කවගොයිහිදීය (ඒ.එෆ්.පී/රොයිටර්)
ඇමෙරිකා එක්සත් ජනපද ජනාධිපති ඩොනල්ඞ් ට්රම්ප් තම පළමු ආසියා සංචාරය ආරම්භ කරමින් අද (5) ජපානයට පැමිණියේය.
විදෙස් මාධ්ය ඇමෙරිකා ජනාධිපතිවරයාගේ ආසියානු සංචාරය ‘මැරතන් ආසියානු සංචාරය’ යනුවෙන් නම් කර තිබූ අතර ඇමෙරිකා ජනාධිපතිවරයා ආසියානු සංචාරය ආරම්භ කරනුයේ උතුරු කොරියාවත් එක්සත් ජනපදයත් අතර උණුසුම් තත්ත්වයක් ඇති වී තිබෙන කාලයකදීය. උතුරු කොරියාවේ න්යෂ්ටික හා මිසයිල අත්හදා බැලීමේ වැඩසටහන් නිසා උතුරු කොරියාවත් ඇමෙරිකාවත් අතර පසුගිය මාස කිහිපයේදී උණුසුම් තත්ත්වයක් ඇතිවිය.
ජපානයට පැමිණි ඇමෙරිකා ජනාධිපති ඩොනල්ඞ් ට්රම්ප් ටෝකියෝ අගනුවර ආසන්නයේ වන යොකෝටාහි තිබෙන ඇමෙරිකා එක්සත් ජනපද ගුවන් හමුදා කඳවුරේ සංචාරයක නිරත විය. එහිදී සාමය හා ආරක්ෂක නිදහස වෙනුවෙන් අවශ්ය හමුදා සම්පත් වෙන් කිරීම තහවුරු කරන බව සොල්දාදුවන් හමුවේ ට්රම්ප් ජනාධිපතිවරයා පොරොන්දුවක් ද දුන්නේය.
ඇමෙරිකා ජනාධිපතිවරයකු වසර 25කට පසු ආසියාවේ නිරත වන දීර්ඝතම සංචාරය ට්රම්ප් ජනාධිපතිවරයා මෙලෙස ආරම්භ කරන ලදි. මෙම සංචාරයේදී ඇමෙරිකා ජනාධිපතිවරයා ජපානය, දකුණු කොරියාව, චීනය, වියට්නාමය, පිලිපීනය යන රටවලට යෑමට නියමිතය. ඒ අතරවාරයේදී ඔහු රුසියානු ජනාධිපති ව්ලැදිමීර් පුටින් හමුවීමට ද නියමිත බව පැවසේ. පුටින් ජනාධිපතිවරයා සමඟ උතුරු කොරියානු අර්බුදය සම්බන්ධයෙන් සාකච්ඡා කරන බව ද ඇමෙරිකා ජනාධිපතිවරයා ප්රකාශ කර තිබේ.
ආසියානු සංචාරයේදී ඇමෙරිකා ජනාධිපතිවරයා ආසියා ශාන්තිකර ආර්ථික සහයෝගීතා සමුළුව, අග්නිදිග ආසියානු රටවල සංවිධානයේ 50 වැනි සංවත්සර සමුළුව හා ඇමෙරිකා එක්සත් ජනපදය, රුසියාව හා ඉන්දියාව ද ඇතුළත් නැගෙනහිර ආසියානු සමුළුව යන සමුළුවලට ද සහභාගී වීමට නියමිතය.
“කිසිවකුට, කිසිදු ඒකාධිපතියකුට, කිසිදු රෙජිමයකට ඇමෙරිකාවේ අධිෂ්ඨානය හා විශ්වාසය අවතක්සේරු කළ කරන්න බැහැ” යැයි ඇමෙරිකා හා ජපාන සේනාංකවල අත්පොළසන් හමුවේ ඇමෙරිකා ජනාධිපතිවරයා ප්රකාශ කළේය. ජපානයේදී ඇමෙරිකා ජනාධිපතිවරයා ජපාන අග්රාමාත්ය ෂින්සෝ අබේ සමඟ ගොල්ෆ් ක්රීඩාවේ නිරත වීමට ද නියමිතය.
අවසන් වරට ආසියාවේ දීර්ඝ සංචාරයක නිරත වූයේ ඇමෙරිකාවේ හිටපු ජනාධිපති ජෝර්ජ් ඩබ් බුෂ්ය. ඔහු 1991 වසරේ අගභාගයේදී සහ 1992 වසරේ මුල් කාලයේදී ආසියානු සංචාරයක නිරත විය. ඩොනල්ඞ් ට්රම්ප් දින 12ක් ආසියාවේ රැඳි සිටීමට නියමිතය.
055
ඉන්දු චීන දේශසීමා අර්බුදය සම්බන්ධයෙන් ඉන්දීය නියෝජිතයන් සහ චීන නියෝජිතයන් අතරේ සාකච්ඡා ඊයේ (28) පැවැත්විණි. ඒ, චීනයේ බෙයිජීං අගනුවරදීය.
‘ඩාලි’ නමැති කන්ටේනර් නැව හැපී, බොල්ටිමෝර් ‘ෆ්රැන්සිස් ස්කොට් කී’ පාලමේ කඩා වැටුණු අවස්ථාවේ, අතුරුදන් වූ ඉදිකිරීම් සේවකයන් 6 දෙනාගෙන් දෙදෙනකුගේ සිරු
ජර්මනියේ ලිප්සිග් නුවරට නුදුරින් මාර්ගයක ගමන් කරමින් තිබුණු මගී බස්රියක් අනතුරට පත්විය. බස්රිය අනතුරට පත්වූයේ රියදුරාට එහි වේගය පාලනය කර ගැනීමට නොහැ
ලොව විශාලතම සර්පයා ලෙස සත්ව විද්යාඥයන් ලොව හඳුන්වා දුන්, අඩි 26 ක් දිග ඇනකොන්ඩා මරා දමා ඇතැයි විදෙස් මාධ්ය පවසයි. ඇනකොන්ඩා මරා දමා ඇත්තේ දඩයක්කරුවන් ප
මතභේදයට ලක් ව ඇති අරුණාචල් ප්රදේශ් ප්රාන්තය ඉන්දියාවේ කොටසක් ලෙස පිළිගන්නා බව ඇමරිකානු රාජ්ය දෙපාර්තමේන්තුව අවධාරණය කර තිබේ.
ඇමෙරිකාවේ, ෆ්ලොරීඩා ජනපදයේ දරුවන්ට සමාජ මාධ්ය භාවිතය තහනම් කර ඇත.
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
ට්රම්ගේ ආසියානු සංචාරය ඇරැඹේ
ධම්ම Sunday, 05 November 2017 02:37 PM
ශ්රී ලංකාවටත් ඇවිල්ලා හිටං අපවත් බලලා යන්නකෝ සර්....
bamunuarachchi Sunday, 05 November 2017 03:08 PM
“කිසිවකුට, කිසිදු ඒකාධිපතියකුට, කිසිදු රෙජිමයකට ඇමෙරිකාවේ අධිෂ්ඨානය හා විශ්වාසය අවතක්සේරු කළ කරන්න බැහැ” ඒකට අපි! වරද දාන්න කලින් වරද භාර ගන්නවා.