්රෙගොන් කළ ඉල්ලීම නොසළකා ඊයේ (10) එරට අන්කාරා නුවර දැවැන්ත විරෝධතා රැලි පැවැත් වුණු අතර විරෝධතාකරුවන් සහ කැරැලිමර්දන පොලිස් නිලධාරීන් අතර දරුණු ගැටුම් හටගත්තේය.
අගමැති එඞ්රෙගොන්ට ධුරයෙන් ඉවත් වන ලෙසටත්, කඩිනමින් මහ මැතිවරණයක් පවත්වන ලෙසටත් විරෝධතාකරුවන් ඉල්ලා සිටින අතර අගමැතිවරයා පවසා ඇත්තේ එය කිසිසේත් සිදුනොවනු ඇති බවය. මේ හේතුව නිසා විරෝධතා උත්සන්න විය.  
තුර්කියේ විරෝධකා ඇරැඹුණේ ඉකුත් සති අන්තයේදීය. ඒ, ඉස්තාම්බුල් නුවර උද්‍යානයක වෙළෙඳ සංකීර්ණයක් ඉදිකිරීමට රජය සැරසෙද්දීය.
මේ වනවිට තුර්කියේ සෑම ප‍්‍රධාන නගරයකම විරෝධතා පැවැත්වෙන බව වාර්තා වේ. ටියුනීසියාවේ, ලිබියාවේ සහ ඊජිප්තුවේ සිදුවූවාක් මෙන් ‘අරාබි වසන්තයක්’ තුර්කියට උදා වීමට ඉඩ නොදෙන බව ද අගමැතිවරයා පවසා තිබේ.