මේ වසර සාමයේ වසර කරමු යැයි ද ලෝක සාමය උදෙසා ඇප කැප වී කටයුතු කරන්නේ යැයි ද එක්සත් ජාතීන්ගේ නව මහලේකම්ධුරයේ රාජකාරි අරඹමින් හිටපු පෘතුගාල ජනාධිපති ඇන්තෝනියෝ ගුතරෙස් ප්රකාශ කළේය.
එක්සත් ජාතීන්ගේ නව වැනි මහ ලේකම්වරයා ලෙස ඇන්තෝනියෝ ගුතරෙස් අද (1) සිය රාජකාරි ආරම්භ කළේය. ලෝක සාමය වෙනුවෙන් තමන් ඇප කැප වී කටයුතු කරන බව ඇන්තෝනියෝ ගුතරෙස් එක්සත් ජාතීන්ගේ මූලස්ථානයේ දී විශේෂ දේශනයක් පවත්වමින් ප්රකාශ කළේය.
“එක් මානව පවුලක් ලෙස අභිමානය සහ බලාපොරොත්තු, ප්රගතිය හා සෞභාග්ය උදා කරගැනීමට උත්සහ කරනවා. සාමය රැඳී පවතින්නේ අප මතයි. සාමය වෙනුවෙන් ඇප කැපවී කටයුතු කරන්න මා සූදානම්. ඒ සඳහා මාත් සමඟ එක්වෙන්න. අදත් සෑම දිනකදීමත් අප එකමුතුව කටයුතු කරමු. 2017 සාමය උදෙසා වසර කරමු” යැයි ගුතරෙස් පැවැසීය.
තවදුරටත් අදහස් දැක් වූ එක්සත් ජාතීන්ගේ මහලේකම්වරයා-
“එක්සත් ජාතීන්ගේ මහ ලේකම් ලෙස වැඩ බාරගත් පළමු දිනයේදී මා හමුවේ දැවැන්ත ප්රශ්නයක් තිබෙනවා. මගේ හිතට වද දෙන ප්රශ්නයක් තිබෙනවා. නිමක් නොපෙනන යුද වැදීම්වලට ගැටුම්වලට මැදි වී සිටින මිලියන ගණනක් ජනතාව මුදා ගන්නේ කෙසේද ?
සිවිල් වැසියන් පීඩාවට පත්වෙලා. කාන්තාවන්, දරුවන් හා මිනිසුන් තුවලා ලබලා. ඔවුන්ට ඔවුන් තනාගත් නිවාස අතහැර යන්නට සිදුවෙලා. ඔවුන්ගේ නිවාස විනාශයට පත්වෙලා. රෝහල්, ආධාර රැගත් වාහනවලට ප්රහාර එල්ල වෙනවා.
මේ යුද වැදීම්වලින් කිසිවකුටත් ජයග්රහණයක් හිමිවන්නේ නැහැ. සමාජ හා ආර්ථික වැනසීමට ඩොලර් ට්රිලියන ගණනින් වියදම් කරනවා. අද වන විට ලෝකයේ සියලු කලාප අස්ථාවර වෙලා. ගෝලීය ත්රස්තවාදය නැමැති තර්ජනයක් අප හමුවේ තියෙනවා.
අද අලුත් අවුරුද්දක් ආරම්භ වෙනවා. නව අවුරුද්දේ මම අලුත් යෝජනාවක් කරනවා. මා සමඟ එක්වන්නැයි ඔබ සියලු දෙනාගෙන් ඉල්ලා සිටිනවා. සාමය ඇති කිරීමට මුල් තැන දෙමු. මේ වසර සාමයේ වසර කරමු.
අපේ ජීවිතවල අනුකම්පාව සහ සහෝදරත්වයේ සිට, සාකච්ඡාව සහ එකිනෙකාගේ දේශපාලන වෙනස්කම්වලට ගරු කිරීම දක්වාත්, සටන් බිමේ සටන් විරාමයේ සිට සාකච්ඡා මේසයේ සිට දේශපාලන විසඳුම් දක්වා අපි ගමන් කළ යුතුයි. සාමයේ අපේ අරමුණ හා මාර්ගෝපදේශය විය යුතුයි” යැයි එක්සත් ජාතීන්ගේ නව මහලේකම්වරයා තවදුරටත් පැවැසීය.
එක්සත් ජාතීන්ගේ නව මහ ලේකම්වරයාගේ පත්වීම හා ඔහුගේ ප්රකාශය සම්බන්ධයෙන් අදහස් දක්වමින් එක්සත් ජාතීන්ගේ ශ්රී ලංකා නේවාසික නියෝජිත ඌනා මැකෝලි මෙසේ කීවාය.
“සාමය ශ්රී ලංකාවට ඉතා වැදගත් සමීප සම්බන්ධයක් තිබෙන මාතෘකාවක්. ශ්රී ලංකා දිගු කාලීන හා තිරසර සාමයක් ළඟා කරගැනීම සඳහා කටයුතු කරමින් සිටිනවා. ශ්රී ලංකා ජනතාවගේ සාමය හා සංහිඳියාව සඳහා වූ ගමනට එක්සත් ජාතීන්ගේ සංවිධානය නිරන්තරයෙන් උපකාර කරනවා” යැයි ඇය වැඩිදුරටත් පැවැසුවාය.
