ඉරාන ඉස්ලාමීය ජනරජයේ 11 වැනි ජනපතිවරණයේ පළමු වටය අද (14) පැවැත්වීමට නියමිතය.
අපේක්ෂකයන්ගෙන් කිසිවකු හෝ සියයට 50 කට වැඩි ඡුන්ද ප්රතිශතයක් හිමිකර ගැනීමට නොහැකි වුවහොත් ජනපතිවරණයේ දෙවැනි වටය ලබන 21 වැනිදා පැවැත්වෙයි.
දෙවැනි වටය පැවැත්වෙනේ වැඩිම ඡන්ද සංඛ්යාවක් හිමිකර ගන්නා අපේක්ෂකයන් දෙදෙනා අතරේය.
ඉරාන විප්ලවයෙන් පසු, ඉරානයේ පවතින්නේ ඉස්ලාම් දහම පාදක කොට ගත් දේශපාලන ක්රමවේදයකි.
උත්තරීතර ආධ්යාත්මික නායක අයතුල්ලා කොමේනී සහ ඔහුගේ නායකත්වයෙන් යුත් උත්තරීතර පාලක මණ්ඩලය, ජනපති ධුරය ඉක්මවා ගිය සුපිරි බලතල හිමි වී ඇත.
ඉරානයේ ජනපති ධුරය සඳහා තරග වැදීමට නම්, අපේක්ෂකයන්ට එම උත්තරීතර පාලක මණ්ඩලයේ ද අනුමැතිය හිමි විය යුතු වේ.
දහසකට වැඩි අපේක්ෂකයන් පිරිසක් නාම යෝජනා ඉදිරිපත් කළ නමුත්, අවසානයේ දී උත්තරීතර පාලක මණ්ඩලයේ අනුමැතිය හිමි වූයේ අපේක්ෂකයන් අට දෙනකුට පමණි. පසුව එය සය දෙනකු තෙක් අඩු විය.
මොහොමඞ් බගේර් ගලීබාෆ්, මොහොමඞ් ඝරාසී, සයීඞ් ජලීල්, මොහ්සෙන් රෙසා අරේෆ්, හසන් රොහානී සහ අලී අක්බාර් වෙලයාටි අවසන් සය දෙනාය.
ඔවුන් අතරින්ද ඉදිරියෙන් සිටින්නේ අපේක්ෂකයන් තිදෙනෙකි. සහීඞ් ජලීල්, හසන් රොහානී සහ මොහොමඞ් බගේර් ගලීබාෆ්ය.
47 හැවිරිදි සහීඞ් ජලීල්, ඉරානයේ න්යෂ්ටික වැඩසටහන සම්බන්ධයෙන් ඉරානය සහ බටහිර රටවල් අතර මැදහත්කරු ලෙස කටයුතු කළේය. මොහු දැඩිමතධාරියෙකි.
54 හැවිරිදි හසන් රොහානී, මධ්යස්ථමතධාරියෙකි. ආගමික නායකයකු ද වන රොහානී පවසා ඇත්තේ, ජනපති ධුරයට පත්වුවහොත් ඔහු ඇමෙරිකාව සහ සෙසු බටහිර රටවල් සමඟ වඩාත් සමීප වී කටයුතු කරන බවය. 2005 වසර තෙක් ඉරානයේ න්යෂ්ටික වැඩසටහන සම්බන්ධයෙන් ඉරානය සහ බටහිර රටවල් අතර මැදහත්කරු ලෙස කටයුතු කළේ මොහුය.
මොහොමඞ් බගේර් ගලීබාෆ්, ටෙහෙරාන් නුවර පුරපතිවරයාය. 51 හැවිරිදි මොහු හිටපු පොලිස්පතිවරයාද වෙයි. වත්මන් ජනපති අහමදිනෙජාද්ගේ සමීපතම මිතුරාය.
ඉරානයේ දේශපාලනය මෙන්ම මැතිවරණ ද ප්රධාන වශයෙන් පවතින්නේ ප්රතිසංස්කරණවාදීන් හා දැඩි මතධාරීන් අතර සටනක් ලෙසය.
