ඇමසන් වනයේ පතල් කැණිම නවත්වන්නැයි ගෝත්‍රිකයෝ ජනපතිගෙන් ඉල්ලති

ඇමසන් වැසි වනාන්තර භූමියේ නීතිවිරෝධී පතල් කැණීම් වැඩි කිරීම සම්බන්ධයෙන් බ්‍රසිල ජනපති ජෙයාර් බොල්සනාරෝට එරෙහිට මුන්දුරුකු ගෝත්‍රික නායකයෝ චෝදනා කරති.

මුන්ඩුරුකු ආදිවාසී ගෝත්‍රික නායකයන් 15 දෙනෙකු බ්‍රසීල ජනාධිපතිවරයාට එරෙහිව මෙසේ චෝදනා ගොනු කර ඇත.

මෙම චෝදනා ඉදිරිපත් කිරීම සඳහා මුන්දුරුකු ගෝත්‍රිකයින් 50 දෙනෙකු බස් රථයකින් බ්‍රසීලියා නගරයට පැමිණ ඇති අතර ඔවුන්ගේ ගමනට සතියක් ගතවී ඇතැයි පැවසේ.

තම මුතුන් මිත්තන්ගේ ඉඩම් හරහා දිවෙන ටැපජෝස් ගඟේ ජල විදුලි වේලි ඉදිකිරීමේ සැලසුම නැවත ආරම්භ නොකරන ලෙසද ඔවුහු රජයෙන් ඉල්ලා සිටිති.

ටැපජෝස් ඇමසන් වනයේ පිහිටි පිරිසිදු ජලය සහිත විශාලම අතු ගංගාවකි.

පතල් හා වාණිජ කර්මාන්තයන්ට තම ඉඩම් වෙන් කිරීමෙන් ඔවුන්ගේ සංස්කෘතීන් විනාශ වනු ඇතැයි ගෝත්‍රික නායකයෝ පවසති.

පතල් කර්මාන්තයේදී ගංඟා වලට රසදිය මුසුවීමෙන් දූෂණය සිදුවන බවද ඔවුහු සඳහන් කරති.

නීතිවිරෝධී දැව කැපීම් ඉහළ යමින් පවතින බවත් බොල්සනාරෝගේ ලිහිල් ප්‍රතිපත්ති හේතුවෙන් පතල් කම්කරුවන් මුනුදුරුක්කු ඉඩම් ආක්‍රමණය කරන බවත් ආදිවාසීහු පවසා ඇත.

ටැපජෝස් ද්‍රොණියේ ආදිවාසී ගම්මාන 112ක මුන්දුරුකුවරුන් 13750ක් පමණ වාසය කරති.

(රොයිටර් පුවත් ඇසුරිණි - 085)

අදහස් (5)

ඇමසන් වනයේ පතල් කැණිම නවත්වන්නැයි ගෝත්‍රිකයෝ ජනපතිගෙන් ඉල්ලති

විජිත් Friday, 22 November 2019 09:54 AM

තමන් ඉපදුන බිම ඒ කියන්නේ තම නිජබිම දේශපාලනික බලයෙන් ,මුදල් තණ්හාවෙන් අන්ධ වුන රජයෙන්, බලෙන් අහිමි වෙමින් සිටිනා අහිංසකයින්.

: 0 22

Ruhunu Friday, 22 November 2019 10:02 AM

පුදුමයි මෙයාලා අද කලිසම් ඇඳගෙන ඇවිල්ලා...

: 33 2

Pradeep Friday, 22 November 2019 10:06 AM

මේ ගෝත්‍රික නායකයන්ට පරිසරය කෙරෙහි ඇති දැනුම සහ ලැදියාව උගත් යැයි කියාගන්නා පාලකයින්ට නොමැතිවීම කණගාටුවට කරුණක්. එදා ඇමරිකන් සුදු මිනිසුන්ට රතු ඉන්දීය නායක සියැටල් පෙන්වා දුන් කරුණු ගැන එදා ඔවුන් අවධානය යොමු කළේ නෑ. එහි ආදීනව අදටත් විඳිනවා. දැන් ලෝකයේ හදවත බඳු ඇමසන් වනාන්තරය විනාශ කරන්න හදනවා..

: 0 35

ලසන්ත Friday, 22 November 2019 12:16 PM

ඇමේසන් වනය ගිනිගනිද්දී එය නිවීමට විදේශ ආධාර එපා කියා කටයුතු කරන්න ඇත්තේ ඔය වැඩේට කියලා හිතෙනවා.

: 0 8

රවින් Friday, 22 November 2019 01:46 PM

හෝ හෝ ඔය එන්නේ. පහුගිය ටිකේ ඇමර්සන් වනය - ලෝක උරුමයක් ගිනිගෙන තියෙන හේතුව.. එළිකරන්න ගියොත් ලෝක කචල්... හොරෙන් ගිනිතිබ්බාම කවුරුන් කාට දොස් පවරන්නද? මානව හිමිකම් ජිනීවා කට්ටිය ඔය පතල් සමාගම් දරුණු ගණයේ මානව හිමිකම් උල්ලංඝණයක් හැටියට සලකලා සියලු සමාගම්වල මුළු අධ්‍යක්ෂ මණ්ඩලයම අධිකරණයෙන් ඉදිරියට ඉදිරිපත් කළයුතුවේ.

: 0 5