එක්සත් ජාතීන්ගේ නව මහලේකම් ලෙස ඇන්තෝනියෝ ගුතරෙස්ගේ පත්වීමට සුබපතමින් ශ්රී ලංකා විදේශ කටයුතු පිළිබඳ අමාත්ය මංගල සමරවීර මහතා මෙසේ පැවැසීය.
“සාමයට මුල් තැනක් දීමට එක්සත් ජාතීන්ගේ නව මහලේකම්වරයා කටයුතු කිරීම සතුටට කරුණක්. එය නව වසරේ නව බලාපොරොත්තුවක්. නව අරමුණක්. සමස්ත ලෝකයත් ශ්රී ලංකාවත් සාමය වෙනුවෙන් කටයුතු කළ යුතුයි. ජනාධිපති මෛත්රීපාල සිරිසේන හා අග්රාමාත්ය රනිල් වික්රමසිංහ යන මහත්වරුන් යටතේ ශ්රී ලංකාවේ වත්මන් ජාතික ආණ්ඩුව රටට තිරසර සාමය හා සංහිඳියාව අත්පත් කරගැනීම සඳහා නිරන්තරයෙන් ඇප කැප වී කටයුතු කරනවා” යැයි ඔහු වැඩිදුරටත් කීවේය.
ආරක්ෂක සහයෝගීතාවක් වෙනුවෙන්, රුසියාවත් ඉරානයත් අතරේ අවබෝධතා ගිවිසුමකට අත්සන් තැබුණි. ඉරානය වෙනුවෙන් ඉරාන ජාතික ආරක්ෂක කවුන්සිලයේ මහ ලේකම් අලී අක්බා
ස්පාඤ්ඤ අග්රාමාත්ය පේඩ්රෝ සැන්චේස්ගේ බිරිඳට අල්ලස් චෝදනා එල්ල වී ඇති අතර, එම චෝදනා සම්බන්ධයෙන් වහා විමර්ශනයක් අරඹන්නැයි ස්පාඤ්ඤ අධිකරණයක් ඊයේ (24)
චීනය සමඟ යහපත් සබඳතා වර්ධනය කර ගැනීමේ අරමුණින්, ඇමෙරිකා රාජ්ය ලේකම් ඇන්තනි බ්ලින්කන් ඊයේ (25) චීනයේ බෙයිජීං අගනුවරට පැමිණියේය.
මාස දෙකහමාරක් තිස්සේ වට හතකින් පැවැත්වෙන ඉන්දීය මහ මැතිවරණයේ දෙවැනි වටය හෙට (26) ආරම්භ වෙයි. කේරළ සහ කර්ණාඨක ප්රාන්ත වැසියන්ට ඡන්දය ප්රකාශ කිරීමට අවස්
ග්රීසියේ ඇතන්ස් අගනුවර වැසියන් මවිතයට පත් කරමින්, ඇතන්ස් අහස අඳුරු වී තැඹිලි පැහැයක් ගත්තේය. මෙම අසාමාන්ය සංසිද්ධිය සම්බන්ධයෙන්, ග්රීක කාලගුණ විද
යුක්රේනයට පවුම් මිලියන 500 (ඇමෙරිකන් ඩොලර් මිලියන 500) ක යුද ආධාර පැකේජයක් යුක්රේනයට ලබා දීමට බි්රතාන්ය අග්රාමාත්ය රිෂී සුනාක් කැමැත්ත පළ කර ඇත.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ගුතරෙස් මානව පවුල සොයා යයි
දහම් Sunday, 01 January 2017 03:46 PM
අනේ ඉතින් මොනවා කරන්නද. බටහිරට හිස නමාගෙන රස්සාව කරයි. එච්චර තමයි. දෙබිඩි පිළිවෙත එහෙමම ඉස්සරහට යයි. (නි)
සත්යයා Monday, 02 January 2017 12:57 AM
එයා එයාගේ වැඩ ටික කොහොමහරි කරගනීවි. අපේ අය වචන සෙට් එක කාඩ් කුට්ටම වගේ අන අනා සංහිඳියා සඳුන් කැටය ගලගගා ඔහේ බලයේ ඉන්න හදාවි. ඊළඟට එන්න හිතාගෙන ඉන්න කෙනාත් ඒ සිංදුවම කියාවි. ජනතාව ඒ සමඟින් ආසන්න කර්මයත් ගෙවාදාවි. (නි)
ධම්ම Monday, 02 January 2017 05:49 AM
එහෙම කියන්න එපා සත්යයා. පෘතුගීසිකාරයෙක්වූ එතුමා අපේ නෑදෑයෙක් වෙන්නත් ඉඩ තියෙනවා. එතුමාට උපරිම සහයෝගය දෙමු. අපටත් ඔය විසිවෙන කට්ටක්වත් අහුලාගන්න බැරිවෙන එකක් නැහැ. (නි)
ජනහිත Monday, 02 January 2017 06:38 AM
සාමය සාධාරණත්වය සැමට එකසේ පවතිනවා වගේම ත්රස්තවාදය හා ත්රස්තවාදීන් ලොවෙන් ඉවත් කිරීමට සාධාරණ සැම සහයෝගය දකවමු. (නි)