ජනපතිවරණයකට ඉදිරිපත් වන අපේක්ෂකයන්ගේ අභ්යන්තර කටයුතු සහ විදේශීය ප්රතිපත්ති ජනපතිවරණයෙන් ජයග්රහණය කිරීමට ප්රධාන සාධක වෙයි.
ව්යවස්ථාවට අනුව වත්මන් ජනපති මොහොමඞ් අහමදිනෙජාද් ධුර කාල දෙකක් එනම් වසර 8 ක් ජනපති ධුරය හෙබැවූ හෙයින්, මෙම ජනපතිවරණයට ඉදිරිපත් වීමට අවස්ථාවක් නොලැබේ.
ඔහුට මීළඟ ජනපතිවරණයට ඉදිරිපත් වීමේ හැකියාවක් ඇත.
පාකිස්තානයේ ට්රක් රථයක් ප්රපාතයකට පෙරළීමෙන් එකම පවුලේ අට දෙනෙකු මියගොස් ඇති බව විදෙස් මාධ්ය වාර්තා කරයි. අනතුර සිදුවූයේ පාකිස්තානයට අයත් කයිබර් ප
ගාසා තීරයට ලබා දෙන ආධාර වැළැක්වීමෙන්, ගාසා තීරයේ සාගතයක් නිර්මාණය කළ බවටත්, එය වළක්වා ගැනීමට ඊශ්රායලය අපොහොසත් වූ බවටත් චෝදනා එල්ල වෙයි. ඊශ්රායලයට ම
සිරුරින් බද්ධ වුණු, ඇබී සහ බ්රිට්නි නමැති ඇමෙරිකන් නිවුන් සොහොයුරියන් දෙදෙනා මවු පදවියට සූදානම් බව විදෙස් මාධ්ය පවසයි. මෙම සොහොයුරියන් දෙදෙනාට හිස
ඇමෙරිකන් බිලියනපති, ව්යාපාරික, සැම් බෑන්ක්මන් ෆ්රයිඞ්ට වසර 25 ක සිරදඬුවමක් නියම කර තිබේ. ඒ, ඔහු මූල්ය වංචා සහ මුදල් විශුද්ධිකරණ චෝදනා සම්බන්ධයෙන් නිව
පෘථිවිය කැරැකෙන වේගය එසේත් නැතිනම් භ්රමණය වන වේගය වැඩි වී, පෘථිවියේ වේලාව තත්පරයකින් අඩුවනු ඇතැයි ඇමෙරිකන් විද්යාඥයෝ පවසති.
පාස්කු බැතිමතුන් පිරිසක් ගමන් කරමින් සිටි බස් රියක්, දකුණු අප්රිකාවේ, ප්රපාතයකට පෙරැළී අනතුරක් සිදුවිය.
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දශක 6කට අධික ඉතිහාසයකට උරුමකම් කියන ශ්රී ලංකාවේ පුරෝගාමී රක්ෂණ සමාගම වන ශ්රී ලංකා ඉන්ෂුවරන්ස් සිය ජීවිත හා සාමාන්ය රක්ෂණ ව්යාපාර නීත්යානුකූල
ඉරාන ජනපතිවරණය අද
ලසන්ත Friday, 14 June 2013 01:17 PM
මුළු මැදපෙරදිග ගල්ෆ් රටවලටම මහත් හිසරදයක්ව ඇත්තේ ඉරානයයි. හේතුව ඔවුන් දැඩි මතදාරි පාලනයකට යන ලෙස ගල්ෆ් රටවලට කරන බලපෑම.මෙතැනදී ඇමරිකාව තම ගල්ෆ් රටවල පිහිටට ඉන්නේ.සෞදිය කවදාවත් අනෙක් රටවලට බලපෑම් නොකරයි. ලොව ෂියා මුස්ලිම් රටවල් නම් ඉරානේ සහ බහරේනයයි.අනෙක්වා සුන්නි මුස්ලිම් රටවල්ය.ෂියා මුස්ලිම් ව්යාප්තවාදේ වෙනුවෙන් පෙනී හිටින නිසා සුන්නි මුස්ලිම් අල්කයිඩාව වත් ඉරානෙට කැමති නැත. (නි)